Avtobus, arxiv şəkli

Dərs başladı, onun problemləri də: Qabağa düşən isə taksilərdir

409
(Yenilənib 09:51 16.09.2019)
Çarəsiz qalan valideynlərin əksəriyyəti övladının məktəbə rahat və vaxtında gedib-gələ bilməsi üçün dərs ili boyunca taksi xidmətindən istifadə etməli olur

Zülfiyyə Quluyeva, Sputnik Azərbaycan

BAKI, 16 sentyabr — Sputnik. Yeni dərs ilinin başlanmasından sonra ictimai nəqliyyatda xaosun yaranacağı qaçılmazdır. Odur ki, son günlər gündəmə gələn məsələlərdən biri də, məktəb avtobuslarının fəaliyyətə başlamasıdır. Çünki, valideynləri məktəb ərəfəsi qayğılandıran əsas problemlərdən biri də, övladlarının ictimai nəqliyyatdan necə istifadə edəcəyidir. Danılmaz faktdır ki, yeni tədris ili başlayan kimi həm metroda, həmçinin də avtobuslarda basabas yaranır. Sentyabrın 15-dən sonra metro qatarlarına, sərnişin avtobuslarına minib-düşmək sözün əsl mənasında qəhrəmanlıq tələb edir. Pik saatlarda isə vəziyyət daha da dözülməz həddə çatır. Belə halda övladını məktəbə aparıb-gətirən valideynlər bəzən saatlarla ya avtobusun gəlişini gözləyir, yaxud da avtobusa rahat minmək üçün son dayanacağa qayıtmalı olurlar. Dünyanın bir sıra ölkələrində məktəblilərin rahat gediş-gəlişi məqsədilə məktəbli avtobusları xidmət göstərir. Azərbaycanda isə, məktəbli avtobusları ancaq bəzi özəl təhsil müəssisələrində təhsil alan şagirdlər üçün nəzərdə tutulub. Çarəsiz qalan valideynlərin əksəriyyəti övladının məktəbə rahat və vaxtında gedib-gələ bilməsi üçün dərs ili boyunca taksi xidmətindən istifadə etməli olur. Buna isə heç şübhəsiz ki, bütün valideynlərin maddi baxımdan imkanı çatmır.

Ekspertlər də, məktəbli avtobusu layihəsinin tətbiq edilməsinin vacib olduğu söyləyirlər. Nəqliyyat sahəsi üzrə ekspert Elməddin Muradlı deyir ki, məktəbli avtobusu ilə bağlı təklif bir neçə ildir ki, qüvvədədir. Həmsöhbətimiz məktəbli avtobuslarının fəaliyyətinin uşaqların təhlükəsizliyi baxımından da vacib olduğunu söyləyir: “Dərslər başlayan kimi yollarda avtomobillərin intensivliyi artır. Həmçinin şagirdlərin də sərnişin avtobusları ilə gedib-gəlməsi çətinləşir. Elə valideynlər var ki, məcburiyyət qarşısında uşağı məktəbə aparıb-gətirmək üçün taksi tutmalı olur. Bu problem illərdir ki, davam edir. Düşünürəm ki, sərnişin avtobuslarının fəaliyyəti vacibdir”.

E. Muradlı bildirir ki, bunun üçün dövlət büdcəsindən vəsaitin ayrılmasına da ehtiyac yoxdur: “Onsuz da valideynlər öz övladlarını məktəbə aparıb-gətirdikləri halda şəhərdaxili və Bakıətrafı sərnişindaşıma tariflərinə uyğun məbləğ ödəyirlər. Ola bilər ki, belə bir marşurutlar sırf məktəblilər üçün açılsın. Hər bir şagird bu nəqliyyat vasitəsindən istifadə edərkəb gediş haqqını ödəsin. Əsas məqsəd burada odur ki, şagirdlər ictimai nəqliyyatda sıxlıqdan əziyyət çəkməsinlər. Özümüz də şahidi oluruq ki, dərslər başlayandan sonra məktəblilər belində çanta xüsusilə səhər və axşam pik saatlarında avtobusa minə bilmirlər. Yaxud da avtobusda sərnişin sıxlığı elə həddə olur ki, ayaqüstə uzun məsafə qət etməli olurlar. Bu problemi nəzərə alıb daşıyıcılar arasında belə bir xətt üzrə müsabiqə elan etmək olar”.

E. Muradlı deyir ki, bəzən məktəblilərin rahat gediş-gəlişi üçün sərnişin avtobusları üçün ayrıca zolaqların salınması təklif edilir: “Qeyd edim ki, paytatxda bəzi yollarda sərnişin avtobusları üçün əlavə zolaqlar var. Amma paytaxtın infrastrukturu bunu bütün yollarda etməyə imkan vermir. Ona görə də, ən uğurlu variant məktəbli avtobuslarının fəaliyyətidir”.

Bakı Nəqliyyat Agentliyindən isə Sputnik Azərbaycan-a bildirdilər ki, belə bir marşrutun açılması üçün onlara müraciət daxil olmayıb. Qeyd edək ki, qardaş Türkiyədə bu funksiyanı bələdiyyə avtobusları həyata keçirir. Bizdə isə bələdiyyələrin sərnişindaşıma sahəsində təcrübəsinə tək-tək hallarda rast gəlinir.

409
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

16
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

16
Koronavirus testi, arxiv şəkli

Ölkədə daha 946 nəfər COVID-19-a yoluxub, 228 nəfər sağalıb

37
Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

BAKI, 25 oktyabr - Sputnik. Azərbaycan Respublikasında koronavirus (COVID-19) infeksiyasına 946 yeni yoluxma faktı qeydə alınıb, 228 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

Nazirlər Kabineti yanında Operativ Qərargahdan verilən məlumata görə, ölkədə son sutka ərzində 10037, hazırkı dövrədək isə 1291534 test aparılıb.

37

İlham Əliyev Azərbaycanı dəstəkləyən ölkələrin başçılarına məktublar ünvanlayıb

0
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

0
Mövzu:
Azərbaycan və Ermənistan arasında müharibə