Pulu daxılda gizlədən adam, arxiv şəkli

Havanı, vaxtı, eni-uzunu da hesabladılar, işəgötürənin qorxusu yaddan çıxdı

595
(Yenilənib 19:04 12.09.2019)
İşəgötürənlər əlilliyi olan şəxslərdən qorxurlar. Çünki sağlamlığı qaydasında olan şəxsə 21 gün, əlilliyi olan şəxsə isə 42 gün məzuniyyət verilməli, belə şəxslər qısa gün işləməlidirlər

İradə Cəlilova, Sputnik Azərbaycan

BAKI, 13 sentyabr — Sputnik. Bir neçə gün öncə Nazirlər Kabineti "Əlilliyi olan şəxslərin iş yerlərinin standartları"nı təsdiq edib. Standartlarda əlilliyi olan şəxslərin iş yerlərinin şəraiti müəyyənləşdirilib.

Həmçinin qeyd edilib ki, iş zamanı əmək şəraitinin gərginliyi və fasiləsiz müşahidə növbə müddətinin 25%-dən artıq olmamalıdır. İş yerində hava (temperaturu, rütubəti, hava cərəyanının sürəti, zərərli maddələrin olması) mütənasib əmək şəraitinə uyğun olmalıdır.

Binalarda dəhlizlərin eni 1,8 m-dən, qapıların girişinin eni 0,9 m-dən az olmamalıdır.

Əmək və Əhalinin Sosial Müdafiəsi Nazirliyinin məlumatına görə, ölkədə 620 minə yaxın əlilliyi olan şəxs var. Cari ilin ötən dövrü ərzində onlardan 1716 nəfərin məşğulluğu təmin edilib.

Vətəndaşların Əmək Hüquqlarını Müdafiə Liqasının sədri Sahib Məmmədov Sputnik Azərbaycan-a açıqlamasında Nazirlər Kabinetinin qərarını əhəmiyyətli hesab etdiyini deyib.

O, qeyd edib ki, əlilliyi olan şəxslərin iş yerlərinin standartları bu günə qədər olmayıb:

"Artıq bununla bağlı yeni bir qərar var. Qərarın necə həyata keçiriləcəyi isə hələ sual altındadır. Çünki əlilliyi olan şəxslər iş yerinə gəlib çatana qədər 4-5 standart hazırlanmalıdır. Buraya yaşayış binalarının əlilliyi olan şəxslər üçün uyğunlaşdırılması standartı, ictimai nəqliyyatın, dayanacaqların, səkilərin əlillər üçün uyğunlaşdırılması standartı və s. daxildir. Yəni bu standartlar olmalıdır ki, əlilliyi olan şəxs gəlib iş yerinin qarşısına çıxa bilsin. İş yerinə çatandan sonra onun iş yerinin standartları vacibdir".

S.Məmmədov əlavə edib ki, ötən il əlilliyi olan şəxslərin hüquqlarının qorunmasına dair qərar qəbul edilib. Buna əsasən isə Nazirlər Kabineti qərar verib: "Ancaq bu qərarın necə yerinə yetiriləcəyi sual altındadır".

Əlilliyi olan şəxslərin məşğulluğuna gəldikdə isə Məmmədov vurğulayıb ki, onların məşğulluq səviyyəsi çox aşağıdır. 

Bu, 10 faiz ancaq olar: "Bunun çox səbəbləri var. Əsas səbəb isə müəssisəliyin olmaması və bütün imtiyazların işəgötürənlərin üzərinə qoyulmasıdır. İşəgötürənlər əlilliyi olan şəxslərdən qorxurlar. Çünki sağlamlığı qaydasında olan şəxsə 21 gün, əlilliyi olan şəxsə isə 42 gün məzuniyyət verilməli, belə şəxslər qısa gün işləməlidirlər. Bütün bunlar isə sahibkarın büdcəsinə zərərdir. Buna görə də işəgötürən əlilliyi olan şəxsi işə götürmək istəmir".

Digər tərəfdən isə əlilliyi olan şəxslərin bir qismi əlil arabalarından istifadə edir. Bir çox işəgötürənlər isə binada qapıların, liftlərin, mərtəbələrin əlil arabalarına uyğun olmadığını əsas gətirirlər.

"Artıq standartlar var, necə işləyəcəyi isə müəmmalıdır. Onu da qeyd edim ki, əlilliyi olan şəxslərin işlə təmin edilməsi 5-10 faizi keçmir. Müəyyən kvota olsa da, kvotaya əməl edilmir", - deyə Məmmədov bildirib.

595
Teqlər:
standart, qərar, Nazirlər Kabineti, işəgötürən, , əlillik, əlil
Əlaqədar
Azərbaycanda əlillik dərəcəsinin müəyyən edilməsi qaydaları dəyişəcək
Əlilliyi olan şəxslərə müjdə
Əlilliyi olan şəxslər üçün yeni elektron sistem yaradılır
Gözdən əlil abituriyentlər üçün ayrılan yerlər açıqlanıb
Əlilliyi olan şəxslərlə bağlı standartlar təsdiqləndi – Şərtlər saymaqla bitməyəcək

Şəhid general-mayorla doğulduğu Qəbələdə izdihamlı vida

1154
Azərbaycan-Ermənistan dövlət sərhədinin Tovuz rayonu istiqamətində gedən döyüşlərdə şəhid olan qəhrəman hərbçimiz, general-mayor Həşimov Poladın nəşi doğulduğu Qəbələnin Vəndam kəndinə gətirilib.

General-mayor Həşimov Polad İsrayıl oğlu qəhrəmanca şəhid olub. Onun nəşi doğulduğu Qəbələnin Vəndam kəndinə gətirilib. Məmləkətinə onunla vidalaşmaq imkanı yaradılıb.

Qeyd edək ki, şəhidimiz sabah paytaxtdakı İkinci Fəxri Xiyabanda son mənzilə yola salınacaq.

İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun  hərbi qulluqçuları çavuş Sadıqov Vüqar Lətif oğlu, baş əsgər Məmmədov Elşad Dönməz oğlu, baş leytenant Mahmudov Rəşad Rəşid oğlu, hərbi qulluqçumuz əsgər Daşdəmirov Xəyyam Məhəmməd oğlu, bu gün isə döyüş zamanı müdafiənin ön xəttində olan general-mayor Həşimov Polad İsrayıl oğlu, polkovnik Mirzəyev İlqar Anzor oğlu, mayor Əhmədov Namiq Hajan oğlu, mayor Novruzov Anar Gülverdi oğlu, gizir Zeynallı İlqar Ayaz oğlu, gizir Babayev Yaşar Vasif oğlu və müddətdən artıq həqiqi xidmət hərbi qulluqçusu, əsgər Mustafazadə Elçin Arif oğlu şəhid olub.

1154
Buzovnada çimərlik, arxiv şəkli

Bəla gələndə tək gəlmir: Payızı gözləyək, vəziyyət bir az da pisləşə bilər

567
Psixoloq bildirir ki, karantin qaydalarının davam etməsi, yeni vərdişlərin formalaşması insanlarda müəyyən narahatlıqlar yaradıb.

Nigar İsgəndərova, Sputnik Azərbaycan

BAKI, 14 iyul — Sputnik. Hər il mövsümi olaraq payız aylarında insanlar müəyyən depressiya yaşayırlar. Mütəxəssislər bunu “payız depressiyası” adlandırırlar. Kimdəsə bu depressiya özünü daha sərt, kimdəsə daha yumşaq formada biruzə verir.

Bu ilin payızında isə depressiyanın daha kəskin olacağı proqnozlaşdırılır. Bunun da əsas səbəbi məhz sərt karantin qaydaları, insanları yayda belə, dincəlmədən evdə keçirməsi, qayğılarının daha da artması ilə izah olunur.

Mövcud pandemiya şəraitinin payızda depressiyaya səbəb olmaması nə edilməlidir?

Psixoloq Elnur Rüstəmov Sputnik Azərbaycan-a açıqlamasında deyib ki, bu, daha çox payızda karantin rejiminin hansı formada davam etməsindən asılı olacaq: "Ona görə də hələlik bununla bağlı proqnoz vermək, payızda depressiya artacaq demək tələskənlik olardı. Çünki sentyabrda dərslərin açılması, bundan sonra iş yerlərinin də qismən bərpası insanların əhval-ruhiyyəsinə müsbət təsir göstərə bilər. Buna görə də, düşünürəm ki, biz hələlik payıza yox, bu günə hazırlaşsaq daha yaxşı nəticələr əldə etmiş olarıq. Yəni, karantin qaydalarına əməl etsək, qaydaları pozmasaq, maska taxıb sosial məsafəni gözləsək, gigiyenik qaydalara əməl etsək, bütün bunlar da karantin rejiminin yumşalmasına köklənə bilər".

"Biz bu il nə yazı, nə də yayı normal hiss etdik. Lakin mövcud vəziyyət payızda da davam edərsə, bu bir çox psixoloji problemlərin yaranmasına rəvac verə bilər. Psixoloji problem dedikdə, yalnız depressiya nəzərdə tutulmamalıdır. Bura təşviş, aqressiya və bir çox psixoloji problemləri də əlavə edə bilərik. Karantin qaydalarının davam etməsi, yeni vərdişlərin formalaşması onsuz da insanlarda müəyyən narahatlıqlar yaradıb. Çünki ötən ilin yayı ilə bu ilin yayını müqayisə etdikdə həyatımızda nə qədər dəyişikliklərin olduğunu görə bilərik. Ötən il insanların hamısı dincəlmək üçün harasa üz tutmasalar da,  ən azı istədikləri vaxtda evdən çıxa bilirdilər. İnsanlar rahatlıqla həyətə düşə, parka gedə bilirdilər. İnsanların bir azadlıqları var idi, bu gün isə o azadlıq məhdudlaşdırılıb", - deyə psixoloq əlavə edib.

O bildirib ki, insanlar asanlıqla yeni davranış modelinə uyğunlaşmış olsaydılar, bəlkə də karantin qaydaları bu qədər sərt olmazdı: "Bir toplum olaraq yeni davranış modelini bu rejimdə qəbul etməkdə çətinlik çəkdik. Çünki biz əl verib görüşməyə, sosial məsafə gözləməməyə öyrəşmişdik. Düşünürəm ki, bu gün hökumət payızdan daha çox bu günə köklənib yoluxanların sayının azalması, sağalanların sayının artmasına nail olmağı hədəfləyib. Yəni, bu gün hökumət payızdan daha əvvəl iyul və avqustda vəziyyəti nəzarətə almağı hədəfləyib".

567
Quşçuluq ferması

Quşçuluq təsərrüfatları çətin dönəmdə - Yeməyə toyuq tapmayacağıq

0
"Quş yemi idxalı bahalaşıb. Yemin qiyməti artsa da, quş ətinin yerli istehsalında qiymət artımı yoxdur"

Zülfiyyə Quluyeva, Sputnik Azərbaycan

BAKI, 15 iyul — Sputnik. "Quşçuluq təsərrüfatlarında çətinlik var. İşçilərin sayının azalması istehsala təsir edir".  Bu sözləri Sputnik Azərbaycan-a açıqlamasında Azərbaycan Quşçular Cəmiyyətinin sədri Aydın Vəliyev söyləyib. O bildirib ki, quş yeminin xaricdən gətirilməsi pandemiya dövründə istehsala təsirsiz ötüşməyib: "Quş yemi idxalı bahalaşıb. Yemin qiyməti artsa da, quş ətinin yerli istehsalında qiymət artımı yoxdur".

A.Vəliyev qanunsuz quş əti istehsalı məsələsinə də toxunub. O bildirib ki, belə gizli sexlərin aşkarlanması vacibdir: "Nəzarətsiz istehsal edilən quş ətləri, onlara vurulan maye araşdırılmalıdır. Bunu edənlər cinayətkardır. Quş əti istehsalı ilə qanuni məşğul olan şirkətlərin istehsal etdikləri məhsulun üzərində zəruri qeydlər olur. Məhsulun harada, nə vaxt istehsal edildiyi əks olunur. Amma bu gün gizli sexlərdə quş ətinə vurulan mayenin tərkibi məlum deyil".

0