CƏMİYYƏT
Cəmiyyətin həyatında baş verən aktual hadisələr

İtirdiklərinizi orada axtarın – Ünvan göstərildi

© Sputnik / Murad OrujovBakuBus avtobusu, arxiv şəkli
BakuBus avtobusu, arxiv şəkli - Sputnik Azərbaycan
Abunə olmaq
Sahibləri məlum olmayan, içərisində əsasən geyim olan çantalar və digər əşyalar "BakuBus" MMC-də saxlanılır

BAKI, 11 sentyabr — Sputnik. Avqust ayı ərzində "BakuBus" MMC-yə məxsus avtobuslarda sərnişinlər tərəfindən unudulan (itirilən) 8 ədəd çanta, 8 ədəd açar, 7 ədəd pulqabı, 2 ədəd mobil telefon, 1 ədəd qovluq, 1 ədəd kitab və 1 ədəd qeyd dəftəri sahiblərinə təhvil verilib. Bu barədə Sputnik Azərbaycan-a "BakuBus" MMC-dən məlumat verilib.

Yeni sərnişin avtobusları - Sputnik Azərbaycan
YAZARLAR
Sahibkarın sərvətinə sərvət qatan, həyatın dibindəki avtobus sürücüləri

Məlumatdan bildirilir ki, eyni zamanda sahiblərinə çatdırılması üçün 4 nəfərə məxsus şəxsiyyət vəsiqəsi, 1 nəfərə məxsus sürücülük vəsiqəsi, 1 nəfərə məxsus dövlət sosial sığorta şəhadətnaməsi və 1 nəfərə məxsus oxucu kartı "Poçtap" xidmətinə təqdim olunub. Həmçinin 9 ədəd eynək, 7 ədəd pulqabı, 4 ədəd mobil telefon, 4 ədəd açar, 3 ədəd müxtəlif kart, 1 ədəd qovluq, 1 ədəd boyunbağı, 1 ədəd sırğa və 1 ədəd çətir Bakı Şəhər Baş Polis İdarəsinə təhvil verilib.

Sahibləri məlum olmayan, içərisində əsasən geyim olan çantalar və digər əşyalar "BakuBus" MMC-də saxlanılır. Vətəndaşlar şəxsiyyəti təsdiq edən sənədi təqdim etməklə, özlərinə məxsus əşyaları 3 ay müddətində "BakuBus" MMC-dən təhvil ala bilərlər. Qeyd edək ki, sərnişinlər avtobuslarda unutduqları (itirdikləri) sənəd və əşyaların "BakuBus" MMC-yə daxil olub-olmaması barədə www.alo141.az saytından məlumat əldə edə bilərlər. "BakuBus" MMC-yə məxsus avtobuslarda tapılan sənədlərlə əşyaların şəkilləri və müvafiq məlumatlar saytda "İtirilən və tapılan əşyalar" bölməsində yerləşdirilir. Onu da qeyd edək ki, "BakuBus" MMC avtobuslarda sərnişinlər tərəfindən unudulan (itirilən) sənəd və əşyalara görə məsuliyyət daşımır.

Xəbər lenti
0