Svetlana Zeynalova, arxiv şəkli

Rusiyalı aparıcı: “Harada yaşamağımdan asılı olmayaraq, mən azərbaycanlıyam”

1528
(Yenilənib 19:10 11.09.2019)
Rusiyanın Birinci kanalının Azərbaycan əsilli aparıcısı Svetlana Zeynalova: “Moskvada yaşayan azərbaycanlılar məni özlərinki hesab etmirlər”

BAKI, 11 sentyabr — Sputnik. Rusiyanın "Birinci kanal"ının Azərbaycan əsilli aparıcısı Svetlana Zeynalova Bakıya səfəri ilə bağlı təəssüratlarını bölüşüb və azərbaycanlı kişilərin çox məsuliyyətli olduğunu qeyd edib.

Sputnik Azərbaycan-ın məlumatına görə, o, bu barədə Mixail Lomonosov adına Moskva Dövlət Universitetinin məzunları və tələbələri olan Ruslan Əhmədov, Nüşabə Kərimli və Ruslan Süleymanov tərəfindən həyata keçirilən "Paxlava production" layihəsinin qonağı olarkən danışıb. Qeyd edək ki, "Paxlava production"ın müəllifləri Rusiyada yaşayan məşhur azərbaycanlılarla müsahibə hazırlayaraq özünün "Youtube" səhifəsində yayımlayır. Bu dəfə layihənin qonağı Svetlana Zeynalova olub.

Onun sözlərinə görə, Bakıya səfəri zamanı mədəni şok keçirib. Şəhər güclü surətdə dəyişib, dəbli olub, texnoloji yenilikləri mənimsəyib və çox təmizdir.

"Moskvada yaşayan azərbaycanlılar məni özlərinki hesab etmirlər. İş ondadır ki, biz qadınıq, Azərbaycan mədəniyyəti isə kişiyanadır. Ola bilsin ki, bacım İradə ilə mən ona görə heç vaxt Moskvada azərbaycanlılarla təmas qurmamışıq. Ola bilsin, İradəni harasa dəvət ediblər, amma məni dəqiq heç yerə dəvət etmirlər. Sanki mən yerdə-göydə yoxam. Mən hətta kimə irad bildirəcəyimi də bilmirəm. Çünki heç kəsi tanımıram. Ona görə də, biz sanki öz dünyamızda yaşayırıq. Ola bilsin, həddindən artıq rusuq" – deyə Zeynalova bildirib.

"Keçmiş azərbaycanlı olmur" - deyən aparıcı, harada yaşamasından asılı olmayaraq, özünü azərbaycanlı hesab edir. Onun fikrincə, rus kişilərindən fərqli olaraq, azərbaycanlı güclü cinsin nümayəndələri ailə məsələlərində daha məsuliyyətlidirlər.

"Deyə bilərəm ki, azərbaycanlı kişilər rus kişilərdən daha güclüdürlər. Söhbət mənim qarşılaşdığım rus kişilərdən gedir. Azərbaycanlı kişilərin ailələri, həyat yoldaşları və uşaqları ilə bağlı bəlli bir anlayışları var. Hesab edirəm ki, hər bir kişi güclü olmalı, qərarları özü qəbul etməli və pul qazanmalıdır. Moskvada isə bu, başqa cürdür: güclü cinsin nümayəndələri müntəzəm olaraq heç nəyi həll etmirlər, hər şeyi qadınlar həll edirlər" - Zeynalova bildirib.

Svetlana Zeynalova radio və televiziya aparıcısıdır. Hazırda "Birinci kanal"da "Dobroye utro" verilişini aparır. 2015-ci ilə qədər "Maximum", "Business FM", "Naşe Radio" radiolarında verilişlər aparıb. Məşhur azərbaycanlı teleaparıcı İradə Zeynalovanın bacısıdır.

1528
Koronavirus testi, arxiv şəkli

Azərbaycanda son sutkada 714 nəfər koronavirusa yoluxdu - Yenə rekord

0
(Yenilənib 15:17 21.10.2020)
Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

BAKI, 21 oktyabr — Sputnik. Azərbaycanda bu gün koronavirus infeksiyasına 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 7 nəfər COVID-19-dan vəfat edib. Hazırkı dövrədək ölkəmizdə 46 min 593 nəfərin koronavirus infeksiyasına yoluxması faktı müəyyən edilib. Onlardan 40 min 448 nəfər müalicə olunaraq sağalıb, 642 nəfər vəfat edib. Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

0
İlham Əliyev, arxiv şəkli

Dövlət başçısı: Hər gün bayrağımız yeni bir yaşayış məntəqəsində ucaldılır

39
Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

BAKI, 21 oktyabr — Sputnik. "Öz doğma torpaqlarını görməyən, işğaldan sonra dünyaya göz açan hər bir azərbaycanlı həmin torpaqlara qayıtmaq arzusu ilə yaşayıb".

Sputnik Azərbaycan xəbər verir ki, bu barədə Azərbaycan Prezidenti İlham Əliyev öz "Twitter" hesabında yazıb.

Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

"Hər gün bayrağımız yeni bir yaşayış məntəqəsində ucaldılır. Budur Azərbaycan dövlətinin, Azərbaycan xalqının gücü", - deyə o əlavə edib.

39
Mövzu:
Azərbaycan və Ermənistan arasında müharibə
Milli Məclisin binası, arxiv şəkli

Milli Məclis Qarabağ münaqişəsi ilə bağlı videomüraciət yayıb

0
Milli Məclisin mətbuat və ictimaiyyətlə əlaqələr şöbəsindən Sputnik Azərbaycan-a verilən məlumata görə, videotəqdimatda millət vəkilləri və parlament aparatının əməkdaşlarının 22 dildə müraciəti yer alır.

BAKI, 21 oktyabr — Sputnik. Ermənistan-Azərbaycan, Dağlıq Qarabağ münaqişəsinin beynəlxalq ictimaiyyətə çatdırılması məqsədilə Milli Məclisin Sədri Sahibə Qafarovanın təşəbbüsü ilə millət vəkillərinin və parlament aparatının Beynəlxalq münasibətlər şöbəsinin əməkdaşlarının iştirakı ilə videoçarx hazırlanıb.

Milli Məclisin mətbuat və ictimaiyyətlə əlaqələr şöbəsindən Sputnik Azərbaycan-a verilən məlumata görə, videotəqdimatda millət vəkilləri və parlament aparatının əməkdaşlarının 22 dildə müraciəti yer alır.

Həmin videomüraciəti təqdim edirik:

0
Mövzu:
Azərbaycan və Ermənistan arasında müharibə