Səbail rayonu, Arif İsmayılov 51 ünvanında yerləşən qəzalı binaya bitişik digər yaşayış binasının da uçma təhlükəsi var

"Təhlükənin övladları": Bakıda sakinlər qəzalı binadan çıxmaq istəmirlər - REPORTAJ

918
(Yenilənib 17:54 11.09.2019)
Burada özünü sanki Braziliya favelalarında hiss edirsən, ya da qiyamət günündən bir sonrakı səhərdə. "Bina" adlandırılmalı tikililərin aşağı mərtəbələrin mənzillərinin ara divarları söküldüyündən, yuxarı mərtəbədə yaşayanlar ehtiyatla gəzirlər - ruh kimi...

Zülfiyyə Quluyeva, Sputnik Azərbaycan

BAKI, 11 sentyabr — Sputnik. Buradakı evlərdə yaşayanları kənardan baxanlar "bəxtəvər" saysalar da, atalar məsəli, "içi özlərini, çölü özgəni" yandırır. Çünki illərdir ki, Bakının Səbail rayonunda yaşamalarına baxmayaraq, nə şəraitləri şəraitdir, nə də yaşayışları yaşayış...

Nəhayət, "ağ günə" çıxacaqları ümidi ilə yaşayan sakinlər indi o vədənin yetişməsinə baxmayaraq, uçuq divarlar arasında gecələməli olurlar. Səbəbi isə yaşadıqları qəzalı binadakı mənzillərinə lazımınca kompensasiyanın verilməməsidir.

Səbail rayonu, Arif İsmayılov 51 ünvanında yerləşən qəzalı bina
© Sputnik / Zulfiyya Guluyeva
Səbail rayonu, Arif İsmayılov 51 ünvanında yerləşən qəzalı bina

Yəqin ki, çoxunuz söhbətin Səbail rayonu, Arif İsmayılov 51 ünvanında yerləşən qəzalı binadan getdiyini anladınız. "Su İdman Kompleksi"nin "iki addımlığında" yerləşən bu ev Nazirlər Kabinetinin müvafiq qərarına əsasən, kəskin qəzalı binalar siyahısına salınan 17 yaşayış binasından biridir. Səbail Rayon İcra Hakimiyyəti bu binada yaşayan 33 ailədən 25-ni köçürtsə də, 8 ailə hazırda bir hissəsi sökülən uçuq binada yaşamağa davam edir.

Bakının Səbail rayonunda yerləşən qəzalı bina
© Sputnik / Zulfiyya Guluyeva
Bakının Səbail rayonunda yerləşən qəzalı bina

Sakinlər Sputnik Azərbaycan-ın əməkdaşı ilə söhbət zamanı bildiriblər ki, binada yaşayanlardan bir neçəsinin kupçası olsa da, yerdə qalanlarının Mənzil İstismar Sahəsinin qeydiyyat sənədi var. Bu gün hər an uçma təhlükəsi altında olan bu binada yaşayanlardan ən yaşlısı Solmaz nənədir. 1972-ci ildən bu binadan ev aldığını söyləyən ağbirçək deyir ki, binanın 1 əsr yaşı var: "Bu bina əvvəllər neftçilərin yataqxanası olub, daha sonra məcburi köçkünlər və yerli əhali də orada məskunlaşıb. Ərazi 6-cı Mədən, loru dildə "Şestoy" adlanır. Mən 50 ilə yaxındır bu evdə yaşayıram. Rayon İcra Hakimiyyəti dəfələrlə bu binaya baxış keçirib. Sonra bizə dedilər ki, bina qəzalı vəziyyətdədir. Binanın yaşayış üçün yararlı olmadığı göz qabağındadır. Biz də köçürülməyimizə etiraz etmirik. Amma bizə verilən kompensasiya ilə özümüzə bu ərazidə ev də ala bilmirik. Mənim 81 yaşım var. Özümü yox, oğlumu, onun ailəsini fikirləşirəm. Nəvəm yaxınlıqda təhsil alır. Biz Xırdalanda ev alıb yaşamalı deyilik axı. Bu ərazidə evlərin bir kvadrat metrinin qiyməti 1500 manatdır. Bizə isə hər kvadrata 1000 manat verirlər. Bu da bizə sərf eləmədiyindən öz mənzilimizdən çıxmırıq. Kimin ki kənarda evi var, icra ilə razılaşıb çıxıb. Amma onlar da hələ ki kompensasiyanı ala bilməyiblər. Bizim isə olan-qopanımız bu 75 kvadrat metrlik mənzildir. Mən bu evi əlimin zəhməti, qabarı ilə almışam. Bunu nəzərə alan yoxdur".

Bakının Səbail rayonunda qəzalı bina
© Sputnik / Zulfiyya Guluyeva
Bakının Səbail rayonunda qəzalı bina

81 yaşlı Solmaz Əliyeva mənzilin kvadrat metrinə görə ən azı 1300 manat verilməli olduğunu söyləyir: "Köhnə bina olanda nə olar? Bizi çölə tökmək düzgün deyil axı... Elə qiymət versinlər ki, biz yolun o tayından ev ala bilək".

Uçuq binadan çıxmaq istəməyən digər sakinlər də Solmaz nənə ilə həmfikirdirlər. Onlar mənzillərinin hər kvadrat metrinə 1300 manat kompensasiya ödənilməyincə binanı tərk etməyəcəklərini söyləyirlər.

81 yaşlı Solmaz Əliyeva
© Sputnik / Zulfiyya Guluyeva
81 yaşlı Solmaz Əliyeva

Amma onların bu binada nə qədər müddət davam gətirə biləcəklərini söyləmək çox çətindir. Çünki binadakı mənzillərin çoxunun qapı-pəncərəsi, hətta eyvanları da sökülüb. Binanın həyətində köhnə tikinti materiallarından tikilən daxmalar darmadağın edilib. Taxta konstruksiyalardan tikilən binanın suvağı belə tökülüb. Binanın yuxarı mərtəbələri aşağıya doğru deformasiyaya uğrayıb. Sakinlər deyirlər ki, aşağı mərtəbələrin mənzillərinin ara divarları söküldüyündən, yuxarı mərtəbədə yaşayanlar ehtiyatla gəzirlər. Eyvana çıxmaq isə ümumiyyətlə təhlükəlidir. Çünki eyvanın döşəməsi tamamilə çürüyüb".

Ərazidə olarkən qəzalı binaya bitişik digər yaşayış binasının da uçma təhlükəsində olduğu diqqətimizdən yayınmadı. Sakinlər Rayon İcra Hakimiyyətindən bu binada yaşayanların bir il müddətində köçürülməsi barədə onlara vəd verildiyini söylədilər.

Bu binada yaşayan 33 ailədən 25-ni köçürtsə də, 8 ailə hazırda bir hissəsi sökülən uçuq binada yaşamağa davam edir
© Sputnik / Zulfiyya Guluyeva
Bu binada yaşayan 33 ailədən 25-ni köçürtsə də, 8 ailə hazırda bir hissəsi sökülən uçuq binada yaşamağa davam edir

O ki qaldı Arif İsmayılov 51 ünvanında yerləşən qəzalı binaya, Səbail Rayon İcra Hakimiyyətinin İnformasiya təminatı və təhlil sektoru şöbəsinin müdiri Anar Hüseynov hazırda ərazidə köçürülmə prosesinin davam etdiyini söylədi. Sakinlərin iddiasına gəlincə, A.Hüseynov köçürülmə prosesi yekunlaşdıqdan sonra bu barədə ictimaiyyətə geniş açıqlama veriləcəyini bildirdi.

Xatırladaq ki, Nazirlər Kabineti Bakı şəhərinin rayonlarında kəskin qəzalı vəziyyətdə olan, bərpa-gücləndirmə və əsaslı təmir işlərinin aparılması mümkün olmayan binalarda yaşayan sakinlərin köçürülməsi barədə qərar qəbul edib. Həmin qərarda göstərilir ki, qəzalı binalarda yaşayan sakinlərə maliyyə vəsaiti ödənilməklə onlar köçürülsünlər. Paytaxtın 6 rayonunda 17 belə kəskin qəzalı yaşayış binası var.

918
Teqlər:
köçürülmə, sakinlər, Bakı, qəzalı bina
Əlaqədar
Məcburi köçkünlər qəzalı binanı tərk etmir - İlginc səbəb
Bakıda sökülən bina ilə bağlı açıqlama
Bakının altı rayonunda binalar söküləcək - Siyahı
Paytaxtda böyük köç: Sakinlərlə razılıq əldə olundu
Qız evində toydur, oğlan evinin xəbəri yox – Bakıda yeni problemli ərazi yaranır
Məmur tibbi əlçəklə, arxiv şəkli

Qaydalara əməl etməyən sahibkarlar sahibkarlıq subyektlərinin adları açıqlandı

7
Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

 

BAKI, 4 dekabr — Sputnik. Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir. Agentlikdən aparılan reydlərlə bağlı Sputnik Azərbaycan-a verilən məlumata görə, Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəmkir, Sabirabad, Ağstafa, Mingəçevir) üzrə 488 ictimai iaşə obyektində 901 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.

Bakı şəhəri üzrə:

Bakı şəhəri, Nəsimi rayonu, Səməd Vurğun ev.68 ünvanında yerləşən, hüquqi şəxs "Kobra" kiçik müəssisəsinə məxsus yeməkxana, Həsən Əliyev ev 90D ünvanında yerləşən, fiziki şəxs Məmmədov Şəadət Arif oğluna məxsus obyekt, A. M. Şərifzadə ev 33 ünvanında yerləşən, fiziki şəxs Hüseynov Sənan Rasim oğluna məxsus "Kaktus" restoranı, Nizami Rayonu, Qara Qarayev pr. ev.69 ünvanında yerləşən, fiziki şəxs Heydərov Sahib Sabir oğluna məxsus "Ləzzət dönər" evi, Nəsimi rayonu, Alı Mustafayev 37B ünvanında yerləşən, fiziki şəxs İsmayılov Pənah Ələddin oğluna məxsus kafe, Nəsimi rayonu, Alı Mustafayev 3 mkr ev.10 K ünvanında yerləşən, fiziki şəxs Arzu Ekici Bayraməli qızına məxsus kafe, Binəqədi rayonu, Süleyman Sani Axundov ev.1 A ünvanında yerləşən, fiziki şəxs Nəbiyev Səfa Rəşadət oğluna məxsus "Cıdır Düzü" restoranı, Yasamal rayonu, Şərifzadə ev.2 M. ünvanında yerləşən, fiziki şəxs Bayramov Qalib Taryel oğluna məxsus "Quzu Təndir" restoranı, G.Mehmandarov küçəsində yerləşən, fiziki şəxs Həsənov Nail Telman oğluna məxsus kafe, Səbail rayonu, Yusif Məmmədəliyev ev.19 m.1 A ünvanında yerləşən, fiziki şəxs Muradov Kamran Namiq oğluna məxsus "Nutelland" kafesi, hüquqi şəxs "Nabikoğlu" Məhdud Məsuliyyətli Cəmiyyətinə məxsus "Chef Baku" kafesi, Yeni Günəşli qesəbəsində yerləşən, fiziki şəxs Rüstəmov Samin Ələddin oğluna məxsus kafe, Lökbatan qəs., keçid 1596 ünvanında yerləşən, fiziki şəxs Əliyev Elməddin Nazim oğluna məxsus "Lion Garden" kafesi, Həsən Əliyev, ev 115A ünvanında yerləşən, fiziki şəxs Hüseynov Elvin Fuqan oğluna məxsus kafe, Sulutəpə qəs., R. Allahverdiyev 11 ünvanında yerləşən, fiziki şəxs Xəlilov Bəhmən Məhəmməd oğluna məxsus kafe, H.Cavid pr. ev 8 ünvanında yerləşən, fiziki şəxs Mahmudov Alsavad Xalid oğluna məxsus "Şaurma №1" restoranı, Səbail rayonu, Neftçi Qurban Abbasov küç., ev.24a ünvanında yerləşən, fiziki şəxs Məhərrəmov Elgün Zakir oğluna məxsus kafe, Səbail rayonu, Neftçi Qurban Abbasov küç., ev.7 M. ünvanında yerləşən, fiziki şəxs Hüseynov Xəyyam Hüseyn oğluna məxsus yeməkxana, Biləcəri, R.İsmayılov 8 ünvanında yerləşən, fiziki şəxs Namazov Telman Fərəc oğluna məxsus "Rəmiş" kafesi;

Sumqayıt şəhəri, 3-cü mkr ünvanında yerləşən, fiziki şəxs Rəhimov Zaur Tofiq oğluna məxsus "Köz Dönər" kafesi, 9-cu mkr ünvanında yerləşən, fiziki şəxs Şamıyev Elvin Rəhim oğluna məxsus "Hicaz Dönər" kafesi, 13-cü mkr ünvanında yerləşən, fiziki şəxs Əliyev İlham İsmayıl oğluna məxsus "Tea" kafesi, Səməd Vurğun ev.25 ünvanında yerləşən, fiziki şəxs Zamanov Rasim Nadir oğluna məxsus "Rəvan" çay evi, 17-ci mkr ünvanında yerləşən, fiziki şəxs Ağayev Seymur Engels oğluna məxsus "Ordubad" kafesi, 3 mkr. Bakı küçəsində yerləşən, fiziki şəxs Cəfərov Nurəddin Allahverdi oğluna məxsus "Lider Dönər" kafesi, 34-cü məh. ünvanında yerləşən, fiziki şəxs Bayramov Müşviq Etibar oğluna məxsus "Dönər Kabab" kafesi, 3-cü mkr ünvanında yerləşən, fiziki şəxs Şıxvəliyev İlham Gülməmməd oğluna məxsus "Bahar" kafesi, 40-cı məh. ünvanında yerləşən, fiziki şəxs Allahverdiyev Bəhram Sədirxan oğluna məxsus "Nərgiz" kafesi, Bədəlbəyli küç., ev 22 ünvanında yerləşən, fiziki şəxs Hacıyev Həsən Qaimşad oğluna məxsus "Nübar" kafesi;

Abşeron rayonu, Xırdalan şəhərində yerləşən, fiziki şəxs Mirzəyev Elçin Yaşar oğluna məxsus "Qədim Bakı" kafesi, Xırdalan şəhərində yerləşən, fiziki şəxs Bağırov Həşim Məmməd oğluna məxsus kafe, Mehdiabad qəsəbəsində yerləşən, fiziki şəxs Əlizadə Şahin Qərib oğluna məxsus "Zirvə" kafesi, Xırdalan şəh., H.Əliyev prospektində yerləşən, fiziki şəxs Soltanov Ramin Rəfayət oğluna məxsus "Aziz Baba" dönər evi, Saray ŞTQ-də yerləşən, fiziki şəxs Səmədov Rasim Rafiq oğluna məxsus "Ziya" kafesi, Buzovna ştq ev.342 M. ünvanında yerləşən, fiziki şəxs Əskərov Azər Firudin oğluna məxsus "Sherlocks" kafesi;

Digər şəhər və rayonlar üzrə:

Ağstafa şəhəri, M.Ə.Rəsulzadə küçəsində yerləşən, fiziki şəxs Kosayev Qara Mirzə oğluna məxsus kafe;

Şəmkir, Dəllər qəsəbəsində yerləşən, fiziki şəxs Aslanov Rövşən Akif oğluna məxsus kafe; Gəncə şəhəri Ş.İ.Xətai 157 ünvanında yerləşən, fiziki şəxs Süleymanov Məmmədəli İslam oğluna məxsus kafe, Ş.İ.Xətai ev.0 M.0 ünvanında yerləşən, fiziki şəxs Tağızadə Heydər Fazil oğluna məxsus dönər evi, Təbriz küçəsi ev.315 ünvanında yerləşən, fiziki şəxs Qurbanov Kamran Sədrəddin oğluna məxsus yeməkxana;

Mingəçevir şəhərində yerləşən, fiziki şəxs Hacıyev Nurlan Arzuman oğluna məxsus obyekt, H.Hüseynov küç., ev.30 M. ünvanında yerləşən, fiziki şəxs Abbasov Rubail Yaşar oğluna məxsus restoran, Maqomayev 14 ünvanında yerləşən, fiziki şəxs Rövşən Bilalov Rasim oğluna məxsus kafe.

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

7
Teqlər:
Nəsimi rayonu, Bakı şəhəri, sahibkarlıq subyektləri
Bayılda sürüşmə zonası

Təbiətlə məmurlar sanki Bayıl sakinlərinin qəsdinə durublar - FOTOLAR

36
(Yenilənib 22:32 04.12.2020)
"Bizə bildirdilər ki, burada yaşamaq həyatımız üçün təhlükəlidir. Amma bizim buradan başqa yerdə evimiz yoxdur. Ona görə də məcburuq burada yaşayaq".

İradə Cəlilova, Sputnik Azərbaycan

BAKI, 4 dekabr — Sputnik. Bakının Bibiheybət qəsəbəsində yenidən torpaq uçqunu olub. Sputnik Azərbaycan bu barədə xəbər tutan kimi hadisə yerinə yollanıb. Bibiheybət məscidindən bir qədər aşağıda, yamacda baş verən torpaq uçqunu ərazidə olan evlərdə yaşayanlar üçün təhlükə yaradıb. Ərazidə yaşayan sakinlər Sputnik Azərbaycan-a bildiriblər ki, torpaq uçqunu gecə saatlarında baş verib. Bu səbəbdən də dövlət qurumları burada yaşayan insanlara evlərini tərk etməyi tövsiyyə edib.

  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
1 / 6
© Sputnik / Irade JELIL
Bayılda sürüşmə zonası

Nazilə Məmmədova adlı sakin bildirib ki, bu ərazidə yerləşən evlərdə kirayə qalan sakinlər evlərdən köçüb: "Dövlət qurumlarının nümayəndələri gəlib əraziyə baxış keçirdilər. Bizə bildirdilər ki, burada yaşamaq həyatımız üçün təhlükəlidir. Amma bizim buradan başqa yerdə evimiz yoxdur. Ona görə də məcburuq burada yaşayaq" - deyə sakin bildirib.

Sakinlərlə söhbət əsnasında öyrəndik ki, ərazidəki evlərin heç birinin kupçası yoxdur. Odur ki, sakinlər əgər köçsələr, evlər sökülərsə onlara kompensasiya verilib-verilməyəcəyini bilmək istəyirlər: "Buradakı evlərin heç birinin sənədi yoxdur. Amma burada ev alsan, torpaq alsan bir kvadratmetri 2000 manatdır. Belə məlumatlar var ki, sökülərsə evlərə görə sakinlərə hər kvadrat metrə iki min manat ödəniləcək. Amma rəsmi qurumlar bizə bu barədə heç bir söz deməyiblər".

Sakinlər bildirir ki, yamacda yağıntılar çox olanda torpaq uçqunları baş verir. Amma onlar buna adətkərdə olublar: "Biz də istəyərik ki, bu təhlükəli yerdən köçək. Amma buna görə gərək bizə kompensasiya ödənilsin. Çünki, bizim başqa yerdə evimiz yoxdur. Nə də imkanımız yoxdur ki, köçüb başqa yerdə kirayə yaşayaq".

Sakinlər dövlət qurumlarının gələcəyi nəticəni gözlədiklərini söyləyiblər.

Məsələyə Səbail Rayon İcra Hakimiyyətindən münasibət bildirən olmadı. Ekologiya və Təbii Sərvətlər Nazirliyinə ünvanladığımız sorğunun da cavabını gözləyirik.

36
Teqlər:
Səbail rayon İcra Hakimiyyəti, Ekologiya və Təbii Sərvətlər Nazirliyi, Bayıl, sürüşmə, torpaq uçqunu
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0