SMS yazan adam, arxiv şəkli

Hüquqlarınızı yeni mobil tətbiq onlayn resursdan öyrənə bilərsiniz

71
(Yenilənib 18:35 09.09.2019)
Həssas və aztəminatlı əhali qrupuna hədəflənmiş resursa 8 sahə üzrə vacib məlumatlar daxildir. Resursu həmçinin smart telefona yükləməklə də isitifadə etmək mümkündür

BAKI, 9 sentyabr - Sputnik. Hüquqlar və qanunlar haqda nə qədər məlumatlısınız? Əmək qanunvericiliyi, nikah və ya əmlak məsələləri, sosial müdafiə və gündəlik həyatımızın ayrılmaz hissəsi olan digər hüquq sahələrində qanunvericilikdən xəbərdarıqmı? Heç bunu yoxladınızmı və ya qanunları öyrənməyə cəhd etdinizmi?

"Qanunlar yorucudur, bura girişməyə dəyməz" - deyib keçməyin. Bəlkə bunu özümüz üçün əyləncəyə çevirə bilərik?

Hüquqları öyrənmək sahəsində yeni onlayn resurs
Zaur İbrahimli
Hüquqları öyrənmək sahəsində yeni onlayn resurs

Sputnik Azərbaycan-ın məlumatına görə, hüquqi məlumatlılığınızı əyləncəli şəkildə artırmaq istəyirsinizsə  www.huquqoyren.az onlayn resursu sizə bu işdə yardımçı ola bilər.

Həssas və aztəminatlı əhali qrupuna hədəflənmiş resursa 8 sahə üzrə vacib məlumatlar daxildir. Resursu həmçinin smart telefona yükləməklə də isitifadə etmək mümkündür.

Bu resurs Niderland Krallığının Xarici İşlər Nazirliyi tərəfindən maliyyələşdirilən və Qafqaz Tədqiqatlar və Resurs Mərkəzi – Gürcüstan təşkilatı tərəfindən icra olunan “Vətəndaş Cəmiyyətinə Dəstək Proqramı” üzrə "Aztəminatlı və həssas əhali qrupuna hüquqi yardım xidmıtinin yaxşılaşdırılması" təşəbbüsü çərçivəsində hazırlanıb.

71
Qulam Mustafa Xan, arxiv şəkli

"Hind kinosunun kadrarxası səsi" vəfat edib

3
(Yenilənib 18:00 18.01.2021)
Şimali Hindistanın məşhur mahnılarını səsləndirən Qulam Mustafa Xana "Ustad" titulu verilib. Klassik hind musiqiqinin ustad sənətkarı sayılan Qulam Mustafa Xan, yaradıcılığı boyu çox sayda ordenlə təltif edilib.

BAKI, 18 yanvar — Sputnik. Klassik hind musiqisinin görkəmli nümayəndəsi Qulam Mustafa Xan vəfat edib.

Sputnik Azərbaycan xarici mediaya istinadən xəbər verir ki, 89 yaşlı Qulam Mustafa Xan ötən gün Mumbayda dünyasını dəyişib.

Qulam Mustafa Xan sənətkarlar ailəsində dünyaya gəlib. Onun ailə üzvləri musiqiçilərdən ibarət olub. Şimali Hindistanın məşhur mahnılarını səsləndirən Qulam Mustafa Xana "Ustad" titulu verilib. Klassik hind musiqiqinin ustad sənətkarı sayılan Qulam Mustafa Xan, yaradıcılığı boyu çox sayda ordenlə təltif edilib.

Qulam Mustafa Xanı Hind kinosunun kadrarxası səsi adlandırıblar. Belə ki, sevərək tamaşa etdiyimiz hind filmlərinin əksəriyyətində onun məlahətli səsi eşidilir.

Qeyd edək ki, 2019-cu ildə insult keçirən sənətkarın bədəninin bir hissəsi iflic olub. Mərhum Qulam Mustafa Xanın martın 3-də 90 yaşı tamam olacaqdı.

3
Laçın şəhərinə mənzərə, arxiv şəkli

Laçının gəzməli-görməli yerləri haqqında videoçarx hazırlanıb

13
Videoçarxda Laçının Ağoğlan qəsri, Dəmirovlu pir məbədi, Məlik Əjdər türbəsi, "Kar günbəz" türbəsi, Həmzə Soltan sarayı haqqında məlumatlar təqdim olunur.

BAKI, 18 yanvar — Sputnik. Dövlət Turizm Agentliyi tərəfindən işğaldan azad edilmiş Laçının gəzməli-görməli yerləri haqqında tanıtım videoçarxı hazırlanıb. Bu haqda Dövlət Turizm Agentliyinin sədri Fuad Nağıyev rəsmi "Twitter" səhifəsində etdiyi paylaşımla məlumat verib. "Qədim tarixi abidələrə və gözəl təbiətə malik olan Laçında turizmin inkişafı üçün imkanlar genişdir. Növbəti videoçarxımız düşməndən azad olunan Laçınımızın gəzməli-görməli yerlərinə həsr olunub", - deyə Fuad Nağıyev qeyd edib.

Videoçarxda Laçının gəzməli-görməli yerləri, o cümlədən Qafqaz Albaniyasının mədəni irs nümunlərindən IX əsrə aid bazilika Ağoğlan qəsri və XI əsrə aid edilən Dəmirovlu pir məbədi, Elxanilər dövründə tikildiyi güman edilən Məlik Əjdər türbəsi, XVII əsrə aid edilən və tikintisində Albaniya xristian memarlığının təsiri duyulan "Kar günbəz" türbəsi, 1761-ci ildə tikilməsi haqqında məlumat mövcud olan Həmzə Soltan sarayı, rayonun bir və ikitağlı körpüləri, müxtəlif at və qoç fiqurlarından ibarət daş abidələri haqqında məlumatlar təqdim olunur.

Qeyd edək ki, Agentlik tərəfindən bundan əvvəl erməni işğalından azad edilmiş Qubadlı, Zəngilan, Şuşa və Kəlbəcərin gəzməli-görməli yerləri haqqında videoçarx təqdim olunub. Layihə çərçivəsində digər azad edilmiş torpaqlarımızın da turizm potensialını əks etdirən bu növ video çarxların hazırlanması nəzərdə tutulub.

13