Milçək mindim, çay keçdim, "qonmağa" yer tapmadım - Kür sahilində yer davası

305
(Yenilənib 15:44 08.09.2019)
Mingəçevirdə bəzən müştərilər gəmilərə minmək üçün məhəccərlərin üzərindən keçməli olurlar

İradə Cəlilova, Sputnik Azərbaycan

BAKI, 8 sentyabr — Sputnik. Mingəçevir — Azərbaycanın əhali sayı etibarı ilə dördüncü böyük şəhəridir. Şəhər Kür çayının sahillərində yerləşir. Mingəçeviri turizm şəhəri adlandırmaq olar. Bura təkcə Azərbaycanın digər bölgələrindən deyil, xarici qonaqlar da təşrif buyururlar.

Mövsümündən aslı olmayaraq dadlı balığı, Kür çayı, çay boyu yer almış müxtəlif ulduzlu otellər şəhərin turizm imkanlarının geniş olmasının xəbərçisidir.

Mingəçevir şəhər sahili
© Sputnik / Irade JELIL
Mingəçevir şəhər sahili

Bir neçə gün öncə Sputnik Azərbaycan-ın əməkdaşı Mingəçevir şəhərində olub, gördüklərini qələmə alıb. Ən çox diqqətini çəkən isə Kürdə gəzintinin durumu olub. 

Mingəçevir şəhəri, nə qədər qəribə olsa da, bir az Sumqayıtı xatırladır. Şəhərə daxil olanda əvvəlcə elə hiss edirsən ki, Sumqayıtdasan. Bir qədər irəlidə Kür çayının hər iki sahilində müxtəlif otellər, restoranlar yer alıb. Şəhərin qonaqları daha çox Kürdə gəmi ilə gəzməyə üstünlük verirlər. Burada onlarla kiçikhəcmli gəmi fəaliyyət göstərir.

Amma maraqlısı budur ki, gəmilərin çox olmasına baxmayaraq, liman çox kiçikdir. Yəni bəzən müştərilər gəmilərə minmək üçün məhəccərlərin üzərindən keçməli olurlar.

Mingəçevir şəhər sahili
© Sputnik / Irade JELIL
Mingəçevir şəhər sahili

Yaxınlaşıb gəmilərdə təhlükəsizlik qaydalarına əməl olunub–olunmaması ilə maraqlanırıq. Məlum olur ki, Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti mütəmadi olaraq gəmilərə nəzarəti həyata keçirir və Xidmətin Mingəçevir şəhərində kiçikhəcmli gəmilərə nəzarət şöbəsi fəaliyyət göstərir.

Gəmi sahibləri bildirirlər ki, bütün gəmilərin bort nömrəsi, gəmi bileti, texniki talonları var. Gəmi sürücüləri sürücülük hüququ üçün xüsusi sürücülük vəsiqələri də alıblar. Eyni zamanda gəmilərdə insanların sularda təhlükəsizliyi üçün xilasedici canlıq və xilasedici dairə də var.

Mingəçevir şəhərinin Sularda Xilasetmə Dövlət Xidməti
© Sputnik / Irade JELIL
Mingəçevir şəhərinin Sularda Xilasetmə Dövlət Xidməti

Onların sözlərinə görə, ərazidə 15 ailəyə məxsus gəmilər fəaliyyət göstərir. Bu isə o deməkdir ki, buradan 15 ailə qazanc yeri kimi istifadə edir. Ancaq gəmi sahiblərini narahat edən məqamlar da var. Onlar hesab edirlər ki, gəmilərin sayı artsa da, saxlanılması üçün müvafiq yer yoxdur. Sahibkarlar bununla bağlı bir neçə dəfə İcra Hakimiyyətinə müraciət ediblər.

Sahibkar Rüstəm İlyas oğlu deyir ki, o, 10 ildən artıqdır burada fəaliyyət göstərir. Burada dəfələrlə intihara cəhd hadisəsi baş versə də, onlar həmin şəxsləri ölümdən xilas edə biliblər.

Məlumat tablosu
© Sputnik / Irade JELIL
Məlumat tablosu

"Biz həm şəhərin qonaqlarına xidmət edirik, həm də bədbəxt hadisələrin baş verməsinin qarşısını alırıq. İstəyimiz isə sadəcə olaraq bizə qanuni şəkildə yer ayrılmasıdır. Gəmilərin sayı artır, yer isə yox səviyyəsindədir",- deyə sahibkarlar bildiriblər.

Onlar həmçinin fəaliyyətlərinə qoyulan vaxt məhdudiyyətindən də danışıblar. Bildiriblər ki, saat 21.00-dən sonra onların fəaliyyətinə icazə verilmir.

Mingəçevir İcra Hakimiyyəti aparatının birinci ərazi dairəsi üzrə icra nümayəndəsi Rizvan Mikayıllı Sputnik Azərbaycan-a açıqlamasında bildirib ki, gəmi sahibləri ilə müqavilələr bağlanılır və sahibkarlar müqavilə şərtlərinə uyğun olaraq fəaliyyət göstərirlər.

Mingəçevir şəhər sahili
© Sputnik / Irade JELIL
Mingəçevir şəhər sahili

"O ki qaldı gəmilərin saat 21.00-dan sonra fəaliyyətinə, bu, qanuna ziddir. Sərnişinlərin narazılığını nəzərə alaraq, gəmilərə elanlar vurulmalıdır ki, onların saat 21.00-dən sonra fəaliyyəti qadağandır. Bundan sonra hamı qanuna riayət etməyə məcbur olaraq, razılaşacaq".

R.Mikayıllı qeyd edib ki, hamı - vətəndaşlar da, sahibkarlar da və aidiyyəti qurumlar da - səlahiyyətləri çərçivəsində qanunvericiliyə uyğun hərəkət etməlidirlər: "Yer məsələsinə gəldikdə isə bu barədə bələdiyyəyə xüsusi tapşırıq verilib. Gələn mövsüm üçün bütün problemlər həllini tapacaq".

305
Teqlər:
Mingəçevir, problemlər, İcra Hakimiyyəti, bələdiyyə, turizm, gəmi, Kür çayı
Mövzu:
Azərbaycanın görməli yerləri, turizm obyektləri (68)
Əlaqədar
Mingəçevirli avtomobil ustası filmdə gördüyü maşını necə reallığa çevirdi
Qonşunun zülmü azmış, öz zalımlarımız da bu yandan çıxıb
Mingəçevirdə qədim qovaq ağacı turist bazasına aşıb
Milli Parkda möhtəşəm sərgi: Sərhədçilərimiz silahlarıyla öyündülər - FOTO
Gəmidə üzən kimə güvənsin? - Nazirlik yoxlama keçirəcək
Dairəvi Alban Məbədi, arxiv şəkli

Alban tarixinə ögey yanaşma: Nazirlik abidələrə lövhə vurmaqla işini bitmiş sayır

497
(Yenilənib 21:09 18.04.2021)
"Bəzən sosial şəbəklərdə yazırlar ki, "7 manat çox bahadır". Hansı ki, o şikayət edənlər gedib bahalı restoranlarda yemək yeyib, şəklini sosial şəbəkələrdə paylaşırlar. Amma muzey üçün 7 manatı qıymırlar. Halbuki o 7 manat

Şahpəri Abbasova, Sputnik Azərbaycan

BAKI, 18 aprel — Sputnik. Hər il aprelin 18-i dünyada Beynəlxalq Abidələr və Tarixi Yerlər Günü kimi qeyd olunur. Bu əlamətdar gün Tarixi Yerlər və Abidələrin Mühafizəsi Şurasının (İCOMOS) təklifi üzrə UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir. Bu əlamətdar gün Azərbaycanda da geniş qeyd olunur. Azərbaycan Milli Elmlər Akademiyası, tarix üzrə fəlsəfə doktoru Akif Məmmədli Sputnik Azərbaycan-a açıqlamasında təəssüflə bildirir ki, Azərbaycanda tarixi abidələr və muzeylərlə bağlı maarifləndirmə işləri çox zəifdir:

"Son aylar nisbətən diqqət artıb. Turizm Mədəniyyət Nazirliyindən ayrıldıqdan sonra az da olsa fərqi hiss edirəm. Mədəniyyət Nazirliyinin nümayəndələri dəfələrlə mənim yaratdığım muzeydə olublar. Amma buna baxmayaraq, tarixi abidələrin qeydə alınması ilə bağlı proses bir az da ləngiyib. Mənim yaratdığım muzeyə Amerikadan, Türkiyədən, Kanadadan, Sinqapurdan gələn xarici qonaqlar olur. Bəzən hətta yol ötən sürücülər belə yaratdığım muzeyə baş çəkir. Ən azı bəşər övladının yaratdığı dəyər olduğunu anlayırlar. Təəssüf ki, bu, Azərbaycanda bu sahəyə maraq arzulanan səviyyədə deyil".

Alim tariximizə laqeyd münasibətlə bağlı Kütləvi İnformasiya Vasitələrinə və dövlət qurumlarına səslənib:

"Çox istəyərdim ki, KİV, dövlət qrumları bu məsələyə xüsusi önəm versinlər. Tarixi abidələrimiz bizim milli pasportumuzdur. Buradakı insanların dünənki tarixidir. Sabahkı tariximiz üçün bir şahiddir. Çinlilərin bir sözü var, "keçmişini yaxşı öyrən, o, gələcəyin müəllimidir". Tarixi öyrənmək üçün kitab oxumaq kifayət deyil. Mütləq tarixi məkanları, muzeyləri də ziyarət etmək lazımdır. Məsələn, Qax rayonunun Güllük kəndində böyük təpənin üzərində çox möhtəşəm abidə var idi. Amma hazırda abidənin yalnız bünövrəsi qalmaqdadır. Bu da insanların cahilliyindən, maariflənmə işinin aparılmamasından irəli gəlir. Yaxşı olar ki, alban abidələri haqqında mediada maarifləndirmə işləri aparılsın".

Alim qeyd edir ki, o sökülən başqasının deyil, bizim - Qafqazın tarixidir.

"Azərbaycanın tarixi abidələrinin tətqiqatçısı, numizmat-alim Yevgeni Paxomov yazıb: "Misir tarixi üçün ehramların nə qədər böyük əhəmiyyəti varsa, Qafqaz tarixi üçün də Katex kəndində tikilən bu səddin bir o qədər böyük əhəmiyyəti var". Mən bu abidənin restavrasiyası üçün keçmiş Mədəniyyət naziri Əbülfəz Qarayevə dəfələrlə müraciət etdim. O söz verdi, mütəxəssislər gəldi. Həftələrlə o abidənin üzərində işlədik. Mədəniyyət Nazirliyi ora bir lövhə vurmaqla öz işini bitmiş hesab elədi", - deyə mütəxəssis bildirib.

Milli Azərbaycan Tarixi Muzeyinin Elmi-kütləvi iş və təhsil şöbəsinin mütəxəssisi Qənirə Qaforava isə deyir ki, onun çalışdığı muzeydə vəziyyət heç də pis deyil. Dediyinə görə, ziyarətçi sarıdan da əziyyət çəkmirlər:

"Bizim muzeyimizə hər zaman maraq olub. Çünki, Azərbaycanda ilk yaranan muzeydir. Burada iki muzey yerləşir – həm Milli Azərbaycan Tarixi Muzeyi və Hacı Zeynalabdin Tağıyevin xatirə muzeyi. Bura Tağıyevin yaşayış yeri olub. Gələn ziyarətçi iki muzeyi ziyarət edir. İstər yerli, istərsə də xarici ziyarətçilər hər zaman maraqla gəliblər. Pandemiya dövründə bir müddət bağlandı, amma hazırda açıqdır və ziyarətçilərimiz muzeyimizə baş çəkirlər. Hazırda Tarix muzeyi təmir-bərpa işləri ilə əlaqədar müvəqqəti bağlıdır. Amma Tağıyevin 10 otaqdan ibarət xatirə muzeyi açıqdır. Xaricilər üçün 5 manat, yerli ziyarətçilər üçün 2 manatdır, amma məktəbli və tələbələr üçün 1 manatdır. Xaricilər muzeyimizi çox maraqla izləyirlər".

Milli Xalça Muzeyinin Mətbuat xidmətinin rəhbəri Ülvina Fərzəliyeva da mövzuya münasibətini bildirib:

"Giriş 7 manatdır. 6 yaşına qədər uşaqlar üçün pulsuzdur. 6 manatdan yuxarılara 3 manat, məktəb və tələbələrə də 3 manat. Azərbaycan Xalça muzeyi ölkənin ilk İnklüziv muzeydir. Fiziki məhdudiyyətli insanlar da rahat şəkildə muzeyimizi ziyarət edə bilirlər. Onların əlil arabasında girişi, liftlərdən istifadəsi, ekspozisiyalarla tanışlıq üçün bütün şərait yaradılıb. Bundan əlavə, bizdə görmə əngəlli insanlar üçün xovsuz və xovlu texnikanın birgə tətbiqi ilə xalçalarımız üzərində ornamentlər toxunub. Bunu ənənəvi texnologiya şöbəsinin toxucuları ona görə ediblər ki, görmə əngəlli insanlarımız da xalçalara toxunub hiss edə bilsinlər. Bundan əlavə, həmin ornamentlərlə bağlı brayl əlifbası ilə məlumat verilib".

Fərzəliyeva sosial şəbəkələrdə muzeyə girişin baha olmasına narazılıq edənləri də unutmayıb:

"Deyirlər, 7 manat çox bahadır. Halbuki o şikayət edənlər gedib bahalı restoranlarda yemək yeyib, şəkillərini sosial şəbəkələrdə paylaşırlar. Amma muzey üçün 7 manatı qıymırlar. Halbuki o 7 manat bir kofenin, bir çayın puludur. Gələn insanlar deyirlər ki, "sanki bir anlıq nağıllar aləminə düşdük". Bizim muzeyimizi ziyarət edənlər uzun müddət o ab-havadan çıxmırlar". 

497
Bıçaq əlində qadın, arxiv şəkil

Bacılar arasında bıçaqlaşma baş verib - Lənkəranda

73
(Yenilənib 17:34 18.04.2021)
1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib.

BAKI, 18 aprel - Sputnik. Lənkəranda bıçaqlanma hadisəsi baş verib.

Sputnik Azərbaycan Report-a istinadla xəbər verir ki, hadisə şəhərin Füzuli küçəsi 43 ünvanında baş verib. Belə ki, 1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib. Ona zəruri tibbi yardım göstərilib.

Hadisənin ailə münaqişəsi zəminində bacılar arasında baş verdiyi bildirilir. Faktla bağlı araşdırma aparılır.

73
Rusiya XİN-nin binası, arxiv şəkli

Çexiyanın Rusiyadakı səfirliyinin 20 əməkdaşı “persona non qrata” elan edildi

0
Rusiya Xarici İşlər Nazirliyinin “persona non qrata” elan etdiyi şəxslər Moskvanı 19 aprelə qədər tərk etməlidirlər.

BAKI, 18 aprel - Sputnik. Rəsmi Moskva Rusiya diplomatlarının Çexiyadan çıxarılmasına anoloji qərarla cavab verib.

Sputnik Azərbaycan RİA Novosti-yə istinadla xəbər verir ki, Rusiya Xarici İşlər Nazirliyi Çexiya Respublikasının Moskvadakı səfirliyinin 20 əməkdaşını “persona non qrata” elan edib.

Həmin şəxslər Rusiyanı 19 aprelə qədər tərk etməlidirlər.

Bundan əvvəl Çexiya respublikasının fövqəladə və səlahiyyətli səfiri Vitezslav Pivonka rəsmi Praqanın rus diplomatları ölkədən çıxaracağı ilə bağlı bəyanatından sonra Rusiya Xarici İşlər Nazirliyinə çağırılıb.

Bundan əvvəl RF diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

0