Şamaxının Aşıq Məmmədağa küçəsində 110 mənzilli binanın tikintisi

Bir şərim olsun, xeyrim içində: mindən çox sakin sevindi

789
(Yenilənib 18:03 06.09.2019)
Daha sonra jurnalistlər yeni tikilən fərdi evlərdə olub, sakinlərlə danışıblar

İradə Cəlilova, Sputnik Azərbaycan

BAKI, 6 sentyabr — Sputnik. Zəlzələ baş verən rayonlarda inşa edilən evlərin keyfiyyəti ciddi nəzarətdə saxlanılır. Sputnik Azərbaycan-ın məlumatına görə, bunu Fövqəladə Hallar Nazirliyinin (FHN) zəlzələ bölgəsi üzrə ezam olunmuş nümayəndəsi Həsən Qasımzadə Şamaxıda zəlzələdən zərər çəkmiş sakinlər üçün tikilən evlərə baxış məqsədilə təşkil olunan press-tur zamanı jurnalistlərə bildirib.

O qeyd edib ki, zəlzələnin zərər vurduğu evlərə Nazirliyin mütəxəssislərindən ibarət 36 qrup tərəfindən baxış keçirilib. Zəlzələdən ziyan çəkmiş ərazilərdə bu günə kimi vətəndaşlar tərəfindən daxil olan müraciətlərə müvafiq komissiyalar tərəfindən baxılıb. Yaşayışın olmadığı evlərdə isə müraciətlərə baxmaq mümkün olmayıb:

Şamaxıda zəlzələdən zərər çəkmiş sakinlər üçün tikilən bina
Sputnik / Irade JELIL
Şamaxıda zəlzələdən zərər çəkmiş sakinlər üçün tikilən bina

"Komissiyanın rəyinə uyğun olaraq regionda 847 fərdi yaşayış evi qəzalı hesab edilib. Hal-hazırda tikintisi başa çatmış 251, tikintisi davam etdirilən 257 fərdi yaşayış evi var. Bərpaya ehtiyacı olan 2192 evdən bu günə kimi 1339-da bərpa işlərinə başlanılıb. 449 evdə isə bərpa işləri yekunlaşdırılıb. Yerdə qalanlarında isə bu istiqamətdə işlər davam etdirilir".

Həsən Qasımzadə bildirib ki, zəlzələ baş verən rayonlarda inşa edilən evlərin keyfiyyəti ciddi nəzarətdə saxlanılır. Onun sözlərinə görə, Nazirliyin regionda olan texniki qrupları Şamaxı, Ağsu və İsmayıllıda inşa edilən evlərin keyfiyyəti ilə maraqlanır: "Bu günə kimi yaşayış olan evlərdən bizə keyfiyyətlə bağlı heç bir şikayət olmayıb".

Şamaxıda zəlzələdən sonra yarasız hala düşmüş ev
Sputnik / Irade JELIL
Şamaxıda zəlzələdən sonra yarasız hala düşmüş ev

Xatırladaq ki, bu ilin fevral ayının 5-də Pirqulu stansiyasından 7 km cənubda, Ağsu ərazisində 4,4 bal gücündə zəlzələ qeydə alınıb. Həmin zəlzələ episentrdə 5 bala yaxın, ətraf rayonlarda 4,3 bala qədər hiss olunub. Həmin gün Pirqulu stansiyasından 9 km cənub-qərbdə, İsmayıllı ərazisində zəlzələ qeydə alınıb. Fevralın 9-da və 11-də də Pirqulu stansiyasından 8 və 9 km cənub-qərbdə və qərbdə yeraltı təkanlar baş verib.

Zəlzələ zamanı Şamaxı, Ağsu və İsmayıllıda dağıntılar qeydə alınıb. Ən çox zərər isə Şamaxı şəhərindəki evlərə dəyib.

Zəlzələdən sonra Şamaxıya səfər edərək vəziyyətlə yerindəcə tanış olan və zəlzələdən zərər çəkmiş sakinlərlə görüşən ölkə başçısı İlham Əliyev sakinlərə evlərinin bərpa ediləcəyini, bərpası mümkün olmayan evlərin isə yenidən tikiləcəyini bildirib.

Şamaxıda zəlzələdən zərər çəkmiş sakinlər üçün tikilən ev
Sputnik / Irade JELIL
Şamaxıda zəlzələdən zərər çəkmiş sakinlər üçün tikilən ev

Bundan sonra prezidentin göstərişi ilə Fövqəladə Hallar Nazirliyinin əməkdaşları rayona ezam edilib.

Hazırda Şamaxı şəhərinin 20 Yanvar küçəsində 44 mənzilli 4 mərtəbəli və 20 mənzilli 5 mərtəbəli binalar inşa olunur.

Sakinlər press-turda iştirak edən jurnalistlərlə görüşdə yeni tikilən mənzillərə görə, Prezident İlham Əliyevə və Birinci vitse-prezident, Heydər Əliyev Fondunun prezidenti Mehriban Əliyevaya təşəkkür ediblər.

Evi yenidən tikilən Mehparə Bağırovanın sözlərinə görə, evi 1953-cü ildə inşa edilibmiş. Zəlzələdən sonra evi yararsız hala düşüb. O qeyd edib ki, Prezidentin tapşırığı ilə qəzalı vəziyyətə düşmüş ev sökülərək yenisi tikilib: "Əvvəl evimiz 2 otaq, 1 mətbəxdən ibarət idi. Yeni tikilən evimiz isə 4 otaq, 1 mətbəxdən ibarətdir. Bizim üçün lazım olan hər şeyi ediblər".

Şamaxı rayon sakini Ellada Süleymanova isə bildirib ki, zəlzələdən sonra evləri dağılıbmış. "Evdə yaşamaq mümkün deyildi. Prezident İlham Əliyev və Birinci vitse-prezident Mehriban Əliyevanın göstərişi və dəstəyi ilə evimiz yenidən tikilib. Evdə tikinti işləri yüksək səviyyədə aparılıb, yaşayış üçün bütün şərait yaradılıb".

Şamaxı rayon sakini Ellada Süleymanova
Sputnik / Irade JELIL
Şamaxı rayon sakini Ellada Süleymanova

Sonda KİV nümayəndələri Şamaxının Aşıq Məmmədağa küçəsində 110 mənzilli binanın tikintisi ilə də tanış olublar. Binanın oktyabrın sonuna qədər təhvil veriləcəyi gözlənilir.

Xatırladaq ki, Ağsu və İsmayıllıda zəlzələnin fəsadlarının aradan qaldırılması üçün işlər davam edir. Ağsuda 249 fərdi ev, İsmayıllıda 95 fərdi ev tikilir. Eyni zamanda Ağsuda 488 ev bərpa olunur ki, onlardan 162-si təhvil verilib. İsmayıllıda isə 337 ev bərpa olunur ki, onlardan da 110-u təhvil verilib.

Zəlzələdən zərər çəkmiş sakinlər üçün evlər Prezidentin tapşırığı, Heydər Əliyev Fondunun Regionlarda İnkişaf İctimai Birliyinin dəstəyi ilə inşa edilir.

789
Teqlər:
İsmayıllı, Ağsu, Şamaxı, sakin, bina, təmir-bərpa, zəlzələ bölgəsi, zəlzələ
Əlaqədar
Güzəştli mənzil almaq istəyənlərə şad xəbər
Azərbaycanın turizm cənnətində zəlzələ oldu
Zəlzələ bölgəsində tikilən və bərpa edilən evlərlə bağlı son məlumat
Kompüter arxasında iş, arxiv şəkli

Sən "fəhlə" ol, səni tapacaq: Müharibə hansı sahələrdə kadrlara tələbat yaradıb?

37
(Yenilənib 00:17 28.10.2020)
"Ölkəmizdə hərbi vəziyyətlə bağlı nə Təhsil Nazirliyinə, nə də ki Peşə Təhsili üzrə Dövlət Agentliyinə kadr hazırlığı ilə bağlı istək daxil olub"

Zülfiyyə Quluyeva, Sputnik Azərbaycan

BAKI, 28 oktyabr — Sputnik. Ölkəmizdə müharibə vəziyyəti bəzi sahələr üzrə ixtisaslı kadrların hazırlanması məsələsini gündəmə gətirib. "Facebook" sosial şəbəkəsində son günlər orduda müəyyən ixtisaslar üzrə hazırlıqlı kadrların işə qəbulu ilə bağlı məlumatlar paylaşılır. Sputnik Azərbaycan hərbi vəziyyətdə hansı peşələr üzrə ixtisaslı kadrlara daha çox tələbat olduğunu araşdırıb.

Azərbaycan İnternet Forumunun prezidenti Osman Gündüz bildirib ki, Azərbaycanda "İnsansız Hava Vasitələri (IHV) mühəndisi" ixtisası üzrə kadrların hazırlanması vacibdir: "Hərbi dronların, yəni pilotsuz uçan aparatların müxtəlif növləri var. Kəşfiyyat-müşahidə dronu, silahdaşıyan dron, kamikadze dron və s. Dronların hamısı ya yerdən, ya da təyyarədən, dronla əlaqəli idarəetmə mərkəzindən idarə olunur.

Son zamanlar kommersiya dronları da ciddi olaraq gündəmə gəlib. Yəni müxtəlif yükləri hansısa ünvana çatdıran, xidmət göstərən dronlara böyük investisiyalar yatırılır. Dronları idarə etmək üçün peyk və kosmik texnologiyalara, İKT-yə əsaslanan mərkəz qurulur. Monitor arxasında oturan operatorlar idarəetmə mərkəzindən 150-300 km məsafədə uçan dronu idarə edərək qarşıya qoyulan vəzifəni yerinə yetirməlidirlər. Əgər kamikadze dron deyilsə, onu geri, bazaya da qaytarmalıdır.

Artıq dron əleyhinə texnologiyalar yaranmağa başladığından dronu qorumaq da ciddi bir problemə çevrilib. Həm də hərbi dronlardan sürü halında istifadə etdikdə daha böyük effekt verir. Türkiyə tərəfindən sürü halında istifadə olunan dronlar Suriya və Liviya müharibəsində hədsiz böyük uğur qazanıb. Xarici ekspertlər artıq indidən yazırlar ki, Azərbaycanın apardığı Vətən Müharibəsi də mahiyyətcə "dron müharibəsidir". Azərbaycan tərəfindən istifadə olunan dronların düşmənin yüzlərlə hərbi texnikasını, tanklarını və zenit qurğularını, hətta ballistik raketlərini məhv etməsi xarici mətbuatın diqqət mərkəzində olan mövzudur. Düşünürəm ki, ən yaxın zamanlarda bizdə dronlarla əlaqəli çox sayda mütəxəssislərə ciddi ehtiyac yaranacaq".

O.Gündüz bildirir ki, hazırda ölkəmizdə, Müdafiə Sənayesi sistemində və AMEA Yüksək Texnologiyalar parkında hərbi və ya kommersiya yönümlü müxtəlif dronlar istehsal olunur: "Dronların hazırlanması və idarə olunması üzrə mütəxəssisləri necə hazırlaya bilərik? Bu sahədə həm elektron mühəndislərə və həm də dronları idarə edən "Dron operatoru" və ya "Dron pilotu"na ehtiyac yaranacaq. Beynəlxalq təcrübəyə nəzər salanda görmək olar ki, dünyanın bir çox universitetləri artıq bu istiqamətdə kadrlar hazırlayır. Fikrimcə, Azərbaycan Texniki Universiteti və Milli Aviasiya Akademiyası bu sahənin inkişafına ciddi töhfələr verə bilər. Bildiyim qədər, artıq AzTU-da bu istiqamətdə ciddi işlər aparılır. AzTU-da bir neçə ildir ki, müxtəlif hərbi ixtisaslar üzrə ayrıca bölmə var. Müdafiə Sənayesi üzrə dövlət qurumu ilə birgə fəaliyyət göstərirlər və hərbi sahə üzrə mütəxəssislər hazırlayırlar. AzTU nəzdində iki kollec də var. Rabitə və Texniki yönümlü bu kolleclərdə növbəti ildən dron sahəsi üzrə operatorların hazırlanması istiqamətində işlərə başlandığı bildirilir. Düşünürəm ki, ciddi resurslara malik Milli Aviasiya Akademiyası da bu sahədə mütəxəssislərin yetişdirilməsinə və ümumiyyətlə bu sahənin inkişafına böyük töhfələr verə bilər".

Peşə Təhsili üzrə Dövlət Agentliyinin Hüquq, insan resursları və informasiya şöbəsinin müdiri vəzifəsini icra edən Ceyran Məmmədli Sputnik Azərbaycan-a açıqlamasında bildirib ki, yeni ixtisaslara tələbin qarşılanması müvafiq müraciət əsasında həyata keçirilir:

"Peşə Təhsili üzrə Dövlət Agentliyi yeni ixtisası öz-özünə açmır. Bunun üçün işəgötürənlər tərəfindən müvafiq məlumat təqdim edilməlidir. Çünki növbəti mərhələdə o kadrların işlə təmin olunması məsələsi gəlir. Digər yeni ixtisaslara gəlincə, bu, həm özəl, həmçinin də dövlətin marağı və təklifi əsasında formalaşan ixtisaslar ola bilər. Amma ölkəmizdə hərbi vəziyyətlə bağlı nə Təhsil Nazirliyinə, nə də Peşə Təhsili üzrə Dövlət Agentliyinə kadr hazırlığı ilə bağlı istək daxil olub".

Qeyd edək ki, müharibə dövründə ordumuz Ermənistan Silahlı Qüvvələrinin xeyli sayda hərbi texnikasını qənimət kimi əldə edib. İstər həmin texnikaların, istər də ordmuzun istifadə etdiyi hərbi texnikaların saz vəziyyətdə saxlanılması bu sahə üzrə ixtisaslı ustalara tələbatı artırır.

C.Məmmədli bildirir ki, hazırda aşpaz peşəsindən sonra avtomobil təmiri və çilingər sahəsi üzrə kadr hazırlığı ən çox maraq olan ixtisaslardır. O, hazırda bu ixtisaslar üzrə kadr hazırlığı aparıldığını söyləyir.

Vətəndaşların Əmək Hüquqlarının Müdafiəsi Liqasının sədri Sahib Məmmədov isə Sputnik Azərbaycan-a bildirib ki, Azərbaycanın Ali Baş Komandanının zəkası və peşəkarlığı sayəsində bu gün hərbi sahədə arxa cəbhədə belə mütəxəssis qıtlığı müşahidə olunmur: "Azərbaycan 27 ildir ki, müharibə vəziyyətində olan ölkədir. Bizim ölkəmizdə uzun illərdir ki, arxa cəbhədə texnikaların təmiri, eləcə də müvafiq hərbi texnikaların idarəolunması üzrə kadrlar hazırlanıb. Odur ki, hazırda bu sahələrdə kadr problemi yaşanmır. Əgər hansısa yeni ixtisasların hazırlanmasına ehtiyac olarsa, Azərbaycanda müxtəlif profilli ali və peşə təhsili müəssisələri var. Həmin müəssisələr ehtiyac olan sahələr üzrə kadr hazırlamaq gücündədir".

37
Teqlər:
Ermənistan-Azərbaycan, Dağlıq Qarabağ münaqişəsi, hərbi, operator, dron, peşə, müharibə
Əlaqədar
Ermənistanın "vurduğu" Azərbaycan PUA-sı "kukuruznik" çıxdı
Müdafiə Sənayesi Nazirliyi "İti qovan" PUA-larının istehsalını davam etdirir
Ekspert: ““Ali təhsil haqqında” qanun keyfiyyətin artmasına xidmət edəcək”
Azərbaycanın endirdiyi PUA-nı Ermənistan ordusuna PKK verib?
Casus sizə düşündüyünüzdən daha yaxın, ondan qurtulmağın yolu isə çox asandır

Müdafiə Nazirliyi Ermənistanın dünən məhv edilən döyüş texnikasının sayını açıqladı

31
(Yenilənib 09:01 28.10.2020)
Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb

BAKI, 28 oktyabr - Sputnik. Dünən gün ərzində və gecə saatlarında cəbhənin müxtəlif istiqamətlərində Ermənistan ordusunun xeyli sayda canlı qüvvəsi məhv edilib.

Sputnik Azərbaycan bildirir ki, Müdafiə Nazirliyi eləcə də məhv edilmiş döyüş texnikasının sayını açıqlayıb.

Məlumata görə, 1 ədəd “Osa” ZRK, 3 ədəd BM-21 “Qrad” yaylım atəşli reaktiv sistemi, 6 ədəd D-30, 5 ədəd D-20 və 1 ədəd D-44 topu, 2 ədəd 2A36 “Qiasint-B” topu, 1 ədəd 120-mm minaatan, 1 ədəd “Konkurs” tank əleyhinə raket kompleksi və 6 ədəd avtomobil texnikası məhv edilib və sıradan çıxarılıb.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlardan, minaatanlardan və müxtəlif çaplı artilleriya qurğularından intensiv atəşə tutub.
Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb.

Azərbaycan ordusunun əks-hücum əməliyyatı zamanı Cəbrayıl rayonu, Füzuli şəhəri, Zəngilan şəhəri, Qubadlı şəhəri, Hadrut qəsəbəsi də daxil olmaqla bir sıra yaşayış məntəqələrimiz işğaldan azad olunub.
10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.
Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.
Bəyanata əsasən, atəşkəs rejiminin konkret parametrləri əlavə olaraq razılaşdırılacaq.
Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

31
Teqlər:
hərbi texnika, itki, əks-hücum, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Azərbaycan Müdafiə Nazirliyi Xocavənd və Laçınla bağlı məlumat yaydı
MN: Ermənistan dərk etməlidir ki, bərpa edilən sərhədlər münaqişə zonası deyil
Ceyhun Bayramov: "Azərbaycanın səfərbərlik potensialı kifayət edir"
Bərdə atəşə tutuldu, ölənlər var - YENİLƏNİB - FOTO
Ermənistanın Sərhəd Qoşunları döyüşlərə cəlb olunub – itkilər açıqlandı