Avtovağzal

Bu paz o PAZ-la çıxmır ya Daha "kartof" olmaq istəmirik

349
(Yenilənib 12:33 04.09.2019)
Əksər sakinlər sadəcə ölmək istəmədiklərindən köhnə avtobuslardan istifadə etmirlər. Köhnə avtobuslardan ümidini üzməyənlər isə becərdiyi məhsulları bu avtobuslarla rayon bazarına daşıyan kəndlilərdir

Zülfiyyə Quluyeva, Sputnik Azərbaycan

BAKI, 4 sentyabr  — Sputnik. Bir neçə gün öncə Lənkəranda baş verən avtobus qəzası regionlarda kəndlərlə rayon mərkəzləri arasında sərnişindaşıma fəaliyyəti göstərən avtobusların bərbad durumda olduğunu bir daha gündəmə gətirdi. Bu hadisə sübut etdi ki, bu gün kəndlərlə şəhərlər arasında sərnişindaşımanın durumu olduqca acınacaqlıdır.

Sputnik Azərbaycan-ın apardığı kiçik araşdırma zamanı üzə çıxıb ki, hətta bəzi kəndlərin sakinləri rayon mərkəzlərinə getmək üçün şəxsi minik avtomobili ilə taksi xidməti göstərənlərin ümidinə qalıblar. 

Məsələn, Şəkinin Daşbulaq kəndində sakinləri sovet dövründə rayon mərkəzinə daşıyan avtobusun ancaq korpusu qalıb. İndi sakinlər şəhərə getmək üçün taksi xidmətindən istifadə etmək məcburiyyətindədirlər. Digər kəndlərdə də eyni vəziyyət müşahidə olunur.

Sakinlər deyirlər ki, Sovet dövründə hər bir kənddən gündə bir dəfə rayon mərkəzinə sərnişin daşıyan avtobuslar fəaliyyət göstərib. Amma keçid dövründə həmin avtobuslar özəlləşdirilərək şəxsi istifadəyə verilib. Sonradan həmin avtobuslar istismar müddətini başa vurduğundan hamısı sıradan çıxıb.

Şəkinin Daşüz kənd sakini Qəndab Abdullayeva deyir ki, rayon mərkəzləri ilə kəndləri birləşdirən yollar bərbad vəziyyətə düşdükdən sonra kəndlərə yeni marşrut xətləri açılmayıb. Bəzi kəndlərdə köhnədən fəaliyyət göstərən avtobuslar isə istismar müddətini başa vurduğundan sərnişinləri yolda qoyur. Hətta əksər sakinlər öz həyatlarını təhlükə altına atmaq istəmədiklrindən belə avtobusların xidmətindən istifadə etmirlər. Köhnə avtobuslardan ümidini üzməyənlər isə becərdiyi məhsulları bu avtobuslarla rayon bazarına daşıyan kəndlilərdir.

Kartof olmaq istəmirik
©Karikatura
"Kartof" olmaq istəmirik

Nəqliyyat məsələləri üzrə ekspert Azər Allahverənov Sputnik Azərbaycan-a açıqlamasında bildirib ki, bu, kifayət qədər aktual mövzudur. A.Allahverənovun sözlərinə görə, kəndlərdən şəhərlərə sərnişin daşıyan avtobusların fəaliyyəti mütləq şəkildə lisenziyalaşdırılmalıdır: "Bundan əlavə, sərnişindaşıma istismara yararlı avtobuslarla həyata keçirilməlidir.

Lənkəranda baş verən qəza hadisəsi göstərdi ki, rayon mərkəzləri ilə kəndlər arasında sərnişin daşıyan avtobusların çoxu istismara yararsız durumdadır. Elə Lənkərandakı qəza da avtobusun əyləc sisteminin işləməməsi üzündən baş vermişdi. Ona görə də bu sahəyə nəzarət gücləndirilməlidir.

Texniki baxımdan yararsız avtobuslarla sərnişindaşıma hallarının qarşısı alınmalıdır. Aidiyyəti strukturların bu sahəyə ciddi nəzarəti olmalıdır".

A.Allahverənov bildirir ki, bunun üçün monitorinq keçirib qiymətləndirilmə aparılmalıdır: "Sərnişindaşıma xidmətinə yararsız olan avtobusların fəaliyyətinin qarşısı alınmalıdır.

 Eyni zamanda, həmin istiqamətlərdə sərnişindaşıma üçün yararlı olan avtobusların istismarı məsələsi üzərində iş aparılmalıdır. Bu gün utilizasiya proqramı işləmədiyindən həmin avtobusları sahibkarın əlindən almaq da olmaz".

Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova Sputnik Azərbaycan-a açıqlamasında bildirib ki, son illər həm paytaxtda, həm də regionlarda sərnişindaşımada istismar olunan avtobus parkının yenilənməsi üzərində iş aparılır. Onun sözlərinə görə, bu istiqamətdə işə başlananda məlum olub ki, respublika üzrə sərnişindaşımada istifadə edilən avtobus parkının 77 faizdən yuxarı hissəsinin yenilənməsinə ehtiyac var: "Cənab Prezidentin tapşırığı ilə bu istiqamətdə iş aparılır. İstismar müddəti 10 ildən yuxarı olan avtobusların yenilənməsi həyata keçirilir. Görülən işlər nəticəsində bu rəqəm 77-dən 70 faizə düşüb".

N.Allahyarova bildirib ki, bu gün rayonlarla kəndlər arasında sərnişin daşıyan avtobusların çoxu qanunsuz fəaliyyət göstərir: "Lənkəranda baş verən avtobus qəzasının araşdırılması zamanı üzə çıxdı ki, PAZ markalı 43-BA-455 dövlət nömrə nişanlı avtobusun sürücüsü Ağayev Ələmdar Şahvəli oğlu Dövlət Avtomobil Nəqliyyatı Xidmətindən fərqlənmə nişanı almadan sifariş əsasında qanunsuz fəaliyyət göstərib. Bu istiqamətdə DANX monitorinq aparır".

Xatırladaq ki, avqustun 28-də Lənkəranda baş vermiş avtobus qəzasında 1 nəfər (sürücü) ölüb, 20-dən çox sərnişin yaralanıb.

349
Teqlər:
avtobus, sərnişin, istismar, istismar müddəti, yararsız, rayonlar, kənd
Əlaqədar
Oyuncaq tapança ilə avtobusu girov götürdü - həyatı bahasına
İki ayrı bəlaya eyni cəza: sürücülük vəsiqəsi əllərindən alınsa, rahatlarıq
Minmişik əlamətə, gedirik qiyamətə - özbaşınalara kim dur deyəcək?
Ağır avtobus qəzasından sonra yaralılara yardım – Xəstəxanadan kadrlar
Azərbaycanda dəhşətli qəza: sürücü öldü, xeyli yaralı var - FOTO
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

10
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

10
Teqlər:
futbol, Türkiyə, milli
Emmi mükafatı, arxiv şəkli

Daha üç serial "Emmy" mükafatlarının qalibi seçilib

9
(Yenilənib 22:47 20.09.2021)
Ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri də mübarizə aparıb.

BAKI, 20 sentyabr — Sputnik. "Tac", "Ted Lasso" və "Kraliçanın addımı" serialları "Emmy" mükafatlarının qalibi seçilib. Sputnik Azərbaycan xarici mediaya istinadla xəbər verir ki, 73-cü mükafatlandırma mərasimi ötən gün Los-Ancelesdə keçirilib.

"Tac" 24 kateqoriya üzrə namizədliyini irəli sürərək ümumi nominasiyalar arasında liderliyini saxlayıb. Bu filmlə bərabər ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri mübarizə aparıb.

Məlumat üçün bildirək ki, mükafatların təqdimetmə mərasimləri 1949-cu ildən başlayaraq hər il keçirilir. Lakin 1974-cü ilə qədər yalnız sadəcə "Emmy" mükafatı mövcud idi. Sonralar bu mükafatı gündüz verilişlərinə görə təqdim edilən "Emmy" mükafatından fərqləndirmək məqsədilə adı dəyişdirilərək praym-taym "Emmy" mükafatı adlandırılıb.

Mükafatı üç təşkilat təqdim edir: Amerika televiziya akademiyası (ingiliscə Academy of Television Arts & Sciences) idman verilişləri istisna edilməklə, mükafatı bütün axşam verilişləri üzrə təqdim edir; Amerika Milli Televiziya Akademiyası (ingiliscə National Academy of Television Arts & Sciences) gündüz, idman, xəbərlər və sənədli proqramlar üzrə mükafatı təqdim edir; və Beynəlxalq Televiziya Akademiyası (ingiliscə International Academy of Television Arts & Sciences) ABŞ sərhədlərindən kənarda hazırlanan və yayımlanan televiziya proqramları üzrə təqdim edir.

Həmçinin oxuyun:

Gələcəyimizin varisi olan uşaqlar nəyə baxırlar?

9