Bilik Günü birinci sinif şagirdi, arxiv şəkli

Təhsil Nazirliyindən inqilaba bərabər sınaq - birincilərdən başlayırlar

635
(Yenilənib 14:56 02.09.2019)
Bu gün çox yüngül çəkili dərsliklər hazırlanarsa belə, çanta lüzumsuz yerə yükləndikdə şagird yenə ağırlıq problemi ilə üzbəüz qalacaq

Zülfiyyə Quluyeva, Sputnik Azərbaycan

BAKI, 2 sentyabr — Sputnik. Dərsliklərin çəkisinin yüngülləşdirilməsi məsələsi yenidən gündəmə gəlib. Deputat Aydın Mirzəzadə Azərbaycanda şagirdlərin məktəb çantalarının ağırlığı probleminin həlli üçün tədris ili üzrə deyil, rüb üzrə dərsliklərin çap edilməsi və istifadə olunmasını təklif edib.

Milli Məclisin deputatı deyir ki, bu gün şagirdlərin məktəb çantası həqiqətən də ağır olur: "Buna görə də təklif edərdim ki, hər fənn üzrə tədris ili üzrə ayrıca dərslik olmasın. Şagirdlər üçün rüb üzrə mövzuları əhatə edən dərsliklər hazırlansın. Birinci rüb üçün ayrı, ikinci rüb üçün ayrı dərslik olsun. Belə olduqda şagirdlər birinci rübdə ikinci rübə aid olan mövzuların əhatə olunduğu dərslikləri daşımağa məcbur olmazlar, onların dərslikləri də daha yüngül olar".

Sputnik Azərbaycan-ın əməkdaşı bu təklifi reallaşdırmağın nə dərəcədə mümkün olduğunu araşdırıb. Bununla bağlı sorğumuza Təhsil Nazirliyindən cavab olaraq bildirilib ki, artıq dərsliklərin çəkisinin yüngülləşdirilməsi istiqamətində Təhsil Nazirliyi tərəfindən müəyyən işlər görülüb: 

"Belə ki, ümumtəhsil müəssisələrinin I sinifləri üçün yeni hazırlanan və bəzi məktəblərdə pilot layihə kimi istifadəyə veriləcək "Azərbaycan dili" və "Riyaziyyat" dərslikləri biri digərinin davamı olaraq 2 hissəli şəkildə tərtib edilib. Bu dərsliklərin I hissəsi birinci yarımil üçün, II hissəsi isə ikinci yarımil üçün nəzərdə tutulub. Əgər bu təcrübə özünü doğruldarsa, gələcəkdə digər irihəcmli dərsliklərin də 2 hissəli şəkildə tərtibi məsələsinə baxıla bilər".

Nazirlikdən həmçinin bildirilib ki, bu gün ölkəmizdə istifadədə olan heç bir dərslik özü-özlüyündə şagird üçün ağır deyil: "Əslində hər bir dərsliyin ayrılıqda çəkisinin nə qədər olmasından deyil, şagirdin qaldıra biləcəyi yükün – çantanın çəkisindən danışmaq daha doğru olardı. Ümumdünya Səhiyyə Təşkilatının tövsiyəsinə görə, bu çəki şagirdin ümumi çəkisinin 10%-dən çox olmamalıdır. Bu gün çox yüngül çəkili dərsliklər hazırlanarsa belə, çanta lüzumsuz yerə yükləndikdə şagird yenə ağırlıq problemi ilə üzbəüz qalacaq. Çantanın ağırlığına onun içərisinə dərsliklərdən əlavə, iş dəftərlərinin, müxtəlif test toplularının və digər əlavə tədris resurslarının, çoxlu dəftər və dəftərxana ləvazimatlarının, termosların, məktəbdə yemək üçün qidaların və s. qoyulması da təsir edir.

Balaca məktəblinin böyük yükü
© Karikatura
Balaca məktəblinin böyük yükü

Yeni dərs ilinə yeni kitablarla>>

Çantaya cədvəldə olmayan fənlər üzrə dərslikləri qoymamaq, evdə internetə çıxış imkanı varsa, şagirdlərin kağız dərsliklərini sinif otağında saxlamaqla evdə qadjetlər vasitəsi ilə dərsliklərin onlayn versiyalarından istifadə etmək, kağız formatında olan əlavə tədris resurslarını elektron formatlarla əvəz etmək və s. vasitələrlə şagird çantasının ağırlaşdırılmasının qarşısı alına bilər. Şagird çantasının yüngülləşdirilməsi istiqamətində bütün mümkün yollardan istifadə edilməlidir".

Qeyd edək ki, bu günlərdə Milli Məclisin Elm və təhsil komitəsinin sədri, akademik İsa Həbibbəyli də dərsliklərin çəkisinin yüngülləşdirilməsi məsələsinə toxunub. O bildirib ki, keyfiyyətli dərsliklərin olması üçün hazırda əla növ kağızlardan istifadə edilir:

"Adətən, dərsliklərin çapı üçün 70-80 qramlıq kağızlardan istifadə edilir. Təklif olunur ki, indi dərsliklərin çapı üçün daha yüngül kağızlardan istifadə edilsin".

İ.Həbibbəyli qeyd edib ki, hazırda dərsliklər əla növ kağızlardan istifadə edilməklə hazırlandığından 4 il istifadə edilmək üçün nəzərdə tutulur. Amma təklif edilən yüngülçəkili kağızlardan istifadə edilsə, dərsliklərin istifadə müddəti 1 ildən də az olar. Bu isə iqtisadi baxımdan sərfəli olmaz".

İ.Həbibbəyli öz növbəsində təklif edilən çap kağızının keyfiyyətindən razı qalmayıb: "Dərsliklərin çapı üçün təklif edilən kağızların dözümü azdır. Onlar dərslik çapı üçün tam yararlı deyil. Bədii kitabların çap olunduğu kağızlar da dərslik üçün yararlı deyil. Ona görə də dərsliklərin çəkisini yüngülləşdirmək üçün variantlar axtarılır".

635
Teqlər:
sağlamlıq, Təhsil Nazirliyi, orta təhsil, məktəb, dərslik
Əlaqədar
Birinci sinfə gedənlərin sayı açıqlandı
Valideynlərə xəbərdarlıq - bunu məktəbdən gözləməyin
Bakıda üç məktəb tam olaraq sökülüb
Təhsil Nazirliyi dərsliklərlə bağlı çağırış etdi
Türkiyədə itirdiyimiz gələcək - İcazə yoxdursa, ümid etməyin
Neft tankeri

"Palmali"yə məxsus tankerdə partlayışın səbəbi bilinmir

5
Tankerin sahibi Türkiyənin Palmali Shipping Agency şirkətidir, gəmi 2005-ci ildə Türkiyədə tikilib, lakin Rusiya bayrağı altında üzürmüş.

BAKI, 25 oktyabr - Sputnik. Azov dənizində Rusiya bayrağı altında üzən üzən və qəzaya uğrayan “General Həzi Aslanov” neft tankeri batırılmayacaq.

Sputnik Azərbaycan RİA Novosti-yə istinadən xəbər verir ki, bu barədə Rusiya Fövqəladə Hallar Nazirliyi (FHN) məlumat yayıb.

Məlumata əsasən, artıq tankerə su dolmur və onun batması gözlənilmir. "Merkuri" gəmisi tankeri Kerç limanına doğru çəkir.

Xatırladaq ki, qəza dünən axşam saatlarında baş verib. Belə ki, gəmidə partlayış olub. Hadisə zamanı gəmidə 13 heyət üzvü var imiş. Onlardan 10 nəfəri xilas edilib. Üç nəfər isə partlayış dalğasından dənizə düşüb. Onların axtarışına ətrafdakı gəmilər və helikopter cəlb olunub.

Hadisə vaxtı tankerdə yük olmayıb.

Qeyd edək ki, tanker Kerçdəki “Qafqaz” limanından Rostov-Don marşrutu üzrə hərəkət edirmiş.

Tankerin sahibi Türkiyənin Palmali Shipping Agency şirkətidir, gəmi 2005-ci ildə Türkiyədə tikilib, lakin Rusiya bayrağı altında üzürmüş. Qeydiyyat limanı Taqanroqdur.

5
Məktəb, arxiv şəkli

Uşaqlar hansı yaşdan etibarən maska taxmalıdırlar?

36
Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisləri belə hesab edirlər ki, 12 yaşdan başlayaraq uşaqlarda virusa qarşı həssaslıq yaranır.

BAKI, 24 oktyabr — Sputnik. Bütün dünyadan koronavirus epidemiyası yayıldığı gündən bu yana hansı yaşdan etibarən uşaqların maska taxmalı olduqları məsələsi də ən çox müzakirə olunan mövzulardan biridir. Rusiyalı ekspert bu suala dəqiq cavab verib.

Sputnik Azərbaycan RİA Novosti-yə istinadən bildirir ki, mütəxəssislər 12 yaşdan etibarən bütün uşaq və yeniyetmələrin maska taxmasını tövsiyə edirlər. Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisi belə hesab edir ki, bu yaşdan başlayaraq uşaqlarda virusa qarşı həssaslıq yaranır. Mütəxəssisin sözlərinə görə, bununla belə, uşaqlar COVID-19 virusunun aktiv daşıyıcıları hesab olunmurlar. Müşahidələr göstərir ki, bu virus əksər hallarda uşaqlara böyüklərdən yoluxur.

36