Dayanmış avtomobillər, arxiv şəkli

Qadağanı bilirik, dayanmaya bilmirik - Sürücülər dərdlərinə çarə axtarırlar

1016
(Yenilənib 17:33 01.09.2019)
Paytaxtda bir gün 600 min avtomobilin hərəkət edəcəyi sovet dövründə nəzərə alınmayıb

Zülfiyyə Quluyeva, Sputnik Azərbaycan

BAKI, 1 sentyabr — Sputnik. Paytaxtda dayanma-durma qaydalarını pozan sürücülərin cərimələnməsi avtodayanacaq problemini gündəmə gətirib. Sürücülər bəzi ərazilərdə dayanma-durmanın qadağan edildiyini bildiklərini deyir, amma həmin ərazidə avtodayanacaqların olmamasından şikayətlənirlər. Sputnik Azərbaycan mövzunun aktuallığını nəzərə alaraq avtodayanacaqlarla bağlı paytaxt sakinlərini, xüsusilə sürücüləri narahat edən məsələni araşdırıb.

Nəqliyyat üzrə ekspert Elməddin Muradlı Sputnik Azərbaycan-a açıqlamasında bildirib ki, Bakıda paytaxtda hərəkətə maneə yaradan yerlərdə avtomobillərin saxlanmasının qadağan edilməsi müsbət haldır. Amma ekspert bu gün bəzi ərazilərdə yol kənarlarında dayanma-durmanın qadağan edilməsinin sürücüləri çıxılmaz vəziyyətə qoyduğunu söyləyir.

Onun sözlərinə görə, paytaxtda elə ərazilər var ki, orada yol kənarlarında günün müəyyən saatlarında avtomobillərin saxlanılmasına icazə vermək olar: "Paytaxtda dayanma-durma nişanlarının qoyulması, mənim fikrimcə, mütləq müayinə aparıldıqdan sonra qoyulmalıdır. Çünki Bakıda elə ərazilər var ki, orada avtomobil saxlamaq üçün dayanacaqlar yoxdur. Bu zaman sürücü də haqlı olaraq sual verir ki, "bəs avtomobili harada saxlayım?"

Əgər bir küçədə avtodayanacaq yoxdursa, mütləq ikinci, yaxud da üçüncü küçədə olmalıdır. Bu gün elə ərazilər var ki, təcili tibbi yardım avtomobilləri belə o küçələrdə çağırışa getməyə çəkinir. Çünki avtomobili saxlamağa yer yoxdur. Bu məsələ Bakının ümumi problemidir.

Tutaq ki, paytaxtda, "Beşmərtəbə" ərazisində avtomobillərin yol kənarlarında saxlanılmasını qadağan etməyə haqq qazandırmaq olar. Çünki bu ərazidə, Qış Parkı ətrafında böyük yeraltı dayanacaq var. Amma bəzi ərazilərdə dayanma-durmanı qadağan etmək sürücüləri də çıxılmaz vəziyyətə salır. Çünki həmin ərazidə avtodayanacaq yoxdur".

E.Muradlı xüsusilə xəstəxanaların yaxınlığında avtodayanacaqların olmamasının sürücülər üçün problem yaratdığını söyləyir. Həmsöhbətimiz deyir ki, insanlar yaxınlarını xəstəxanaya apararkən məcburən avtomobili yol kənarında saxlamalı olurlar. Bir çox tibb müəssisələrinin yanında isə avtodayanacaqlar yoxdur. Ekspert Neftçilər prospekti boyunca da eyni vəziyyətin müşahidə olunduğunu söyləyib.

Əməkdar memar Elbəy Qasımzadə məsələnin şəhərsalmaya aid olduğunu desə də, problemdən aidiyyatı qurumların çıxış yolu tapmalı olduğunu söyləyir. Həmsöhbətimiz deyir ki, paytaxtda bir gün 600 min avtomobilin hərəkət edəcəyi sovet dövründə nəzərə alınmayıb:

"İndi şəhərsalma qaydalarında yeni tikililərin avtodayanacağının olması şərt kimi qoyulub. Sovet dövründə paytaxtda əhali sıxlığı bu həddə olmadığından problem yaranmırdı. Bu gün dayanma-durma ilə bağlı problemin yaranmasının bir səbəbi də avtomobil sıxlığı, universitetlərin, dövlət qurumlarının şəhərdə yerləşməsidir".

E.Qasımzadə deyir ki, Bakı şəhərində nəqliyyat vasitələri sahiblərinin dayanma, durma və parklanma qaydalarına riayət etməsinin təmin olunması və yol hərəkətinin təşkili sahəsində fəaliyyətin təkmilləşdirilməsi ilə bağlı əlavə tədbirlər haqqında Azərbaycan Respublikası Prezidentinin Fərmanında qeyd edilib ki, Bakı şəhərinin inzibati ərazisində yeni yeraltı və yerüstü avtomobil duracaqlarının (qarajlarının), həmçinin mühafizə olunan duracaqların yaradılması ilə bağlı zəruri tədbirlər görülməlidir. Çox güman ki, yaxın gələcəkdə sürücülərin bu problemi istiqamətində işlərə başlanılacaq.

1016
Teqlər:
problem, nəqliyyat, Bakı, parklanma, parklama, dayanacaq, avtomobil
Əlaqədar
Bakıda təzadlı vəziyyət meydana çıxıb, kimin "çaldığı havaya oynayacağımız" bəlli deyil
Çoxdan gözlənilən qərar verildi: Vətəndaşların əsas sıxıntılarından biri aradan qalxır
Bu küçələrdə maşın saxlamaq olmaz - Siyahı açıqlandı
Sürücülərin cərimələnməsi yenidən ajiotaja səbəb oldu - Kim haqlıdır?
Bakı əhli üçün "extra large" sevincin tərs üzü - "Özümüz çətinləşdiririk"
Sazlar, arxiv şəkli

Aşıq sənəti ilə bağlı mühüm layihə davam edir

4
(Yenilənib 12:42 27.11.2020)
Layihədə Azərbaycan aşıq sənətinin tarixi, müasir günümüzdə inkişafı, bu sənətin görkəmli nümayəndələri haqqında məlumatlar və aşıqların həm videoarxiv, həm də yeni lentə alınan ifaları yer alacaq.

BAKI, 27 noyabr — Sputnik. Beynəlxalq Muğam Mərkəzi (BMM) aşıq sənətimizi təbliğ edən yeni onlayn "Aşıq musiqimizin inciləri" adlı layihəyə start verib.

Sputnik Azərbaycan xəbər verir ki, layihədə Azərbaycan aşıq sənətinin tarixi, müasir günümüzdə inkişafı, bu sənətin görkəmli nümayəndələri haqqında məlumatlar və aşıqların həm videoarxiv, həm də yeni lentə alınan ifaları yer alacaq. Layihənin ilk buraxılışları Kəlbəcər aşıqlarına həsr olunub.

Aşıq sənəti şifahi ənənəli Azərbaycan musiqi mədəniyyətinin ən qədim sahələrindən biridir. Ta qədim zamanlardan aşıqlar elin ən hörmətli ağsaqqalı, məsləhətçisi, dostu sayılmışlar. Onlar həmişə el içində yaşamış, öz dövrlərinin, mühitlərinin bilikli, məlumatlı adamları, müdrik sənətkarları olmuşlar. Aşıq yaradıcılığında xalqımızın çoxəsrlik tarixi, xarici düşmənlərə qarşı mübarizəsi, əmək şəraiti, toy-düyünləri rəngarəng bədii boyalarla öz ifadəsini tapmışdır.

Azərbaycan dövlətinin, xüsusilə UNESCO və ICESCO-nun xoşməramlı səfiri, Birinci vitse-prezident Mehriban xanım Əliyevanın aşıq sənətinin qorunması, inkişafı və təbliği istiqamətində fəaliyyəti nəticəsində Azərbaycanın aşıq sənəti UNESCO-nun Qeyri-Maddi Mədəni İrs üzrə Reprezentativ siyahısına daxil edilib.

Bu gün Azərbaycan hökumətinin həyata keçirdiyi məqsədyönlü siyasət və bu istiqamətdə müvafiq tədbirlər nəticəsində Azərbaycan aşıq sənətini dünya qeyri-maddi irsinin inciləri sırasında görürük. Bu hadisə beynəlxalq səviyyədə aşıq sənətinin Azərbaycan mədəni irsinin ən qədim nümunələrindən biri olduğunu bir daha təsdiqləyir.

BMM öz fəaliyyətində aşıq sənətini təbliğ edən çoxsaylı layihələr həyata keçirir. Bu layihələr sırasında "Aşıq musiqisi axşamları" adlı silsilə konsertləri, aşıq sənətinə həsr olunan dəyirmi masa və müzakirələri qeyd etmək olar.

4
Teqlər:
layihə, UNESCO, Bakı Beynəlxalq Muğam Mərkəzi, sənət, aşıq
Tuneldə dayanmış adam, arxiv şəkli

Yasamalda qətl baş verib, qatil axtarışdadır

2
(Yenilənib 12:39 27.11.2020)
Hazırda prokurorluq və polis əməkdaşları tərəfindən cinayəti törətmiş şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 26-da saat 20 radələrində Yasamal rayonu ərazisində Əli Əliyevin aldığı bədən xəsarətləri nəticəsində ölməsi barədə Yasamal rayon prokurorluğuna məlumat daxil olub.

Sputnik Azərbaycan Yasamal Rayon Prokurorluğunun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Yasamal rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla hadisənin zərərçəkmişin tanışı Elvin Şəmmədov və onun yanında olan şəxsiyyəti istintaqa məlum olmayan şəxsin aralarında şəxsi münasibətlər zəminində yaranmış münaqişə zamanı törədərək hadisə yerindən qaçmalarına əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

2
Teqlər:
Yasamal rayonu, axtarış, qatil, qətl
İran bayrağı, arxiv şəkli

İranlı diplomat Avropada məhkəmə qarşısına çıxarılacaq

0
İranın Vyanadakı Səfirliyinin müşaviri Əsədullah Əsədi Parisdə keçirilən mitinqə bombalı hücum planlaşdırmaqda ittiham olunur.

 

BAKI, 27 noyabr — Sputnik. Belçikanın Antverpen şəhər məhkəməsi 2018-ci ildə Fransada bir müxalifət qrupunun mitinqində bomba partlayışı planlaşdırmaqda günahlandırılan iranlı diplomat və onun üç həmvətənini mühakimə edəcək. Sputnik Azərbaycan-ın korrespondent.net saytına istinadən yaydığı məlumata görə, bu, Avropa Şurasına üzv ölkələrdən birində İranın dövlət nümayəndəsinin terrorizmdə günahlandırılaraq məhkəmə qarşısına çıxarıldığı ilk hadisədir.

Belçika prokurorluğu İran diplomatı Əsədullah Əsədini və digər üç nəfəri Parisdə İran Milli Müqavimət Şurasının (NCRI) mitinqinə hücum planlaşdırmaqda günahlandırır. Qeyd edək ki, sözügedən mitinqdə ABŞ Prezidenti Donald Trampın vəkili Rudi Culianı də çıxış etmişdi. Həmin vaxt Əsədi İranın Vynadakı səfirliyində üçüncü müşavir vəzifəsini tutub. Fransa rəsmiləri onun Cənubi Avropadakı kəşfiyyatdan məsul olduğunu və Tehranın əmri ilə hərəkət etdiyini bildirirlər.

Öz növbəsində, Tehran dəfələrlə ittihamları rədd edərək, terror qrupu hesab etdiyi NCRI-nin bu cür iddiaları əlində "yalançı bayraq" etdiyini bildirib. Əsədi ittihamlarla bağlı açıqlama verməsə də, onun vəkili diplomatın məhkəmə qarşısına çıxacağını təsdiqləyib.

Polis sənədləri göstərir ki, Əsədi mart ayında hakimiyyət orqanlarını günahkar bilinəcəyi təqdirdə müəyyən qruplar tərəfindən cavab tədbirlərinin görüləcəyi ilə bağlı xəbərdar edib.

Səlahiyyətli orqanlar hücumun qarşısının Fransa, Almaniya və Belçika təhlükəsizlik qüvvələri arasında koordinasiyalı əməliyyatla alındığını bildiriblər. Əsədi Almaniyada istirahət edərəkən tutulub və Belçikaya təhvil verilib. Bu ölkədə onun cinayəti birgə törətməyi planlaşdırdığı iddia olun iki əlaltısı da həbs olunub. Həmin şəxlərdən yarım kilo partlayıcı maddəsi və bir partlayıcı qurğu götürülüb. Belçika səlahiyyətliləri Əsədinin partlayıcı maddələri Tehrandan Vyanaya ticarət reysi ilə gətirdiyini güman edir.

Artıq Fransa sui-qəsdin arxasında İran Kəşfiyyat Nazirliyinin olduğunu iddia edərək bir İran diplomatını ölkədən uzaqlaşdırıb. Avropa Şurası isə İran kəşfiyyatının və rəsmi şəxslərin əmlakını dondurub.

Xatırladaq ki, bir qədər bundan əvvəl Fransa Prezidenti Emmanuel Makron müsəlman liderlərinə ultimatum vermişdi. Makron onların 15 gün ərzində "respublika dəyərləri xartiyası"nı qəbul etmələrini istəyir.

Avstriyada da radikal islamçılara qarşı xüsusi əməliyyatın keçirildiyi barədə də məlumat verilmişdi. Qeyd olunurdu ki, polis artıq terrorçuları dəstəkləməkdə şübhəli bilinən 70 şəxsin və bir neçə təşkilatın izinə düşüb.

0