Mingəçevir şəhərində gəmi istifadəçiləri üçün maarifləndirmə tədbiri keçirilib

Gəmidə üzən kimə güvənsin? - Nazirlik yoxlama keçirəcək

261
(Yenilənib 12:09 31.08.2019)
Bu il günün qaranlıq vaxtı hərəkət edən, hərəkət zamanı sürücülük vəsiqələri olmayan və xilasedici canlıqdan istifadə edilmədən hərəkətdə olan gəmilər haqqında 20-yə qədər İnzibati Xətalar Məcəlləsinin 310 və 311–ci maddələrinə uyğun olaraq protokol tərtib olunub

İradə Cəlilova, Sputnik Azərbaycan

BAKI, 30 avqust — Sputnik. Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti avqustun 28-də Mingəçevir şəhərində gəmi istifadəçiləri üçün maarifləndirmə tədbiri keçirilib.

Sputnik Azərbaycan bildirir ki, Mingəçevir şəhəri Kür çayı sahilində "Kiçikhəcmli gəmilərin təhlükəsiz istismarı" mövzusunda keçirilən tədbirdə FHN-in Aran Regional Mərkəzinin, Mingəçevir şəhər İcra Hakimiyyətinin, Daxili İşlər Nazirliyinin Nəqliyyatda Baş Polis İdarəsinin Su Nəqliyyatında Polis İdarəsinin əməkdaşları və kiçikhəcmli gəmi istifadəçiləri iştirak ediblər.

Tədbirdə çıxış edən Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin İctimaiyyətlə əlaqələr və təbliğat şöbəsinin rəisi daxili xidmət mayoru Aqşin Əlili tədbir iştirakçılarına kiçikhəcmli gəmilərin təsnifatı, kiçikhəcmli gəmilərin qanunvericiliklə nəzərdə tutulmuş qaydada dövlət qeydiyyatına alınması və texniki baxışdan keçirilməsi, habelə gəmi sürücüləri tərəfindən sürücülük vəsiqələrinin alınmasının vacibliyi haqqında geniş məlumat verib.

Əlili qeyd edib ki, istismara buraxılmamışdan əvvəl bütün gəmilər dövlət qeydiyyatından keçirilməli, onlar bort nömrəsi, gəmi bileti, texniki talonlarla təmin olunmalıdır. Bunun üçün isə xidmətə ərizə ilə rəsmi formada müraciət etmək lazımdır: "Bizim əməkdaşlarımız tərəfindən mütəmadi olaraq nəzarət tədbirləri həyata keçirilir. Mingəçevir şəhərinin artıq böyük bir turizm şəhərinə çevrilməsini nəzərə alaraq burada istismar olunan gəmilərin təhlükəsiz hərəkəti bizim diqqət mərkəzimizdədir. Biz çalışırıq ki, burada fəaliyyət göstərən gəmilərin texniki normaları qaydaların tələb etdiyi formada olsun. Bu il günün qaranlıq vaxtı hərəkət edən, hərəkət zamanı sürücülük vəsiqələri olmayan və xilasedici canlıqdan istifadə edilmədən hərəkətdə olan gəmilər haqqında 20-yə qədər İnzibati Xətalar Məcəlləsinin 310 və 311 –ci maddələrinə uyğun olaraq protokollar tərtib olunub".

A.Əlili tədbir iştirakçılarına kollektiv və fərdi xilasedici vasitələrdən istifadə qaydaları haqqında da məlumat verib.

  • Kiçikhəcmli gəmilərə və bazalara texniki nəzarət şöbəsinin rəisi daxili xidmət kapitanı Elçin Səfiyev
    Kiçikhəcmli gəmilərə və bazalara texniki nəzarət şöbəsinin rəisi daxili xidmət kapitanı Elçin Səfiyev
    © Sputnik / Irade JELIL
  • Mingəçevir şəhərində gəmi istifadəçiləri üçün maarifləndirmə tədbiri keçirilib
    Mingəçevir şəhərində gəmi istifadəçiləri üçün maarifləndirmə tədbiri keçirilib
    © Sputnik / Irade JELIL
  • Mingəçevir şəhərində gəmi istifadəçiləri üçün maarifləndirmə tədbiri keçirilib
    Mingəçevir şəhərində gəmi istifadəçiləri üçün maarifləndirmə tədbiri keçirilib
    © Sputnik / Irade JELIL
  • Mingəçevir İcra Hakimiyyəti aparatının birinci ərazi dairəsi üzrə icra nümayəndəsi Rizvan Mikayıllı
    Mingəçevir İcra Hakimiyyəti aparatının birinci ərazi dairəsi üzrə icra nümayəndəsi Rizvan Mikayıllı
    © Sputnik / Irade JELIL
  • Mingəçevir şəhərində gəmi istifadəçiləri üçün maarifləndirmə tədbiri keçirilib
    Mingəçevir şəhərində gəmi istifadəçiləri üçün maarifləndirmə tədbiri keçirilib
    © Sputnik / Irade JELIL
1 / 5
© Sputnik / Irade JELIL
Kiçikhəcmli gəmilərə və bazalara texniki nəzarət şöbəsinin rəisi daxili xidmət kapitanı Elçin Səfiyev

Daha sonra Mingəçevir İcra Hakimiyyəti aparatının birinci ərazi dairəsi üzrə icra nümayəndəsi Rizvan Mikayıllı qeyd edib ki, Mingəçevir respublikanın mühüm əhəmiyyətə malik olan 4-cü şəhəridir: "Ölkə prezidentinin siyasətinə uyğun olaraq sahibkarlıq fəaliyyətinin inkişafına hər zaman dəstək oluruq. Hər bir sahibkar qanun çərçivəsində fəaliyyət göstərməlidir. Hər bir qurum da öz səlahiyyətlərini icra etməlidir".

R. Mikayıllı bildirib ki, İcra hakimiyyəti nümayəndələri dəfələrlə müxtəlif məsələrlə bağlı sahibkarlarla söhbətlər aparılıb.

Kiçikhəcmli gəmilərə və bazalara texniki nəzarət şöbəsinin rəisi daxili xidmət kapitanı Elçin Səfiyev bildirib ki, sentyabr ayının sonunda Azərbaycan Respublikası daxili su hövzələri üzrə region şöbəsinin ərazisində texniki baxış keçiriləcək. Kiçik həcmli gəmilərdən istifadə edən hər bir vətəndaş, gəmi sahibi gəmilərini texniki baxışdan keçirməyə borcludur. Və bununa bağlı sənədlərini təqdim etməlidir. Texniki baxışdan keçməyən kiçik həcmli gəmilərin istismarına qadağa qoyulacaq şəxslər inzibati məsuliyyətə cəlb olunacaqdır.

Tədbirdə FHN-in Aran Regional Mərkəzinin ərazi orqanları ilə iş şöbəsinin baş zabiti, daxili xidmət kapitanı Azər Mahmudov, qurumun maarifləndirmə sektorunun baş məsləhətçisi Anan Məmmədov və digərləri çıxış edərək, müzakirələrə qatıldılar.

Tədbirin sonunda sahibkarlara və gəmi istifadəçilərinə kiçikhəcmli gəmilərin təchizat avadanlıqları və təhlükəsiz istismar qaydaları haqqında maarifləndirici broşürlər təqdim edilib.

261
Teqlər:
FHN, gəmi, Mingəçevir
QİÇSdən qan analizi

Cəmiyyətin üz döndərdiyi insanlar: bu gün onlar yad edilirlər

0
(Yenilənib 16:22 16.05.2021)
QİÇS mərhələsində olan vətəndaşların sayı 1889 nəfər, İİV-infeksiyasından dünyasını dəyişən vətəndaşların sayı isə 1119 nəfərdir

BAKI, 16 may — Sputnik. Hər il may ayının üçüncü istirahət günü QİÇS-dən dünyasını dəyişən insanların Ümumdünya Xatirə günü kimi qeyd edilir. Sputnik Azərbaycan Səhiyyə Nazirliyinə istinadən xəbər verir ki, Xatirə günü QİÇS-dən vəfat edənlərin yad olunması, insanları QİÇS-ə yoluxma təhlükəsi haqqında düşünmələri, onların irqindən, milliyyətindən, dinindən, sosial vəziyyətindən asılı olmayaraq, QİÇS-dən sığortalanmadıqlarını dərk etmələrinə çağırır. Eyni zamanda, bu tədbir cəmiyyətin diqqətini, İİV-lə yaşayan insanlara qarşı stiqma və diskriminasiyanı aradan qaldırmaq, onların ailə üzvlərinə, yaxınlarına və dostlarına dəstək vermək, geniş ictimaiyyətə İİV/QİÇS haqqında düzgün informasiya çatdırmaq məqsədi daşıyır.

Ümumilikdə, Azərbaycanda ilk dəfə İİV-infeksiyasının aşkar edilidiyi 1987-ci ildən 2021-ci ilin mayın 1-dək olan rəqəmlərə görə, hazırda 7449 nəfər İİV-lə yaşayan insan rəsmi qeydiyyatdadır. Onlardan 5198-i (69,8%) kişi, 2251-i (30,2%) qadındır. QİÇS mərhələsində olan vətəndaşların sayı 1889 nəfər, İİV-infeksiyasından dünyasını dəyişmiş vətəndaşların sayı isə 1119 nəfərdir.

Səhiyyə Nazirliyi tərəfindən İİV-lə yaşayan insanlara profilaktika, müalicə, qulluq və dəstəyin göstərilməsinin təmin edilməsi işi əvvəlki illərdə olduğu kimi, Respublika QİÇS-lə Mübarizə Mərkəzində davam etdirilir. Belə ki, 08.11.2006-cı il tarixdən tətbiq edilən antiretrovirus terapiyaya 6627 insan cəlb olunub, onlardan 211 nəfərə müalicə 2021-ci ilin ilk 4 ayı ərzində başlanılıb.

Hazırda, Respublika QİÇS-lə Mübarizə Mərkəzi, COVID-19 pandemiyası ilə əlaqədar, İİV-lə yaşayan insanların koronavirus infeksiyasına yoluxma təhlükəsinin qarşısını almaq məqsədi ilə, öz işini UNAİDS-in tövsiyyələrinə uyğun olaraq həyata keçirir. İİV-lə yaşayan insanların dərman çatışmazlığının qarşısını almaq məqsədi ilə onlara ARV dərmanlarının 3 aylıq ehtiyatı verilir. Eyni zamanda, ehtiyac olduqda onların koronavirusa görə testə göndərilməsi həyata keçirilir. İİV-lə yaşayan insanların koronavirusa yoluxmaya görə yüksək risk daşıması ilə əlaqədar onların COVID-19 barədə biliklərinin artırılması məqsədilə xüsusi broşur nəşr olunub.

Bütün dünyada olduğu kimi Azərbaycanda da ənənəvi olaraq QİÇS-dən dünyasını dəyismiş insanların xatirəsi anılır. Koronavirus pandemiyası ilə əlaqədar ölkədə tətbiq edilən "Karantin rejimi" ilə əlaqədar maarifləndirmə işləri, həmçinin İİV-infeksiyası ilə əlaqədar vətəndaşların sorğularının cavablandırılması üçün RQMM-in rəsmi internet səhifəsində yeni modul yaradılıb və 24 saat onlayn fəaliyyət göstərən həkim və digər əməkdaşların mobil telefonları orada qeyd olunub.

Bu xatirə günündə QİÇS-dən dünyasını dəyişənləri bir daha yada salır və hamını sağlam həyat naminə İİV-infeksiyası/QİÇS-lə mübarizədə səyləri birləşdirməyə çağırırıq.

Eləcə də oxuyun: 

Narkotik istifadəçilərinə Səhiyyə Nazirliyindən məsləhətlər

Bu aralar QİÇS-dən ölənlərin sayı kəskin arta bilər

Kişinin ölümcül xəstəliyi 25 il ondan gizlədilib

 

0
Teqlər:
anım, xəstəlik, QİÇS
Bülbülün doğulub boya-başa çatdığı Şuşadakı evi

Polad Bülbüloğlu Şuşada ata evinin bərpası haqqında danışıb - VİDEO

0
O bildirib ki, həmin ev ümummilli lider Heydər Əliyevin tapşırığına əsasən 1983-cü ildən Bülbülün Bakı Muzeyinin Şuşa filialı kimi fəaliyyət göstərib. Burada Bülbülə aid məlumatlar, müxtəlif eksponatlar olub. Amma işğalçılar buranı tam talan edib və hər şeyi dağıdıb.

BAKI, 16 may — Sputnik. Polad Bülbüloğlu illər sonra Bülbülün doğulduğu evi ziyarət edib.

Sputnik Azərbaycan xəbər verir ki, Azərbaycanın Xalq artisti, opera ifaçısı Yusif Eyvazov özünün media hesabında həmin anı paylaşıb. Bülbülün doğulub boya-başa çatdığı Şuşadakı evindən sadəcə iki divar salamat qalıb.

Şuşaya "Xarı bülbül" festivalı çərçivəsində səfər edən Polad Bülbüloğlu bir neçə sənət adamlarına Bülbülün evi barədə məlumat verib.

O bildirib ki, həmin ev ümummilli lider Heydər Əliyevin tapşırığına əsasən 1983-cü ildən Bülbülün Bakı Muzeyinin Şuşa filialı kimi fəaliyyət göstərib. Burada Bülbülə aid məlumatlar, müxtəlif eksponatlar olub. Amma işğalçılar buranı tam talan edib və hər şeyi dağıdıb.

Eləcə də oxuyun: 

Şuşada bu ifa hamını təsirləndirdi - Prezident kövrəldi, Nazir ağladı - Video

Həsrəti sovuran unudulmaz iki gün: Şuşada "Xarı-bülbül" festivalı - VİDEO

Şuşa məscidi və Xudafərin körpüsü Goranboya "gətirildi"

 

0
Teqlər:
video, Bülbül, ev, Şuşa, Polad Bülbüloğlu