Hind narı, arxiv şəkli

Azərbaycanlı bağban şəkər təzyiq dərmanını həyətində yetişdirir

556
(Yenilənib 21:51 26.08.2019)
Hazırda ağaclardan birinin üzərində 30-a yaxın meyvə var. Bağban deyir ki, onlar avqustun sonunda yetişəcək

İlham Əhmədov, Sputnik Azərbaycan

BAKI, 26 avqust — Sputnik. Bum - Qəbələ rayonunun ən böyük qəsəbələrindən biridir. Bura şabalıd, qoz və fındıq ağaclarının çoxluğu ilə digər kənd və qəsəbələrdən fərqlənir. Qəsəbə sakini Hakim Paşa da illərdir bağçılıq və tingçiliklə məşğuldur. Onun həyətyanı sahəsində çoxlu sayda dekorativ və meyvə ağacları görmək mümkündür.

Sputnik Azərbaycan-ın bölgə müxbiri xəbər verir ki, gündəlik dolanışığını tingçiliklə qazanan Hakim Paşa əsasən yaz-payız aylarında satış edir. Bir neçə il bundan qabaq Qəbələdə mürəbbə festivalı zamanı rayona qonaq gəlmiş hindli bir qonaq isə ona maraqlı fürsət bəxş edib: "Festivalda gəzərkən bir qonaqla tanış oldum. Bağbanlıqla məşğul olduğumu ona dedim".

Həmin əsnada qonağın əlində fərqli bir meyvə görən Hakim Paşa onun nə olduğunu soruşur. Qonaq bunun hind narı olduğunu, ancaq isti ərazilərdə böyük qulluq hesabına yetişdiyini bildirir. Olduqca marağını çəkən bu meyvəni necə əldə etməyi soruşan Hakim Paşaya hindli qonaq əlindəkilərdən ikisini bağışlayır. Amma yenə də vurğulayır ki, buralarda hind narı yetişməz.

Tədbirdən sonra evə gələn bağban meyvəni incələməyə başlayır və meyvənin içində bir neçə nar dənəciyi olduğunu görür. Dənəcikləri meyvədən təmizləyərək böyük diqqətlə qurudan bağban səbirsizliklə yazın gəlməsini gözləyir. Yaz aylarında böyük özənlə dənəcikləri öncə nəm salfet altında suda saxlayır, bir neçə gündən sonra isə torpağa basdırır. Toxumların cücərməsi uzun çəkir.

Nəhayət, keçən il ilk dəfə olaraq bağban iki hind narı ağacı yetişdirməyə nail olur. O, əldə etdiyi meyvələrdən yaxınlarına və tanışlarına hədiyyə edir.

Azərbaycanda yeni rekord təzələndi>>

Hakim Paşa hamının xoşuna gələn bu meyvənin artıq kütləvi şəkildə yetişdirilməsini planlaşdırır. Bağban deyir ki, övladlarının internetdə apardıqları araşdırmadan məlum olub ki, həmin meyvə qan təzyiqi, şəkər və digər xəstəliklərin müalicəsində geniş istifadə edilir və həmin xəstəliklərdən əziyyət çəkən insanlar üçün olduqca xeyirlidir.

Hazırda ağaclardan birinin üzərində 30-a yaxın meyvə var. Bağban deyir ki, onlar avqustun sonunda yetişəcək.

556
Teqlər:
şəkərli diabet, qan təzyiqi, bağban, bağ
Əlaqədar
"Bu təcrübə Azərbaycanda tətbiq edilsə, həm satan qazanacaq, həm alan"
Təbiətin qatilləri çoxalıb: Bilərəkdən də, bilməyərəkdən də hər şeyi məhv edirlər
Hindistan narı Qəbələdə – qeyri-adi meyvə Azərbaycanda necə yetişdirilir
İmtahan, arxiv şəkli

Buraxılış imtahanlarının sadələşməsi üçün təkliflər hökumətə təqdim edildi

4
Proqram hazırlanarkən ilk növbədə indi 9-cu sinifdə təhsil alan şagirdlərin aşağı siniflərdə keçdikləri dərsliklərlə, hazırda istifadədə olan dərsliklər müqayisə olunmuş və hər iki dərslikdə eyni olan mövzular proqrama daxil edilib.

BAKI, 5 mart — Sputnik. Dövlət İmtahan Mərkəzi ümumi (9 illik) orta təhsil səviyyəsi üzrə buraxılış imtahanı üçün materialların məzmununda və təşkilində sadələşmə aparılması üçün təkliflər hazırlayaraq Nazirlər Kabinetinə təqdim edib. Mərkəzdən Sputnik Azərbaycan-a verilən məlumata görə, 2020-ci il mart ayından etibarən ölkəmizdə COVID-19 pandemiyası ilə bağlı xüsusi karantin rejimi tətbiq edilir. Xüsusi karantin rejiminin qaydalarına uyğun olaraq hələ də ümumtəhsil müəssisələrində tədris prosesi tam olaraq ənənəvi qaydada həyata keçirilmir. Həmçinin ötən ilin sentyabr-noyabr aylarında Vətən müharibəsi baş verdi. 44 gün ərzində müzəffər ordumuz cənab Ali Baş Komandan İlham Əliyevin rəhbərliyi ilə işğal altında olan torpaqlarımızı düşməndən azad etdi. Azərbaycanın ərazi bütövlüyü təmin edildi.

Baş vermiş hadisələrlə əlaqədar bəzi bölgələrdə təlim-tədris prosesində müəyyən fasilələr yaranmışdır. Dövlət İmtahan Mərkəzi tərəfindən Təhsil Nazirliyinin mütəxəssisləri ilə birgə razılıq əsasında mövcud vəziyyət nəzərə alınaraq ümumi (9 illik) orta təhsil səviyyəsi üzrə buraxılış imtahanı üçün materialların məzmununda və təşkilində sadələşmə aparılması üçün təkliflər hazırlanaraq Nazirlər Kabinetinə təqdim edilib.

Nəzərdə tutulan dəyişikliklərlə bağlı, yəni ümumi (9 illik) orta təhsil səviyyəsi üzrə buraxılış imtahanının bir mərhələdə keçirilməsi, imtahan proqramı və yeni imtahan modeli 2020-ci ilin dekabrında "Abituriyent" jurnalının xüsusi buraxılışında dərc olunaraq ictimaiyyət məlumatlandırılıb.

Jurnalda qeyd olunduğu kimi, proqramda əsas hissə kimi 5-ci sinifdən başlayaraq 9-cu sinfin 1-ci yarımilində keçilmiş materiallar götürülür. Tədris prosesində 2-ci yarımildə keçilməsi planlaşdırılan mövzular üzrə tapşırıqlar isə 5-8-ci siniflər üzrə tərtib olunacaq.

Proqram hazırlanarkən ilk növbədə indi 9-cu sinifdə təhsil alan şagirdlərin aşağı siniflərdə keçdikləri dərsliklərlə, hazırda istifadədə olan dərsliklər müqayisə olunmuş və hər iki dərslikdə eyni olan mövzular proqrama daxil edilib. Aşağı sinif dərsliklərinə yeni daxil edilmiş və çıxarılmış mövzular proqrama salınmayıb. Beləliklə, demək olar ki, proqramda verilmiş mövzuların hamısı tədris prosesində keçilib.

Nazirlər Kabinetinin 2016-cı il 12 dekabr tarixli 498 nömrəli Qərarı ilə təsdiq edilmiş "Ümumi təhsil pilləsində təhsilalanların yekun attestasiyasının aparılması Qaydaları"nda dəyişiklik edilməsi haqqında Nazirlər Kabinetinin 4 mart 2021-ci il tarixli qərarı ilə ümumi orta təhsil səviyyəsi üzrə buraxılış imtahanının bir mərhələdə keçirilməsi, imtahanda şagirdlərə tədris dili fənnindən 30, xarici dil fənnindən 30 və riyaziyyat fənnindən 25 olmaqla, ümumilikdə 85 tapşırığın verilməsi təsdiq edilib.

DİM-in səriştəsizliyi və yaxud imtahanda biznes maraqları>>

Xatırladırıq ki, Dövlət İmtahan Mərkəzi və Təhsil Nazirliyinin mütəxəssisləri hazırki vəziyyəti bir daha təhlil edərək tapşırıqların formasını daha da sadələşdiriblər. Əvvəlcədən elan olunduğu kimi, "Abituriyent" jurnalının xüsusi buraxılışında verilən modeldən fərqli olaraq yeni təqdim olunan imtahan modelinə əsasən, imtahanda yazılı cavab tələb edən açıq tipli tapşırıqlar istifadə olunmayacaq. İmtahanda iştirakçılara qapalı tipli tapşırıqlar və kodlaşdırıla bilən seçim və hesablama formalı açıq tipli tapşırıqlar təqdim olunacaq.

Məlumat üçün qeyd edək ki, Dövlət İmtahan Mərkəzi tərəfindən yaxın vaxtlarda otk.az portalı vasitəsilə yeni imtahan modelinə uyğun sınaq imtahanı keçiriləcək.

Yeni imtahan modeli aşağıdakı kimidir:

http://dim.gov.az/news/6346/

4
Polis Şöbəsi

Bakıda itkin düşən 13 yaşlı qız tapılıb

3
(Yenilənib 10:18 05.03.2021)
Ailə məsələyə operativ reaksiyaya göstərərək yetkinlik yaşına çatmayan övladlarının tapılmasına görə polis əməkdaşlarına təşəkkür edib

BAKI, 5 mart — Sputnik. Ötən gün Suraxanı rayonu, Hövsan qəsəbəsində 13 yaşlı Aleksandra Dünyamalızadənin evdən çıxıb geri qayıtmaması barədə məlumat yayılıb.

Daxili İşlər Nazirliyinin Mətbuat xidmətindən Sputnik Azərbaycan-a verilən məlumata görə, Hövsan qəsəbəsində yerləşən Suraxanı Rayon Polis İdarəsinin 30-cu Polis Şöbəsinin əməkdaşları tərəfindən qısa zamanda görülən tədbirlər nəticəsində A.Dünyamalızadə tapılaraq ailəsinə təhvil verilib.

Ailə məsələyə operativ reaksiyaya göstərərək yetkinlik yaşına çatmayan övladlarının tapılmasına görə polis əməkdaşlarına təşəkkür edib.

3