Turan Ləvəndin arıçılıq təsərrüfatı

Türkiyə türkü Qəbələnin "tərəkəmə" arıları ilə yerlilərə pul qazanmaq öyrədir

694
(Yenilənib 19:00 24.08.2019)
Bol məhsul almaq istəyən azərbaycanlı arıçılara məsləhət görürəm ki, hər il ana arıları mütləq dəyişdirsinlər

İlham Əhmədov, Sputnik Azərbaycan

BAKI, 24 avqust — Sputnik. Arıçılıq Azərbaycanda çox qədim tarixə malikdir. Qəbələnin əlverişli iqlimi, zəngin bitki örtüyü iqtisadi cəhətdən gəlirli olan bu sahənin inkişafını şərtləndirən başlıca amillərdəndir.

Sputnik Azərbaycan-ın bölgə muxbiri xəbər verir ki, 27 ildir Azərbaycanda yaşayan, Türkiyə Respublikasının vətəndaşı Turan Ləvəndin də arıçılıq təsərrüfatı var. Arı ailələrini Qəbələ rayonunun ucqar daglıq ərazisində, sıx meşələrlə əhatə olunan Çömçəbulaqda yerləşdirən Turan Ləvənd uzun illərdir dədə-babadan qalan yolu davam etdirir. O, arıların mövsümə daha sağlam və məhsuldar  çıxmasını onlara göstərilən diqqət və qayğının, eləcə də zərərvericilərə qarşı bütün zootexniki tədbirlərin vaxtında aparılmasının nəticəsi olduğunu deyir. Arıçı deyir ki, arı ailələrinin gəzdirilməsi həm məhsuldarlığın yüksək olmasına, həm də onun keyfiyyətinə müsbət təsir edir.

"Hal-hazırda 100-dən çox arı yeşiyim var. Hər il daha da inkişaf edir. Əlli beş ilə yaxındır arıçılıqla məşğulam. 62 yaşım var. Atamın atasının vaxtından arıçılıqla məşğuluq. Arıları təxminən 5 yerdə gəzdirirəm. Birinci Tərtərdən gətirirəm Qəbələnin Tola kəndinə, orada balıqçılığım da var, arı qaratikandan bal yığır. Oradan gətirirəm Zarağana, şabalıddan yığır. Sonra qaldırıram Bumun qəsəbəsinin başına, Qəmərvan kəndinin alt tərəfinə, orada həm cökədən, həm şabalıddan şirə çəkir. Axırda da gətirirəm Çömçəbulaq ətrafına. Ərazidə cökə, dağ çiçəkləri, kəklikotu bitir. Yuxarı dağlara getmişdim, baxdım ki, bütün arılar kəklikotunun üzərindədir. Ona görə də buranın balı çox keyfiyyətli, çox gözəl olur", - deyə Turan Ləvənd sirlərini bölüşür.

  • Turan Ləvəndin arıçılıq təsərrüfatı
    Turan Ləvəndin arıçılıq təsərrüfatı
    © Sputnik / Ilham Ahmadov
  • Turan Ləvəndin arıçılıq təsərrüfatı
    Turan Ləvəndin arıçılıq təsərrüfatı
    © Sputnik / Ilham Ahmadov
  • Turan Ləvəndin arıçılıq təsərrüfatı
    Turan Ləvəndin arıçılıq təsərrüfatı
    © Sputnik / Ilham Ahmadov
  • Turan Ləvəndin arıçılıq təsərrüfatı
    Turan Ləvəndin arıçılıq təsərrüfatı
    © Sputnik / Ilham Ahmadov
  • Turan Ləvəndin arıçılıq təsərrüfatı
    Turan Ləvəndin arıçılıq təsərrüfatı
    © Sputnik / Ilham Ahmadov
1 / 5
© Sputnik / Ilham Ahmadov
Turan Ləvəndin arıçılıq təsərrüfatı

Artıq bir həftədir ki, fermer bal süzümünə başlayıb. Arıçı hər arı ailəsindən orta hesabla 30-35 kiloqram bal süzə biləcəklərini deyir. O, həmçinin uzun illərin təcrübəsini digər arıçılarla da bölüşür.

T.Ləvənd onu da qeyd edir ki, ilk dəfədir ki, Qəbələdə rekord miqdarda bal alacaq. Üstəlik, o, "arıkeçməz" adlanan yeni vasitədən istifadə edib: bal süzülən zaman təknədə arılardan rahatlıqla qorunmaq üçün şəbəkənin köməyilə arıların təması kəsilir və arıçı sərbəst və rahat şəkildə bal götürür. Bu vasitəni o ilk dəfə bu il Türkiyədən gətirərək sınayıb. Uğurlu alınıb. Ləvənd bu əlverişli vasitəni həmkarlarına da tövsiyə edir.

"Bu bölgədə bal çox keyfiyyətli olur. Gün keçdikcə azərbaycanlı qardaşlara da öyrədirik. Ana arı da yetişdirirəm. Burada xüsusi, ana arılar üçün qutular var. Mövsüm bitdikcə hər il anaları dəyişdirmək lazımdır. Bol məhsul almaq istəyən azərbaycanlı arıçılara məsləhət görürəm ki, hər il ana arıları mütləq dəyişdirsinlər. Gənc ana arı dözümlü olur, bol yumurta qoyur. Bol yumurta isə dolu arı pətəyi, bol məhsul deməkdir", - deyə türkiyəli arıçı bildirir.

Min bir dərdin dərmanı sayılan baldan insanlar əsasən müalicə məqsədi ilə istifadə edirlər. Təbiətin möcüzəsi hesab edilən arının adı gələndə hamının yadına təkcə bal düşür. Ancaq bəlkə də çox az insan bilir ki, bal arının istehsal etdiyi məhsullardan yalnız biridir. Bu qeyri-adi varlığın fəailiyyəti nəticəsində 6 növ məhsul alınır. Bunlar arı südü, arı zəhəri, mum, çiçək tozu, bərəmum və baldır. Bal ilə çiçək tozunun qarışığından hazırlanan məhsul isə güləm adlanır. Güləm müxtəlif xəstəliklərin, eləcə də kişi və qadın sonsuzluğunun aradan qaldırılmasında daha çox istifadə olunur.

Turan Ləvənd respublikamızda arıçılığın inkişaf etdirilməsi üçün məqsədyönlü tədbirlər həyata keçirildiyini, hər arı ailəsinə subsidiyanın verilməsini həvəslə qeyd edir. Hazırda rayon üzrə arıçıların ümumi sayı 576 nəfərdir. Ümumilikdə isə burada 7769 arı ailəsi var. Balın qiymətinə gəldikdə isə bu il bir kiloqramına görə 25-30 manat arası dəyişir.

694
Teqlər:
Azərbaycan, Türkiyә, türk, Qəbələ, bal, arıçılıq məhsulları, arıçılıq, arı
Əlaqədar
"Balın qiyməti istehlakçının cibinə uyğun deyil"
Bir az gecikən “May balı” necə yığılır
Arısı olan qazandı: nazirlik pul verəcək
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

14
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

14
Teqlər:
tələbələr, rejissor, Hindistan, prodüser, mükafat
Quşlar

Quş qripi ilə bağlı epizootoloji monitorinqlər keçirilib

7
(Yenilənib 23:48 01.12.2020)
Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub.

BAKI, 1 dekabr — Sputnik. Respublika ərazisini yüksək patogen quş qripi xəstəliyindən qorumaq məqsədilə mövsümü epizootoloji monitorinqlərə başlanılıb. İlk monitorinq 2-6 noyabr 2020-ci il tarixlərində Azərbaycan Respublikası Qida Təhlükəsizliyi Agentliyi, Azərbaycan Respublikası Ekologiya və Təbii Sərvətlər Nazirliyi, Azərbaycan Respublikası Kənd Təsərrüfatı Nazirliyi yanında Aqrar Xidmətlər Agentliyinin və Azərbaycan Qida Təhlükəsizliyi İnstitutunun nəzdində fəaliyyət göstərən laboratoriyaların əməkdaşlarının iştirakı ilə keçirilib. Agentlikdən Sputnik Azərbaycan-a verilən məlumata görə, çöl quşları arasında monitorinqlər Abşeron yarmadasını, Şirvan Milli Parklarının ərazisini, Ağzıbir ovçuluq təsərrüfatını və Qızılağac Milli Parkı ilə yanaşı, su-bataqlıq ərazilərini, eləcə də respublikamızın dənizsahili zonalarını əhatə edib. Eyni zamanda, Bakı şəhərindəki, Abşeron, Şabran, Salyan və Lənkəran rayonlarındakı ailə təsərrüfatlarında müxtəlif növ quşdan, o cümlədən Bakı və Sumqayıt şəhərlərindəki, Abşeron, Salyan, Neftçala, Sabirabad, Lənkəran, Cəlilabad, Xızı və Siyəzən rayonlarında yerləşən sənaye əsaslı iri və kiçik həcmli quşçuluq müəssisələrində ev quşundan diaqnostik materiallar götürülərək laboratoriya müayinələrinə cəlb edilib.

Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub. Müayinə zamanı yüksək patogen quş qripi xəstəliyinin törədicisi aşkar edilməyib.

Qeyd edək ki, keçirilən monitorinqlər çərçivəsində xəstəlik əlamətləri müşahidə edilən quşlara və ya quş cəsədinə rast gəlinməyib.

7