Məktəb ləvazimatları

Bakıda məktəb yarmarkaları fəaliyyətə başlayır

82
(Yenilənib 16:26 20.08.2019)
Yarmarka çadırlarında məktəbli üçün lazım olan bütün ləvazimatlar təklif olunur

BAKI, 20 avqust — Sputnik. Yeni tədris ili ərəfəsində Bakıda ənənəvi olaraq məktəbli və ofis ləvazimatlarının topdan və pərakəndə satış yarmarkaları fəaliyyətə başlayıb. Yarmarkalar Bakı Şəhər Ticarət və Xidmət Departamenti tərəfindən təşkil edilib. Bu barədə Sputnik Azərbaycan-a Bakı Şəhər İcra Hakimiyyətindən məlumat verilib.

Yarmarka çadırları Bakı metropoliteninin "Nərimanov", "Gənclik", "Koroğlu", "Qara Qarayev", "Neftçilər", "Xalqlar Dostluğu", "Əhmədli", "Azadlıq prospekti", "Memar Əcəmi", "İnşaatçılar", "Elmlər Akademiyası", "Nizami" stansiyalarının qarşısında, ümumilikdə 19 yerdə quraşdırılıb.

Yarmarka çadırlarında məktəbli üçün lazım olan bütün ləvazimatlar təklif olunur.

Yarmarkanın təşkilində əsas məqsəd valideynlərin az zaman sərf etməklə dərs vəsaitlərini, keyfiyyətli məktəb ləvazimatlarını güzəştli qiymətlərlə əldə etmələrinə kömək etməkdir.

Yarmarkalar sentyabr ayının sonuna kimi davam edəcək.

82
Əlaqədar
Məktəbli formaları ilə bağlı xəbərdarlıq - Alanda diqqətli olun
Yeni məktəbli formalarının tətbiq ediləcəyi tarix təsdiqləndi
Məktəblilər südlə təmin olunacaq – Yeni layihə