Çoxmərtəbəli yaşayış evləri

Mənim evim, özgəsinin "qalası" - Sakinin səlahiyyəti qanundakı dəliklərdən keçə bilmir

1059
(Yenilənib 13:46 20.08.2019)
Azərbaycanda qanunvericilik imkan verir ki, mənzil mülkiyyətçiləri özləri idarəetmə formasını seçsinlər. Ancaq reallıq budur ki, bu yolda atılan addımlar sənədlər qalağına ilişir

Zülfiyyə Quluyeva, Sputnik Azərbaycan

BAKI, 20 avqust — Sputnik. Paytaxtda inşa edilən çoxmərtəbəli binaların idarəçiliyinin MTK-dan alınaraq sakinlərin səlahiyyətinə verilməsi problem olaraq qalır. Ekspertlər məsələdən çıxış yolu kimi Mənzil Mülkiyyətçiləri Müştərək Cəmiyyətlərinin (MMMC) qeydiyyatının asanlaşdırılmasını təklif ediblər.

İqtisadçı-ekspert Samir Əliyev bildirib ki, problemin kökündə duran əsas səbəb MMMC-lərin qeydiyyatının çətin olmasıdır. Sputnik Azərbaycan-a açıqlamasında iqtisadçı deyib ki, dövlət qeydiyyatı sahəsində digər qeyri-kommersiya təşkilatlarından fərqli olaraq MMMC-lər üçün daha sadə, asan və qısamüddətli qeydiyyat prosedurları tətbiq edilməlidir.

Onun sözlərinə görə, bunun üçün "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikası Qanununa MMMC-lərin qeydiyyat prosedurları ilə bağlı əlavələr edilə bilər:

"MMMC-lərin yaradılması və qeydiyyatı üçün zəruri olan, müvafiq qeydiyyat orqanına təqdim edilməli sənədlərin dəqiq siyahısı işlənilməli, belə sənədlərin sayının əsassız şəkildə artırılmasına yol verilməməlidir. Düşünürəm ki, kommersiya hüquqi şəxslərinin qeydiyyatında olduğu kimi, MMMC-lərin qeydiyyatında da "Bir pəncərə" sisteminin tətbiqinə nail olunmalıdır. Bu sahədə Estoniya təcrübəsindən yararlanmaq faydalı ola bilər. Qeydiyyat prosedurlarının asanlaşdırılması üçün "MMMC-nin Nümunəvi Nizamnaməsi" hazırlanmalı və Nazirlər Kabinetinin qərarı ilə təsdiq edilməlidir".

S. Əliyev bildirir ki, MMMC-lərin yaradılması və fəaliyyəti Azərbaycan üçün yeni, lakin müasir cəmiyyət quruculuğu baxımından əhəmiyyətli bir məsələdir: "Buna görə mənzil mülkiyyətçilərinin stimullaşdırılması üçün ölkənin qanunvericiliyinə həm birbaşa dövlət dəstəyini, həm də başqa əlverişli şəraitin təmin edilməsini nəzərdə tutan müddəaların daxil edilməsi zəruridir. Bunun üçün bir sıra ölkələrin qanunvericilik təcrübələrində istifadə edilən təşəbbüslərdən faydalanmaq olar. Məsələn, xüsusi himayə fondunun yaradılması ilə bağlı Litva Respublikasının təcrübəsi var.

Litva qanunvericiliyində "Çoxmərtəbəli binaların mülkiyyətçilərinin Assosiasiyası haqqında" Qanunun 32.1-ci maddəsində qeyd olunur ki, hakimiyyət orqanları milli sərvətin tərkib hissəsi olaraq mənzil fondunun qorunması məqsədilə mənzil mülkiyyətçiləri birliyinin fəaliyyətini dəstəkləməlidir. Həmin Qanunun 32.5-ci maddəsinə görə, adıçəkilən birliklərin fəaliyyətini dəstəkləmək üçün hökumət xüsusi himayə fondu yaratmalı, həmin təsisatın yaradılması qaydalarını ayrıca normativ aktla müəyyənləşdirməlidir. Litvadakı həmin fondun fəaliyyəti çərçivəsində 2005-2009-cu illərdə çoxmərtəbəli binaların modernləşdirilməsi ilə bağlı genişmiqyaslı proqram həyata keçirilib.

Yeni yaşayış binaları ilə bağlı növbəti mübahisə predmeti meydana çıxıb>>

Bu proqram çərçivəsində aparılan təmir işlərinə çəkilən xərclərin 5 faizi bilavasitə mülkiyyətçilər tərəfindən nağd formada, 50 faizi dövlət yardımı kimi, yerdə qalan hissəsi isə bank kreditləri formasında cəlb olunur. Bundan əlavə, MMMC-lərin layihələrinin maliyyələşdirilməsində qismən iştirakçılıq təcrübəsi var. Gürcüstanda, Tbilisi paytaxt meriyası fəal şəkildə mənzil mülkiyyətçiləri birliklərin maliyyələşdirilməsinə birbaşa vəsait ayırır. 2006-2007-ci illərdə çoxmənzilli binaların idarə edilməsi mexanizmləri tərəfindən çoxmərtəbəli binaların təmiri məqsədilə həmin birliklərin təqdim etdiyi 1500-dək layihə əsasında Tbilisi meriyası 10 milyon lari, yəni 6 milyon dollardan bir qədər çox vəsait xərcləyib".

Əmlak eksperti Ramil Osmanlı da MMMC-lərin qeydiyyatının asanlaşdırılması təklifini dəstəkləyir. Həmsöhbətimizin sözlərinə görə, qanunvericilik imkan verir ki, mənzil mülkiyyətçiləri özləri idarəetmə formasını seçsinlər:

"Bu gün Azərbaycanda 100-dən artıq Mənzil Mülkiyyətçiləri Müştərək Cəmiyyəti (MMMC) var. Əslində onların sayı çox olmalı idi. Binəqədidə bu istiqamətdə fəaliyyətə başlayanda İqtisadiyyat Nazirliyinin proqnozu ondan ibarət idi ki, 2018-ci ilə qədər MMMC-lərin sayı 1000-ə yaxın olacaq. Təəssüf olsun ki, proqnoz özünü doğrultmadı. MMMC-lərin qeydiyyata alınması ilə bağlı sonuncu rəqəm 103 idi".

R.Osmanlı bildirir ki, Ədliyyə Nazirliyinə MMMC-lərin qeydiyyatı üçün təqdim olunan sənədlərin siyahısı həddindən çoxdur: "Təəssüf ki, o sənədlərlə MMMC-lərin qeydiyyatını aparmaq olmur. Hesab edirəm ki, qeydiyyat sisteminin sadələşdirilməsinə ciddi ehtiyac var. Müraciətlərin cavablandırılması kifayət qədər vaxt aparır. Ola bilər ki, Ədliyyə Nazirliyinin fiziki baxımdan MMMC-lərin yaradılması üçün müraciətləri cavablandırmağa vaxtı çatmır. Ona görə də bu məsələ elektronlaşdırılmalıdır. Mən təklif edərdim ki, MMMC-lərin qeydiyyata alınması ASAN Xidmət vasitəsilə həyata keçirilsin. Bu, həm prosedurun sadələşdirilməsinə, həmçinin də prosesin sürətlənməsinə gətirib çıxarar. Nəticədə yeni binalarda sakinlərin də canı binaları tikib idarə edən MTK-lardan qurtarmış olar".

1059
Teqlər:
qeydiyyat, sakinlər, səlahiyyət, MTK, yaşayış binası
Manat, arxiv şəkli

Təhsil Nazirliyinə 7 milyon manat vəsait ayrıldı - CƏDVƏL

2
Maliyyə Nazirliyinə bu Sərəncamın 1-ci hissəsində nəzərdə tutulan məbləğdə maliyyələşməni təmin etmək, Nazirlər Kabinetinə isə bu Sərəncamdan irəli gələn məsələləri həll etmək tapşırılıb

BAKI, 8 avqust — Sputnik. Prezident İlham Əliyev Azərbaycan Respublikasında təhsil infrastrukturunun inkişafı ilə əlaqədar əlavə tədbirlər haqqında Sərəncam imzalayıb.

Sputnik Azərbaycan-ın məlumatına görə, Sərəncamla respublika ərazisində modul tipli məktəblərin quraşdırılması məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.66-cı bəndində göstərilmiş məbləğin 630 149 000,0 manatının bölgüsü”nün 1.9.2-ci yarımbəndində “Respublika ərazisində modul tipli təhsil müəssisələrinin quraşdırılması” üçün nəzərdə tutulmuş 7 milyon manat Azərbaycan Respublikasının Təhsil Nazirliyinə ayrılıb.

Maliyyə Nazirliyinə bu Sərəncamın 1-ci hissəsində nəzərdə tutulan məbləğdə maliyyələşməni təmin etmək, Nazirlər Kabinetinə isə bu Sərəncamdan irəli gələn məsələləri həll etmək tapşırılıb.

Azərbaycanda quraşdırılması nəzərdə tutulan modul tipli məktəblərin siyahısı: 

Sıra 

sayı

Tədbirin adı Ayrılan vəsait
1 Bərdə rayonunun Məşədiibişli kəndində 20 şagird yerlik modul tipli ibtidai məktəbin quraşdırılması 207 000
2 Cəlilabad rayonunun Axtaxana kəndində 20 şagird yerlik modul tipli ibtidai məktəbin quraşdırılması 207 000
3 Cəlilabad rayonunun Çəmənli kəndində 56 şagird yerlik modul tipli ümumi orta məktəbin quraşdırılması 283 000
4 Cəlilabad rayonunun Novruzallı kəndində 40 şagird yerlik modul tipli ibtidai məktəbin quraşdırılması 256 000
5 Goranboy rayonunun Abbasqulular kəndində 80 şagird yerlik modul tipli ümumi orta məktəbin quraşdırılması 350 000
6 Goranboy rayonunun Gürzallar kəndində 56 şagird yerlik modul tipli tam orta məktəbin quraşdırılması 283 000
7 İmişli rayonunun Oruclu kəndində 40 şagird yerlik modul tipli ibtidai məktəbin quraşdırılması 256 000
8 Lerik rayonunun Andurma kəndində 40 şagird yerlik modul tipli ümumi orta məktəbin quraşdırılması 256 000
9 Lerik rayonunun Aşağı Çayrud kəndində 40 şagird yerlik modul tipli ümumi orta məktəbin quraşdırılması 256 000
10 Lerik rayonunun Laman kəndində 40 şagird yerlik modul tipli ümumi orta məktəbin quraşdırılması 256 000
11 Lerik rayonunun Loda kəndində 20 şagird yerlik modul tipli ibtidai məktəbin quraşdırılması 207 000
12 Neftçala rayonunun Elektrik şəbəkə kəndində 40 şagird yerlik modul tipli ibtidai məktəbin quraşdırılması 256 000
13 Quba rayonunun Kardaş kəndində 40 şagird yerlik modul tipli ibtidai məktəbin quraşdırılması 256 000
14 Quba rayonunun Muçu kəndində 80 şagird yerlik modul tipli ümumi orta məktəbin quraşdırılması 356 000
15 Quba rayonunun Ördüc kəndində 20 şagird yerlik modul tipli ibtidai məktəbin quraşdırılması 207 000
16 Qusar rayonunun Langi  kəndində 40 şagird yerlik modul tipli ibtidai məktəbin quraşdırılması 256 000
17 Qusar rayonunun Qullar kəndində 40 şagird yerlik modul tipli ibtidai məktəbin quraşdırılması 256 000
18 Qusar rayonunun Torpaq körpü kəndində 40 şagird yerlik modul tipli ibtidai məktəbin quraşdırılması 256 000
19 Samux rayonunun Qədili kəndində 80 şagird yerlik modul tipli ümumi orta məktəbin quraşdırılması 350 000
20 Şəki rayonunun Vərəzət kəndində 56 şagird yerlik modul tipli köçkün ümumi orta məktəbinin quraşdırılması 283 000
21 Tovuz rayonunun Mollaayrım kəndində 20 şagird yerlik modul tipli ibtidai məktəbin quraşdırılması 207 000
22 Xaçmaz rayonunun Çuxuroba kəndində 40 şagird yerlik modul tipli ibtidai məktəbin quraşdırılması 256 000
23 Xaçmaz rayonunun Xanlıqoba kəndində 80 şagird yerlik modul tipli ümumi orta məktəbin quraşdırılması 350 000
24 Xaçmaz rayonunun Xanoba kəndində 96 şagird yerlik modul tipli ümumi orta məktəbin quraşdırılması 382 000
25 Xaçmaz rayonunun Hacıməmmədoba kəndində 40 şagird yerlik modul tipli ibtidai məktəbin quraşdırılması 256 000
26 Xaçmaz rayonunun Hacıməmmədoba kəndində 40 şagird yerlik modul tipli ibtidai məktəbin quraşdırılması 256 000
27 Xızı rayonunun Türkoba kəndində 40 şagird yerlik modul tipli ümumi orta məktəbin quraşdırılması 256 000
  Cəmi: 7 000 000
2
Avtostop

"Piyada" istirahət - sabahın havasından xəbərdar olun

2
(Yenilənib 13:15 08.08.2020)
Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq

BAKI, 8 avqust — Sputnik. Azərbaycanda avqustun 9-da gözlənilən hava proqnozu açıqlanıb.

Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən Sputnik Azərbaycan-a verilən məlumata görə,  Bakıda və Abşeron yarımadasında havanın yağmursuz keçəcəyi gözlənilir, ümlayim cənub küləyi əsəcək.

Havanın temperaturu Abşeron yarımadasında gecə 22-25, gündüz 29-34, Bakıda gecə 23-25, gündüz 31-33 dərəcə isti olacaq. Atmosfer təzyiqi normadan aşağı 754 mm civə sütunu, nisbi rütubət gecə 60-70, gündüz 40-45 faiz təşkil edəcək.

Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq.

Azərbaycanın rayonlarında havanın əsasən yağmursuz keçəcəyi, lakin axşam bəzi dağlıq ərazilərdə şimşək çaxacağı, qısamüddətli yağış yağacağı, dolu düşəcəyi gözlənilir. Səhər dağlarda duman olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 19-24, gündüz 33-38, dağlarda gecə 11-16, gündüz  20-25 dərəcə isti olacaq.

Xatırladaq ki, Nazirlər Kabineti yanında Operativ Qərargahın qərarı ilə şənbə və bazar günləri karantin rejimi tətbiq olunan ərazilərdə ictimai nəqliyyat işləməyəcək.

2
Teqlər:
hava proqnozu