Qadın nişan üzüyünü barmağından çıxarır, arxiv şəkli

Azərbaycan ailələri niyə dağılır? - Beş səbəb

107
(Yenilənib 11:13 20.08.2019)
Ötən ilin müvafiq dövrü ilə müqayisədə əhalinin hər 1000 nəfərinə nikahların sayı 5,7-dən 6,0-a, boşanmaların sayı isə 1,5-dən 1,7-yə qədər artıb

Zülfiyyə Quluyeva, Sputnik Azərbaycan

BAKI, 20 avqust — Sputnik. "Azərbaycanda boşanmalar zamanı əsas səbəb kimi xasiyyətin uyğun gəlməməsi göstərilir. Çox təəssüf ki, cütlüklər nikaha daxil olarkən öhdəliklərini dərk etmirlər".

Bu sözləri Sputnik Azərbaycan-a Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdir müavini Aynur Veysəlova ölkədə boşanmaların sayının artmasına münasibətində söyləyib.

 O bildirib ki, boşanmaların sayının artması təkcə Azərbaycan üçün yox, qlobal problem sayılır. Onun sözlərinə görə, Azərbaycan ailəsi uzunömürlülüyünə görə hər zaman örnək göstərilib. Amma son illər dünyada baş verən qlobal proseslər ölkəmizə də təsirsiz ötüşmür.

A. Veysəlova bildirib ki, nikaha daxil olan gənclərdə mənəvi məsuliyyət hissi aşağı düşüb: "Ailə qurmağa hazırlaşan gənclər başa düşməlidirlər ki, sevgi hissi ilə yanaşı, qarşılıqlı hörmət etməyi də bacarmalıdırlar. Ailə qurduqdan sonra "mən" yox, "biz" anlayışı olmalıdır. Komitə səlahiyyətlisi deyir ki, boşanmalara səbəb kimi xasiyyət uyğunsuzluğundan sonra ikinci yerdə sonsuzluq, məişət zorakılığı, zərərli vərdişlərə aludəçilik göstərilir. Onun sözlərinə görə, boşanma səbəbləri arasında maddi məsələlər də yer alır. A. Veysəlova Komitənin ailə institutumuzun qorunması, təbliği istiqamətində işlər gördüyünü söyləyib.

Qeyd edək ki, ötən gün Statistika Komitəsi Azərbaycanda bu ilin müvafiq dövrü ərzində boşanmaların sayının artması barədə məlumat yayıb. Komitənin buna dair açıqladığı məlumatda bu ilin 6 ayında qeydiyyat şöbələri tərəfindən 29391 nikah və 8257 boşanma hallarının qeydə alındığı bildirilir. Xəbərə görə, ötən ilin müvafiq dövrü ilə müqayisədə əhalinin hər 1000 nəfərinə nikahların sayı 5,7-dən 6,0-a, boşanmaların sayı isə 1,5-dən 1,7-yə qədər artıb.

107
Teqlər:
səbəb, statistika, Azərbaycan, boşanma
Əlaqədar
Nikah və boşanmaların sayı açıqlandı
Statistika Komitəsi əhali artımı ilə bağlı məlumat yaydı
Pul kisəsi, arxiv şəkli

Bir manat da xərclənməyib - Şahmar Mövsümov bloklanmış kartlar barədə

0
"Biz ehtiyacı olanlara vəsait vermək istəyirik. Bu pul kartda bloklanıbsa, bu, artıq başqa istiqamətlərə istifadə olunacaq"

BAKI, 8 avqust — Sputnik. “190 manatla, xüsusi olaraq, bloklanmış kartlarla bağlı məsələyə cəmiyyət kimi baxmalıyıq”.

Sputnik Azərbaycan bildirir ki, bunu Nazirlər Kabineti yanında Operativ qərargahın brifinqində Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov  deyib.

O bildirib ki, pandemiya dövründə ən ehtiyaclı insanlara yardım etmək nəzərdə tutulub: “Müəyyən seçimlərdən sonra 600 min nəfərə bu ödənişin verilməsi qərara alındı. Biz ehtimal edirdik ki, bu insanlara 190 manat o qədər vacibdir ki, onlar həmin dəqiqə o pulu çıxarıb istifadə edəcəklər. Ancaq bloklanmış kartlardan heç bir manat da xərclənməyib. Söhbət ondan getmir ki, biz mütləq hamıya pul paylamalıyıq. Biz ehtiyacı olanlara vəsait vermək istəyirik. Bu pul kartda bloklanıbsa, bu, artıq başqa istiqamətlərə istifadə olunacaq. Həkimlərin maaşına, daha çox tibbi texnikanın alınmasına və s.”

0
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Prezident 190 manatla bağlı göstəriş verdi
On üç bölgə üzrə 190 manatın verilməsi barədə qərar verildi
Dəqiq rəqəmi heç kim deyə bilmir! Pandemiya on minlərlə insanı işsiz qoyub
Nazirlik 190 manatlıq yardımı qarpız partlatmağa xərcləyənlərə münasibət bildirdi – VİDEO

Toya icazə verəcəklər, amma hər şey sahibkarlardan asılı olacaq

14
(Yenilənib 12:23 08.08.2020)
"Yəqin ki, bu qərar 1 və 2-ci mərhələdə olmasa da, müəyyən dövrdən sonra veriləcək" - İqtisadiyyat nazirinin müavini

BAKI, 8 avqust — Sputnik. “Prezidentin tapşırığı ilə sahibkarlıq subyektlərinə yeni maliyyə yardımın edilməsi ilə bağlı qərar verilib”.

Sputnik Azərbaycan bildirir ki, bunu Nazirlər Kabineti yanında Operativ qərargahın brifinqində İqtisadiyyat nazirinin müavini Rövşən Nəcəf deyib.

O bildirib ki, bununla yanaşı, dövlət mütəmadi olaraq sahibkarlarla görüşür:

“Onların təklifləri dinlənilir. Bizneslərin açılması istiqamətində məsələlər geniş müzakirə edilir. Hazırda hökumətdə biznes fəallığının mərhələli olaraq artırılması istiqamətində müzakirələr aparılır. İlkin olaraq insanların az toplaşdığı biznes subyektlərinin açılması ilə bağlı qərar verilib. Toylarla bağlı - burada adətən çoxlu sayda insan qapalı məkana toplaşır. Yəqin ki, bu qərar 1 və 2-ci mərhələdə olmasa da, müəyyən dövrdən sonra veriləcək. Yenə hər şey epidemioloji vəziyyətdən və sahibkarlıq subyektlərinin qaydalara necə əməl etməsindən asılı olacaq”.

Nazir müavini qeyd edib ki, bu yaxınlarda Prezidentin tapşırığına əsasən, Nazirlər Kabineti ikinci maliyyə paketini təsdiq edib və bu ödənişlərə yaxın zamanlarda başlanılacaq.

Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov isə hökumətin insanlara yardım etməməsi barədə iddialara cavab verərkən rəsmi qeydiyyatdan keçməyin vacib olduğunu vurğulayıb: "Hökumət sahibkara yardım edir ki, o, işçisini işdən azad etməsin, onun əməkhaqqını ödəməyə davam etsin. Əgər hansısa müəssisədə, restoranda, şadlıq evində işləyənlər əməkhaqqı almırlarsa, deməli, onlar qeydiyyatda olmayıblar və rəsmi işçi sayılmayıblar. Pandemiya dövründə dövlət işçilərin işdən çıxarılmasına moratorium qoyub, özəl qurumlara isə tapşırılıb ki, işçiləri çıxarmasınlar, hökumət yardım edəcək".

14
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar