Müdafiə naziri “Beynəlxalq Ordu Oyunları - 2019” yarışlarının bağlanış mərasimində iştirak edib

Zakir Həsənov "Beynəlxalq Ordu Oyunları - 2019"un bağlanış mərasimində iştirak edib

48
(Yenilənib 22:15 17.08.2019)
“Beynəlxalq Ordu Oyunları - 2019” yarışlarının təntənəli bağlanış mərasimi bayram konserti ilə sona çatıb

BAKI, 17 avqust — Sputnik. Moskva şəhərində səfərdə olan Müdafiə naziri general-polkovnik Zakir Həsənov avqustun 17-də Alabino poliqonunda təşkil edilən “Beynəlxalq Ordu Oyunları - 2019” yarışlarının son günündə “Tank biatlonu” müsabiqəsinin final mərhələsinə çıxmış komandaların mübarizəsini izləyib və qalib gəlmiş hərbi qulluqçuların mükafatlandırılmasında iştirak edib.

Sputnik Azərbaycan Müdafiə Nazirliyinin mətbuat xidmətinə istinadən bildirir ki, Z.Həsənov rusiyalı həmkarı, ordu generalı Sergey Şoyqu ilə birgə poliqonda təşkil olunan “Dostluq evi”nə  gəliblər.

  • Müdafiə naziri “Beynəlxalq Ordu Oyunları - 2019” yarışlarının bağlanış mərasimində iştirak edib
    Müdafiə naziri “Beynəlxalq Ordu Oyunları - 2019” yarışlarının bağlanış mərasimində iştirak edib
    © AR Ministry of Defense
  • Müdafiə naziri “Beynəlxalq Ordu Oyunları - 2019” yarışlarının bağlanış mərasimində iştirak edib
    Müdafiə naziri “Beynəlxalq Ordu Oyunları - 2019” yarışlarının bağlanış mərasimində iştirak edib
    © AR Ministry of Defense
1 / 2
© AR Ministry of Defense
Müdafiə naziri “Beynəlxalq Ordu Oyunları - 2019” yarışlarının bağlanış mərasimində iştirak edib

Burada onlar iştirakçı dövlətlərin mədəniyyət nümunələri nümayiş etdirilən sərginin Azərbaycana aid bölməsində ölkəmizin tarixi, mədəniyyəti, adət-ənənələri, məişətinə aid eksponatlarla yaxından tanış olublar.

“Beynəlxalq Ordu Oyunları - 2019” yarışlarının təntənəli bağlanış mərasimi bayram konserti ilə sona çatıb.

Qeyd edək ki, hərbçilərin beynəlxalq yarışlarında Azərbaycan Ordusunun nümayəndələri “Dəniz kuboku”, “Tank biatlonu”, “Səhra mətbəxi”, “Hərbi-tibbi estafet”, “Snayper həddi” və “Artilleriya atəşinin ustaları” müsabiqələrində ölkəmizi yüksək səviyyədə təmsil ediblər.

48
Teqlər:
Rusiya, Azərbaycan, müdafiə naziri, tank biatlonu, tank, hərbi, ordu
Əlaqədar
Azərbaycan hərbçiləri "Tank biatlonu"nun finalına bir pillə də yaxınlaşdılar - FOTO, VİDEO
Zakir Həsənov Moskvada

Cəbiş müəllim Novruz çərşənbələri haqda - VİDEO

9
(Yenilənib 11:23 02.03.2021)
İlin ən çox gözlənən, sevimli bayramı Novruza sayılı günlər qalıb. Novruz atributları, ənənələri haqda məlumatı Cəbiş müəllim təqdim edir.

Bu gün Azərbaycanda Od çərşənbəsi qeyd olunur. İlin axır çərşənbələrindən ikincisi xalq arasında "Xəbərçi", "Üskü", "Addı" çərşənbə kimi tanınır.

Cəbiş müəllim Azərbaycanda Novruz ənənələri, çərşənbələrin mahiyyəti barədə danışır.

Od çərşənbəsi qədim insanların oda olan inamından irəli gəlir. Adət-ənənəyə görə, bu gün tonqal qalayıb, alovun üzərindən tullanmaqla daxildə olan bütün çirkabı yandırırlar.

Qeyd edək ki, üçüncü, Yel çərşənbəsi martın 9-da, ilaxır - Torpaq çərşənbəsi isə martın 16-da qeyd olunacaq.

9
Teqlər:
Cəbiş müəllim, Od çərşənbəsi, Novruz

Müdafiə Nazirliyi Xocavənd rayonunun Düdükçü kəndindən videogörüntülər yayıb

8
Ermənistan silahlı qüvvələri Düdükçünü 2 oktyabr 1992-ci ildə işğal edib. Kənd 15 oktyabr 2020-ci ildə Azərbaycan Silahlı Qüvvələri tərəfindən işğaldan azad edilib

BAKI, 2 mart — Sputnik. Müdafiə Nazirliyi Xocavənd rayonunun Düdükçü kəndindən videogörüntülər yayıb. 

Sputnik Azərbaycan görüntüləri təqdim edir.

Qeyd edək ki, Düdükçü — Azərbaycan Respublikasının Xocavənd rayonunun Edilli kənd inzibati ərazi dairəsində kənddir. Ermənistan silahlı qüvvələri tərəfindən 2 oktyabr 1992-ci ildə işğal olunub. Kənd 15 oktyabr 2020-ci ildə Azərbaycan Silahlı Qüvvələri tərəfindən işğaldan azad edilib.

8
Teqlər:
Müdafiə Nazirliyi, video, kənd, Xocavənd
Gürcüstanda etiraz aksiyaları

Tbilisidə çaxnaşma: həbs olunanlar var

0
(Yenilənib 11:29 02.03.2021)
Hüquq-mühafizə orqanlarının əməkdaşları parlament binasının yaxınlığında daha bir neçə nəfəri saxlayıblar. Etirazçılarla asayiş keşikçiləri arasında toqquşmalar baş verir.

BAKI, 2 mart — Sputnik. Bu gün səhər saatlarında Gürcüstanda müxalifət partiyalarının üzvləri və onların tərəfdarları parlament binasının qarşısında etiraz aksiyası keçiriblər. Sputnik Azərbaycan-ın xəbərinə görə, bu barədə məlumat verən Gürcüstanın "Birinci kanalı" müxalifət partiyalarının bir neçə fəalının saxlanıldığını bildirib.

"Parlament yaxınlığında hüquq-mühafizə orqanlarının əməkdaşları daha bir neçə nəfəri saxladılar. Etirazçılarla asayiş keşikçiləri arasında toqquşmalar baş verir. Hazırda müxalifət yolu bağlamağa, patrul polisi isə bunun qarşısını almağa çalışır", – deyə məlumatda bildirilir.

Müxalifət partiyalarının üzvləri və onların tərəfdarları parlamentə gələn millət vəkillərinin maşınlarını qışqırıq sədaları ilə qarsalayıblar. Hüquq-mühafizə orqanlarının əməkdaşları deputatların binaya girə bilmələri üçün xüsusi dəhliz yaratmaq məcburiyyətində qalıblar. Ancaq müxalifət nümayəndələri etiraz aksiyanın dinc xarakter daşıdığını və millət vəkillərinin parlamentə daxil olmasının qarşısını almaq niyyətində olmadıqlarını bildiriblər.

Qeyd edək ki, Gürcüstan müxalifəti Vahid Milli Hərəkat Partiyasının sədri Nika Meliyanın azadlığa buraxılması və erkən parlament seçkilərinin keçirilməsi tələbi ilə mütəmadi olaraq Tbilisidə etiraz aksiyaları keçirir.

0
Teqlər:
polis, müxalifət, etiraz aksiyası, Gürcüstan