Vüsal Cabbarovun çəkdiyi rəsmlər

Azərbaycanda bu işi yalnız o bacarır - müəllimdən "Ginnesin Rekordlar Kitabı" üçün iddia

1471
(Yenilənib 17:07 17.08.2019)
“Karandaşla işləməkdən fərqli olaraq bu üsulla rəsm çəkərkən səhv etdikdə pozmaq imkanı olmur”

Rahim Zakiroğlu, Sputnik Azərbaycan

BAKI, 17 avqust — Sputnik. Lənkəran rayonu Sütəmurdov kənd sakini, tarix müəllimi işləyən 39 yaşlı Vüsal Cabbarov rəssamlıqla da məşğuldur. Lakin Vüsal müəllim rəsmlərini qeyri-adi, alışmadığımız formada - gözübağlı çəkir.

Sputnik Azərbaycan-ın müxbiri ilə söhbətində V.Cabbarov 4 yaşından rəsm çəkməklə məşğul olduğunu bildirdi: “Atam da rəssam olub, uşaq ikən məndə rəssamlıq bacarığımı görüb Lənkəran Şəhər Uşaq Rəssamlıq Məktəbinə qoydu və mən rəssamlığı öyrənməyə başladım”.

Vüsal Cabbarov
© Sputnik / Rahim Murad
Vüsal Cabbarov

- Siz rəsmi sürətlə çəkirsiniz, bir əsərə nə qədər vaxt sərf edirsiniz?

- Mən orta məktəbdə tarix müəllimi işləyirəm, vaxt məhdudiyyəti məni portreti sürətlə çəkməyə vadar etdi, tədricən də bu, məndə alışqanlığa çevrildi. Rəsmi sürətlə işləməyə başlayanda kağız üzərində 4-5 dəqiqə sərf edirəm. 2 dəqiqə 40 saniyə, 2 dəqiqə 30 saniyə müddətində işlədiyim portretlər də olub. Bu cür rəsm əsərlərini işləyəndə özümə söz verirəm ki, bunu daha tez başa çatdırım. Belə olan təqdirdə işi tez bitirirəm.

- Rəsmlərinizi gözübağlı şəkildə necə çəkə bilirsiniz? Ümumiyyətlə, bu ideya sizdə necə yarandı?

- Rəssamlıq elə sənətdir ki, gərək onu sevəsən. Mən bu sənəti çox sevirəm deyə gördüyüm işlər də mənə müsbət təsir göstərir. Ümumiyyətlə, günün müəyyən vaxtlarında harada oluramsa, ancaq rəssamlıq haqqında düşünürəm. Yeni ideyalar, rəsm çəkməyin yeni üsullarını axtarıram. Bir az təvazökarlıqdan uzaq olsa da, deməliyəm: rəssamlıq aləmində gözübağlı formada işləyən rəssam yoxdur. Gözübağlı formada rəsm əsərləri işləmək ideyası mənə məxsusdur, ilk dəfə olaraq mən buna imza atmışam. Bu cür işləmək mənim üçün maraqlı oldu ki, hansı formada alınacaq? Beləcə, gözübağlı çəkməyə başladım.

- Bəs proses necə alınır?

- Rəsmləri xəyalımda canlandırdığım formada işləyirəm. Çəkdiyim mövzular, əsərlər mənim xəyalımda canlanır və bundan sonra onları kətan, kağız və yaxud taxta üzərinə köçürmək mənim üçün çox asandır. Özüm əlimin hansı istiqamətdə getdiyini müəyyənləşdirirəm və o qaydada, o formada çəkirəm.

Vüsal Cabbarov gözü bağlı rəsm çəkərkən
© Sputnik / Rahim Murad
Vüsal Cabbarov gözü bağlı rəsm çəkərkən

- Rəsmlərinizi çəkəndə ən çox hansı vasitələrdən istifadə edirsiniz və onları haradan əldə edirsiniz?

- Əsasən flomasterlərlə işləyirəm. Ancaq yağlı və sulu boya ilə işlədiyim əsərlər də var.

- Sifarişlə şəkil çəkirsinizmi, sifariş edilən rəsmlər əsasən hansı janrda olur?

- Portret üslubunda çox müraciət olunur. Sifariş əsərləri, əlbəttə ki, yaradıcılıq işi sayıla bilməz. Yaradıcılıq işi sırf rəssam təxəyyülünün məhsuludur. Yəni rəssam öz ideyalarını, düşüncələrini, başqa rəssamlarda olmayan mövzuları öz dünyagörüşü çərçivəsində təqdim edir və o iş yaradıcılıq işi olur. Ancaq bəzən sifarişlər də yaradıcılıq işi kimi çox maraqlı və qeyri-adi formada alınır. Bəlkə də, o da yaradıcılıq işi sayıla bilər, amma bir fərq var ki, sifariş olunan əsər artıq sənin deyil, yəni sifarişçinin işidir, onun ideyasıdır.

- Vüsal müəllim, rəssamlığa həvəsiniz olduğu halda nəyə görə tarix müəllimi oldunuz? Gələcəkdə tarix müəllimi kimi fəaliyyətinizi dayandırıb rəssamlığı davam etdirmək planınız varmı?

- Rəssamlıqla məşğul olarkən mən əsasən tarixi mövzulara, eləcə də coğrafiyaya, digər elm sahələrinə çox müraciət edirəm, çünki mənim əsərləri çəkməyim elmsiz mümkün deyil. Mən rəssamlığı oxuduğum vaxtlarda da xalq qəhrəmanlarının rəsmlərini çəkdiyimiz zaman, dünya tarixindən müxtəlif mövzular işlədiyimiz vaxt bizdə tarixi bilmək zərurəti yaranırdı. Bu da yavaş-yavaş məndə tarix elminə maraq oyatdı və sonradan universitetə elə tarix ixtisası üzrə qəbul olundum. Tarix elmini bilmək mənə rəssamlıq sənətini daha dərindən öyrənməyə kömək edir.

- Taxta üzərində yandırma üsulu ilə çəkilən əsərləriniz də az deyil. Bu texnikanın üstünlüyü və çətinliyi nədədir?

- Üstünlüyü ondadır ki, yandırma üsulu ilə çox maraqlı alınır. Çətinliyi isə: karandaşla işləməkdən fərqli olaraq bu texnika ilə rəsm çəkərkən səhv etdikdə pozmaq imkanı olmur. Yəni çəkdiyini düzəltmək imkanı olmadığı üçün bu cür işləməyin məsuliyyəti daha böyükdür, gərək daha diqqətli olub heç bir səhvə yol verməyəsən. Allaha şükür, bu günə kimi səhvlərlə üzləşməmişəm. Düzdür, xırda səhvlər olur, ancaq onları düzəltmək mənim üçün rahat olur. Ştrixlərlə, yandırma formaları ilə o səhvləri itirirəm. Bu üsulla rəsm əsərini çəkməyə ölçülərindən asılı olaraq 1 və ya 2 gün vaxt sərf edirəm.

Vüsal Cabbarovun çəkdiyi rəsmlər
© Sputnik / Rahim Murad
Vüsal Cabbarovun çəkdiyi rəsmlər

- Çəkdiyiniz əsərlərinizi sərgiləmisinizmi?

- Xeyr. Çünki istəyirəm ki, əsərlərimin sayını çoxaldım, mövzu genişliyi çox olsun. Gələcəkdə elə bir planım var. Ancaq hələlik rəsmlərin üzərində işləyirəm. Yaxın gələcəkdə, inşallah, imkan olsa, sərgi keçirəcəyəm.

- Hansı janrlara üstünlük verirsiniz?

- Müxtəlif janrlarda mövzuları işləyirəm. Amma mənə ən çox müraciət olunan portret janrıdır, ona görə də mən tələbatı nəzərə alıb daha çox portret işləyirəm. Lakin buna baxmayaraq, digər janrlara da müraciət edirəm.

- Əsərlərinizdən heç satmısınızmı?

- İndiyə kimi hansı mövzuları işləmişəmsə, onların heç birini satmamışam və elə bir fikrim də olmayıb. Çünki elə əsərlərim var ki, fikirləşirəm ki, əgər satsam, onlar üçün darıxacağam. Çox doğmadırlar mənə. İşlədiyim mövzular sırf yaradıcı iş olduğu üçün kommersiya barədə düşünmürəm. Mən ancaq sərgi üçün işləyirəm.

- Vüsal müəllim, siz həm də "Ginnesin Rekordlar Kitabı"na düşmək üçün müraciət etmisiniz. Hansı bacarığınızla diqqəti cəlb etmək fikrindəsiniz?

- Mən "Ginnesin Rekordlar Kitabı"na düşmək üçün gözübağlı şəkildə xəritə çəkmək bacarığımla müraciət etmişəm. İnşallah, "Rekordlar Kitabı"na düşsəm, növbəti dəfə sürətli rəsm çəkmək bacarığımla müraciət edəcəyəm.

1471
Teqlər:
fərqli istedad, "Ginnesin Rekordlar Kitabı", Lənkəran, müəllim, rəssam
Əlaqədar
Dəb var, yer isə yoxdur: Çimərlik mövsümü və turist axını tatuya tələbi artırıb
“İkinci həyat” – gənc rəssam plastik tullantılardan rəsm əsərləri yaradır
Yeməli olmadıqlarına inanmaq mümkün deyil – Şəkili rəssamdan milli yeməklərin maketləri
Sarımsaq, arxiv şəkli

Təbii antibiotik zərərli imiş

12
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

12
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı