Miryusif Feyzullazadə

Yaşıdlarını qabaqlayan Miryusifin uğur sirri: "Özümə çox güvənirdim" - FOTO

465
(Yenilənib 18:46 14.08.2019)
"Övladları ilə dost olmağa çalışsınlar, necə ki, mən oğlumla dostam”

Rahim Zakiroğlu, Sputnik Azərbaycan

BAKI, 14 avqust — Sputnik. Lənkəran rayonu Şiləvar kənd sakini, 2003-cü il təvəllüdlü Miryusif Feyzullazadə öz yaşıdlarından 1 il yarım əvvəl ali məktəbə qəbul olunub.

Atası Rüfət Feyzullazadənin Sputnik Azərbaycan-ın bölgə müxbirinə verdiyi məlumata görə, Miryusif həm öz istəyi, həm də nənəsinin təkidi ilə 5 yaşından orta məktəbdə oxumağa başlayıb. Onun sözlərinə görə, övladlarının vaxtından əvvəl məktəbə getməsinin çətinliklər yaradacağından ehtiyat ediblər: “Miryusif ilk övladımızdır, məktəbə tez, yəni 5 yaşından getməsi bizdə bir az həyəcan yaratmışdı. Çünki onun öz marağı var idi, amma biz bir az şübhə edirdik ki, birdən istədiyimiz nəticəni ala bilmərik. O, orta məktəbdə oxuyanda çox yaxşı uyğunlaşdı və sinifləri rahat adladıqca artıq uğur əldə edəcəyinə əmin idik. Son illərdə onun özünün turizmə və turizm-otelçilik sahəsinə olan marağını görəndən sonra valideyn olaraq ona dəstək verdim. Allaha şükür, nəticə də göz qabağındadır.

  • Atası Rüfət Feyzullazadə
    Atası Rüfət Feyzullazadə
    © Sputnik / Rahim Muradov
  • Miryusif 5 yaşından orta məktəbdə oxumağa başlayıb
    Miryusif 5 yaşından orta məktəbdə oxumağa başlayıb
    © Sputnik / Rahim Muradov
  • Miryusifin ailəsi
    Miryusifin ailəsi
    © Sputnik / Rahim Muradov
  • Miryusif dövlət sifarişi ilə “Turizm və sosial-mədəni servis xidməti” fakültəsinə qəbul olunub
    Miryusif dövlət sifarişi ilə “Turizm və sosial-mədəni servis xidməti” fakültəsinə qəbul olunub
    © Sputnik / Rahim Muradov
1 / 4
© Sputnik / Rahim Muradov
Atası Rüfət Feyzullazadə

İxtisas seçimini də özü edib və heç bir kənar müdaxilə olmayıb. Bir valideyn kimi məsləhət görərdim ki, əgər yaxşı nəticə görmək istəyirsinizsə, ilk növbədə övladlarınıza inanın. İnanın ki, onlar da bu inamı doğrultsunlar, özlərinə inanıb öz bacarıqlarını ortaya qoya bilsinlər. Tövsiyə edərdim ki, öz övladları ilə dost olmağa çalışsınlar, necə ki, mən oğlumla dostam”.

Lənkəran Şəhər 5 saylı tam orta məktəbin məzunu olan, 15 yaşı hələ tamam olmamış Miryusif Feyzullazadə ali məktəbə imtahan verərkən “Turizm və otelçilik” ixtisasını seçib və Lənkəran Dövlət Universitetinin dövlət sifarişi ilə “Turizm və sosial-mədəni servis xidməti” fakültəsinə qəbul olunub. 

Xaricdə təhsillə bağlı nazirlikdən çağırış - "Yanmamaq" üçün kimi seçməli>>

“Həm  uşaq yaşlarından bu sahəyə marağım olub, həm də son zamanlar dövlət tərəfindən turizmə diqqətin artırıldığına görə bu ixtisası seçdim”, - deyə Miryusif bildirib.

İmtahanın necə keçdiyi barədə sualımıza isə belə cvavab verdi: "Mən özümə çox güvənirdim, ona görə də imtahan çox yaxşı keçdi. Ən çox sevdiyim fənlər riyaziyyat və coğrafiya olub, buna görə də II ixtisas qrupunu seçdim və 383,09 balla qəbul olundum. Orta məktəbdə də özümdən yaşca böyüklərlə oxuduğum üçün imtahan zamanı da heç bir həyəcanım yox idi və heç bir çətinliyim olmadı”.

465

Gəncədə oğul 85 yaşlı anasını döyərək xəstəxanalıq etdi

5
Gəncə şəhər sakini, 1935-ci il təvəllüdlü Güləndam Köçəriyeva müxtəlif bədən xəsarəti ilə xəstəxanaya yerləşdirilib. 

BAKI, 3 iyun — Sputnik. Gəncədə oğul 85 yaşlı anasını döyərək ona xəsarət yetirib. 

"Report"un məlumatına görə, hadisə şəhərin Ozan küçəsində qeydə alınıb. 

Gəncə şəhər sakini, 1935-ci il təvəllüdlü Güləndam Köçəriyeva müxtəlif bədən xəsarəti ilə xəstəxanaya yerləşdirilib. 

Yaxınlarının bildirdiyinə görə, qadını içki aludəçisi olan oğlu döyüb. Həkimlər G.Köçəriyevanın vəziyyətini kafi kimi qiymətləndirirlər.

Hadisənin səbəbi isə hələlik məlum deyil.

Faktla bağlı araşdırma aparılır.

5
Azərbaycan Prezidenti, Silahlı Qüvvələrin Ali Baş Komandanı İlham Əliyev Ağdamdakı “N” saylı hərbi hissədə. Arxiv şəkli

Prezident Ağdamda “N” saylı hərbi hissədə olub

4
(Yenilənib 16:55 03.06.2020)
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev iyunun 3-də Ağdam ərazisində yerləşən “N” saylı hərbi hissədə də olub.

BAKI, 3 iyun — Sputnik. Azərbaycan Respublikasının Prezidenti İlham Əliyev iyunun 3-də Tərtər rayonuna səfərə gəlib.

Sputnik Azərbaycan xəbər verir ki, dövlət başçısı ümummilli lider Heydər Əliyevin Tərtər şəhərinin mərkəzində ucaldılmış abidəsini ziyarət edərək önünə gül dəstəsi qoyub.

© Official website of President of Azerbaijan Republic
Prezident İlham Əliyev ümummilli lider Heydər Əliyevin Tərtər şəhərinin mərkəzində ucaldılmış abidəsini ziyarət edərək önünə gül dəstəsi qoyub

İyunun 3-də Tərtər rayonunda Buruc-Gülabatlı-Xoruzlu-Kəbirli-Bayandurlu-Qaradağlı avtomobil yolu yenidənqurmadan sonra istifadəyə verilib və Azərbaycan Respublikasının Prezidenti İlham Əliyev yolun açılışında iştirak edib.

Azərbaycan Avtomobil Yolları Dövlət Agentliyinin idarə heyətinin sədri Saleh Məmmədov dövlət başçısına yolun texniki göstəriciləri barədə məlumat verib.

Prezident İlham Əliyev iyunun 3-də Tərtərdə Dövlət Rəmzləri Muzeyinin açılışında da iştirak edib.

© Official website of President of Azerbaijan Republic
Prezident İlham Əliyev Tərtərdə Dövlət Rəmzləri Muzeyinin açılışında

Dövlət başçısına muzeydə nümayiş etdirilən eksponatlar barədə məlumat verilib.

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev iyunun 3-də Ağdam ərazisində yerləşən “N” saylı hərbi hissədə də olub.

Müdafiə naziri, general-polkovnik Zakir Həsənov dövlət başçısı, Ali Baş Komandan İlham Əliyevə raport verib.

Prezident İlham Əliyev hərbi hissədəki şəraitlə tanış olub.

4
ABŞ-da etirazlar, arxiv şəkli

Xarici ölkədə yaşayan azərbaycanlılara xəbərdarlıq edildi

0
Ciddi şəkildə tövsiyə edirik ki, etiraz və kütləvi iğtişaşların baş verdiyi ərazilərdə fərdi sağlamlıq və təhlükəsizliyə yaranan təhdid və riskləri nəzərə alaraq, hazırda ABŞ-da olan Azərbaycan Respublikasının vətəndaşları həmin yerlərə getməkdən çəkinsin.

Eldar Tanrıverdiyev, Sputnik Azərbaycan

BAKI, 3 iyun — Sputnik. Azərbaycan Respublikasının Amerika Birləşmiş Ştatlarındakı səfirliyi bu ölkədəki vətəndaşlarımıza müraciət edib.

Sputnik Azərbaycan xəbər verir ki, müraciətdə bildirilir

"ABŞ-ın bir sıra şəhərlərində davam edən hadisələrlə əlaqədar ciddi şəkildə tövsiyə edirik ki, etiraz və kütləvi iğtişaşların baş verdiyi ərazilərdə fərdi sağlamlıq və təhlükəsizliyə yaranan təhdid və riskləri nəzərə alaraq, hazırda ABŞ-da olan Azərbaycan Respublikasının vətəndaşları həmin yerlərə getməkdən çəkinsin, iğtişaşların baş verdiyi ərazilərə səfərlərin nəzərdə tutulduğu təqdirdə belə səfərlərin təxirə salınması imkanını nəzərdən keçirsin və yaşadıqları ərazilərdə müvafiq yerli hakimiyyət və hüquq-mühafizə orqanlarının təyin etdiyi qaydalara, o cümlədən tətbiq edildiyi hallarda komendant saatına riayət etsin.

Ölkəmizin vətəndaşları ilə bağlı hər hansı bir hadisənin baş verdiyi təqdirdə Səfirliyin qaynar xəttinə məlumat verilməsi xahiş olunur. Qaynar xətt: 202 560 35 83", - məlumatda bildirilir.

Qeyd edək ki, ABŞ-ı sarsıdan iğtişaşlar dalğası Minneapolisdə afroamerikalı Corc Floydun polisin əli ilə öldürülməsindən sonra başlayıb.

Ümumilikdə, Los-Anceles, San-Fransisko, Beverli-Hills, Çikaqo, Orlando, Atlanta, Denver, Qərbi Hollivud və başqaları da daxil olmaqla Amerikanın 40-dan çox şəhəri öz ərazisində komendant saatı tətbiq edib.

Amerika Birləşmiş Ştatlarının Prezidenti Donald Tramp Demokrat Partiyasından olan qubernatorları və merləri vəziyyətin nizamlanması üçün Milli Qvardiyanı cəlb etməyə çağırıb

0