Turist

İki aya etimad qazanırlar, üçüncüdə isə insanları soyurlar

215
(Yenilənib 09:18 13.08.2019)
Dövlət bu sahədə hər-hansı mexanizm işləyib hazırlamalıdır ki, dələduzluqla məşğul olan tur şirkətlərinin fəaliyyətinin qarşısını almaq mümkün olsun

Zülfiyyə Quluyeva, Sputnik Azərbaycan

BAKI, 13 avqust — Sputnik. Yay istirahət fəsli olduğundan, bu aylarda səyahət etmək üçün turizm şirkətlərinin xidmətlərindən yararlananların da sayı artır. Amma bu günlərdə  Azərbaycan Turizm Assosiasiyası (AZTA) turistləri şirkət seçimində daha diqqətli olmağa səsləyən bəyanatla çıxış edib. Məlumatda bildirilir ki, son zamanlar şirkətlərin keyfiyyətsiz və məsulliyətsiz fəaliyyətləri ilə bağlı assosiasiyaya şikayətlərin sayı durmadan artır. Bütün baş verənləri nəzərə alaraq, Assosiasiya turistlərə şirkət seçərkən daha diqqətli olmağı, yalnız tanınmış və kifayət qədər müştəri bazası olan şirkətlərlə əməkdaşlıq etməyi tövsiyə edib.

Sputnik Azərbaycan mövzunun aktuallığını nəzərə alaraq AZTA-nın rəhbəri Nahid Bağırovla əlaqə saxlayıb. N. Bağırov bildirib ki, son bir həftədir ki, turizm şirkətləri ilə bağlı AZTA-a daxil olan şikayətlərin sayında kəskin artım müşahidə olunur. N. Bağırovun sözlərinə görə, bazarda özlərini turizm şirkəti kimi təqdim edən dələduzlar peyda olub. Onlar turistlərin etimadından istifadə edərək onları aldadırlar: “Belə fırıldaqçılıqla məşğul olan turizm şirkətləri xarici ölkələrə çox ucuz qiymətə tur təşkil etdiklərini söyləyirlər. Maya qiymətindən aşağı təkliflər isə müştəriləri şirnikləndirir. Halbuki, onların otelləri belə olmur. Uçuşa bir həftə qalmış dələduzlar ofislərini və telefon nömrələrini bağlayaraq aradan çıxırlar”.

Həmsöhbətimiz deyir ki, belə dələduz şirkətlər avqust ayında daha da artır: “Onlar iyun və iyul aylarında fəaliyyət göstərərək müştərilərin etimadını qazanırlar. Sərfəli qiymətə xarici ölkələrdə beş ulduzlu otellərdə dincəlmək təklif edirlər. Müştəri bilet aldıqdan sonra isə öyrənir ki, bilet, bütün sənədlər saxtadır. Nə təyyarə bileti var, nə də ki, onların adına xaricdə oteldə yer bron edilib”.

AZTA sədri bildirir ki, bu hallar ölkədəki normal turizm şirkətlərinin də imicinə xələl gətirir: “Artıq bizə 15 nəfər belə dələduz tur şirkətləri ilə bağlı şikayət edib. Lakin bizim əlimizdə təsir mexanizm olmadığından müştərilərə bir köməkliyimiz də dəymir”.

Həmsöhbətimiz deyir ki, bu, Azərbaycanda turizm şirkətlərinin lisenziyasız fəaliyyətinə yaradılan azad sahibkarlıq mühitindən irəli gəlir: “Bir neçə ildir ki, Azərbaycanda turizm fəaliyyəti lisenziya tələb olunan fəaliyyət növlərinin siyahısından çıxarılıb. Azərbaycan prezidenti İlham Əliyevin “Lisenziyalaşdırma sahəsində bəzi tədbirlər haqqında” 21 dekabr 2015-ci il tarixli fərmanı ilə təsdiq edilən lisenziya tələb olunan fəaliyyət növlərinin siyahısında bu fəaliyyət növü əksini tapmayıb. İndiyə qədər turizm şirkətləri bu fəaliyyət üçün 5500 manat dövlət rüsumu ödənilməklə Mədəniyyət Nazirliyindən lisenziya alırdılar. Əvvəllər Mədəniyyət Nazirliyi turizm şirkətlərinə nəzarət edirdilər, yoxlayırdılar. Amma bu qərardan sonra özbaşına fəaliyyət göstərirlər. Biz bu fərmanı alqışlayırıq, ancaq bununla bağlı da müəyyən mexanizmlərin işlənməsini vacib hesab edirik. Bu halda, dələduzluq halları da artır. Dövlət bu sahədə hər-hansı mexanizm işləyib hazırlamalıdır ki, dələduzluqla məşğul olan tur şirkətlərinin fəaliyyətinin qarşısını almaq mümkün olsun. Çünki, elə turizm şirkətləri var ki, göstərdiyi fəaliyyət ilə başqa turizm şirkətinin imicinə xələl gətirirlər. Bu da ümumən bütün bazarın imicini aşağı salır”.

215

Nəhayət ki! Azərbaycanda sağalanların sayı yoluxanların sayını keçdi

58
(Yenilənib 17:08 13.07.2020)
Hazırkı dövrədək ölkəmizdə 24 570 nəfərin koronavirus infeksiyasına yoluxması faktı müəyyən edilib, onlardan 15 640 nəfər müalicə olunaraq sağalıb, 313 nəfər vəfat edib, 8 617 nəfərin xüsusi rejimli xəstəxanalarda müalicəsi davam etdirilir.

BAKI, 13 iyul – Sputnik. Azərbaycanda COVID-19-a daha 529 yeni yoluxma qeydə alınıb, 547 nəfər sağalıb.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd olunub ki, COVID-19 üçün götürülən analiz nümunələri müsbət çıxmış 7 nəfər vəfat edib.

Hazırkı dövrədək ölkəmizdə 24 570 nəfərin koronavirus infeksiyasına yoluxması faktı müəyyən edilib, onlardan 15 640 nəfər müalicə olunaraq sağalıb, 313 nəfər vəfat edib, 8 617 nəfərin xüsusi rejimli xəstəxanalarda müalicəsi davam etdirilir.

Посмотреть эту публикацию в Instagram

Публикация от Sputnik Azərbaycan (@sputnik.az)

Son sutka ərzində yeni yoluxma hallarının müəyyənləşdirilməsi ilə əlaqədar 8 015 test aparılıb. Bununla da ölkədə koronavirusla bağlı aparılan testlərin sayı 576 249-a çatıb.

58
Mövzu:
Azərbaycanda koronavirus: son xəbərlər
Azərbaycanın Birinci vitse-prezident Mehriban Əliyeva, arxiv şəkli

Mehriban Əliyeva: “Düşmənə layiqli cavab verildi bu hər zaman belə olacaq”

5
(Yenilənib 16:19 13.07.2020)
"Allah bütün şəhidlərimizə rəhmət eləsin! Yaralı əsgərlərimizə tezliklə şəfa versin! Allah Azərbaycanı və xalqımızı qorusun!"

BAKI, 13 iyul – Sputnik. Azərbaycanın Birinci vitse-prezidenti Mehriban Əliyeva ötən gün cəbhədə baş verənlərlə bağlı "İnstagram"da paylaşım edib.

Sputnik Azərbaycan paylaşımın mətnini təqdim edir:

“Azərbaycan xalqı işğalla heç vaxt barışmayacaq! Bizim torpağımız, Vətən uğrunda mübarizəmiz müqəddəsdir! Bizim işimiz haqq işidir və Allah bizimlədir! Düşmənə layiqli cavab verildi və bu, hər zaman belə olacaq! Biz daha da güclü olmalıyıq və olacağıq, daha sıx birləşəcəyik! Şəhid analarına və atalarına öz dərin kədərimi və hörmətimi bildirirəm. Bu çətin günlərdə Azərbaycan xalqı sizinlədir. Allah bütün şəhidlərimizə rəhmət eləsin! Yaralı əsgərlərimizə tezliklə şəfa versin! Allah Azərbaycanı və xalqımızı qorusun!”

View this post on Instagram

Azərbaycan xalqı işğalla heç vaxt barışmayacaq! Bizim torpağımız, Vətən uğrunda mübarizəmiz müqəddəsdir! Bizim işimiz haqq işidir və Allah bizimlədir! Düşmənə layiqli cavab verildi və bu, hər zaman belə olacaqdır! Biz daha da güclü olmalıyıq və olacağıq, daha sıx birləşəcəyik! Şəhid analarına və atalarına öz dərin kədərimi və hörmətimi bildirirəm. Bu çətin günlərdə Azərbaycan xalqı sizinlədir. Allah bütün şəhidlərimizə rəhmət eləsin! Yaralı əsgərlərimizə tezliklə şəfa versin! Allah Azərbaycanı və xalqımızı qorusun! ⠀ Азербайджанский народ никогда не смирится с оккупацией! Наша земля, наша борьба за Родину священны! Наше дело правое и Бог с нами! Враг получил отпор и так будет всегда! Мы должны стать и станем еще сильнее, еще сплочённее! Выражаю свою глубокую скорбь и уважение матерям и отцам шехидов. В эти трудные дни азербайджанский народ рядом с вами. Да упокоит Аллах души всех наших шехидов! Ниспошлет скорейшего выздоровления нашим раненым солдатам! Да хранит Аллах Азербайджан и наш народ!

A post shared by Mehriban Aliyeva (@firstvicepresidentazerbaijan) on

5
KTMT və Ermənistan bayrağı, arxiv şəkli

Müttəfiqləri Ermənistanı dəstəkləmədi KTMT-nın iclası təxirə salındı

0
(Yenilənib 17:19 13.07.2020)
Daha əvvəl Ermənistanın xarici işlər naziri Zöhrab Mnatsakanyan Kollektiv Təhlükəsizlik Müqaviləsi Təşkilatının sədri (KTMT) Stansilav Zasla Ermənistan-Azərbaycan sərhədində baş verənləri müzakirə edib

BAKI, 13 iyul — Sputnik. Kollektiv Təhlükəsizlik Müqaviləsi Təşkilatı (KTMT) sədri Aleksandr Zasın təşəbbüsü ilə qurumun Daimi Şurasının keçirilməli olan təcili iclası qeyri-müəyyən vaxta qədər təxirə salınıb. Sputnik Azərbaycan xəbər verir ki, bunu Azadlıq Radiosunun erməni bölməsinə açıqlamasında KTMT-nın baş katibi Vladimir Zaynetdinov bildirib.

Onun sözlərinə görə, iclas tərəflər arasında məsləhətləşmələr səbəbindən təxirə salınıb. O, həmçinin qeyd edib ki, müzakirələrin hansı formatda keçriilməli olduğu dəqiqləşdirilməlidir.

Zaynetdinov kimin təşəbbüsü ilə iclasın təxirə salındığını açıqlamayıb.

Qeyd edək ki, Ermənistan, Rusiya, Belarus, Qazaxıstan, Qırğızıstan və Tacikistan KTMT-nın üzvlərdir.

Xatırladaq ki, daha əvvəl Ermənistanın xarici işlər naziri Zöhrab Mnatsakanyan Kollektiv Təhlükəsizlik Müqaviləsi Təşkilatının sədri (KTMT) Stansilav Zasla Ermənistan-Azərbaycan sərhədində baş verənləri müzakirə edib.

Ermənistan XİN-dən, həmçinin bildirilib ki, KTMT sədri ilə daima əlaqə saxlanılır və qurum daxilində işlər aparılır.

Qeyd edək ki, iyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutublar. Hər iki tərəfin itki verdiyi bildirilir. Belə ki, düşmən hücumunun qarşısını alarkən döyüşdə Azərbaycan Ordusunun hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu şəhid olub.

Azərbaycan-Ermənistan dövlət sərhədinin Tovuz istiqamətində iyulun 13-nə keçən gecə ərzində də gərginlik davam edib.

Artilleriya, minaatan və tankların tətbiqi ilə gedən gecə döyüşlərində bölmələrimizin dəqiq atəşi ilə düşmənin dayaq məntəqəsi, artilleriya qurğuları, hərbi hissəsi ərazisində avtomobil texnikası və canlı qüvvəsi məhv edilib.

Döyüşdə Azərbaycan Ordusunun hərbi qulluqçusu baş leytenant Mahmudov Rəşad Rəşid oğlu şəhid olub.

Hazırda əməliyyat şəraiti qoşunlarımızın nəzarəti altındadır. Düşmənə qarşı cəza tədbirləri həyata keçirilir.

Düşmən tərəfi itkiləri barədə məlumatları gizlədir.

0