Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib

Bərdənin yüz yaşını haqlayan sakini ilk dəfə şəxsiyyət vəsiqəsi aldı - FOTO

100
(Yenilənib 18:54 09.08.2019)
"Savadsız adamam. Haraya müraciət edəcəyimi bilmirdim"

Musa Muradlı, Sputnik Azərbaycan

BAKI, 9 avqust — Sputnik. Bərdə rayonunun Mirzəxan kəndində yaşayan Tuyğun Mustafayevanın sonuncu dəfə istifadə elədiyi sənəd Sovet pasportu olub. Təqaüdə çıxarkən əlində olan pasport bir neçə ildən sonra öz hüquqi etibarlılığını itirsə də, onu dəyişməyə ehtiyacı olmayıb. 99 yaşlı Tuyğun Mustafayevaya səlahiyyətli şəxslər humanistlik göstərərək hüquqlarını məhdudlaşdırmamağa çalışıblar. Təqaüdünü əl ilə almasına şərait yaradıblar.  Ancaq qanunun verdiyi imkanlar sonunda tükənib. 

Ahıl yaşına görə edilən güzəştlərə axırda "Kapitalbank"ın qanuni tələbi səbəbindən son qoyulub. Tuyğun nənəyə bundan sonra ASAN xidmət mərkəzinə müraciət edib, şəxsiyyət vəsiqəsini dəyişdirməyi məsləhət biliblər. Tuyğun Mustafayeva Bərdə-ASAN xidmətə müraciət edəndən dərhal sonra onun şəxsiyyət vəsiqəsi hazırlanıb.

Sputnik Azərbaycan bildirir ki, 2019-cu il avqustun 9-da hazır sənəd Tuyğun Mustafayevanın yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə təqdim edilib.

Tuyğun Mustafayeva ona göstərilən diqqəti böyük məmnunluqla qəbul edib, təşəkkürünü bildirib. Şəxsiyyət vəsiqəsi üçün indiyə qədər müraciət etməməsini isə belə izah edib: ”Savadsız adamam. Haraya müraciət edəcəyimi bilmirdim. Əvvəllər təqaüdümü ala bilirdim deyə, şəxsiyyət vəsiqəsini almağa da o qədər ehtiyac olmurdu. Ancaq sonra təqaüdümü ala bilmədim. "Kapitalbank"a getdim. Bankdan isə bildirdilər ki, şəxsiyyət vəsiqəsi olmasa, təqaüd kartının verilməsinə köməklik edə bilməyəcəklər. ASAN xidmətə müraciətim isə tezliklə bəhrəsini verdi. Onlara minnətdarlığımı bildirirəm”.

  • Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib
    Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib
    © Sputnik / Musa Muradli
  • Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib
    Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib
    © Sputnik / Musa Muradli
  • Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib
    Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib
    © Sputnik / Musa Muradli
  • Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib
    Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib
    © Sputnik / Musa Muradli
1 / 4
© Sputnik / Musa Muradli
Tuyğun Mustafayevaya yaşadığı ünvanda Bərdə Regional ASAN xidmət mərkəzinin rəhbəri Əşrəf Əliyev və digər əməkdaşların iştirakı ilə şəxsiyyət vəsiqəsi təqdim edilib

Həyatındakı çətin günlərdən danışan Tuyğun nənə bildirib ki, kolxoz illərində çox əziyyətlər çəkib. ”Körpə kürəyimdə pambıq becərirdim. Həyat yoldaşım müharibədə əllərini itirib, şikəst qayıtdığından əmək qabiliyyətini itirmişdi. Ona görə də kişi yerinə də işləyirdim. İki uşaq - bir oğul, bir qız- böyütdüm. İndi nəvəm, nəticəm var”, - deyən nənənin yaddaşını qurdalayıb, keçmişdən danışmaqda çətinlik çəkdiyi hiss olunur.

Nənə övladlarından da razılığını dilə gətirir. Xüsusilə gəlininin ona qarşı qayğıkeş olduğunu bildirir. Həyatda çəkdiyi əziyyətləri xeyirli övladlarına görə unudur Tuyğun nənə. Buna görə də həyatından razıdır.

Bərdə-ASAN xidmət mərkəzinin baş məsləhətçisi Şəbnəm Süleymanova Tuyğun Mustafayevaya göstərilən xidmətdən məmnunluqlarını ifadə edib: ”Bərdə Regional ASAN  Xidmət mərkəzinin fəaliyyətə başladığı 12 mart 2015-ci il tarixdən 1,5 milyondan çox vətəndaş müraciəti qəbul etmişdir. 

Mərkəzimiz Bərdə rayonu ilə yanaşı, Yevlax, Ağdam, Tərtər, Füzuli, Ağcabədi, Ucar, Mingəçevir, Tərtər rayonlarında qeydiyyatda olan sakinlərinə xidmət göstərir. Bundan başqa, səyyar avtobus xidmətlərimiz də var ki, Goranboy və Naftalan şəhər sakinlərinə də xidmət göstərir. Mustafayeva Tuyğun xanımın şəxsiyyət vəsiqəsilə bağlı müraciət qəbul olunanda əməkdaşlarımız dərhal mobil səyyar vasitəsilə xanımın ünvanına gələrək sənədlərini qəbul etdilər. Bu gündə artıq xanımın şəxsiyyət vəsiqəsi hazırdır. Buraya gəlişimizin də məqsədi həmin vəsiqəni təqdim etmək idi”.

100
Teqlər:
ASAN Xidmət, qadın, şəxsiyyət vəsiqəsi, Bərdə
Əlaqədar
Bərdəli qadın dünya rekorduna imza atmaq fikrindədir
Tibb işçisi Dövlət Gömrük Komitəsinin hospitalında, arxiv şəkli

Bu əsl faciədir - ATU-da 57 həkim koronavirusa yoluxub

1414
(Yenilənib 11:51 07.07.2020)
"Müalicədə olan həkimlərimizin 6-nın vəziyyəti ağır, 15-i orta ağır, digər 6-nın vəziyyəti isə yüngüldür. Xoşbəxtlikdən həkimlərimiz arasında ölüm faktı qeydə alınmayıb" - Günel Aslan

Nigar İsgəndərova, Sputnik Azərbaycan

BAKI, 7 iyul — Sputnik. Son iki həftə ərzində Azərbaycan Tibb Universitetinin (ATU) Tədris Cərrahiyyə Klinikasında çalışan həkimlərdən 33-ü koronavirusa yoluxub. Bu barədə ATU-nun mətbuat katibi Günel Aslanova Sputnik Azərbaycan-a açıqlamasında deyib. O bildirib ki, artıq həmin həkimlərdən 6-sı sağalaraq evə buraxılıb və digər 27 həkimin müalicəsi davam edir: "Müalicədə olan həkimlərimizin 6-nın vəziyyəti ağır, 15-i orta ağır, digər 6-nın vəziyyəti isə yüngüldür".

"Bilirsiniz, hazırda xəstə sayı çoxdur və həkimlərimiz gücləndirilmiş iş rejimində çalışırlar. Onlaırn hər bir qorunma vasitələri var. Lakin bu gərgin rejimdə istər-istəməz immunitet düşür. Xoşbəxtlikdən həkimlərimiz arasında ölüm faktı qeydə alınmayıb", - deyə mətbuat katibi bildirib.

Bundan başqa G.Aslanova bildirib ki, ATU-nun Tədris-Terapevtik Klinikası da COVİD-19 xəstələrinin müalicəsi üçün ayrılıb və burada çalışan 24 həkim arasında da yoluxma faktı qeydə alınıb.

1414
Natiq Məmmədli

Tanınmış yazıçıdan mütaliə həvəskarlarına əvəzolunmaz hədiyyə

28
(Yenilənib 11:49 07.07.2020)
"Ləyaqət düsturu", "Bekketə salam" hekayələr toplusu və "Körpüdə ümid" romanından sonra "Qəhrəmanım sənsən" Natiq Məmmədlinin oxucularla növbəti görüşüdür.

BAKI, 7 iyul — Sputnik. Tanınmış yazıçı Natiq Məmmədlinin seçmə hekayələrindən ibarət kitabı işıq üzü görüb.

Sputnik Azərbaycan xəbər verir ki, "Köhlən" Nəşriyyatının çap etdiyi kitabda müəllifin yeni, habelə müxtəlif vaxtlarda qələmə aldığı otuza yaxın hekayəsi yer alıb.

Kitab Məmmədlinin "Mənim oxucum mənim qəhrəmanımdır" devizi ilə oxucularına müraciəti ilə başlayır. "Qəhrəmanlar təkcə müharibələrdə yetişmir. Adi həyatlarını yaşayan elə səssiz, elə təvazökar qəhrəmanlar var ki, bəlkə də hər gün yanımızdan ötüb keçirlər, amma biz onların fərqinə varmırıq. Heç özlərinin də öz hünərindən xəbərləri olmur. Onların qəhrəmanlığı qəfil bir anın içərisinə sığmayan, ömür boyu davam edən şücaətdir. Onlar qeyri-adi heç nə etmirlər, sadəcə oxuyurlar və mənəvi dünyamızdan gurultulu sözlər danışmağı sevməzlər, lakin onun sərhədlərini qoruyarlar. Onlar məsləhət vermir, öz şəxsiyyətləriylə nümunə yaradırlar. Mən səssiz qəhrəmanların yazıçısıyam", - deyə yazıçı oxucularına xitab edir.

"Ləyaqət düsturu", "Bekketə salam" hekayələr toplusu və "Körpüdə ümid" romanından sonra "Qəhrəmanım sənsən" Natiq Məmmədlinin oxucularla növbəti görüşüdür.

Kitabı paytaxtın kitab mağazalarından əldə etmək olar, həmçinin "Köhlən" Nəşriyyatından onlayn sifariş də mümkündür.

28
Moskvada COVID-19 hospitalı, arxiv şəkli

Rusiyada bir gündə 200-ə yaxın şəxs koronavirusdan öldü

0
Rusiyada pandemiya yayılandan 10494 nəfər COVID-19-dan vəfat edib. Bir sutka ərzində virusdan sağalanların sayı isə 9551 nəfər olub.

BAKI, 7 iyul — Sputnik. Bir sutka ərzində Rusiyada 6358 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 198 nəfər ölüb.

Ümumilikdə, Rusiyada bu xəstəliyə yoluxanların sayı 694230-a çatıb. Rusiyada pandemiya yayılandan 10494 nəfər COVID-19-dan vəfat edib. Bir sutka ərzində virusdan sağalanların sayı isə 9551 nəfər olub. Bununla da bu ölkədə virusdan sağalanların sayı 463880-ə keçib.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 11,6 milyonu keçib, 538 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Teqlər:
yoluxma, Vəfat, Rusiya, COVID-19, Koronavirus