Sumqayıt-Bakı yolunda tıxac

Ağır qəza paytaxta gələn əsas yollardan birini bağlayıb

1128
Manevrlər qəza şəraiti yaratdığından, üstəlik yollarda hava şəraiti ilə əlaqədar sürüşkənlik olduğundan 525 saylı sərnişin avtobusu qarşıdakı tur şirkətinə məxsus avtobusa çırpılıb

Zülfiyyə Quluyeva, Sputnik Azərbaycan

BAKI, 8 avqust — Sputnik. Səhər saatlarında Xırdalan qəbiristanlığının yanında iki avtobus toqquşub. Bu barədə Sputnik Azərbaycan-a Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova məlumat verib.

O bildirib ki, 525 saylı sərnişin avtobusu tur şirkətə məxsus avtobusu vurub: "Qəzanın törənməsində günahkar turizm şirkətinə məxsus avtobusunun sürücüsü olub. Belə ki, tur şirkətinə məxsus avtobusun sürücüsü sıxlıqdan çıxmaq üçün manevrlər edib. Manevrlər qəza şəraiti yaratdığından, üstəlik yollarda hava şəraiti ilə əlaqədar sürüşkənlik olduğundan 525 saylı sərnişin avtobusu qarşıdakı tur şirkətinə məxsus avtobusa çırpılıb. Hazırda DANX-nın və Daxili İşlər Nazirliyinin Yol Polisi İdarəsinin əməkdaşları hadisə yerindədir. Baş vermiş hadisə zamanı heç kəs xəsarət almayıb. Hazırda qəzanın baş vermə səbəbi araşdırılır".

Qeyd edək ki, qəza səbəbindən yolda tıxac yaranıb, Sumqayıt-Bakı yolu bağlanıb.

1128
Kvas içən şəxs

Diqqət! Bu içkilər artıq çəkiyə səbəb olur

33
Bir çox insanlar çay və ya qəhvəni böyük miqdarda şəkər əlavə etməklə içirlər ki, bu da bədənin ümumi vəziyyətinə mənfi təsir göstərir.

BAKI, 4 avqust — Sputnik. Şirələrin, kvasların və qazlaşdırılmış suların tərkibində çox miqdarda qlükoza var və onlar yüksək qlikemik indeksə malikdir. Bu içkiləri müntəzəm olaraq içmək mədəaltı vəz üçün böyük yük yaradır və artıq çəkiyə səbəb olur.

Sputnik Azərbaycan xəbər verir ki, bu barədə rusiyalı həkim-endokrinoloq Yekaterina İvannikova "Komsomolskaya Pravda" qəzetinə müsahibəsində deyib.

Bundan əlavə, bir çox insanlar çay və ya qəhvəni böyük miqdarda şəkər əlavə etməklə içirlər ki, bu da bədənin ümumi vəziyyətinə mənfi təsir göstərir.

İvannikova içkilərinə dad qatmaq istəyənlərə suya təzə xiyar, nanə və ya limon əlavə etməyi və belə bir içkidən bir kiloqrama 30 millilitr həcmində istifadə etməyi məsləhət görüb.

33
Fahişə, arxiv şəkli

Məhəbbət bir dənizdi, sən uzaq "Yaşıl ada"...

36
(Yenilənib 23:01 04.08.2020)
Faktla bağlı Biləsuvar RPŞ-də Cinayət Məcəlləsinin müvafiq maddəsi ilə cinayət işi başlanılıb, araşdırma aparılır.

BAKI, 4 avqust — Sputnik. Salyan rayonunun Şorsulu kənd sakini Z.Həsənlinin Biləsuvar rayonunun Xırmandalı kəndi ərazisində işlətdiyi "Yaşıl Ada" adlı kafenin əxlaqsız yuva kimi fəaliyyət göstərdiyi aşkar olunub.

Sputnik Azərbaycan Daxili İşlər Nazirliyinin Mətbuat Xidmətinin Lənkəran regional qrupundan verilən məlumata istinadla xəbər verir ki, polis şöbəsinin əməkdaşları tərəfindən keçirilən əməliyyat tədbirləri nəticəsində həmin kafeni icarə əsasında işlədən Z.Həsənli və orada olan 6 nəfər müştəri saxlanılaraq Rayon Polis Şöbəsinə gətirilib.

Faktla bağlı Biləsuvar RPŞ-də Cinayət Məcəlləsinin müvafiq maddəsi ilə cinayət işi başlanılıb, araşdırma aparılır.

36