Sahildə ölü balıq, arxiv şəkli

Balıqların kütləvi ölüm səbəbi nədir? - SOCAR açıqlama verdi

676
(Yenilənib 15:36 07.08.2019)
Bu səbəbdən də küləkli hava zamanı qəzalı quyulardan və təbii çirkləndirmə mənbələri olan qrifonlardan  sızmalar baş verir

Zülfiyyə Quluyeva, Sputnik Azərbaycan

BAKI, 7 avqust — Sputnik. Neft Daşları ərazisində çoxlu miqdarda ölmüş balıq (zalom, kütüm, şamayka və s.) müşahidə olunub. Bu barədə Neftçilərin Hüquqlarını Müdafiə Təşkilatının (NHMT) rəhbəri Mirvari Qəhrəmanlı məlumat verib. O qeyd edib ki, balıqların məhv olmasına səbəb dənizə buraxılan lay suları, çənlərin yuyulması nəticəsində dənizə axıdılan tullantılar, kimyəvi maddələr, neft axıntıları və sairdir: “Bu ərazidə dənizin dibi qayalıq olduğundan may-avqust aylarında çoxlu sayda balıq kürü tökmək üçün bu qayalıqlara gəlir. Ölən balıqların say çoxluğunun səbəbi də bununla əlaqədardır”.

Sputnik Azərbaycan məsələ ilə bağlı Dövlət Neft Şirkəti (SOCAR) ilə əlaqə saxlayıb. SOCAR-ın ictimaiyyətlə əlaqələr şöbəsinin rəhbəri İbrahim Əhmədov Sputnik Azərbaycan-a açıqlamasında bildirib ki, bu barədə məlumat yayıldıqdan sonra "Azneft" İB-nin əməkdaşları Ekologiya Nazirliyinin nümayəndələri ilə birgə əraziyə baxış keçiriblər. Şöbə rəhbərinin sözlərinə görə, "Neft Daşları" neft və qaz çıxarma idarəsində (NQÇİ) neftlə birlikdə hasil olunan lay sularının idarə edilməsi məqsədilə 11.07.2017-ci il tarixindən etibarən müasir standartlara cavab verən, Böyük Britaniyanın FLS şirkətinin istehsalı olan lay sularının utilizasiya qurğusu xarici mütəxəssislərin iştirakı ilə istismara verilib: “Qurğuda orta hesabla gündəlik 1650 m³ lay suyu neftdən və mexaniki qarışıqlardan təmizləndikdən sonra 13 ədəd utilizə quyusu vasitəsilə laylara vurulur. Həmçinin NQÇİ-nin özül və meydançalarında quyuların əsaslı və yeraltı təmiri zamanı formalaşan istehsalat sularının idarə olunması məqsədilə qapalı yuma sistemləri də mövcuddur. Təmir zamanı formalaşan istehsalat çirkab suları qapalı sistemdə idarə olunur”.

Cəsəd suya qarışıb, su cəsədə: İnsanlar da ordan balıq yeyir>>

İ. Əhmədov Neft Daşları akvatoriyasında müşahidə olunan neft ləkələrinə gəlincə bildirib ki, bu sovet dövründən “miras” qalmış məsələdir: ““Azneft" İB-nin strukturuna daxil olan "Neft Daşları" NQÇİ-nin fəaliyyət zonasında görünən neft ləkələri ilə bağlı bildirmək istərdik ki, NQÇİ-nin istehsalat sahələrində uzun illər boyunca Sovet dönəmindən miras qalmış texnogen qəzalar nəticəsində qəzalı vəziyyətə düşmüş, lüləsi su altında olan quyular mövcuddur. Bundan əlavə, Neft Daşları və Palçıq Pilpiləsi yataqlarında 11 ədəd  aktiv qrifon mənbəyi qeydiyyatdadır. Bu səbəbdən də küləkli hava zamanı qəzalı quyulardan və təbii çirkləndirmə mənbələri olan qrifonlardan sızmalar baş verir. Xəzər dənizinə lay sularının axıdılması birmənalı olaraq qətiyyən mümkün deyil və yolverilməzdir. Bu da böyük miqdarda olan məsələ deyil ki, balıqların ölümünə səbəb olsun”.

676
Teqlər:
ölüm, açıqlama, SOCAR, Xəzər dənizi, balıq
Əlaqədar
Bakı çimərliklərində ölü balıqlar sahili "bəzəyir" - səbəb nədir?
Pirşağının ölü balıqları bazara çıxa bilər - qanun susur, qurumlar "oynayır"
 Prezident İlham Əliyev, arxiv şəkli

Prezident: Biz informasiya məkanında qələbə qazandıq

0
İlham Əliyev: "Biz döyüş meydanında qələbə qazandıq, informasiya məkanında qələbə qazandıq, siyasi müstəvidə qələbə qazandıq. Müharibənin nəticələri mən deyən kimi oldu".

BAKI, 25 noyabr — Sputnik. "Mən Prezident kimi bu illər ərzində əlimdən gələni edirdim ki, Dağlıq Qarabağ məsələsi daim gündəlikdə olsun, özü də daim gündəliyin mərkəzində olsun".

Sputnik Azərbaycan xəbər verir ki, bunu Azərbaycan Prezidenti İlham Əliyev xalqa müraciətində bildirib.

"Həm ölkə daxilində vətənpərvərlik, milli qürur, həmrəylik hissləri daha da yüksək səviyyəyə qalxsın. Həm beynəlxalq müstəvidə daim bu məsələ gündəlikdə olsun. Hər kəs bilsin, həqiqət nədən ibarətdir, hər kəs bilsin, təcavüzkar kimdir, zərərçəkmiş tərəf kimdir və biz buna nail olduq. İndi dünyada hər kəs bunu bilir. Əgər Vətən müharibəsi dövründə xarici mətbuata diqqət yetirsək, görərik ki, əlbəttə, qərəzli, islamofob, anti-Azərbaycan, ermənipərəst məqalələr və reportajlar üstünlük təşkil edir. Ancaq, eyni zamanda, əvvəlki dövrdən fərqli olaraq bir çox obyektiv, həqiqəti əks etdirən reportajlar, məqalələr də dərc edildi. Deyə bilərəm ki, biz informasiya müharibəsində qələbə qazandıq. Biz döyüş meydanında qələbə qazandıq, informasiya məkanında qələbə qazandıq, siyasi müstəvidə qələbə qazandıq. Müharibənin nəticələri mən deyən kimi oldu", - deyə Prezident bildirib.

O qeyd edib ki, ilk günlərdən Qarabağ probleminin hərbi və siyasi yollarla həll edilməli olduğunu deyib:

"Deyirdim ki, biz məsələnin hərbi yollarla həllini hər an dayandıra bilərik və buna hazırıq. Bir şərtlə, Paşinyan şəxsən özü deməlidir ki, nə vaxt o, bizim torpaqlarımızdan çıxır. Öhdəlik götürməlidir, tarix verməlidir. Deməlidir ki, nə vaxt bizim torpaqlarımızdan çıxır. Bu olan kimi, mən bizim hücum əməliyyatlarımızı dayandırıram".

"Biz Cəbrayılı, Füzulini, Zəngilanı, Qubadlını, Murovdağı, Suqovuşanı, Hadrutu, Xocavənd rayonunun böyük hissəsini və Şuşanı hərbi yollarla azad etdik. Döyüş meydanında düşmənin belini qırdıq. Şuşanın azad olunmasından bir gün sonra 70-dən çox kəndin azad edilməsi ilə düşmən diz çökdü, kapitulyasiya aktına imza atdı. Hələ ki, bilmirəm harada. Bunu gizlədirlər. Yəqin ki, nə vaxtsa bizə deyəcəklər. Paşinyan, harada imzalamısan sən bu kapitulyasiya aktını? Ancaq məcbur olub bizim şərtlərimizi qəbul edib. Müharibə bir daha göstərdi kim kimdir. Ermənistan məğlub edilmiş ölkədir. Azərbaycan zəfər çalmış ölkədir. Kəlbəcər bizimdir! Qarabağ Azərbaycandır!", - deyə İlham Əliyev əlavə edib.

0
Bakıda parkomat, arxiv şəkli

Parklama probleminin həlli üçün Bakıya beynəlxalq şirkət dəvət edilib

3
BNA nümayəndəsi: Azərbaycana beynəlxalq məsləhətçi şirkət dəvət olunub və o, parklanma məsələlərini təhlil edir.

BAKI, 25 noyabr — Sputnik. Bakı şəhərində avtomobillərin parklanması ilə bağlı baş plan və tarif siyasəti hazırlanacaq.

Sputnik Azərbaycan xəbər verir ki, bunu "Caspian Energy Club"un təşkilatçılığı ilə keçirilən "Online Baku City Forum"da çıxış edən Bakı Nəqliyyat Agentliyinin (BNA) Yol hərəkətinin təşkili şöbəsinin müdiri Tərlan Səfərov deyib.

Onun sözlərinə görə, bu plan ilk növbədə ictimaiyyətə təqdim olunacaq və daha sonra onun tətbiqinə başlanacaq:

"Hazırda bu istiqamətdə görülən işlər çərçivəsində beynəlxalq məsləhətçi şirkət dəvət olunub, hansı ki, parklanma məsələlərini təhlil edir. Təbii ki, parkanmanın idarə edilməsi ümumiyyətlə şəhər nəqliyyat infrastrukturunun ən vacib amilidir. Çünki bu, həm sahibkarların fəaliyyətinə təsir göstərir, həm də tıxaca təsir edir. Bu gün demək olar ki, Bakı şəhərində parklanma pulsuzdur və ona görə də tıxac problemi mövcuddur".

3
Teqlər:
pullu parklama, parklama, Bakı Nəliyyat Agentliyi, BNA