Bakının mərkəzində ərəb tursitlər

Azərbaycanı turizm sahəsində aparıcı ölkələrdən birinə çevirmək olar

1333
(Yenilənib 00:19 03.08.2019)
Əsas yol, çimərlik turizmini inkişaf etdirmək və xidmət sektorunda qiyməti endirməkdir.

Zülfiyyə Quluyeva, Sputnik Azərbaycan

BAKI, 2 avqust — Sputnik. Sputnik Azərbaycan öz veb saytında turistlərin Azərbaycana cəlb edilməsi yolları ilə bağlı oxucular arasında sorğu keçirdib. "Turistləri Azərbaycana nə ilə cəlb edə bilərik?" başlıqlı sorğuda oxucular yeddi bölmə üzrə səsvermə prosesində iştirak ediblər. Oxucuların 15.8% -i turistləri Azərbaycana yerli və beynəlxalq sərnişindaşımada güzəştlərlə cəlb etməyin mümkün olduğu qənaətindədirlər. 11.8%-i (18) turistləri cəlb etməyin yolunu tarixi əhəmiyyət daşıyan məkanlara səfərlər təşkil etməkdə görürlər. 10.5%-i (16) "Kənd turizmini inkişaf etdirməklə", 6.6% -i (10) "Milli mətbəx festivalları ilə", 7.9%-i (12) "Beynəlxalq miqyaslı musiqi tədbirləri ilə" bölməsini seçiblər.

Səsvermədə iştirak edən oxucuların çoxu - 28.3%-i (43) turistləri ölkəmizə xidmət sektorunda qiyməti endirməklə cəlb etməyin mümkün olduğunu düşünürlər. 19.1%-i (29) isə hesab edir ki, bu, ancaq çimərlik turizmini qaydaya salmaqla mümkündür.

Turizm üzrə ekspert Müzəffər Ağakərimov KİV-in tez-tez turizm sahəsindəki problemləri işıqlandırmasının bu sahənin inkişafına müsbət təsir etdiyini söyləyir: "Mən "Sputnik Azərbaycan" Beynəlxalq İnformasiya Agentliyinə turizm mövsümündə məhz turizmlə bağlı sorğu keçirdiyi üçün minnətdaram. Sputnik Azərbaycan turizmlə bağlı silsilə məqalələr, araşdırmalar, xəbərlər hazırlayır. Medianın bu sahəyə olan diqqəti turizmdə xeyli əyər-əskikləri aradan qaldırıb. Elə götürək ictimai çimərliklərin yaradılması məsələsini. Mətbuat bundan dəfələrlə yazdıqdan sonra problem öz həllini tapdı".

Ekspertin sözlərinə görə, çimərlik turizmi kütləvi turizm növüdür. Əgər ölkəyə gələn turistlərin sayının çox olmasını istəyiriksə, çimərlik turizmini mütləq inkişaf etdirməliyik.

"Bu yolla biz Rusiyadan Türkiyəyə axın edən turistlərin üzünü ölkəmizə çevirə bilərik" - deyən ekspertin fikrincə, turistlərin ölkəmizə axın etməməsinin səbəblərindən biri də oxucuların düşündüyü kimi, bu sahədəki qiymət özbaşınalığıdır. Turistlər doğrudan da qiyməti sərfəli olan ölkələrə üstünlük verirlər.

Şəki turistləri nə ilə sevindirir
© Sputnik / Şahpəri Abbasova / Leyla Orucova

"Azərbaycanın həm regionlarında, həmçinin də Bakıda turizm obyektlərində qiymət məsələsi mürəkkəb məsələdir. Marketoloqlar yerli şəraiti nəzərə alıb qiymət siyasəti yürütmürlər. Turizm obyektlərinin marketoloqları qoyduqları qiyməti heç cür əsaslandıra bilmirlər. Azərbaycanda turizmi inkişaf etdimək, onu aparıcı 20 ölkə sırasına çıxartmağın bir yolu da aviabiletlərin qiymətinin münasib olmasıdır. "Sputnik Azərbaycan" Beynəlxalq İnformasiya Agentliyinin turistləri ölkəmizə cəlb etmək üçün öz veb saytına yerləşdirdiyi sorğunun bütün bölmələri peşəkarlıqla seçilib. Bunların hər birinin ölkəmizə turist cəlb etməyə böyük təsiri var. Amma mən də düşünürəm ki, əsas yol, çimərlik turizmini inkişaf etdirmək və xidmət sektorunda qiyməti endirməkdir" - deyə Ağakərimov əlavə edib.

Hazırda "Sputnik Azərbaycan" öz sorğu bölməsində oxucuların məzuniyyətlə bağlı fikirlərini gözləyir. Oxucular saytımıza daxil olaraq, sorğuda iştirak edə bilərlər.

1333
Elnur Hüseynov, arxiv şəkli

"Eurovision" ulduzlarından Gəncə terroru barədə klip

33
(Yenilənib 20:03 28.10.2020)
"Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

BAKI, 28 oktyabr — Sputnik. "Eurovision" mahnı müsabiqəsinin ulduzları Elnur Hüseynov və Fidan Hüseynova Ermənistanın Gəncədə törətdiyi terror aktları barədə klip çəkiblər. Sputnik Azərbaycan xəbər verir ki, "Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

Müğənni kliplə bağlı danışarkən bunları deyib: "Oktyabrın 4, 11 və 17-də Azərbaycanın hərbi əməliyyatlar zonasından kənarda yerləşən, əhalisinin sayına görə ikinci ən böyük şəhəri olan Gəncəyə üç raket hücumu nəticəsində 26 nəfər həlak olub. Həlak olanlar arasında 10 qadın və 6 uşaq var. Daha 138 nəfər yaralanıb. İndi informasiya müharibəsi gedir və hər kəsin öz silahı var: bizim mahnımız ingilis dilində olduğu üçün istədim ki, yenidən o mahnıya qayıdaq və bütün həqiqəti dünyaya çatdıraq. Bu arzumu Fidanın atası Yaqub müəllimə bildirəndə o, mənim ideyamı ürəkdən dəstəklədi".

Rejissor Ülviyyə Könül bildirib ki, bu klipin ərsəyə gəlməsində məqsəd həqiqəti bəşəriyyətə çatdırmaqdır: "Mənim fikrimcə, bu klip çox güclü material yaratmağa kömək edib, çünki bu mövzuya laqeyd qalmaq mümkün deyil".

Layihə müəlliflərinin sözlərinə görə, bu gün dünya birliyi anlamalıdır ki, Ermənistanın terrorçu qoşunları Azərbaycan ərazisində vuruşur, lakin Qarabağın hüdudlarından uzaqlarda dinc əhaliyə qarşı vəhşiliklər törədirlər.

Mahnının sözləri Cəlal Qurbanovundır. Misraları ingilis dilinə tərcümə etmiş şairə Nigar Həsənzadə deyir:

"Bu mahnı doğma Azərbaycanımızın övladlarına, müharibə nəticəsində həyatlarını itirmiş günahsız qurbanlara görə bizim ümumi harayımız və fəryadımızdır. Bu mahnı dünya birliyini həqiqətin gözünün içinə baxmağa, öz ambisiyalarını müvəqqəti də olsa, unutmağa, mənfur erməni diasporunun təsirinə uymamağa və terrorçu ermənilərin bəşəriyyət əleyhinə törətdiyi dəhşətli cinayətlərə görə onları mühakimə etməyə çağırışdır".

33
Mövzu:
Azərbaycan və Ermənistan arasında müharibə
Şəhid general Polad Həşimovun portreti, arxiv şəkli

Türkiyədə general Həşimovun adına park salındı - VİDEO

42
(Yenilənib 20:31 28.10.2020)
Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər

BAKI, 28 oktyabr - Sputnik. Ermənistan silahlı qüvvələrinin Tovuz rayonu istiqamətindən ölkəmizə xain hücumları nəticəsində şəhid olan Azərbaycan Silahlı Qüvvələrinin generalı Polad Həşimovun əziz xatirəsi Türkiyədə əbədiləşdirilib.

Sputnik Azərbaycan-ın məlumatına görə, Bursanın Osmanqazi rayonunun Dəmirtaş bölgəsində Polad Həşimovun adı verilən yeni park salınıb.

Parkın açılış mərasimi Azərbaycan və Türkiyənin dövlət himnləri səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad olunub, onların ruhuna dualar oxunub.

Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər.

42
Əlaqədar
Türkiyədə Polad Həşimovun xatirəsi əbədiləşdirilir
"Təhlükəsizlik baxımından bizim üçün Türkiyənin önəmi qiymətsizdir" – Azərbaycanlı general
"Yeni şəhidlərimiz olmasın" - Polad Həşimovun portretini yaradan rəssam - VİDEO
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

0
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

0