CƏMİYYƏT
Cəmiyyətin həyatında baş verən aktual hadisələr

Sarı zolağa keçən sürücülərə niyə cərimə tətbiq edilmədi?

© Sputnik / Anar MustafayevSarı zolaq, arxiv şəkil
Sarı zolaq, arxiv şəkil - Sputnik Azərbaycan
Abunə olmaq
"Heç bir sürücü bundan narazı qalmamalıdır və bundan sonra da qalmayacaq"

BAKI, 31 iyul — Sputnik. Hesab edirəm ki, "Baku 2019" Avropa Gənclərinin Olimpiya Festivalının yüksək səviyyədə təşkil edilməsində elə sürücülərimizin də rolu var.

Bu barədə Sputnik Azərbaycan-a açıqlamasında Bakı şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədov deyib.

Пугало, фото из архива - Sputnik Azərbaycan
CƏMİYYƏT
Müqəvva ilə "sərçə qovmaq": Polis yollarda "tələ" quracaq

O, qeyd edib ki, sarı zolağa keçmək üçün özləri sürücülərə şərait yaradıblar: "Sarı zolağa neçə sürücünün girməsiylə bağlı sualları cavablandırmadım, yəni biz sarı zolağa nəzarəti götürdük və lazım gələrsə, orada hərəkət edilməsinə özümüz icazə verdik. Özümüz icazə verdiyimiz halda, süni sıxlığın yaranmaması üçün hərəkət etməyə göstəriş verdiyimizə görə sürücülərə necə protokol tərtib edək?! Hesab edirəm ki, "Baku 2019" Avropa Gənclərinin Olimpiya Festivalının yüksək səviyyədə təşkil edilməsində elə sürücülərimizin də rolu var. Çünki onlar bu tədbirin mahiyyətini, beynəlxalq əhəmiyyətini qəbul edib, bizim tövsiyəmizə əməl etdilər. Sürücülər bacardıqca sarı zolaq üzərində hərəkət etmədiklərinə görə tədbir iştirakçıları üçün ayrılmış 136 avtobusun gün ərzində hərəkəti zamanı heç bir yol qəzası hadisəsi baş vermədi. Bu göstəriciyə sevinməyinə dəyər. O ki qaldı, siz deyirsiniz ki, yüzlərlə sürücü sarı zolağa çıxıb. Bir neçə kobud faktı nəzərə almasaq, ümumilikdə yol polisinin göstərişi əsasında sarı zolaqla bağlı heç bir narahatlıq yoxdur. Bununla yanaşı, heç bir sürücü bundan narazı qalmamalıdır və bundan sonra da qalmayacaq", - deyə Əsədov vurğulayıb.

Xəbər lenti
0