Yeni sərnişin avtobusları, arxiv şəkli

Bakı əhli üçün "extra large" sevincin tərs üzü - "Özümüz çətinləşdiririk"

543
(Yenilənib 15:06 22.07.2019)
Avqustdan etibarən bakılıların avtobuslarda "mehribanlaşmaq"dan canı qurtaracaq. Amma bu "sürpriz"i minik maşınlarının sürücüləri də bəyənəcəklərmi?

İradə Cəlilova, Sputnik Azərbaycan

BAKI, 22 iyul — Sputnik. Avqust ayında Bakıda sərnişindaşımada fəaliyyət göstərmək üçün uzunluğu 12-18 metr olan 300 yeni avtobus gətiriləcək.

Bakı Nəqliyyat Agentliyinin İctimaiyyətlə əlaqələr və maarifləndirmə şöbəsinin sektor müdiri Mais Ağayev
© Sputnik / Murad Orujov
Bakı Nəqliyyat Agentliyinin İctimaiyyətlə əlaqələr və maarifləndirmə şöbəsinin sektor müdiri Mais Ağayev

Bakı Nəqliyyat Agentliyinin sözçüsü Mais Ağayev Sputnik Azərbaycan-a açıqlamasında bildirib ki, artıq Türkiyənin "BMC Otomotiv Sanayi ve Ticaret" AŞ şirkətindən avtobuslar alınıb:

"Bakıya gətirilən həmin avtobuslar əsasən daha çox şikayət olunan, problemlər yaşanan xətlərdəki avtobusları əvəz edəcək. Müasir standartlara cavab verən, kondisionerli avtobuslar eyni zamanda Bakıətrafı qəsəbələrə işləyən marşrut xətlərinə də buraxılacaq. Yeni avtobusların uzunluğu 12 və 18 metrdir".

M.Ağayev qeyd edib ki, ötən il Bakıda avtobus parkının yeilənməsi ilə bağlı prezidentin sərəncamı olub. Həmin sərəncama uyğun olaraq 300 ədəd avtobus alınıb. Avtobuslar gələn ay Bakıya gətiriləcək. Onlardan 180 ədədi 12 metrlik, 120-si isə 18 metrlik olacaq.

Avtobuslar təkcə şəhər mərkəzində deyil, qəsəbələrdə də istismara veriləcək.

Nəqliyyat eksperti Eldəniz Cəfər
Nəqliyyat eksperti Eldəniz Cəfər

Nəqliyyat eksperti Eldəniz Cəfər məsələ ilə bağlı Sputnik Azərbaycan-a açıqlamasında bildirib ki, Bakı və Bakıətrafı kəndlərdə ictimai nəqliyyatın çatışmazlığı problemi hər zaman olub: "Bakı əhalisi hər zaman bu problemdən əziyyət çəkib. Əvvəllər bu məsələ daha kəskin idi. Son zamanlar Bakı şəhərində kəskin olan problemlər aradan qaldırılıb. Ancaq köhnəlmiş avtobuslarla bağlı narazılıqlar hələ də qalır".

Ekspert hesab edir ki, gətiriləcək avtobusların uzunluğu heç bir narahatlıq törətmir. Əksinə, avtobuslar iritutumlu və böyük olmalıdır ki, vətəndaşların rahatlığı təmin edilsin.

"Nəqliyyat vasitəsinin uzunluğu problem deyil, problem nəqliyyat vasitələrinin hərəkət etdiyi küçələrin tənzimlənməsindədir. Bilirsiniz, Bakı paytaxt şəhəridir və burada hərəkət etmək, demək olar ki, mümkün deyil. Buna səbəb parkinq və dayanacaqların təmin edilməməsi, bir zamanlar tikintilərin (yaşayış binaları, biznes mərkəzlərinin) nəzarətsiz şəkildə aparılmasıdır. Tikinti zamanı qurumlar tərəfindən heç bir tələb irəli sürülməyib. Bu tələblər ondan ibarətdir ki, hər hansı bir yaşayış binası, biznes mərkəzi tikilirsə, onun qarşısında dayanacağı olmalı idi. Təəssüf ki, bu tələblərə vaxtında riayət edilməyib və indi də Bakı şəhərində məhz buna görə hərəkət etmək çox çətindir. Biz bunu daha çox ictimai nəqliyyatın hərəkətində müşahidə edirik.

 Sürücülər çox böyük çətinliklə hərəkət edirlər. Ancaq yenə də kiçik avtobusların olmasındansa, belə böyük avtobusların olması daha yaxşıdır".

Eldəniz Cəfər vurğulayıb ki, yeni nəqliyyat vasitələrinin uzun olması sərnişinlər üçün rahat olsa da, hərəkətdə müəyyən problemlər müşahidə edilə bilər.

Onun sözlərinə görə, avtobus gətirilənə qədər yeni standartların təsdiq edilməsi yaxşı olardı: "Əhalinin kütləvi gəlib-getdiyi yerlərin, ticarət obyektləri, restoranlar, yaşayış evlərinin tikintisi zamanı bu obyektlərin yoldan 20-30 metr uzaqlıqda olması və qarşısında park yerlərinin ayrılması vacibdir. Bəzi qurumlar bunu nəzərə almır. Məsələn, Həsən Əliyev küçəsində dövlət qurumu var. Amma onun qaşısında parklama yeri yoxdur. Vətəndaş hər-hansı bir arayış üçün buraya gələndə avtomobilini harada saxlamalıdır? Orada bərbad bir vəziyyət yaranıb. Hərəkət etmək mümkün deyil. Bakıda yolları özümüz çətinləşdiririk, tıxacları özümüz yaradır və sonra sürücüləri cərimələyirik. Belə laqeydlik davam edərsə, şəhərimizə yeni avtbusların gətirilməsindən asılı olmayaraq, yolları tənzimləmək çox çətin olacaq".

543
Teqlər:
Bakı, nəqliyyat, avtobus
Sputnik Beynəlxalq İnformasiya Agentliyinin loqosu, arxiv şəkli

"Bu, "Sputnik Latviya"ya qarşı ilk qərəz deyil" - Azərbaycanlı media eksperti

4
(Yenilənib 22:03 04.12.2020)
"Azadlıq radiosunun yayımının bloklanması pislənir, amma "Russia Today"-in yayımına məhdudiyyətə heç bir reaksiya verilmir"

Zülfiyyə Quluyeva, Sputnik Azərbaycan

BAKI, 4 dekabr — Sputnik. Latviya Dövlət Təhlükəsizlik xidməti dekabrın 3-də Riqadakı "Sputnik" bürosunun əməkdaşlarına, eləcə də "Baltnews" portalının jurnalistlərinə və digər rusdilli media nümayəndələrinə Latviya Cinayət Məcəlləsinin 84-cü maddəsi ilə – Avropa Şurasının sanksiya rejimini pozma – ittiham irəli sürüb. Jurnalistlər saxlanılıb, dindirilib, axtarışa məruz qalıb və onlar haqqında cinayət işi qaldırılıb. Sputnik Azərbaycan ölkənin tanınmış media ekspertlərinin bu məsələyə münasibət bildirib.

Jurnalistlərin Həmkarlar İttifaqının sədri Müşfiq Ələsgərli Sputnik Azərbaycan-a açıqlamasında bildirib ki, bu hadisələr  jurnalistika prinsipi baxımından həqiqətən də yolverilməzdir: "Bu "Sputnik Latviya"ya qarşı olan ilk hadisə deyil. Çox uzun müddət dünyada belə kampaniyalar aparılırdı ki, Azadlıq radiosunun və digər beynəlxalq KİV-lərin fəaliyyəti bloklanır. Amma məsələ ondadır ki, Avropa ölkələrində, hətta ABŞ-ın özündə bu prinsiplər çox pozulur. Bunlardan qabaq, "Russia Today"-in yayımı bloklanmadı. Pribaltika ölkələrində onların yayımına məhdudiyyət qoyulub. Hələ o vaxt bu məsələ qalxanda bildirilirdi ki, Azadlıq radiosunun yayımının bloklanması pislənir, amma "Russia Today" yayımına məhdudiyyətə heç bir reaksiya verilmir. Çox təəssüf ki, söz azadlığı prinsipləri çox vaxt elə onu yaradan ölkələr tərəfindən pozulur. Müasir mediada baş verən ifadə azadlığı pozuntularının çoxu elə qərb dövlətlərinin özündən gəlir. O cümlədən, Avropa və ATƏT məkanından. Əvvəllər biz danışırdıq ki, bu ikili standartlar əsasən Azərbaycana qarşıdır. Amma son dövrlər görürük ki, bunların özlərinin ifadə azadlığına qarşı münasibətlərində çox ciddi dəyişikliklər var. Məsələn, elə bir neçə gün öncə Fransada baş verən toqquşmalarda media azadlığını götürək. Qlobal təhlükəsizlik haqqında qəbul olunan qanunun bir nömrəli hədəfi medianın azadlığının məhdudlaşdırılmasıdır. Beynəlxalq təşkilatlar tərəfindən belə bir ifadə işlədildi ki, artıq ATƏT-in, Avropa Şurasının ən aparıcı dövlətlərindən olan Fransa kimi ölkə söz azadlığının durumuna görə Somali və Sudanın vəziyyətinə düşüb. Söz və ifadə azadlığına ikili yanaşma var. Bu cür yanaşmalar Qərb dəyərləri haqqında danışanların özünü şübhə altına salır. Media azadlığının qanunvericilik nöqteyi nəzərindən məhdudlaşdırılması, ikili yanaşma jurnalistlərin təhdid olunması ilə bağlı ciddi faktlar ortaya çıxır. "Sputnik Latviya"ya qarşı baş verən hadisələr də kəskin şəkildə qınanılmalı, media, ifadə azadlığına qarşı addım kimi dəyərləndirilməlidir. Mən xarici KİV-lərin, onların əməkdaşlarının fəaliyyətinə baltikyanı dövlətlərdə yaradılmış bu maneəni və təhdidi kəskin qınayıram".

Qeyd edək ki, Rusiya Xarici İşlər Nazirliyi Latviya hakimiyyət orqanlarının "Baltnews" portalı və "Sputnik Latviya"nın rusdilli jurnalistlərinə qarşı hərəkətlərini sərt şəkildə qınayıb. Bildirilib ki, "Latviya Dövlət Təhlükəsizlik Xidmətinin dekabrın 3-də Riqadakı "Sputnik" bürosunun əməkdaşlarına və rusdilli jurnalistlərə qarşı həyata keçirdiyi aqressiv hərəkətləri demokratik cəmiyyətin təməl prinsiplərinin – media və ifadə azadlıqlarının pozulmasının bariz nümunəsi kimi qiymətləndiririlir: "Bu məhdudiyyətlər şəxsi xarakter daşıyır və şəxsən "Rossia Seqodnya" BİA-nın baş direktoru Dmitri Kiselyovla əlaqəlidir, media holdinqin bütün əməkdaşlarına şamil edilə bilməz. Bütün bu uydurma ittihamların, heç şübhəsiz, rusofobiyanın təsiri ilə həyata keçirilən cəzalandırma tədbiri olduğu aydındır. Məsələ ATƏT Nazirlər Şurasında qaldırılacaq", – deyə məlumatda bildirilir. Nazirlik ümid etdiyini bildirir ki, ATƏT-in yeni Media Azadlığı Nümayəndəsi baş verənləri görməzdən gəlməyəcək və Latviyaya qarşı "bu cür hücumların qəbuledilməzliyi", "söz azadlığını təmin edilməsi üçün beynəlxalq öhdəliklərin yerinə yetirilməsinin zəruriliyi" əsasında təzyiq göstərəcək. "Avropa Şurasından da adekvat reaksiya gözləyirik", – deyə məlumatda bildirilir.

Xatırladaq ki, keçən il Estoniyada da analoji hadisə müşahidə olunmuşdu.

4
Teqlər:
Həbs, jurnalistlər, Sputnik Latviya
Dağ Yəhudiləri Dini İcmasının üzvləri Vətən Müharibəsi şəhidlərinin xatirəsi yad edir

Avropanın ən böyük Sinaqoqunda Vətən Müharibəsi şəhidlərinin xatirəsi yad edilib

12
(Yenilənib 20:49 04.12.2020)
Prezident İlham Əliyevin Vətən müharibəsi şəhidlərinin xatirəsinin yad edilməsi haqqında Sərəncamına əsasən bu gün saat 12.00-da şəhidlər bir dəqiqlik sükutla yad edilib.

BAKI, 4 dekabr — Sputnik. Dağ Yəhudiləri Dini İcması şəhidləri yad edib. Bakıda yerləşən sinaqoqda saat 12:00-da şəhidlərin xatirəsi 1 dəqiqəlik sükutla yad edilib.

  • Dağ Yəhudiləri Dini İcmasının üzvləri Vətən Müharibəsi şəhidlərinin xatirəsi yad edir
    © Sputnik / Ibrahim Hashimov
  • Dağ Yəhudiləri Dini İcmasının üzvləri Vətən Müharibəsi şəhidlərinin xatirəsi yad edir
    © Sputnik / Ibrahim Hashimov
  • Dağ Yəhudiləri Dini İcmasının üzvləri Vətən Müharibəsi şəhidlərinin xatirəsi yad edir
    © Sputnik / Ibrahim Hashimov
1 / 3
© Sputnik / Ibrahim Hashimov
Dağ Yəhudiləri Dini İcmasının üzvləri Vətən Müharibəsi şəhidlərinin xatirəsi yad edir

Ardınca isə şəhidlərin ruhuna dualar oxunub və ayinlər icra edilib. Bildirilib ki, Azərbaycan tolerant bir ölkədir və bütün dinlərin nümayəndələri burada dostluq, qardaşlıq şəraitində yaşayırlar. Qələbə xəbərini birgə qeyd etdikləri kimi, şəhidləri ruhu da birlikdə yad edilib.

12
Teqlər:
tolerant, dua, şəhidlər