Tikintidə çalışan fəhllər

Biriləri sevinəcək, o birilər xərcə düşəcək Bazara yeni məhsul gəlir

1186
(Yenilənib 16:17 11.07.2019)
Ekspert: "İnşaat sahəsində çalışanların sığortasının məcburi olması qəbul ediləndir, çünki bu, könüllü olsa, inşaat şirkətləri yenə də sığortadan istifadə etməkdə maraqlı olmayacaq"

Xalid Məmmədov, Sputnik Azərbaycan

BAKI, 11 iyul — Sputnik. "Azərbaycanın sığorta bazarına yeni sığorta məhsullarının gətirilməsi istiqamətində işlər aparılır. Şirkətlər üçün hazırlanan yeni sığorta məhsullarından biri də riskləri ilə daim diqqət çəkən tikinti sektoruna aiddir. İnşaat sektorunda çalışan işçilərin icbari sığortası da yeni məhsullar sırasındadır. Həmin sığorta məhsulu bazara daxil olarsa, tikinti şirkətlərində rast gəlinən bir sıra mənfi hallar, o cümlədən işçilərlə əmək münasibətlərinin rəsmiləşdirilməsi məsələsi daha da aktuallaşacaq". "Vergilər" qəzeti xəbər verir ki, bunu Maliyyə Bazarlarına Nəzarət Palatası İdarə Heyətinin sədri vəzifəsini icra edən İbrahim Alışov deyib. 

Tikinti sektorunda yeni sığorta məhsulunun tətbiqi ilə bağlı iqtisadçı-ekspert Vüqar Bayramov Sputnik Azərbaycan-a deyib ki, hazırda sığorta sektorunun ən ciddi problemlərindən biri sığorta şirkətlərinin fərqli məhsullar təklif etməməsidir: "Sığorta şirkətləri fərqli məhsulları bazara çıxararaq fəaliyyətlərini genişləndirə bilmir və ya genişləndirməkdə maraqlı deyillər. Ona görə də bu kontekstdən inşaat sektorunda yeni sığorta xidmətlərin təklif edilməsinə ehtiyac var. Son statistika da göstərir ki, baş verən qəzalar əksər hallarda tikinti sektorunda çalışanların həyatının itirilməsinə səbəb olur və ya sağlamlığına ciddi ziyan vurur. Məsələn, fəhlə həyatını itirir, amma icbari sığortası olmadığına görə ailəsinə sığorta ödənilmir. Və ya əmək qabiliyyətini itirir və işləmək imkanları məhdudlaşır. Sadəcə əlil kimi sosial müavinət alır və bu zaman hər hansı bir sığorta ödənişindən istifadə edə bilmir".

"Ona görə də tikinti sektorunda yeni sığorta məhsulunun təklif edilməsi xüsusən bu sektorda çalışan işçilərin taleyi baxımından çox mühümdür. Bu sektorda baş verən qəzalar, bədbəxt hadisələr nəticəsində dünyasını dəyişənlərin ailəsinin sosial təminatı baxımından çox vacibdir. Birmənalı şəkildə inşaat sektorunda yeni məhsulun təklif edilməsinə ehtiyac var" – deyə iqtisadçı bildirib.

Onun sözlərinə görə, inşaat sektorunda çalışan işçilərin sığortasının icbari olması qəbul ediləndir: "Çünki bu könüllü olsa, inşaat şirkətləri yenə də sığortadan istifadə etməkdə maraqlı olmayacaq. Tikinti sahəsində belə bir sığortanın tətbiq edilməsinə ehtiyac var ki, bu sahədə çalışanlar sığortalansın və bədbəxt hadisələr baş verən zaman sığorta ödənişi ala bilsinlər".

Ekspertin fikrincə, yalnız inşaat sektorunda deyil, ümumiyyətlə bütün sığorta şirkətləri təklif etdikləri məhsulların təkmilləşdirməsinə nail olmalıdır: "Məsələn, aqrar sığortanın təkmilləşdirilməsi çox vacibdir. Bu gün aqrar sığorta təklif olunsa da, amma reallıqda həmin sığortadan istifadə edənlərin sayı olduqca azdır. Eyni zamanda sığorta şirkətlərinə inamın aşağı olması problemin əsas tərəflərindən biridir".

Sığorta eksperti Xəyal Məmmədxanlı da Sputnik Azərbaycan-a deyib ki, inşaat risklərini sığortalamaq lazımdır: "Yalnız tikintidə çalışanların sığortası yox, eyni zamanda inşaat şirkətlərinin məsuliyyət sığortası, yəni onların ətraf mühitə, başqa şəxslərə vurduğu ziyanlar da buraya daxil edilməlidir".

Onun sözlərinə görə, Azərbaycanda istehsalatda bədbəxt hadisələrdən və peşə xəstəliklərindən sığorta mövcuddur: "Bu, o deməkdir ki, inşaat şirkətində çalışan fəhlənin əmək müqaviləsi varsa, onlar onsuzda avtomatik şəkildə sığortalanırlar. Əmək müqaviləsi varsa, sığortalanma məcburidir. Onlar üçün əlavə sığortaya ehtiyac yoxdur. Amma inşaat şirkətlərinin məsuliyyətinin icbari sığortasına ehtiyac var. Çünki tikinti işləri aparan zaman kran evin üzərinə aşır, beton avtomobillərin üzərinə tökülür və s. baş verir. Ona görə inşaat şirkətlərinin məsuliyyət sığortası məcburi olmalıdır. Bu, dünya təcrübəsində də belədir".

1186

Bakı Metropolitenində sərnişindaşıma fəaliyyəti daha bir ay dayandırıldı

4
(Yenilənib 18:23 28.10.2020)
Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişikliklərə əsasən Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

BAKI, 28 oktyabr - Sputnik. Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

Sputnik Azərbaycan-ın məlumatına görə, bu, Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişiklikdə əksini tapıb.

Qeyd edək ki, qüvvədə olan qərara əsasən, bu il oktyabrın 19-dan 2 noyabr saat 06:00-dək Bakı Metropolitenində sərnişindaşıma fəaliyyəti dayandırılmışdı.

Azərbaycanın bir sıra şəhər və rayonlarında ictimai nəqliyyatın hərəkətinə qoyulan məhdudiyyət də noyabr ayının 28-dək uzadılıb. Nazirlər Kabineti yanında Operativ Qərargahdan daxil olan məlumata görə, Bakı, Sumqayıt, Gəncə, Yevlax, Mingəçevir, Şəki, Şirvan, Lənkəran şəhərlərində və Abşeron, Göygöl, Samux, Sabirabad, Quba, Ağstafa, Biləsuvar, Xaçmaz, İsmayıllı, Qax, Zaqatala, Cəlilabad, Masallı rayonlarda aşağıda qeyd olunan tarixlərdə həftəsonları ictimai nəqliyyatın hərəkəti dayandırılır:

31 oktyabr saat 00:00-dan 2 noyabr saat 06.00-dək;

7 noyabr saat 00:00-dan 9 noyabr saat 06:00-dək;

14 noyabr saat 00:00-dan 16 noyabr saat 06:00-dək;

21 noyabr saat 00:00-dan 23 noyabr saat 06:00-dək;

28 noyabr saat 00:00-dan 30 noyabr saat 06:00-dək.

Həmçinin 29 oktyabr saat 00:00-dan etibarən Lənkəran şəhəri, Cəlilabad və Masallı rayonlarına operativ və xüsusi təyinatlı nəqliyyat vasitələrinin, eləcə də yükdaşıyan avtomobillərin hərəkəti istisna olmaqla giriş-çıxış dayandırılır.

4
Qədəbək

Sabah hava həlim olacaq

2
(Yenilənib 18:09 28.10.2020)
Oktyabrın 29-da Abşeron yarımadasında mülayim gilavar küləyinin üstünlüyü və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.

BAKI, 28 oktyabr — Sputnik. Oktyabrın 29-da Bakıda və Abşeron yarımadasının bəzi yerlərində arabir yağış yağacağı gözlənilir. Milli Hidrometeorologiya Xidmətindən Sputnik Azərbaycan-a verilən məlumata görə, mülayim cənub-şərq küləyi əsəcək.

Havanın temperaturu Abşeron yarımadasında gecə 14-16, gündüz 19-21, Bakıda gecə 14-16, gündüz 19-21 dərəcə isti olacaq. Atmosfer təzyiqi 769 mm civə sütunundan 765 mm civə sütununa enəcək, nisbi rütubət 70-80 faiz təşkil edəcək.

Oktyabrın 29-da Azərbaycanın rayonlarında havanın əsasən yağmursuz keçəcəyi, bəzi yerlərdə duman olacağı gözlənilir. Mülayim şərq küləyi əsəcək. Havanın temperaturu gecə 9-14, gündüz 19-24, dağlarda gecə 3-8, gündüz 13-18 dərəcə isti olacaq.

Tibbi-meteoroloji proqnoza əsasən, oktyabrın 29-da Abşeron yarımadasında mülayim gilavar küləyinin üstünlüyü və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.

2

Bərdə bu gün - Dəhşətin mənzərəsi

0
(Yenilənib 18:27 28.10.2020)
Ermənistan silahlı qüvvələri humanitar atəşkəs rejimini kobudcasına pozaraq Azərbaycan əhalisinin sıx yaşadığı yaşayış məntəqələrin ağır artilleriya və raketlərdən atəşə tutmaqla dağıntı və yanğınlar törətməkdə davam edir.

2020-ci il oktyabrın 28-də saat 13 radələrində Ermənistan silahlı qüvvələri tərəfindən Bərdə şəhərinin dinc sakinlərin sıx hərəkətdə olduğu və ticarət obyektlərinin yerləşdiyi əraziyə beynəlxalq hüquqla qadağan olunmuş kaset bombalarından istifadə edilməklə zərbələr endirilib.

Nəticədə 21 nəfər həlak olub, 70-dən çox şəxs isə yaralanıb, şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəyib.

Əraziyə Fövqəladə Hallar Nazirliyinin müvafiq qüvvələri cəlb edilib.

Hadisə yerindən çəkilən fotoşəkilləri təqdim edirik.

0
  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

  • © Sputnik / Ibrahim Hashimov

    Bərdə raket hücumundan sonra

Mövzu:
Azərbaycan və Ermənistan arasında müharibə