Ağacın kölgəsində gizlənənlər

Çarəsizliklərini ağacın kölgəsində gizlədənlər Onlar çörəkpulu üçün evdən çıxıblar

3654
(Yenilənib 21:57 10.07.2019)
Kimisi dondurma, kimisi qarğıdalı satır, kimisi isə....

Nigar Məhərrəm, Sputnik Azərbaycan

BAKI, 10 iyul — Sputnik. Havanın temperaturunun yüksəlməsi, qızmar günəş açıq havada işləyənlərin işini bir az da çətinləşdirir. Bizlər kondisionerin sərin havası altında oturub istidən şikayətlənəndə, kimsə də yayın boğanaq havasında çöldə çalışır. Əksər hallarda onlar çarəsizliklərini yalnız ağacın kölgəsində gizlətməyə çalışırlar. Sübh tezdən qaynayan şəhərin küçələrinə axışan Bakının "qara" fəhlələrinin üzündə, elə qırışlarında da illərin əzabını, iztirabını görmək mümkündür.

Ağacın kölgəsində gizlənənlər
© Sputnik / Nigar Iskanderova.
Ağacın kölgəsində gizlənənlər

Sputnik Azərbaycan-ın əməkdaşı qızmar günəş altında çalışan paytaxtın yerli və gəlmə işçiləri ilə söhbətləşib, onlardan hal-əhval tutub.

Həmsöhbətimiz Şəhla Fəttayeva təmizlik işləri ilə məşğuldur. O, uzun illərdir ki, Bakıya gəlib. İki oğlu və gəlini ilə birgə bir damın altına sığınan ana övladlarına dəstək olmaq üçün çörəkpulu qazanır: "Hər gün səhər tezdən Mətbuat prospektinə gəlirəm. Paytaxtın Mətbuat prospektindəki müəyyən ərazinin təmizlik işlərinin bir hissəsi mənə həvalə olunub. Qışdan fərqli olaraq yayda işləmək daha çətindir. İsti bəzən nəfəsimizi kəsir. Sərinlənmək üçün yarım saatdan bir ağacın kölgəsinə sığınıram. Susuzluğu yatırmaq üçün tez-tez ağacın altında nəfəsimizi dərib çaydan, sudan içirik”.

Ağacın kölgəsində gizlənənlər
© Sputnik / Nigar Iskanderova.
Ağacın kölgəsində gizlənənlər

Metronun “28 May” stansiyasının qarşısında lavaş satan Gülər Əsədova da günün altında işləyib alın təri ilə pul qazananlardandır. Evinin Ələtdə olduğunu deyən ana Bakıda pul qazanmaq üçün hər gün lavaş bişirir: “Ancaq lavaş satıram. Artıq neçə ildir ki, bu işlə məşğulam. Hər gün lavaş bişirirəm, həftənin iki günü isə bura gələrək satıb pul qazanıram. Yayda istidən nəfəs almaq olmur. Nə edim, başqa yerdə iş yoxdur. Lavaşla çörək pulumu qazanıram. İmkanım olsaydı, mən burda olardım?”

Ağacın kölgəsində gizlənənlər
© Sputnik / Nigar Iskanderova.
Ağacın kölgəsində gizlənənlər

Ananın günlük qazancı isə o qədər də çox deyil: “Gündəlik 15-20 manat qazanıram, o da heç çəkdiyim əziyyətə dəymir”.

Lakin qızmar hava kiməsə sərf etməsə də, kimin üçün əlavə qazanc mənbəyinə çevrilib. Həmsöhbətimiz olan taksi sürücüləri deyir ki, bəzən belə isti havalarda insanlar qısa yolu qət etməyə tənbəllik edərək taksi ilə getməyə üstünlük verirlər. Amma bununla belə, onlar da gileylidir.

Ağacın kölgəsində gizlənənlər
© Sputnik / Nigar Iskanderova.
Ağacın kölgəsində gizlənənlər

Taksi sürücüsü Murad Əliyev deyir ki, başqa işi olsaydı, günün qızdığı belə vaxtda heç taksi sürməzdi: “Bu işdir ki?! Amma nə edim, mən də bu yolla qazanıram. Ötən aylara baxanda, bu ay daha çox müştərim olub. Şükür, qazancım normaldır, məni qane edir. Hərdən deyirəm ki, kaş belə istilər olmayaydı. Amma hərdən də fikirləşirəm ki, istilər olmasa, qazancımız az olar".

Лондонское такси в Баку
© Sputnik / Murad Orujov
Kölgəlik axtaran taksi sürücüsü

Bakının gəlmə və yerli sakinləri günəşin qızmar şüaları altında hər gün evlərinə çörəkpulu aparmaq üçün açıq havada işləmək məcburiyyətindədirlər.

Kənardan isə “dadlı bişmiş qarğıdalı 1 manata”, “qovrulmuş şabalıd 4 manata”, “ləziz türk dondurmasına qonaq olun” deyən səslər eşidilir...

3654
Azərbaycan manatı, arxiv şəkli

Kim hökumətdən qədər alıb?

12
(Yenilənib 00:01 03.06.2020)
İndiyədək təsdiq edilmiş müraciətlər üzrə maliyyə dəstəyinin həcmi 94,73 milyon manat, o cümlədən 2-ci mərhələ üzrə ödənilməsi nəzərdə tutulan vəsaitin həcmi (50 faiz) 47,36 milyon manat təşkil edir.

BAKI, 2 iyun — Sputnik. Koronavirus (COVID-19) pandemiyasından zərərçəkmiş sahibkarlara dövlət maliyyə dəstəyinin göstərilməsi davam edir.

İqtisadiyyat Nazirliyinin mətbuat xidmətindən Sputnik Azərbaycan-a bildirilib ki, Azərbaycan Prezidentinin 2020-ci il 19 mart tarixli Sərəncamının 10.2-ci bəndinin icrası ilə bağlı Nazirlər Kabineti tərəfindən təsdiq edilmiş Tədbirlər Planına əsasən, mayın 31-nə nazirliyə muzdlu işçilərin əməkhaqqının müəyyən hissəsinin ödənilməsi üçün koronavirus pandemiyasından zərərçəkmiş 28 min 56 vergiödəyicisi və maliyyə dəstəyi almaq üçün 112 min 565 fərdi (mikro) sahibkar, cəmi 140 min 621 vergiödəyicisi müraciət edib.

Muzdlu işçilərin əməkhaqqının müəyyən hissəsinin ödənilməsi çərçivəsində 257 min 522 işçini əhatə edən 28 min 56 vergiödəyicisi müraciət edib. İndiyədək təsdiq edilmiş müraciətlər üzrə maliyyə dəstəyinin həcmi 94,73 milyon manat, o cümlədən 2-ci mərhələ üzrə ödənilməsi nəzərdə tutulan vəsaitin həcmi (50 faiz) 47,36 milyon manat təşkil edir. Mayın 31-nə Maliyyə Nazirliyinin Dövlət Xəzinədarlıq Agentliyi tərəfindən 23 min 131 vergiödəyicisinə 201 min 250 nəfər muzdlu işçinin əməkhaqqı üzrə 77,54 milyon manat vəsaitin köçürülməsi təmin olunub.

Fərdi (mikro) sahibkarlara maliyyə dəstəyinin göstərilməsi proqramı çərçivəsində 112 min 565 vergiödəyicisindən müraciət daxil olub, 105 min 173 müraciət araşdırılaraq təsdiqlənib və maliyyə dəstəyinin bank hesablarına köçürülməsi üçün Maliyyə Nazirliyinə təqdim edilib. Təsdiq edilmiş müraciətlər üzrə maliyyə dəstəyinin həcmi 60,2 milyon manat təşkil edir. Mayın 31-nə Maliyyə Nazirliyinin Dövlət Xəzinədarlıq Agentliyi tərəfindən 57,71 milyon manat vəsaitin 99 min 603 fərdi (mikro) sahibkarın bank hesabına köçürülməsi təmin edilib.

Qeyd edək ki, maliyyə dəstəyi proqramı çərçivəsində müraciətlərin nəticəsi və vəsaitin bank hesabına köçürülməsi barədə bildiriş vergiödəyicilərinin İnternet Vergi İdarəsindəki (www.e-taxes.gov.az) elektron kabinetlərinə və SMS şəklində mobil telefonlarına göndərilir. Yaranan suallarla bağlı vergiödəyiciləri Dövlət Vergi Xidmətinin "195" Çağrı mərkəzinə və uçotda olduqları yerli vergi orqanlarına müraciət edə bilərlər.

12
Əlaqədar
“Sədərək” və “Binə” ticarət mərkəzlərinin rəhbərləri ilə müzakirələr aparıldı
Ünvanlı sosial yardımın verilmə müddəti endirildi
Nazirlik utanc damarına basmağa qərar verdi - FOTO
Bu ödənişi alanların 600 minə qədərini uşaqlar təşkil edir
Azərbaycanda müvəqqəti vergi rejimi tətbiq olunacaq
Bakubus avtobusu, arxiv şəkli

Havamızı tək karantin təmizləməyib

6
(Yenilənib 22:08 02.06.2020)
Bu avtobuslar sıxlaşdırılmış təbii qazla çalışdığı üçün onlar daha təmiz yanacaqdan istifadə etmiş hesab edilirlər və nəticə etibarilə hava çirklənməsi ilə mübarizədə mühüm rola malikdirlər.

BAKI, 2 iyun — Sputnik. Bakıda sıxlaşdırılmış qazla (CNG) işləyən avtobusların sayı açıqlanıb. Sputnik Azərbaycan-a bu barədə Bakı Nəqliyyat Agentliyindən məlumat verilib.

Məlumatda qeyd olunur ki, hazırda Bakı Nəqliyyat Agentliyinin (BNA) tabeliyində olan “BakuBus” MMC tərəfindən paytaxtımızda 603 CNG avtobusu fəaliyyət göstərir: "Bakıda daha iki (11 və 30 nömrəli) müntəzəm marşrut xətləri üzrə sərnişindaşımaları artıq yeni Avro 6 standartlarına cavab verən CNG avtobusları ilə həyata keçirilir. Sevindirici haldır ki, şəhərimizdə köhnə dizel avtobuslarından dayanıqlı alternativlərə keçməklə iqlim neytrallığına nail olmaq istiqamətində mühüm addımlar atılır. Bu avtobuslar sıxlaşdırılmış təbii qazla çalışdığı üçün onlar daha təmiz yanacaqdan istifadə etmiş hesab edilirlər və nəticə etibarilə hava çirklənməsi ilə mübarizədə mühüm rola malikdirlər. Eyni zamanda səssiz olmaları səs çirklənməsinə də öz mühüm töhfəsini verməkdədir".

6
Əlaqədar
"Daewoo" avtobuslarını xətdən çıxardılar, əvəzinə 12 metrlik işləyəcək
Paytaxtda daha bir marşrut xətti “BakuBus”a verilib
Sükan arxasında siqaret çəkən avtobus sürücülərinin sayı açıqlandı
Bakıda ekspress marşrutlar dayandırılır