Eldar Tanrıverdiyev, Sputnik Azərbaycan
BAKI, 24 iyun — Sputnik. "Ölkəmizdə korrupsiyanın qarşısının alınması üçün mexanizmlər mövcuddur. Bu mexanizmlərdən istifadə etməklə korrupsiya ilə mübarizə aparılır".
Sputnik Azərbaycan xəbər verir ki, bunu Baş prokuror yanında Korrupsiyaya qarşı Mübarizə Baş İdarəsinin rəis müavini Orxan İsayev BMT-nin Dövlət Xidmətləri Forumu çərçivəsində keçirilən seminarda çıxışı zamanı deyib.
Rəis müavini bildirib ki, Azərbaycan korrupsiyaya qarşı mübarizənin labüdlüyünü dərk edir:
"Korrupsiya sərhəd tanımır və beynəlxalq aləmdə də öz mənfi təsirini göstərir".
