Elektrik enerjisi, arxiv şəkli

Qaz problemi bitdi, indi növbədə işıq məsələsidir

1141
(Yenilənib 19:13 16.06.2019)
Ekspert: "Qaz limitləri artırılıb, işıq ilə bağlı da qərarın verilməsi daha məntiqlidir"

Xalid Məmmədov, Sputnik Azərbaycan

BAKI, 16 iyun — Sputnik. "Əhali üçün elektrik enerjisinə tətbiq edilən limitlərin artırılmasının tərəfdarıyıq. Azərbaycanın mövcud iqtisadi durumu və xüsusən də 2017-ci ildə iqtisadi stabilliyin əldə edilməsi nəticədə kommunal xidmətlərin daha ucuz təklif edilməsinə imkan verir".

Bunu iqtisadçı-ekspert Vüqar Bayramov işığın limitindən danışarkən Sputnik Azərbaycan-a deyib.

Onun sözlərinə görə, 2017-ci ildən etibarən ölkədə iqtisadiyyatın stabilləşməsi, 2018-ci ildə iqtisadi artımın əldə edilməsi müşahidə olunub: "Bu, kommunal xidmətlərin istehsalına və təklifinə də təsir göstərib. Elektrik enerjisinin istehsalında ciddi artımlar müşahidə olunub. Elektrik enerjisinin istehsalı da nəticədə kommunal xidmət olaraq elektrik enerjisinin daha ucuz qiymətə və daha artırılmış limitlər daxilində təklif edilməsinə imkan verir. Azərbaycan iqtisadiyyatında artım tempinin bərpa edilməsi, neftin qiymətinin məqbul səviyyədə olması işığın limitinə baxılması və onun artırılması üçün baza formalaşdırıb".

Ekspert qeyd edib ki, digər tərəfdən, sektoral faktorlar da işığın limitinin artırılması üçün iqtisad zəmin yaradır: "Xüsusən sektoral olaraq gəlirin artmasını müşahidə edirik. Nəticədə sektoral dəyişikliklər işığın limitinin artırılmasına imkan verir. O baxımdan həm makro, həm də sektoral faktorlar limitin artırılması üçün baza formalaşdırıb".

"Limitin artırılması sosial təminat baxımından da vacibdir. Xüsusən aztəminatlı vətəndaşların sosial təminatının gücləndirilməsi baxımından mühüm şərtlərdən biridir. İşığın limitinin vətəndaşların sosial vəziyyətinə müsbət təsir göstərəcək səviyyədə artırılmasına ehtiyac var"-deyə o bildirib.

İqtisadçı-ekspert Natiq Cəfərli də Sputnik Azərbaycan-a deyib ki, ümumiyyətlə, işığın limitinin ləğv edilməsi daha məqsədəuyğundur: "Çünki ölkədə özəl elektrik enerjisi istehsal edən və satan şirkətlər yoxdur, büdcədən ayrılan vəsait hesabına infrastruktur qurulur. Yəni vətəndaşlar dolayı yolla həmin infrastrukturun qurulmasında iştirak edirlər. Ona görə də ümumiyyətlə limitlərin ləğv edilməsi daha doğru addım olar. Qaz limitləri artırılıb, işıq ilə bağlı da qərarın verilməsi daha məntiqlidir".

"Bu sahədə özəl şirkətlər olarsa, müəyyən limitlərin olması gündəmə gələ bilər. Amma hələ ki, dövlətin əlindədir deyə mövcud limitlərin ləğv edilməsi ən doğru addım olar" – deyə ekspert əlavə edib.

Qeyd edək ki, bu yaxınlarda deputat Fazil Mustafa da deyib ki, parlamentdə qazın limitinin artırılması ilə bağlı məsələ qaldırılıb: "Dövlət başçısının tapşırığından sonra qazın limiti artırıldı və bu, müsbət addımdır. Hesab edirəm ki, əhali üçün elektrik enerjisinə tətbiq edilən limit də aradan qalxmalıdır".

Deputat bildirib ki, elektrik enerjisi istehlak edən əhali qrupunun vəziyyəti yaxşı deyil: "Əhali xüsusilə isti aylarda kondisionerdən istifadə edir və soyuq havalarda qaz olmayanda yenə elektrik enerjisinə üz tutur. Elektrik enerjisi ilə bağlı istehlakçılar üçün limit aradan qaldırılmalıdır".

Xatırladaq ki, hazırda əhali qrupu üzrə aylıq elektrik enerjisi istehlakı 300 kilovat-saatadək olan istehlakçılar üçün tarif 7 qəpik, aylıq istehlak həcminin 300 kilovat-saatdan çox olan hissəsi üçün isə 11 qəpik müəyyənləşdirilib.

1141
Əlaqədar
"Azəriqaz" sayğaclarda balansın artırılmasına limit tətbiq edib
“Azəriqaz” “limit”lə bağlı açıqlama verdi
İqtisadçı alim əsaslandırdı: "Qaza qoyulan limit ləğv edilə bilər"
Qazdan sonra işığa tətbiq olunmuş limit artırıla bilər, yaxın günlərdə məsələyə baxılacaq

Bakı Metropolitenində sərnişindaşıma fəaliyyəti daha bir ay dayandırıldı

8
(Yenilənib 18:23 28.10.2020)
Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişikliklərə əsasən Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

BAKI, 28 oktyabr - Sputnik. Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

Sputnik Azərbaycan-ın məlumatına görə, bu, Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişiklikdə əksini tapıb.

Qeyd edək ki, qüvvədə olan qərara əsasən, bu il oktyabrın 19-dan 2 noyabr saat 06:00-dək Bakı Metropolitenində sərnişindaşıma fəaliyyəti dayandırılmışdı.

Azərbaycanın bir sıra şəhər və rayonlarında ictimai nəqliyyatın hərəkətinə qoyulan məhdudiyyət də noyabr ayının 28-dək uzadılıb. Nazirlər Kabineti yanında Operativ Qərargahdan daxil olan məlumata görə, Bakı, Sumqayıt, Gəncə, Yevlax, Mingəçevir, Şəki, Şirvan, Lənkəran şəhərlərində və Abşeron, Göygöl, Samux, Sabirabad, Quba, Ağstafa, Biləsuvar, Xaçmaz, İsmayıllı, Qax, Zaqatala, Cəlilabad, Masallı rayonlarda aşağıda qeyd olunan tarixlərdə həftəsonları ictimai nəqliyyatın hərəkəti dayandırılır:

31 oktyabr saat 00:00-dan 2 noyabr saat 06.00-dək;

7 noyabr saat 00:00-dan 9 noyabr saat 06:00-dək;

14 noyabr saat 00:00-dan 16 noyabr saat 06:00-dək;

21 noyabr saat 00:00-dan 23 noyabr saat 06:00-dək;

28 noyabr saat 00:00-dan 30 noyabr saat 06:00-dək.

Həmçinin 29 oktyabr saat 00:00-dan etibarən Lənkəran şəhəri, Cəlilabad və Masallı rayonlarına operativ və xüsusi təyinatlı nəqliyyat vasitələrinin, eləcə də yükdaşıyan avtomobillərin hərəkəti istisna olmaqla giriş-çıxış dayandırılır.

8
Qədəbək

Sabah hava həlim olacaq

5
(Yenilənib 18:09 28.10.2020)
Oktyabrın 29-da Abşeron yarımadasında mülayim gilavar küləyinin üstünlüyü və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.

BAKI, 28 oktyabr — Sputnik. Oktyabrın 29-da Bakıda və Abşeron yarımadasının bəzi yerlərində arabir yağış yağacağı gözlənilir. Milli Hidrometeorologiya Xidmətindən Sputnik Azərbaycan-a verilən məlumata görə, mülayim cənub-şərq küləyi əsəcək.

Havanın temperaturu Abşeron yarımadasında gecə 14-16, gündüz 19-21, Bakıda gecə 14-16, gündüz 19-21 dərəcə isti olacaq. Atmosfer təzyiqi 769 mm civə sütunundan 765 mm civə sütununa enəcək, nisbi rütubət 70-80 faiz təşkil edəcək.

Oktyabrın 29-da Azərbaycanın rayonlarında havanın əsasən yağmursuz keçəcəyi, bəzi yerlərdə duman olacağı gözlənilir. Mülayim şərq küləyi əsəcək. Havanın temperaturu gecə 9-14, gündüz 19-24, dağlarda gecə 3-8, gündüz 13-18 dərəcə isti olacaq.

Tibbi-meteoroloji proqnoza əsasən, oktyabrın 29-da Abşeron yarımadasında mülayim gilavar küləyinin üstünlüyü və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.

5

Bölmələrimiz şəhər rayonlarımıza atəş açanları məhv edib - VİDEO

0
Oktyabrın 28-də saat 13 radələrində Ermənistan silahlı qüvvələri tərəfindən Bərdə şəhərinin dinc sakinlərin sıx hərəkətdə olduğu və ticarət obyektlərinin yerləşdiyi əraziyə beynəlxalq hüquqla qadağan olunmuş kaset bombalarından istifadə edilməklə zərbələr endirilib.

BAKI, 28 oktyabr - Sputnik. Humanitar atəşkəs rejimini kobudcasına pozaraq şəhər və rayonlarımıza atəş açan düşmənin qüvvə və vasitələrini Azərbaycan Ordusunun bölmələri darmadağın edib.

Sputnik Azərbaycan bu barədə Müdafiə Nazirliyinə istinadən xəbər verir.

2020-ci il oktyabrın 28-də saat 13 radələrində Ermənistan silahlı qüvvələri tərəfindən Bərdə şəhərinin dinc sakinlərin sıx hərəkətdə olduğu və ticarət obyektlərinin yerləşdiyi əraziyə beynəlxalq hüquqla qadağan olunmuş kaset bombalarından istifadə edilməklə zərbələr endirilib.

Nəticədə 21 nəfər həlak olub, 70-dən çox şəxs isə yaralanıb, şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəyib.

 

0
Mövzu:
Azərbaycan və Ermənistan arasında müharibə