Piano, arxiv şəkil

Gözünün nurundan məhrum olan pianinoçunun əzabkeş əllərindən çalınan notlar

2515
(Yenilənib 16:06 16.06.2019)
"Fiziki məhdudiyyətli valideyn üçün övladının təhsil haqqını ödəmək asan deyil" - İlqar Əhmədov

BAKI, 16 iyun — Sputnik. Bir müddət öncə Prezident İlham Əliyev I və II qrup əlilliyi olan şəxslərin təhsil haqlarından azad edilməsi ilə bağlı sərəncam imzaladı. Bu sərəncam həmin qrupdan olan şəxslər tərəfindən böyük sevinclə qarşılandı. I və II qrup əlliliyi olan və sağlam övlad dünyaya gətirən valideynlər də bu sərəncamın onlara da aid edilməsini istəyir. Belə valideynlərdən biri də pianoçu, 1957-ci il təvəllüdlü İlqar Əhmədovdur.

İlqar Əhmədov
© Sputnik / Nigar Iskanderova.
İlqar Əhmədov

Həmsöhbətimiz İlqar Əhmədov görmə məhdudiyyətli uşaqlar üçün nəzərdə tutulan 38 saylı musiqi məktəbində gənc istedadlar yetişdirir. Deyir ki, müəllim işi çox ağır və məsuliyyətlidir. O, bu günədək yüzlərlə tələbə yetişdirib. İşi isə digər pianinoçuların işi ilə müqayisədə bir qədər fərqlidir. Ümumiyyətlə, 1 faiz də olsa, görməsi olmayan qəhrəmanımız digər pianinoçulardan fərqli olaraq nota baxa bilmədiyi üçün notsuz çalır...

- Müsahibəyə bir az qəlibləşmiş sualla başlamaq istəyirəm: Necə oldu ki, bu sənətə maraq yarandı?

- 11 yaşında ikən musiqiyə marağım vardı. O zaman mən 1 nömrəli musiqi məktəbinə hamı ilə birgə təhsil alırdım. Daha sonra isə Asəf Zeynallı adına kollecdə təhsilimi davam etdirdim. Üzeyir Hacıbəyov adına Azərbaycan Dövlət Konservatoriyasının "Bəstəkarlıq" fakültəsini bitirdiyim ildən, yəni 1982-ci ildən görmə məhdudiyyətli uşaqlar üçün nəzərdə tutulan 38 nömrəli 11 illik orta musiqi məktəbində müəllim kimi çalışmağa başlamışam. Hazırda xanəndəlik sinfində dərs deyirəm. Bu günədək yüzlərlə tələbəm olub.

- Niyə bəstəkarlığı seçmədiniz, məhz pianinoda çalmağa üstünlük verdiniz?

- O zaman bir neçə kurs məndən yuxarıda oxuyan mərhum Həsənağa Qurbanovun oxuduğu sinfə girib saatlarla onun pianino çalmasını izləyirdim. Mən də marağımdan kənarda dayanıb onlara qulaq asırdım. Beləcə məndə pianino çalmağa maraq oyandı.

- Sizin üçün əsas şüar nədir? Yəni, belə gənclər həyatda öz ayaqları üstdə durmaq üçün nə etməlidirlər?

- Həyat mübarizədir. Həmin döyüşdən qalib ayrılmaq üçün möhkəm iradəyə sahib olmalı, bu mübarizəni aparmaq üçün özündə mənəvi güc tapmalısan. Ruhdan düşmək isə sadəcə olaraq məğlubiyyət deməkdir. Elə fiziki qüsurlu şəxslər var ki, sağlam adlandırılan bir çox şəxslərdən daha çox üstünlüyə malikdirlər. Bu cür şəxslər arasında dünyagörüşü ilə seçilənlər də az deyil.

- Notsuz çalırsınız. Çətin deyilmi?

- Digər musiqiçilərin qabağından notu çəksələr, çala bilməzlər. Amma məndə belə deyil. Mən elə ilk dəfə əlimi pianinonun dilinə vurandan belə çalıram. Belə deyim - mən buna vərdişkaram. Sanki hər bir ifanın qəlibi beynimdə yığılıb.

- Ailə vəziyyətiniz necədir?

- Yoldaşım da mənimlə birgə həmin məktəbdə çalışır, musiqi nəzəriyyəsindən dərs deyir. Bundan başqa, evdə abituriyent hazırlayıram. Qızım ödənişli təhsil alır. Bunun üçün 2 min 500 manat təhsil haqqı ödəyirik. Birtəhər dolanırıq.

- Prezident bu yaxınlarda I və II qrup əlliliyi olan şəxslərin təhsil haqından azad olunması ilə bağlı sərəncam verdi.

- Övladımda fiziki məhdudiyyət olmadığı üçün yeni sərəncam ona aid edilmədi. Bilirsiniz necədir, istəyərdik ki, yeni sərəncam həm də valideynləri fiziki məhdudiyyətli, lakin özləri sağlam olan tələbələrə də şamil edilsin. Çünki tələbə onsuz da təhsil aldığı müddətdə işləmir. Onun təhsil haqqı yalnız valideynləri tərəfindən ödənilir. Yüzlərlə işləməyən fiziki məhdudiyyətli şəxs var ki, onların uşaqları məhz bu səbəbdən təhsil ala bilmirlər. Universitetlərdə təhsil haqları heç də aşağı deyil, 2 min manatdan yuxarıdır. O səbəbdən də məncə fiziki məhdudiyyətli valideyn üçün övladının təhsil haqqını ödəmək asan deyil.

Qeyd edək ki, qəhrəmanımızın görməsi ilə bağlı yaş yarımadək heç bir problemi olmayıb. Daha sonra isə dizenteriya olduğu üçün görməsi tamamilə yox olub.

2515

İcra başçısının müavinini maşın vurdu

13
Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

BAKI, 9 avqust - Sputnik. Sabirabad Rayon İcra Hakimiyyəti başçısının müavinini avtomobil vurub. 

APA-nın məlumatına görə, Sabirabad Rayon İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

V.Həsənov başından xəsarət alaraq Şirvan Şəhər Xəstəxanasına yerləşdirilib. 

Faktla bağlı araşdırma aparılır.

13

Pandemiyanın ən çox ziyan vurduğu sahə - Burada çalışanların yoluxma riski daha böyükdür

959
(Yenilənib 22:32 09.08.2020)
Bütün dünyanı bürüyən bu pandemiya təəssüf olsun ki, ölkəmizdən də yan keçməyib və daxili turizm böhran ilə üzləşib.

İradə Cəlilova, Sputnik Azərbaycan

BAKI, 9 avqust — Sputnik. Koronavirus pandemiyası bütün sahələrə təsir etdiyi kimi turizm sahəsindən də yan keçməyib. Bölgələrə gediş-gəlişin məhdud çərçivədə olması, bəzi bölgələrdə istirahət mərkəzlərinin, restoranların, otellərin fəaliyyətinin dayandırılması turizm sahəsini demək olar ki, dondurub.

Turizm eksperti Ramin Zamanovun fikrincə, pandemiya dövründə turizm sektoru arxa planda qalıb. Onun sözlərinə görə, bu sahədə çalışanların virusa yoluxma riski də böyükdür. Otellərdə, restoran və istirahət mərkəzlərində yoluxma ehtimalı daha böyükdür.

Ekspert deyir ki, rayonlara gediş-gəlişin məhdudiyyətlərlə olması, ölkədə koronavirusun yayılma səviyyəsini azaltma məqsədi daşıyır. Onun fikrincə, bəzi rayonlarda virusa yoluxma faktının az olması məhdudiyyətlərin nəticə verdiyini göstərir və daha uzun müddət davam etməsinə əsas yaradır.

"Rayonlarda olan otellərin əksəriyyəti demək olar ki, fəaliyyətini dayandırıb. İşlə bağlı regionlara üz tutanlar xüsusi icazə ilə həmin otellərdə qala bilər. Rayonlara istirahət məqsədi ilə gedib, oteldə qalmaq isə mümkün deyil" – o vurğulayıb.

Millət vəkili Malik Həsənov Sputnik Azərbaycan-a açıqlamasında bildirib ki, pandemiya təkcə bizi yox, bütün dünyanı iflic edib, 6 aya yaxındır bütün dünya ölkələrinin sərhədləri bağlıdır, sərhədlərin pandemiyadan əvvəlki vəziyyətə qayıtmaq ehtimalı hələ yoxdur: "Bəlkə də ən çox itki, ən böyük böhran ilə üzləşən turizm sektoru olub. Nəinki Azərbaycanda, bütün dünyada tarixdə belə hal olmayb".

Onun sözlərinə görə, pandemiya səbəbindən daxili turizm böhranla üzləşib.

Millət vəkili Azərbaycanda koronovirus pandemiyasının qarşısının alınması üçün görülən tədbirləri təqdirəlayiq hesab edir: "Koronavirusa qarşı mübarizədə imzalanan sərəncamlar, həyata keçirilən operativ və təxirəsalınmaz tədbirlər nəticəsində ölkəmiz koronavirus pandemiyasına qarşı səmərəli mübarizə aparır. Ölkə başçısı pandemiyaya qarşı mübarizədə hər zaman vətəndaşların sağlamlığını ön planda tutub. Bu səbəbdən də bir sıra önləyici tədbirlər görülüb. Vətəndaşların sağlamlığını düşünərək, ölkə ərazisində xüsusi karantin rejimi tətbiq edilib və ölkə daxilindəki epidemiya demək olar ki, idarə olunan vəziyyətə gəlib".

M. Həsənov qeyd edib ki, bunun bariz nümunəsi son günlər yoluxma sayının azalması və sağalanların üstünlük təşkil etməsidir. Bütün bunları nəzərə alaraq ölkə əhalisinin sağlamlığı turizm sektorunda olan problemlərlə müqayisədə daha önəmlidir.

959
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0