Hirkan Milli Parkı

Milli Parklarda “Açıq qapı” günü keçiriləcək - SİYAHI

78
(Yenilənib 15:39 12.06.2019)
“Açıq qapı” günü səhər saat 09:00-dan axşam saat 18:00-dək davam edəcək

İRADƏ Cəlil, Sputnik Azərbaycan

BAKI, 12 iyun — Sputnik. Milli Qurtuluş Günü ilə əlaqədar milli parklarda “Açıq qapı” günü keçiriləcək.

Sputnik Azərbaycan xəbər verir ki, bunu bu gün keçirilən mətbuat konfransında Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova deyib.

O, bildirib ki, iyunun 15-də keçiriləcək “Açıq qapı” zamanı ziyarətçilər giriş haqqından azad ediləcək. “Açıq qapı” günü səhər saat 09:00-dan axşam saat 18:00-dək davam edəcək.

Ekologiya və Təbii Sərvətlər Nazirliyi hər kəsi Qurtuluş Günü ilə əlaqədar milli parklara dəvət edir.

1. Zəngəzur Milli Parkı (Naxçıvan MR, Ordubad rayonu)

2. Abşeron Milli Parkı (Bakı şəhəri, Xəzər rayonu, Zirə qəsəbəsi)

3. Altıağac Milli Parkı (Xızı rayonu, Xələc kəndi)

4. Şahdağ Milli Parkı (Şabran rayonu, Pirəmsən kəndi)

5. Samur-Yalama Milli Parkı (Xaçmaz rayonu)

6. Şirvan Milli Parkı (Salyan rayonu, Yenikənd kəndi)

7. Hirkan Milli Parkı  (Lənkəran rayonu, Bürcəli kəndi )

8. Ağgöl Milli Parkı (Ağcabədi rayonu)

9. Göygöl Milli Parkı (Göygöl rayonu, Toğanalı kəndi)

10. Qızılağac Milli Parkı (Lənkəran rayonu, Balıqçılar kəndi).

 

78

Koronavirusa yoluxma sayında daha bir antirekord

7
Bu gün Azərbaycan Respublikasında daha 191 nəfər koronavirusa yoluxdu, 125 nəfər isə bu virusdan sağaldı.

BAKI, 28 may - Sputnik. Azərbaycanda 191 yeni koronavirus infeksiyasına yoluxma faktı qeydə alınıb, 125 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 1954 və 1956-cı il təvəllüdlü iki nəfər vəfat edib.

Hazırkı dövrədək ölkəmizdə 4 759 nəfərin koronavirus infeksiyasına yoluxması faktı müəyyən edilib, onlardan 3 022 nəfər müalicə olunaraq sağalıb, 56 nəfər vəfat edib, 1 681 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 53 nəfərin vəziyyəti ağır, 62 nəfərin vəziyyəti orta ağır qiymətləndirilir, digərlərinin səhhəti stabildir.

Ötən müddət ərzində yeni yoluxma hallarının müəyyənləşdirilməsi ilə əlaqədar 284 669 test aparılıb.

7
Qandal, arxiv şəkli

İt döyüşdürənin üzərindən narkotik çıxdı

1
Rüfət Bədəlov, Hüseyn Əliyev və Murad Ştayev aparılan araşdırma ilə əlaqədar izahatlarının alınması üçün polisə dəvət edilərkən qəsdən tabeçilik göstərməyərək polis əməkdaşının qanuni tələblərinə tabe olmayıblar.

BAKI, 28 may - Sputnik. İt döyüşlərini əks etdirən videogörüntülər sosial şəbəkələrdə yayıldıqdan sonra məsələ dərhal Daxili İşlər Nazirliyi tərəfindən nəzarətə götürülmüş və polis əməkdaşları tərəfindən həmin şəxslər müəyyən edilərək saxlanılıb.

DİN-dən Sputnik Azərbaycan-a verilən məlumata görə, şəxsi axtarış zamanı Qubadlı rayon sakini, hazırda Sumqayıt şəhərində yaşayan Mətləb Əliyevdən narkotik vasitə olan metamfetamin aşkar edilərək götürülüb. Faktla əlaqədar cinayət məcəlləsinin 234.4.3-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma ) maddəsi ilə cinayət işi başlanılıb və onun barəsində məhkəmin qərarı ilə 4 ay müddətinə həbs qətimkan tədbiri seçilib.

Bakı şəhər sakinləri Rüfət Bədəlov, Hüseyn Əliyev və Murad Ştayev isə aparılan araşdırma ilə əlaqədar izahatlarının alınması üçün polisə dəvət edilərkən qəsdən tabeçilik göstərməyərək polis əməkdaşının qanuni tələblərinə tabe olmayıblar. Onların hər biri barədə İnzibati Xətalar Məcəlləsinin müvafiq maddəsi ilə protokollar tərtib edilib və məhkəmənin qərarı ilə 1 ay müddətinə inzibati qaydada həbs ediliblər.

Xatırladaq ki, bir neçə gün öncə sosial şəbəkələrdə itlərin döyüşdürülərək bir-birini parçalaması barədə videogörüntülər yayılıb. Məlumatda qeyd olunub ki, Mətləb adlı şəxs “Pitbull” fermasında it döyüşləri təşkil edir. İddiaya görə, itlərə narkotik vurub, ölənə qədər döyüşdürürlər. Qeyd edilir ki, hətta küçədən adi itləri tutub, döyüşçü itlərin önünə atırlar. “Pitbull” küçə itini öldürdükdən sonra isə onun cəsədi doğranılır və cavan döyüş itlərinə yedizdirilir. 

1