Ağstafada yanar su

Azərbaycanda təbiət möcüzəsi: İllərdir suyun üzərindəki alov sönmür

881
(Yenilənib 02:13 12.06.2019)
Əlli ildən artıqdır nə su odu söndürə bilir, nə də od suyu qurutmağı bacarır

İlham Mustafa, Sputnik Azərbaycan

BAKI, 12 iyun — Sputnik. Su odla bir araya gəlməz, tutuşmaz deyirlər. Amma təbiətin bir-birinə əks olan bu iki ünsürü çox nadir hallarda da olsa, bir araya gələ bilirmiş. Belə təbiət möcüzələrindən biri də Azərbaycanın Ağstafa rayonu ərazisində, Saloğlu kəndi yaxınlığında yerləşir. Yerin altından qazla birgə torpaq səthinə çıxaraq daim yanan bulaq əsrarəngiz görüntü yaradır.

Ağstafa-Sadıqlı avtomobil yolunun kənarında, Kür çayı sahilində yerləşən bu bulağı yerli əhali "yanar su" adlandırır. Sakinlərin sözlərinə görə, ötən əsrin 70-ci illərində bu ərazilərdə neft axtarışları aparılıb və bu məqsədlə də bəzi yerlərdə qazıntı işləri görülüb. Belə qazıntıların birində quyudan neft deyil, qazla birlikdə su çıxıb.

Saloğlu kənd sakini Yolçu Ağacanov Sputnik Azərbaycan-ın bölgə müxbirilə söhbətində bu suyun tərkibinin müalicəvi maddələrlə zəngin və içməyə yararlı olduğunu deyib.

"Bu bulaq yarandığı gündən ətraf kəndin sakinləri ondan istifadə edirlər. Əhali neçə illərdir onun xeyrini görür. Tərkibində kükürd olduğundan dəri xəstəliklərinin, yaraların sağalmasında müalicəvi rol oynayır. Eyni zamanda, mədə-bağırsaq sisteminə də çox xeyri dəyir. Həzmi yaxşılaşdırır"- deyə kənd sakini bildirib.

Горящий родник в Агстафе
© Sputnik / Ilham Mustafa
Ağstafada "yanar su"

Rayonun Poylu qəsəbəsinin sakini Mətləb Əliyev yanan bulağın suyundan Saloğlu və Poylu qəsəbəsinin camaatı ilə yanaşı Kürətrafı kəndlər və digər yaşayış məntəqələrinin sakinlərinin də istifadə etdiyini vurğulayıb. Əliyev də bu suyun faydalarından danşıb:

"Bu su dəri xəstəlikləri və mədə-bağırsaqla yanaşı böyrəklər üçün də çox xeyirlidi. Bu sudan daim istifadə edənlərin böyrəyində heç vaxt daş olmaz. Bir də bu suyun çox gözəl çayı olur. Ona görə də yaxşı çay həvəskarları daim bu sudan aparıb istifadə edirlər".

Suyun müalicəvi tərkibi, alovla birgə axması, içmək üçün yararlı olması insanların bu bulağa olan maraqlarını artırır. Yoldan keçənlər ayaq saxlayıb, sudan içir, şəkil çəkdirirlər. Gecələr isə bulağın alovu ətrafa işıq saçaraq daha əsrarəngiz mənzərə yaradır.

881
Koronavirus modeli, arxiv şəkli

Koronavirus daha tez öldürməyə başlayıb

20
Alimlər eyni zamanda SARC –CoV-2 –nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

BAKI, 24 oktyabr — Sputnik. Koronavirus pandemiyasının ikinci dalğasında virusun ağırlaşmış formasında olan xəstələr birinci dalğa ilə müqayisədə daha tez ölür.

Sputnik Azərbacan Rusiya mətbuatına istinadla xəbər verir ki, bu barədə Britaniyanın fövqəladə hallar üzrə elmi məsləhət qrupunun hesabatında deyilir.

Alimlər bütün ölkə üzrə xəstəxanalarda olan 76700 sakinin məlumatlarını təhlil edərək bu nəticəyə gəlib.

Belə ki, avqustun 1-nə olan dövr ərzində koronavirusn əlamətləri müşahidə edilən gündən etibarən ağırlaşaraq ölümlə nəticələnmə 13 gün ərzində baş verirdi. Hazırda bu dövr qısalıb və ölümlə nəticələnmə bir həftəyə baş verir.

Alimlərin fikrincə, bu neqativ dinamika xəstəliyin müalicəsinin inkişafı ilə əlaqəlidir. Belə ki, hazırda həkimlər daha çox xəstənin həyatını xilas edə bilir. Xəstəlikdən ölənlər isə digər sağlamlıq problemləri olan zəif orqanizmi olan şəxslərdir.

Alimlər eyni zamanda SARC–CoV-2–nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

20
Bakıda boş parkinq

Tikinti ilə bağlı yeni qərar bizi park etmə problemindən qurtaracaq

18
(Yenilənib 18:43 24.10.2020)
Qərar çoxmənzilli binalarda artıq problemə çevrilmiş nəqliyyat vasitələrinin saxlanması üçün həmin binalarda yeraltı qaraj mərtəbəsinin tikintisinin stimullaşdırılmasına və nəqliyyat sıxlığının aradan qaldırılmasına əhəmiyyətli təsir göstərəcək.

BAKI, 24 oktyabr — Sputnik. Azərbaycanda ərazi zonalarında tikinti sıxlığı göstəricilərinin yolverilən hədlərinə dəyişiklik edilib.

Sputnik Azərbaycan xəbər verir ki, bu, Nazirlər Kabinetinin müvafiq qərarı ilə "Ərazilərin zonalaşdırılması, tikintinin növü və miqyası ilə bağlı müfəssəl Qaydalar"ına edilən dəyişiklikdə əksini tapıb.

Dəyişikliyə əsasən, Sumqayıt, Gəncə, Xırdalan və Mingəçevir şəhərlərində inşa edilən çoxmənzilli binalarda nəqliyyat vasitələrinin saxlanılması üçün həmin binaların tikinti layihəsində göstərilən tikinti ərazisinin 70 və daha çox faizini təşkil edən hissəsində yeraltı qarajın tikintisi nəzərdə tutulduğu halda, bu Qaydalara uyğun ərazinin tikinti sıxlığı əmsalı hesablanarkən birinci yerüstü mərtəbənin sahəsi nəzərə alınmayacaq.

Belə ki, bununla Sumqayıt, Gəncə, Xırdalan və Mingəçevir şəhərlərində inşa ediləcək çoxmənzilli binalarda artıq problemə çevrilmiş nəqliyyat vasitələrinin saxlanması üçün həmin binalarda yeraltı qaraj mərtəbəsinin tikintisinin stimullaşdırılmasına və nəqliyyat sıxlığının aradan qaldırılmasına əhəmiyyətli təsir göstərəcək.

Eyni zamanda "Müfəssəl plan olmadığı və ya onun müddəti bitdiyi hallarda tikintiyə icazə verilməsi və ya məlumatlandırma icraatı məqsədləri üçün tikinti layihələrinin onların həyata keçiriləcəkləri ərazinin planlaşdırılması sənədlərinə (baş planlara və (və ya) ümumi planlara), habelə müfəssəl planın hazırlanması zamanı nəzərə alınan tələblərə uyğunluğunun müəyyənləşdirilməsi Qaydaları"na edilən dəyişikliklə, tikintisinə icazə verilmiş, lakin tikinti-quraşdırma işləri başa çatmamış çoxmənzilli binanın tikinti layihəsində göstərilən tikinti ərazisinin həmin binanın tikinti sahəsini təşkil etməyən hissəsində yeraltı qarajların tikintisi üçün tikintiyə icazə icraatı ilə bağlı təkrar şəhərsalma əsaslandırılmasının tərtib edilməsi tələb olunmayacaq.

18

Hikmət Hacıyev: “Ermənilərin hədəfi kənd mülki şəxslər idi”

0
(Yenilənib 21:17 24.10.2020)
Tərtər rayonunun Kəbirli kəndinə raket atılması nəticəsində 2004-cü il təvəllüdlü İsmayılzadə Orxan Rəhbər oğlu həlak olub.

BAKI, 24 oktyabr — Sputnik. “Günün fotosu. Ermənistan tərəfindən atılan raketin zərərsizləşdirilməsi. Kəndə yaxınlaşdı. Hədəf kənd və mülki şəxslər idi. Çox güman ki, gözlənilən trayektoriyadan kənara çıxdı. Ermənistanın müharibə cinayətləri”.

Sputnik Azərbaycan xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün twitter səhifəsində yazıb.

0
Mövzu:
Azərbaycan və Ermənistan arasında müharibə