Maşın bazarı, arxiv şəkli

Gömrük rüsumları azaldılmasa, ölkə "metallomluq" maşınlarla dolacaq

3904
(Yenilənib 12:46 23.05.2019)
Ekspert: "Şirkətlər köhnə avtomobilləri kasko sığorta etmək istəmir".

Təranə Xudabaxşiyeva, Sputnik Azərbaycan

BAKI, 22 may — Sputnik. Son zamanlar Bakı küçələrində Gürcüstan dövlət nömrə nişanlı avtomobillərin sayı kəskin şəkildə artıb. Avtomobillərin əksəriyyəti də köhnə, demək olar ki, istifadəyə yararsız vəziyyətdədir. Maraqlıdır ki, nə baş verir, hansı səbəbdən ölkəmizə belə maşınlar gətirilir?

Yol-nəqliyyat ekspertləri Sputnik Azərbaycan-a açıqlamalarında bu məsələlərə aydınlıq gətiriblər.

Yol-nəqliyyat eksperti Tural Yusifov bildirib ki, buna səbəb ölkədə satılan yeni avtomobillərin vətəndaşlar üçün əlçatan olmamasıdır: "Yeni avtomobil almaq üçün vətəndaş 50 faiz ilkin ödəniş eləməlidir. İkincisi, aksiz rüsumunun artırılması da vətəndaşlar üçün maşın almağı əlçatmaz edir. Məsələn, vətəndaş 10 min manatlıq maşın alırlarsa, 10 min manat da gömrükdə rüsum ödəməli olur. Bu da heç kimə sərf etmir. Vətəndaş işlənmiş avtomobilə niyə 20 min manat verməlidir?! Ona görə də gedib Gürcüstandan 10 min manata etibarnamə ilə avtomobil alırlar. Hər 3 aydan bir ölkədən çıxış edib, geri qayıdırlar və Azərbaycanda rahat şəkildə maşını sürürlər".

T.Yusifovun fikrincə, vergini qaldırmaq vətəndaşların vergi ödəməsi üçün stimul demək deyil: "Bunun çıxış yolu gömrük vergilərini azaltmaqdır. Hibrid avtomobillər üçün aksiz vergi 50 faiz endirilməlidir. Qaz avtomobilləri üçün vergi yığışdırılmalıdır. Yeni avtomobillər, mühərriki 2500 kubmetr olanlar üçün aksiz marka olmamalıdır. 2500 kubmetrdən yuxarı avtomobillərə aksiz marka tətbiq edilə bilər. Bir sözlə, gömrük rüsumlarına yenidən baxılmalıdır. Əks halda problemlər daha da çoxalacaq, Azərbaycan "metallomluq" maşınlarla dolacaq".

Köhnə maşın
© Karikatura
Köhnə maşın

O, dünya təcrübəsindən də xatırlatma edib: "Məsələn, Çində elektrik avtomobillərinə pulsuz nömrə nişanı verilir. Norveçdə elektrik avtomobilləri avtobus yollarından istifadə edir, onlar üçün parkinq pulsuzdur. Bizdə də hibrid avtomobilləri üçün aksizin yığışdırılması yaxşı olardı".

Ekspert onu da vurğulayıb ki, gömrük rüsumları bir neçə markanın bazarına da ciddi təsir göstərib: "İndi dillerlər avtomobil sata bilmir. Çünki vətəndaşlar Gürcüstandan işlənmiş avtomobil gətirirlər. İkinci əl bazar da yaxşı işləmir. Çünki əldə olan pulla Bakıda maşın almaq çətin olur, hamı çalışır ki, maşınını baha satsın. Kasko sığorta şirkətləri də ziyandadır. Şirkətlər köhnə avtomobilləri kasko sığorta etmək istəmir".

Yol-nəqliyyat eksperti Elməddin Muradlı da düşünür ki, bu xoşagəlməz vəziyyətin qarşısını almaq üçün xaricdən gətirilən avtomobillərə tətbiq edilən gömrük rüsumları azaldılmalıdır: "İnsanlar məcburən bu cür yollara əl atırlar. Gürcüstan avtomobil sektorunda bizdən qat-qat irəlidir. Gürcüstanda 6 min manata satılan maşın Azərbaycanda 12-13 minə satılır. Qonşu ölkə ilə nə kimi fərqlər var ki, bu qədər baha qiymətə bizdə avtomobil satılır? Ona görə də insanlar risk edərək tanımadığı gürcü vətəndaşının adına maşın alırlar. Sabah o vətəndaş istəyərsə, avtomobili geri ala bilər. Və ya həmin şəxs ölsə və ailə üzvləri yeni etibarnamə verməsə, vətəndaş avtomobilini itirmiş olacaq".

Elməddin Muradlı da hesab edir ki, Azərbaycanda köhnə avtomobillərdən qurtulmaq istəyiriksə, gömrük rüsumları azaldılmaldır. Əks halda vəziyyət heç də yaxşı olmayacaq.

3904
Əlaqədar
Sərnişinlərin nəzərinə: Sərnişin avtobuslarının hərəkət trayektoriyası dəyişdiriləcək
İki yük avtomobili toqquşub
Niderlandda benzin və dizellə işləyən avtomobillər ləğv ediləcək
Əlilliyi olan şəxslərdən 200 nəfərə mənzil, 160 nəfərə avtomobil verilib
Şəmkir sakini əfsanəvi sovet avtomobilinə ikinci həyat bəxş edib
Kadir Doğulu və Neslihan Atagül

"Səfirin qızı" rolunun ifaçısı serialdan ayrılıb

2
(Yenilənib 06:58 26.01.2021)
Neslihan Atagülun son durumu "Instagram" izləyicilərini məyus edib və onlar aktrisaya şəfa diləyiblər.

BAKI, 26 yanvar — Sputnik. Səhhətində ciddi problemlər yarandığı üçün "Sefirin Kızı" serialından ayrılan Neslihan Atagül ilə bağlı yeni xəbər var.

Sputnik Azərbaycan xəbər verir ki, aktrisanın xəstəxanadan görüntüsü yayılıb. Onun bu halı "Instagram" izləyicilərini məyus edib və onlar aktrisaya şəfa diləyiblər. Aktrisa xəstəxanadan video çəkərək hazırda vəziyyətinin yaxşı olduğunu, müalicənin davam edəcəyini bildirib.

Məlumat üçün bildirək ki, gənc aktrisa bağırsaq sızması sindromundan əziyyət çəkir. Bu səbəbdən sürətlə arıqlayan Neslihan hətta çəkilişlərə son verib və "Sefirin kızı" serialından ayrılıb.

2

Xırdalanda partlamış evin dağıntıları altından qadın meyiti çıxarılıb

75
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

75