Mingəçevirdən olan pinəçi Ramil Musayev

Cəmi 6 kvadrat metrlik köşkdə həyat uğrunda mübarizə...

1750
(Yenilənib 18:28 20.05.2019)
Onun çox böyük arzusu yoxdur - normal insan kimi yaşaya biləcəyi bircə otağa sahib olmaq

İlham Mustafa, Sputnik Azərbaycan

BAKI, 21 may — Sputnik. O, 5 ildən artıqdır ki, 6 metr kvadrat metrdən böyük olmayan köşkdə həm işləyir, həm də yaşayır. 39 yaşının olmasına baxmayaraq, ağır güzəran onu yaşından 10-15 il böyük göstərir.

Mingəçevirdən olan pinəçi Ramil Musayevin köşkü
© Sputnik / Ilham Mustafa
Mingəçevirdən olan pinəçi Ramil Musayevin köşkü

Mingəçevirdən olan pinəçi Ramil Musayev gündəlik dolanışığını sənəti ilə çıxara bilsə də, bu, onun bir sığınacaq tapıb yaşamasına yetəcək qədər deyil. Sputnik Azərbaycan-ın bölgə müxbiri ilə söhbətində R.Musayev imkansızlıqdan başına bir çox işlərin gəldiyini, bu vəziyyətə düşdüyünü deyir.

"Əvvəl ailəli olmuşam, 1 qız övladım vardı. Sonra işin zəifliyi, imkansızlıq səbəbindən yoldaşım məni tərk etdi. Məhkəmə yaşadığım evin bir hissəsini keçmiş yoldaşıma verdi. O da evin qapısını bağlayıb getdi. Digər otaqlarda isə anam və qardaşım öz ailəsi ilə yaşayırdı. Ondan sonra mən də evdən çıxmağa məcbur oldum. İşlədiyim köşkə pənah gətirdim, bir qədər böyüdüb başladım burada yaşamağa" - o danışır.

Dediyinə görə, pinəçiliklə və ətrafdakı insanların köməyi ilə burada yaşayır, yaxınlıqda yerləşən yataqxananın sanitar qovşağından istifadə edir: "Sağ olsun camaat, çox əlimdən tutur. Ətrafdakı dükanların sahibləri kömək edirlər. Yeri düşəndə nisyə ərzaq götürürəm, heç biri etiraz eləmir. Bayram, ad günü olanda sakinlər isti yemək göndərirlər".

Mingəçevirdən olan pinəçi Ramil Musayev
© Sputnik / Ilham Mustafa
Mingəçevirdən olan pinəçi Ramil Musayev

Pinəçinin qış aylarında işi yaxşı getsə də, məskunlaşdığı köşk çox soyuq olur: "İçəriyə odun peçi qoymuşam, ağacların quruyan budaqlarını qırıb yandırıram ki, soyuqdan qoruna bilim".

Heç vaxt pis vərdişlərin aludəçisi olmadığını deyən R.Musayevi çətin şərait vaxtından tez qocaldıb: "Neçə ildir bu soyuqda yatıram. Böyrəklərim sıradan çıxıb. Eşidənlərdən heç kim 39 yaşım olduğuna inanmır, indidən qocalmışam..."

İddia etdiyinə görə, ətrafdakı yataqxanada yaşamaq üçün bir otaq istəyib, lakin ondan otaq müqabilində ödəyə bilməyəcəyi məbləğ istənilib: "Yaxınlıqda bir neçə korpusdan ibarət yataqxana var. Əvvəllər məcburi köçkünlər yerləşmişdi. Onlar mənzillə təmin edilib köçürüldükdən sonra MİS-dən bir otaq istədim yaşamağa. Ancaq əvvəlki müdir məndən bir otağa görə 1000 manat istədi. Çörək pulumu güc-bəlayla çıxarıram, min manatı haradan tapa bilərdim".

  • Mingəçevirdən olan pinəçi Ramil Musayev
    Mingəçevirdən olan pinəçi Ramil Musayev
    © Sputnik / Ilham Mustafa
  • Mingəçevirdən olan pinəçi Ramil Musayev
    Mingəçevirdən olan pinəçi Ramil Musayev
    © Sputnik / Ilham Mustafa
  • Mingəçevirdən olan pinəçi Ramil Musayev
    Mingəçevirdən olan pinəçi Ramil Musayev
    © Sputnik / Ilham Mustafa
  • Mingəçevirdən olan pinəçi Ramil Musayev
    Mingəçevirdən olan pinəçi Ramil Musayev
    © Sputnik / Ilham Mustafa
  • Mingəçevirdən olan pinəçi Ramil Musayev
    Mingəçevirdən olan pinəçi Ramil Musayev
    © Sputnik / Ilham Mustafa
1 / 5
© Sputnik / Ilham Mustafa
Mingəçevirdən olan pinəçi Ramil Musayev

"İndi bu balaca otağımda televizordan, radiodan uzaq yaşayıram. Köşkün arxasında kiçik bir yer düzəldib göyərçinlər saxlayıram. Meylimi onlara salmışam. Yuxum gəlməyəndə gecə saat ikiyə, üçə kimi onlarla başımı qatıram, dərdləşirəm" - deyir Ramil Musayev.

Onun ən böyük istəyi işığı, suyu olan bir yerdə, normal insanlar kimi yaşaya biləcəyi bircə otağa sahib olmaqdır...

1750
Teqlər:
yer, , insan, ev, pinəçi, köşk
Əlaqədar
Şəmkir sakini əfsanəvi sovet avtomobilinə ikinci həyat bəxş edib
Onlar hər gün həyat uğrunda vuruşurlar - Uşaq Xəstəxanasının həkimləri ilə müsahibə
Milyonlarla insan qul kimi yaşayır
Kadir Doğulu və Neslihan Atagül

"Səfirin qızı" rolunun ifaçısı serialdan ayrılıb

0
(Yenilənib 06:58 26.01.2021)
Neslihan Atagülun son durumu "Instagram" izləyicilərini məyus edib və onlar aktrisaya şəfa diləyiblər.

BAKI, 26 yanvar — Sputnik. Səhhətində ciddi problemlər yarandığı üçün "Sefirin Kızı" serialından ayrılan Neslihan Atagül ilə bağlı yeni xəbər var.

Sputnik Azərbaycan xəbər verir ki, aktrisanın xəstəxanadan görüntüsü yayılıb. Onun bu halı "Instagram" izləyicilərini məyus edib və onlar aktrisaya şəfa diləyiblər. Aktrisa xəstəxanadan video çəkərək hazırda vəziyyətinin yaxşı olduğunu, müalicənin davam edəcəyini bildirib.

Məlumat üçün bildirək ki, gənc aktrisa bağırsaq sızması sindromundan əziyyət çəkir. Bu səbəbdən sürətlə arıqlayan Neslihan hətta çəkilişlərə son verib və "Sefirin kızı" serialından ayrılıb.

0

Xırdalanda partlamış evin dağıntıları altından qadın meyiti çıxarılıb

73
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

73