Azərbaycan bayrağı

Qeyri-adi Vətən sevdalısı evində kiçik Azərbaycan yaradıb

992
(Yenilənib 17:29 10.05.2019)
"İş prosesi zamanı müəyyən çətinliklərim oldu, çünki sərhədləri, dağların yerləşmə nöqtələrini dəqiq göstərmək lazım idi"

Leyla Abdullayeva, Sputnik Azərbaycan

BAKI, 18 may — Sputnik. Xaçmaz rayon Seyidlər kəndinin sakini Novruz Əliyev Azərbaycan xəritəsini, bayrağını və gerbini öz həyətinin divarlarına həkk edib. Bu, onun Vətənə olan sonsuz sevgisinin təzahürüdür.

Xaçmaz rayon Seyidlər kəndinin sakini Novruz Əliyev
© Sputnik / Leyla Abdullayeva
Xaçmaz rayon Seyidlər kəndinin sakini Novruz Əliyev

Hələ uşaq vaxtlarından qəlbi vətən sevgisi ilə döyünən bu insan öz həyətində ölkəmizin atributlarından ibarət maraqlı guşə yaratmaq qərarına gəlib. O, Sputnik Azərbaycan-ın bölgə müxbiri ilə söhbətində gördüyü işdən danışır.

“Hər şey insanın içindən gəlməlidir. Uşaqlıqdan vətənimizə, ona aid atributlara qarşı sevgim olub. Bu sevgini mənə valideynlərim aşılayıb. Hərbi xidmətdən gəldikdən sonra həyətimizin giriş qapısına bayrağımızın cizgilərini çəkib, rənglədim və görənlərdən müsbət rəy aldıqdan sonra digərlərini hazırlamağa qərar verdim. Daha sonra isə xəritəni və gerbi işlədim" - deyir müsahibimiz.

Azərbaycan xəritəsi
© Sputnik / Leyla Abdullayeva
Azərbaycan xəritəsi

N.Əliyevin hazırladığı xəritə digər xəritələrdən özünün qeyri-adiliyi ilə seçilir. O, bu maraqlı xəritənin hazırlanmasına bir həftə vaxt sərf edib: “Atributların hazırlanmasında qum, gips və boyalardan istifadə etdim. Xəritəni hazırlamaqda müəyyən çətinliklərim oldu. Çünki sərhədləri, dağların yerləşmə nöqtələrini təqribən də olsa, dəqiq göstərmək lazım idi".

"Bu yolda mənə tarix-coğrafiya müəllimi olan atam Ramiz Əliyev kömək etdi. Beləliklə xəritəmizi hazırladım. Müəyyən müddətdən sonra isə gerbimizi hazırladım.  Xəritə və gerbi işıqlandırma sistemi ilə təchiz etdim ki, bunun nəticəsində gecə görüntüsü möhtəşəm alındı” - Vətən sevdalısı qeyd edir.

Xaçmazlı gənc gələcəkdə daha maraqlı işlər görəcəyini də dilə gətirir: “Maddiyyata və zamana ehtiyacım var. Gələcəkdə görüləcək işlər var. İlk öncə kəndimizin mərkəzində bayraq meydanı hazırlamaq istəyirəm. Həmin meydanda həm də milli qəhrəmanlarımızın şəkillərindən ibarət maket hazırlamağı düşünürəm. Daha sonra isə kəndimizin peykdən görünüşünü, stolüstü maketini hazırlayacağam”.

Azərbaycan gerbi
© Sputnik / Leyla Abdullayeva
Azərbaycan gerbi

Həmsöhbətimiz bu işlərin hazırlanmasında heç kimdən maddi yardım gözləmədiyini və istəmədiyini vurğulayır: “Bilirsiniz ki, bunları həyata keçirtmək üçün madiyyata ehtiyac var. Amma mən heç kimdən kömək istəmirəm. Çünki mən Vətənim üçün nəsə etmişəmsə, özümü xoşbəxt hiss edirəm".

"Sadəcə, mənim bu atributları düzəldən zaman bəzi gözləntilərim var idi. Fikirləşirdim ki, hərbi hissələrdən səlahiyyətli şəxslər bunları görüb, xidmət etdikləri yerə dəvət edər və bu əsərlərdən istəyərlər. Heyf ki, mən sosial şəbəkələrdə bəzi hərbi səhifələrdə bu barədə paylaşsam da, dəvət almadım" - Əliyev diqqətə çatdırır.

992
Teqlər:
gerb, atribut, xəritə, vətən, sakin, Xaçmaz, Azərbaycan
Əlaqədar
Mingəçevir sakini qeyri-adi hobbisindən danışır
Azərbaycanda 600 nəfər insan qeyri-adi "cəzaya" məhkum edilib
Bakının ən orijinal yolkaları və qeyri-adi Yeni il işıqları
Bakıda qeyri-adi şou və ya “Kiçik adamların böyük nağılı”
Qeyri-adi gözəllik: Karl Faberjenin naməlum zərgərlik məmulatları
Peşə təmayüllü məkan, arxiv şəkli

Bu şəxslər təhsil almadan peşə təhsili sənədi alacaqlar

0
Qeyri-formal təhsil isə müxtəlif kurslarda, dərnəklərdə və fərdi məşğələlərdə əldə edilən və dövlət təhsil sənədinin verilməsi ilə müşayiət olunmayan təhsil formasıdır

BAKI, 6 avqust — Sputnik. Peşə təhsili üzrə qeyri-formal və informal təhsil formaları vasitəsilə əldə edilmiş bilik, bacarıq, səriştə və təcrübənin qiymətləndirilməsi, eləcə də tanınması üçün kimlərin müraciət edə biləcəyi açıqlanıb.

Bu barədə Sputnik Azərbaycan-a Təhsil Nazirliyindən məlumat verilib. Bildirilib ki, ümumi orta təhsili səviyyəsini ən az 4 il əvvəl və ya tam orta təhsil səviyyəsini ən az 2 il əvvəl bitirərək, müraciət etdiyi müvafiq ixtisas üzrə azı 2 il qeyri-formal və informal təhsil formaları vasitəsilə bilik, bacarıq, səriştə və təcrübə əldə edən vətəndaşlar qiymətləndirilmə və tanınma üçün müraciət edə bilərlər.

Prosesin yekununda verilən diplom ilk peşə təhsili səviyyəsində təhsil haqqında sənədə bərabər tutulur və Nazirlər Kabinetinin 2019-cu il 16 aprel tarixli 173 nömrəli Qərarı ilə təsdiq edilmiş "Peşə təhsili pilləsinin bir səviyyəsindən növbəti səviyyəsinə keçid Qaydası"na uyğun olaraq, sahibinə peşə təhsili pilləsinin növbəti səviyyəsində təhsilini davam etdirmək və ya ixtisası üzrə əmək fəaliyyətinə başlamaq hüququ verir.

Peşə təhsili üzrə qeyri-formal və informal formaları vasitəsilə əldə edilmiş bilik, bacarıq, səriştə və təcrübənin qiymətləndirilməsi və tanınması üçün Təhsildə Keyfiyyət Təminatı Agentliyinə müraciət olunmalıdır.

Qeyd edək ki, formal təhsil dövlət təhsil sənədinin verilməsi ilə başa çatan təhsil formasıdır. Ümumi təhsil, ilk peşə-ixtisas təhsili, orta ixtisas təhsili, ali təhsil, yenidənhazırlanma təhsili, təkrar ali və ya orta ixtisas təhsili dövlət təhsil sənədinin verilməsi ilə başa çatdığı üçün formal təhsil hesab edilir.

İnformal təhsil dedikdə özünütəhsil yolu ilə biliklərə yiyələnmənin forması başa düşülür. Qeyri-formal təhsil isə müxtəlif kurslarda, dərnəklərdə və fərdi məşğələlərdə əldə edilən və dövlət təhsil sənədinin verilməsi ilə müşayiət olunmayan təhsil formasıdır.

0
Arxeoloji qazıntılar, arxiv şəkli

Cəlilabadda yerləşən yeni aşkar olunmuş tarixi abidəyə müdaxilənin qarşısı alınıb

7
(Yenilənib 18:17 06.08.2020)
Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin və Cəlilabad Rayon Polis Şöbəsinin əməkdaşlarının birgə səyi nəticəsində qanunsuz qazıntı işləri aparan şəxslər saxlanılıb.

 

BAKI, 6 avqust — Sputnik. Cəlilabad rayonu Musalı kəndində yerləşən və yeni aşkar edilmiş daşınmaz tarix və mədəniyyət abidələrinin siyahısına daxil edilən "Qazan köşkü" arxeoloji abidəsinə müdaxilə olunub.

Bu barədə Sputnik Azərbaycan-a Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynli məlumat verib.

O bildirib ki, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin və Cəlilabad Rayon Polis Şöbəsinin əməkdaşlarının birgə səyi nəticəsində qanunsuz qazıntı işləri aparan şəxslər saxlanılıblar.

Qeyd edək ki, hündür təpə üzərində yerləşən "Qazan köşkü" abidəsi ətraf əraziləri müşahidə altında saxlamağa imkan verən istehkam (qala) funksiyasını daşıyıb. Orta əsrlərə (təqribən VIII-XIII əsrlər) aid "Qazan köşkü" müşahidə məntəqəsi, qala, istehkam, sığınacaq yeri kimi istifadə olunub.

7
Əlaqədar
Hər qarışından tarix boylanan qəsəbə: Orada “Kasıb Piri” və “Əli daşı” kimi möcüzələr var
“Xınalıq” üçün çalışırlar, bəhrəsini bir il sonra biləcəyik
Daha möhkəm: Bərpadan sonra İçərişəhərin Qala qapıları necə görünür
Bir zaman Bakını o məşhur etmişdi, indi "borcu" qaytarmaq zamanıdır - FOTO