Azərbaycanlı pəhləvan Əmir Balakənli

Azərbaycanlı öz gücü ilə rusiyalıları şoka saldı - VİDEO

3550
(Yenilənib 13:56 16.05.2019)
Bir neçə təhlükəli nömrə ifa edən həmyerlilərimiz tamaşaçıları onun etdiklərini təkrarlamamağa çağırıb

BAKI, 16 may — Sputnik. Azərbaycanlı pəhləvan Əmir Balakənli İrkutskda öz saçları ilə çoxtonnajlı yük maşınını dartıb və bununla da, onu izləyən hər kəsi, eləcə də yük maşınının sürücüsünü şoka salıb. O, həmçinin digər nömrələr də göstərib.

Азербайджанский силач Амир Белоканлы
© Yuliya Polykhalova
Azərbaycanlı pəhləvan Əmir Balakənli

Sputnik Azərbaycan-ın məlumatına görə, pəhləvanın çıxışı İrkutsk telekanalı vasitəsilə yayımlanıb. Balakənli Umumrusiya Azərbaycanlıları Konqresinin (ÜAK) İrkutsk Dairə Şurasının (İDŞ) dəvəti əsasında ora gedib.

O, əvvəlcə iti baltanı öz bədənində sınaqdan keçirib, sonra isə iti xəncərlərin üzərinə uzanıb. Ardınca dişi ilə üstündə böyük adamın oturduğu kətili saxlayıb. Daha sonra yerə uzanıb və onun üstündən "Niva" markalı avtomobil keçib.

Balakənlinin göstərdiyi nömrələr ağır tonnajlı (17,5 ton) yük maşınını saçlarına bağlayaraq bir neçə metr çəkməsi ilə yekunlaşıb. Pəhləvan tamaşaçılara, xüsusilə də uşaqlara bu nömrələri təkrarlamamağı tövsiyə edib.

Азербайджанский силач Амир Белоканлы
© Yuliya Polykhalova
Azərbaycanlı pəhləvan Əmir Balakənli

İDŞ-nin sədri Alizar Salayevin sözlərinə görə, onlar Əmir Balakənlini bayramlarda, xüsusi tədbirlərdə tez-tez İrkutska dəvət edirlər. İstəyirlər ki, onu istedad və bacarıqları ilə təkcə Azərbaycanda deyil, dünyanın hər yerində tanısınlar.

Pəhləvan uşaqlıqdan məşhurlaşmağa başlayıb. O, evdə özbaşına məşq edərək bu nömrələri hazırlamağa nail olub. 23 yaşından etibarən səhnədə çıxış edir.

Азербайджанский силач Амир Белоканлы
© Yuliya Polykhalova
Azərbaycanlı pəhləvan Əmir Balakənli

"Əvvəlcə mənə çətin idi, sonra zamanla öyrəşdim və asanlaşdı. Bir neçə dəfə zədə almışam, qabırğamı qırmışam. Amma bu, mənim işimdir. Öz üzərimdə işləmək və yeni nömrələr hazırlamaq niyyətindəyəm" - deyə Balakənli bildirib.

Rusiyalı həmyerlilərimiz arasında xüsusilə populyar olan Balakənli, hazırda müxtəlif ölkələrə qastrola çıxmağa hazırlaşır.

3550
Teqlər:
Rusiya, pəhləvan, Balakən, azərbaycanlı
Əlaqədar
Azərbaycanlı pəhləvanlar riskli çıxışlarla rusları təəccübləndirdilər
Azərbaycanlı pəhləvanlar hamını mat qoydular
Pəhləvanımız 269 kiloqram ağırlıq qaldırıb
İcra başçısı pəhləvan qardaşlara yardım etməyi boynuna götürüb
Yerli pəhləvanlar üçün sınaq yarışları olacaq

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

16
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

16
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

9
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

9