Bakıdakı Molokan dua evi

Bakıdakı "Molokan dua evi" nəzarətə götürüldü, aqibətinə dair qərar veriləcək - VİDEO

2088
(Yenilənib 12:51 07.05.2019)
Hazırda gənclərə binanı boşaltmaq üçün vaxt verilib, onlar isə binadan çıxmaq niyyətində deyillər

İradə Cəlil, Sputnik Azərbaycan

BAKI, 7 may — Sputnik. Paytaxtın Süleyman Rüstəm küçəsi 10 ünvanında yerləşən, əvvəllər "Molokan dua evi" kimi tanınan bina sökülməsi ilə bağlı qalmaqallı xəbərlər yayılıb. Tarixi bina olduğu qeyd edilən bu binanın sökülməsi barədə Sputnik Azərbaycan-a hazırda binada fəaliyyət göstərən "Salaam Cinema" studiyasının nümayəndələri məlumat veriblər.

Bakıdakı Molokan dua evi
© Sputnik / Irade JELIL
Bakıdakı "Molokan dua evi"

Onlar bildiriblər ki, bina əsrin əvvəllərində tikilib. Əvvəlcə "Molokan dua evi" olan binada, sonradan radio-yayım evi yerləşib. 2000-ci illərdən isə bina boş qalıb. Studiyanın üzvləri bu ilin əvvəlində binanı icarəyə götürüblər.

Sputnik Azərbaycan-ın əməkdaşı sözügedən ünvanda olub və "Salaam Cinema"nın nümayəndələri ilə görüşüb. Qrupun üzvü Leyli Qafarovanın sözlərinə görə, onlar sözügedən binanı yanvar ayında müqavilə ilə kirayələyiblər.

"Biz vasitəçi ilə danışmışdıq. Demişdik ki, binanı icarəyə götürmək istəyirik. Ancaq bizə bildirildi ki, binanın sahibi Azərbaycanda olmadığına görə notariusla müqavilə bağlamaq mümkün olmayacaq. Biz razılaşdıq və nəzarətçilərlə müqaviləmizi bağladıq. 2500 manat pul da ödədik" - Qafarova bildirib.

"Mart ayında Novruz bayramı ilə əlaqədar bir neçə gün bura gələ bilmədik. Gələndə artıq binamızın döşəməsini sökmüşdülər. Biz sökənin kim olduğunu araşdırmağa çalışdıq. Ancaq heç kim bilmədi. Halbuki binada nəzarətçilər vardı" – deyə o, əlavə edib.

Deyilənə görə, bir müddət sonra bina sahibinin oğlu gənclərə bildirib ki, binanı onlara müvəqqəti olaraq istifadə üçün verir. Ancaq az keçməyib ki, hər şey dəyişib. Gənclərə deyilib ki, bina boşaldılmalıdır.

Leyli Qafarova binanın tarixi haqqında da məlumat verib: "Bina 1913-cü ildə, əslən molokan olan Skobelevin təşəbbüsü ilə molokanların dua evi kimi inşa edilib. Onun məqsədi bütün molokanları bir məkanda birləşdirmək olub. İnqilabdan əvvəl Bakıda yaşayan bütün molokanlar molokan icmasının həyatında fəal iştirak ediblər. Onlar daim dua evində keçirilən yığıncaqlarda toplaşıb və bütün dini bayramları mütləq şəkildə qeyd ediblər".

  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
  • Bakıdakı Molokan dua evi
    Bakıdakı "Molokan dua evi"
    © Sputnik / Irade JELIL
1 / 12
© Sputnik / Irade JELIL
Bakıdakı "Molokan dua evi"

Gənclər iddia edirlər ki, onlar binanı icarəyə götürəndə təmirsiz vəziyyətdə olub. Sonradan onlar hissə-hissə buranı bacardıqları qədər təmir ediblər.

Onların əsas istəyi isə binanın sökülməməsidir. Hazırda gənclərə binanı boşaltmaq üçün vaxt verilib. Onlar isə binadan çıxmaq niyyətində deyillər. Buna baxmayaraq, artıq binanın bir neçə otağı bağlanıb.

Binanın bəzi otaqları istifadə üçün yarasız olsa da, gənclər buranın restavrasiya edilməsinin tərəfdarıdır. Otaqlarda binanın yeni tikildiyi dövrləri əks etdirən fotolar və molokanlar haqqında məlumatlar yer alıb.

Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov Sputnik Azərbaycan-a bildirib ki, bina artıq nəzarətə götürülüb: "Bina tarixi abidə kimi dövlət qeydiyyatında deyil. Buna baxmayaraq, abidənin tarixi, memarlıq üslubu nəzərə alınaraq məsələ Dövlət Xidməti tərəfindən nəzarətə götürülüb. Araşdırmadan sonra qərar veriləcək ki, sökülsün, ya yox".

2088
Teqlər:
dua, şəhər, gənc, Sputnik Azərbaycan, tikili, bina
Əlaqədar
Park bağlanır, obyektlər sökülür, niyəsi də bəllidir
Yol kənarındakı qanunsuz heyvan kəsimi məntəqələri söküldü
Bakıda kütləvi söküntü işlərinin aparılması məsələsinə aydınlıq gətirildi
"İçərişəhər"lə bağlı rəsmi açıqlama verildi: Heç bir söküntüdən söhbət gedə bilməz
Kitabxanada qız, arxiv şəkli

"Tıq-tıq xanım" nağılı ingilis dilinə tərcümə edilib

3
(Yenilənib 23:09 26.02.2021)
Tofiq Bakıxanovun İsveçdə yaşayan nəvəsi Nadim Əliyev Abdulla Şaiqin 140 illik yubileyi ilə bağlı maraqlı bir təşəbbüs göstərərək ədibin uşaqlar üçün qələmə aldığı "Tıq-tıq xanım" nağılını ingilis dilinə tərcümə edib

BAKI, 27 fevral — Sputnik. Abdulla Şaiqin 140 illik yubleyi ilə bağlı "Tıq-tıq xanım" nağılı ingilis dilinə tərcümə edilib.

Sputnik Azərbaycan xəbər verir ki, görkəmli Azərbaycan bəstəkarı Tofiq Bakıxanovun İsveçdə yaşayan nəvəsi Nadim Əliyev Abdulla Şaiqin 140 illik yubileyi ilə bağlı maraqlı bir təşəbbüs göstərərək ədibin uşaqlar üçün qələmə aldığı "Tıq-tıq xanım" nağılını ingilis dilinə tərcümə edib.

Nağılın ingilis dilində tərcüməsi kitab formatına salınıb. Kitabdakı illüstrasiyaların müəllifi Aleks Bjelicadır.

3
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

6
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

6