Şadlıq sarayı

Şadlıq saraylarını çətin günlər gözləyir, lakin yenə kimsəyə güzəşt olmayacaq

8214
(Yenilənib 13:52 01.05.2019)
Toyların restoran rəhbərlərinə sərf etməyən adət-ənənələri unudulur

Nigar Məhərrəm, Sputnik Azərbaycan

BAKI, 1 may — Sputnik. Bu il Ramazan ayı toylar üçün ən durğun zaman hesab edilən may ayına təsadüf edir. Bir çoxları bu ayda, oruc tutulan günlərdə toy etmirlər. Amma bununla belə, toy tədarükü daha ucuz başa gəlsin deyə, mayı, Ramazan ayını gözləyənlər də az deyil. 

Bayram namazı
© Sputnik / Kamilla Əliyeva

Sputnik Azərbaycan-ın əməkdaşı toy bazarında bu cür şəxslər üçün hansı təkliflərin olub-olmamasını öyrənmək üçün paytaxtın bir neçə şadlıq sarayı ilə əlaqə saxlayıb.

Paytaxtın ən məşhur restoranları digərləri ilə müqayisədə qiymətlərdə heç bir endirim etmək fikrində deyil. Bir neçə belə bahalı restorandan bildirilib ki, qiymətlər stabil qalacaq, may ayına və Ramazan bayramına görə hansısa endirim, güzəşt olmayacaq.

Görünən budur ki, toyların digər "adət-ənənəsi" də artıq tarixə qovuşub. Belə ki, restoranların rəhbərlikləri ötən illərdə olduğu kimi, artıq bəy-gəlinə "bal ayı" üçün xüsusi gəzinti paketi, mebel, cehiz, qızıl üzük hədiyyə etməyəcək.

"Artıq bu adət-ənənələr köhnəlib. Daha belə şeylərə ehtiyac yoxdur" - deyə həmin restoranlardan qeyd olunub.

Apardığımız sorğu zamanı bəlli oldu ki, may ayında bir çox restoranlarda, hər hansı bir tarixə toy təyin olunmayıb.

150 nəfərlik zallarda bir nəfərlik menyunun qiymətini də öyrənməyə çalışdıq. Bir nəfərlik menyunun qiyməti restorandan asılı olaraq 60-200 manat arasında dəyişir. Restoranlarda bəzi menyuların baha olmasının səbəbini isə içki çeşidinin bol olması ilə izah etdilər.

Ortaya çıxan həqiqət ondan ibarətdir ki, bazardakı durğunluğa baxmayaraq, şadlıq saraylarının rəhbərləri xüsusi güzəştli kampaniyalar təklif etməkdə maraqlı deyillər.

Qeyd edək ki, Azərbaycanda Ramazan ayı mayın 6-da başlayır. Niyyət gecəsi mayın 5-dən 6-na keçən gecəyə düşür. Ramazan bayramı isə iyunun 5-6-na təsadüf edir.

8214
Teqlər:
restoran, güzəşt, şadlıq sarayı, toy, Ramazan ayı
Əlaqədar
Ekspert: Bağçaları söküb yerində göydələnlər, şadlıq sarayları tikdilər
Şadlıq sarayları, restoran və kafe sahiblərinə xəbərdarlıq olundu
Restoran və şadlıq saraylarını gözləyən cərimənin miqdarı açıqlandı
Şadlıq sarayları cərimələnib
YPX avtomobili, arxiv şəkli

DYP sürücülərə xəbərdarlıq etdi

5
Baş DYP İdarəsi bir daha sürücülərin diqqətinə çatdırır ki, təyinatından və istehsal ilindən asılı olaraq qanunvericiliklə müəyyən olunmuş müddətdə teniki baxışdan keçirilməmiş avtomobillərin idarə edilməsi xüsusi texniki vasitələrin köməyi ilə aşkarlanır.

BAKI, 27 noyabr — Sputnik. Baş Dövlət Yol Polisi İdarəsi texniki baxışla bağlı sürücülərə müraciət edib. Sputnik Azərbaycan Daxili İşlər Nazirliyinin Baş Dövlət Yol Polisi İdarəsinin məlumatına istinadla xəbər verir ki, texniki baxışdan keçmə müddətinin bitməsi ilə bağlı SMS məlumat almış şəxslər istifadələrində olan nəqliyyat vasitələrini texniki baxışdan keçirmək üçün Bakı, Sumqayıt və Abşeron rayonu ərazisində yaşayan sakinlər paytaxtın Sabunçu rayonu ərazisində yerləşən Texniki Müayinə Mərkəzi, Sumqayıt Regional qeydiyyat-imtahan və texniki baxış şöbəsi ilə yanaşı paytaxtın Qaradağ rayonunun Lökbatan dairəsindən Yeni Yasamal yaşayış massivinə gedən yolun 2-ci kilometrliyində yerləşən (Sədərək Ticatət Mərkəzinin yanı) yeni istifadəyə verilmiş və müаsir аvadаnlıq və ölçü cihаzlаrı ilə təchiz edilmiş Müayinə Mərkəzində, respublikanın digər şəhər və rayon sakinləri isə yaşadıqları ərazinin aid olduğu Baş DYP İdarəsinin Regional qeydiyyat-imtahan və texniki baxış şöbələrində nəqliyyat vasitələrini texniki baxışa təqdim etməlidirlər.

Nəqliyyat vasitəsinin texniki sazlığının yol hərəkəti təhlükəsizliyinə bilavasitə təsirini nəzərə alaraq, DİN Baş DYP İdarəsi bir daha sürücülərin diqqətinə çatdırır ki, təyinatından və istehsal ilindən asılı olaraq qanunvericiliklə müəyyən olunmuş müddətdə teniki baxışdan keçirilməmiş avtomobillərin idarə edilməsi xüsusi texniki vasitələrin köməyi ilə aşkarlanır və bu xətaya yol vermiş şəxslər Azərbaycan Respublikası İnzibati Xətalar Məcəlləsinin 339.1-1-ci ilə inzibati məsuliyyət daşıyırlar.

5
Teqlər:
Daxili İşlər Nazirliyi, Abşeron rayonu, Sumqayıt, DYP
Uşaq televizora baxır, arxiv şəkli

"Tıq-tıq dostları möcüzələr axtarışında" filminin 2-ci hissəsi çəkilir

3
(Yenilənib 13:18 27.11.2020)
Bu sirli hadisələrin ən yaxşı tərəfi Tıq-tıqa yeni bir dost qazandırması olacaqdır. Filmin istehsalının 2021-ci ilin mart ayında tamamlanacağı və tamaşaçılara təqdim olunacağı gözlənilir.

BAKI, 27 noyabr — Sputnik. "Azanfilm" studiyası "Tıq-tıq və dostları möcüzələr axtarışında" maarifləndirici, çoxhissəli animasiya filminin 2-ci hissəsinin istehsalını davam etdirir.

Sputnik Azərbaycan xəbər verir ki, animasiya filminin 2-ci hissəsində Tıq-tıq öz dostları ilə qədim yaşayış məskənlərimizdən olan Qobustana səyahət edir. Qobustan barədə maraqlı məlumatları balacalara çatdıracaq filmdə qəhrəmanlarımızın başlarına qeyri-adi və sirli hadisələr də gələcək. Bu sirli hadisələrin ən yaxşı tərəfi Tıq-tıqa yeni bir dost qazandırması olacaq.

Filmin istehsalının 2021-ci ilin mart ayında tamamlanacağı və tamaşaçılara təqdim olunacağı gözlənilir.

Mədəniyyət Nazirliyinin sifarişi ilə istehsal olunan animasiya filminin ssenari müəllifi və quruluşçu rejissoru Sultan Abbasbəyli, bəstəkarı Azər Hacıəsgərli, rəssamı Kübra Binnətova, redaktoru Yusif Şeyxov, səs rejissoru Mehman Nadirov, prodüseri Mansur Şəfiyevdir.

3
Teqlər:
Mədəniyyət Nazirliyi, film, studiya
Rusiya Prezidenti Vladimir Putin, arxiv şəkli

Putinin suallara cavab verəcəyi konkret tarix bilindi

0
(Yenilənib 13:28 27.11.2020)
Ağır epidemioloji vəziyyətlə bağlı tədbir videokonfrans formatında keçiriləcək. Putin Novo-Oqarevodakı iqamətgahından sualları cavablandıracaq.

BAKI, 27 noyabr — Sputnik. Rusiya Prezidenti Vladimir Putin ilin yekunları ilə bağlı dekabrın 17-si mətbuat konfransı keçirəcək. Sputnik Azərbaycan xəbər verir ki, bu barədə Kremlin mətbuat xidməti məlumat yayıb.

"Noyabrın 29-u saat 12:00-da Rusiya Federasiyasının mətbuat xidməti və informasiya idarəsi jurnalistlərin akkreditasiyasına başlayacaq", - deyə məlumatda qeyd olunur.

Ağır epidemioloji vəziyyətlə bağlı tədbir videokonfrans formatında keçiriləcək. Putin Novo-Oqarevodakı iqamətgahından sualları cavablandıracaq.

0