Körpə, arxiv şəkli

Azərbaycanda qadınlar xüsusi siqnalla övladlarından imtina edə bilərlər

4935
(Yenilənib 17:27 24.04.2019)
"Övladından imtina edən ana onu küçəyə atmaqdansa, xüsusi tibbi mərkəzlərdə ayrılmış həyəcan düyməsini basır"

BAKI, 27 aprel — Sputnik. Azərbaycanda 2018-ci ildə 751 uşaq övladlığa götürülüb. Azərbaycan Respublikası Ədliyyə Nazirliyinin rəsmi məlumatına əsasən, demək olar ki, 2017-ci illə müqayisədə övladlığagötürmədə 14,4 faiz azalma olub. Əvvəlki ilə nisbətən övladlığa götürülən oğlanların sayı 13,7 faiz azalaraq 402 nəfər, qızların sayı 15,1 faiz azalaraq 349 nəfər olub.

Övladlığa götürmə prosesi ölkə başçısı İlham Əliyevin də birbaşa diqqət mərkəzindədir. Artıq ötən ilin sonlarından etibarən, Prezidentin 10 dekabr 2018-ci il tarixli 393 nömrəli Fərmanına müvafiq olaraq övladlığagötürmə sahəsində idarəetmənin təkmilləşdirilməsi istiqamətində müəyyən işlər görülür.

UAFA-nın əməkdaşı Saleh Nəsirov
UAFA-nın əməkdaşı Saleh Nəsirov

UAFA ("Azərbaycana Birgə Yardım") təşkilatının İctimaiyyətlə Əlaqələr Şöbəsinin rəhbəri Saleh Nəsirov Sputnik Azərbaycan-a açıqlamasında bu istiqamətdə görülən işlər, mövcud problemlərlə bağlı danışıb: "Prezidentin 10 dekabr, 2018-ci il tarixli, 393 nömrəli fərmanınadək bir neçə qurum övladlığagötürmə ilə məşğul olurdu. Lakin son fərmanla bu işlərin hamısı Əmək və Əhalinin Sosial Müdafiəsi Nazirliyinə verildi. Bu fərmanadək övladlığagötürmə prosesi çox mürəkkəb, bürokratik və əngəlli idi".

S.Nəsirov müxtəlif illərdə Azərbaycanda övladlığagötürmə ilə bağlı vəziyyəti araşdıran "Makkenzi" şirkətinin də analizləri haqda məlumat verib: "İllərdir Azərbaycanda fəaliyyət göstərən "Makkenzi" şirkəti beynəlxalq standartlar çərçivəsində bu məsələnin necə həyata keçirilməsi ilə bağlı təkliflər verib. Onların təqdim etdikləri layihədə bütün müddəalar əksini tapıb. Hətta bu layihə beynəlxalq standartlara da cavab verir".

Həmsöhbətimiz əlacsızlıqdan, imkansızlıqdan övladını uşaq evlərinə verən valideynlərə, belə ailələrə dəstək üçün müxtəlif təkliflər verib: "Uşaq üçün ən gözəl seçim onun doğma valideynləridir. Buna görə biz övladlığa götürməni ən son seçim kimi dəyərləndiririk. Aparılan araşdırmalar da göstərir ki, əksər hallarda həssas təbəqədən olan insanlar, aztəminatlı şəxslər övladlarından imtina edirlər. Onlar uşaq acından ölməsin, təhsildən kənar qalmasın deyə övladlarını internat evinə göndərirlər".

"Uşağın valideynləri ilə birgə qalmasını təmin etmək məqsədi ilə erkən müdaxilə proqramı həyata keçirilməlidir. Bu proqramla həmin ailəyə erkən müddətdə maddi və mənəvi olmaqla dəstək göstərilir. Çünki dövlətdə nə qədər gözəl şərait olsa belə, heç kim həmin uşağa valideynləri kimi baxa bilməz. Bu sahədə olan bir sıra problemlərin qarşısını almaq üçün biz "Foster family care" modelinin tətbiq olunmasının vacibliyini vurğulayırıq. Bundan başqa bu sahədəki problemlərin aradan qaldırılması üçün "Baby Books" xidmətinin olmasının da vacibliyini vurğulamışıq" – deyə müsahibimiz əlavə edib.

O, bu xidmətin mahiyyətini də açıqlayıb: "Övladından imtina edən ana onu küçəyə, yaxud da zənbilə qoyub zibilxanaya atmaqdansa, xüsusi tibbi mərkəzlərdə ayrılan yerlərə yaxınlaşaraq övladından imtina etmək üçün həyəcan düyməsini basır. Bu zaman liftlə zənbil gəlir. Hətta bu zaman anaya övladından imtina etməmək üçün vaxt da verilir. Ana imtina etdikdə isə körpəni zənbilə qoyur və lift aşağı çatanda tibbi personal uşağı təhvil alır. Uşaqların küçəyə atılmasının qarşısını almaq üçün bu xidmətin ölkəmizdə də olmasını təklif edirik".

Nəsirov bildirib ki, bu istiqamətdə olan problemlərin həllində əsas çətinliklərdən biri də sosial işçi və sosial institutlarla bağlıdır: "Azərbaycanda peşəkar sosial işçilər və sosial institutların formalaşmasına ehtiyac var. Düşünürəm ki, bu istiqamətdə ən çətin mərhələ, məhz bu institutların formalaşdırılmasıdır. Düzdür, bu gün Əmək və Əhalinin Sosial Müdafiəsi Nazirliyində sosial xidmətçilər var. Lakin sosial xidmətçi ilə sosial işçi, tamamilə fərqli anlayışdır. Sosial xidmətçinin adını sosial işçi ilə dəyişməklə problemi həll edəcəklərini düşünürlərsə, səhv edirlər".

Qeyd edək ki, prezident İlham Əliyevin 10 dekabr 2018-ci il tarixli 393 nömrəli Fərmanına müvafiq olaraq əmək və əhalinin sosial müdafiəsi naziri övladlığagötürmədə elektron sistem üzərində müasir, çevik və şəffaf prosedurların, yeni yanaşmaların tətbiq ediləcəyini deyib. Nazir qeyd edib ki, valideyn himayəsindən məhrum olmuş uşaqları qanunvericilik qaydasında övladlığa götürmək arzusunda olan şəxslər üçün hər hansı bürokratik əngəllər, məhdudiyyətlər, süründürməçilik baş verməyəcək.

Bundan əlavə, onu da qeyd edək ki, ötən il ərzində əcnəbilər və vətəndaşlığı olmayan şəxslər tərəfindən 14 uşaq övladlığa götürülüb ki, onların da 4-ü qız olub. 2018-ci ildə Azərbaycan Respublikasının məhkəmələri tərəfindən ləğv edilmiş övladlığa götürülmə barədə qərarların sayı əvvəlki illə müqayisədə 15,5 faiz artaraq 67 olub.

4935
Teqlər:
körpə, mərkəz, uşaq, övlad, ana, qadın
Əlaqədar
Ağdamlı qadın əri tərəfindən döyüldüyü üçün körpəsini boğub öldürüb
Gəncədə yeni doğulan körpə ölüb
Bakıda nonsens: Sığınacağa yerləşdirilən körpələrin anası təhdid yağdırır
Körpəsi olan valideynlərə çağırış: "O qidaların nə ucuzuna aldanın, nə də bahasına"
Bir gündə iki körpə ölümü qeydə alındı
Чаглар Сеюнджю

Söyüncü: Türkiyə oyunçuları pley-off mərhələsinə çıxmaq üçün çüzi şansa ümid edirlər

3
(Yenilənib 20:04 19.06.2021)
Türkiyə millisi qrupda ilk iki yerdən birini tutmaq şansını itirib, lakin yenə də Avropa çümpionatının 1/8 mərhələsində oynamağa ümidi var

 

Türkiyə millisinin futbolçuları, şansları az olmasına rəğmən Avropa çümpionatının pley-off mərhələsinə çıxmağa ümid edirlər. Beə bir açıqlama ilə komandanın müdafiəçisi Çağlar Söyüncü çıxış edib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Belə bir bir vəziyyətə düşdüyümüz və azarkeşləri məyus etdiyimiz üçün çox üzülürük. Lakin qarşıda son oyun var. Əlbəttə, biz 3 xal toplamış komandaların ən yaxşısı olmaq və mübarizəni davam etdirmək istərdik. Amma bizə bu da bəs etməsə belə, heç olmasa turniri yaxşı bitirmək istərdik. Bütün komanda anlayır ki, sabah bizim sonuncu şansımızdır, hətta ehtimal az olsa belə. Hamımız məyusuq, lakin hamımız bu şansı gözləyirik", - deyə Söyüncü mətbuat konfransında deyib.

3
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib

3
Baş məşqçi bildirib ki, Avropa çempionatının açılış oyununda İtaliya komandasına böyük hesabla məğlubiyyət türk futbolçularına pis təsir edib.

 

Futbol üzrə Türkiyə millisinin baş məşqçisi Şenol Günəş komandasının Avropa çempionatndakı çıxışına görə üzr istəyib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz bura yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", – deyə Günəş mətbuat konfransında bildirib.

Xatıqladaq ki, ilk turda Türkiyə millisi İtaliya komandasına (0:3), ikinci turda isə Uels komandasına məğlub olub (0:2).

"Romadakı ilk oyunun pis təəssüratları bizə çox təsir etdi. Biz həm oyunda,həm də nəticədə özümüzə inamı itirdik. Meydanda gördüklərimiz bizi həvəsdən saldı. Uels yığması ilə oyunun birinci hissəsində də eyni şey oldu. Biz iki oyundan sonra belə bir vəziyyətə düşəcəyimizi təsəvvürümüzə də gətirməzdik. Biz Türkiyədə insanların bizə nə qədər etimad etdiyini bilirik, lakin onların gözləntilərini doğrulda bilmədik", - deyə baş məşqçi bildirib.

3
Здание Министерства иностранных дел Азербайджанской Республики в Баку

Azərbaycanın xarici siyasət idarəsi Ermənistana cavab verdi

0
Azərbaycan humanizm prinsiplərindən çıxış edərək bu günədək saxlanılan ermənilərin bir hissəsini Ermənistana təhvil verib.

BAKI, 19 iyun - Sputnik. "Ermənistan Xarici İşlər Nazirliyi 2021-ci il 18 iyun tarixli bəyanatında ölkəmizi 44 günlük müharibə zamanı Ermənistan tərəfindən Azərbaycan ərazisində qanunsuz şəkildə döyüşən, müharibə cinayətləri, terror aktları törətməkdə, muzdlu kimi döyüşməkdə təqsirləndirilən şəxsləri mühakimə etməkdə ittiham edir. Ermənistan XİN-in bəyanatında “hərbi əsirlər” və “mülki şəxslər” kimi göstərilən şəxslər hərbi əməliyyatlar zamanı və əməliyyatların dayandırılması ilə bağlı üçtərəfli Bəyanat imzalandıqdan sonra Azərbaycan ərazisində qəsdən adamöldürmə, işgəncə, terrorçuluq və digər cinayətlərin törədilməsində təqsirləndirilən şəxslərdir. Əlbəttə, Azərbaycanın həm beynəlxalq hüquq, o cümlədən 1949-cu il Cenevrə konvensiyaları, muzdluların cəlb edilməsi, istifadəsi, maliyyələşdirilməsi və təliminə qarşı beynəlxalq Konvensiya, həm də yerli qanunvericiliyə əsasən bu şəxsləri məsuliyyətə cəlb etməyə həm hüququ, həm də beynəlxalq öhdəliyi var".

Sputnik Azərbaycan xəbər verir ki, bu fikirlər Azərbaycan Xarici İşlər Nazirliyinin Mətbuat xidməti idarəsinin Ermənistan XİN-in müvafiq bəyanatına dair şərhində yer alıb.

"Hazırda Azərbaycan tərəfində saxlanılan və istintaqa cəlb olunan ermənilərə gəldikdə, Ermənistan XİN-ə xatırladırıq ki, bu şəxslərdən bir qrupu 2020-ci il 10 noyabr tarixli üçtərəfli Bəyanat imzalandıqdan sonra Azərbaycan ərazisinə daxil olan terrorçu qrupun üzvləridir və bu qrupun təxribatçı fəaliyyəti nəticəsində Azərbaycanın 4 hərbi qulluqçusu öldürülüb, bir mülki şəxs isə ağır yaralanıb. İttiham olunan erməni əsilli Livan vətəndaşı əcnəbi muzdlu qismində pul qarşılığında 44 günlük müharibə zamanı azərbaycanlı hərbçi və mülki şəxslərə qarşı döyüşlərdə iştirak edib. Digər iki erməni vətəndaşı isə hələ Birinci Qarabağ müharibəsi zamanı azərbaycanlı mülki şəxslərə və hərbçilərə işgəncə verməkdə ittiham olunan şəxslərdir.

Vurğulamaq istərdik ki, Azərbaycanda saxlanılan ermənilərin yerinin gizli saxlanılması ilə bağlı deyilən fikirlər tamamilə yalandır. Rəsmi açıqlamalarda artıq bildirildiyi kimi, Azərbaycan bu şəxslərin saxlanılma vəziyyəti ilə bağlı olan bütün tələbləri yerinə yetirib. Hətta Beynəlxalq Qırmızı Xaç Komitəsi, insan hüquqları üzrə müvəkkilin (ombudsman) saxlanılan şəxslərlə mütəmadi görüşləri təşkil edilib və bu şəxslərin səhhəti barədə tibbi sənədlər belə təqdim edilib.

Azərbaycan humanizm prinsiplərindən çıxış edərək bu günədək saxlanılan ermənilərin bir hissəsini Ermənistana təhvil verib.

Bunun qarşılığında isə Ermənistan tərəfinin addımları göz qabağındadır. Yalnız Ağdam üzrə mina xəritələrini Azərbaycana təhvil verən Ermənistan bu ölkənin yüksəksəviyyəli rəsmiləri tərəfindən açıq şəkildə etiraf edildiyi kimi, çoxsaylı mina xəritələrini gizlədir, Azərbaycana verməkdən imtina edir. Hələ Birinci Qarabağ müharibəsində itkin düşən 4 minədək azərbaycanlının taleyi barədə bu günədək heç bir məlumat verilməyib. Ərazilərimiz işğaldan azad olunduqdan sonra Kəlbəcər rayonunun Başlıbel kəndi ərazisində aşkar edilmiş kütləvi məzarlıq Ermənistan tərəfindən törədilən müharibə cinayətlərinin və Ermənistanın itkin düşmüş azərbaycanlılar barədə məlumatı gizlətdiyinin bariz sübutudur.

Ermənistan XİN-i beynəlxalq hüquq pozuntularından danışmağa başlamadan əvvəl Ermənistan Respublikasının 30 ilə yaxın müddət ərzində beynəlxalq hüquq prinsiplərini, xüsusilə də suverenlik və ərazi bütövlüyünə hörmətlə yanaşılması prinsipini tapdaladığını, bir milyonadək azərbaycanlının fundamental hüquqlarının kobud şəkildə pozduğunu göz önünə gətirməlidir"-, məlumatda qeyd olunub.

0