Alaqanqal satan uşaqlar

Azərbaycan təbiətinin əvəzsiz neməti: Cəmi 1 manata satılan dərman

5806
(Yenilənib 17:19 24.04.2019)
Bu bitki ürək, qaraciyər, ən əsas isə böyrək xəstəliklərinin müalicəsinə müsbət təsir göstərir

İlham Mustafa, Sputnik Azərbaycan

BAKI, 25 aprel — Sputnik. Azərbaycanda bitən bir çox yabanı bitkilər var ki, onlardan qida kimi də istifadə olunur. Bunlardan bəziləri çiy, bəziləri isə bişirilərək yeyilir. Yazın gəlişilə dağlarda, sahələrdə təbii şəkildə yetişən bu bitkiləri yerli sakinlər yığaraq, əsasən, yol kənarlarında satırlar.

Ləkəli alaqanqal
© Sputnik / Ilham Mustafa
Ləkəli alaqanqal

Hər bölgənin təbiətinə uyğun olaraq yetişən yeməli yabanı bitkilər var. Yevlax rayonu ərazisində isə ən çox rast gəlinəni ləkəli alaqanqal adlanan bitkidir. Tikanlı olduğundan əksər insanlar ondan uzaq dursalar da, bəzi yerli sakinlər bu bitkinin xüsusi dada və müalicəvi əhəmiyyətə malik olduğunu bildirirlər. Ləkəli alaqanqal, əsasən, uşaqlar tərəfindən yığılaraq dəstəsi 0,50-1 manat aralığında alıcılara təklif olunur. Əksər müştərilərinin yolda keçən avtomobillərin sürücü və sərnişinlərinin olduğunu deyən satıcılar alaqanqalın ürək, qaraciyər, ən əsas isə böyrək xəstəliklərinin müalicəsinə müsbət təsir göstərdiyini deyirlər.

Təbii şəkildə yetişən bu bitkini yerli sakinlər yığaraq əsasən yol kənarlarında satırlar
© Sputnik / Ilham Mustafa
Təbii şəkildə yetişən bu bitkini yerli sakinlər yığaraq əsasən yol kənarlarında satırlar

Bəs görəsən bu bitkilər yerli əhalinin söylədiyi qədər xeyirlidirmi? Sputnik Azərbaycan-ın sualını cavablandıran Mingəçevir şəhərində fəaliyyət göstərən həkim-qastroenteroloq Əhməd Seyidov tibdə adı ləkəli alaqanqal olan bitkinin doğrudan da bir çox müalicəvi xüsusiyyətlərə malik olduğunu qeyd edib.

"Alaqanqal Azərbaycan şəfalı bitkilər sırasındadır. Onun həm kökündən, həm zoğundan qida vasitəsi kimi istifadə olunur. Alaqanqalın zoğunun tərkibi 90% sudan ibarətdir. Bu bitkidən qida kimi istifadə edilməsi mədə-bağırsağın fəaliyyətinə yaxşı təsir edir, böyrəklərin yuyulması və duzların tökülməsində müsbət rol oynayır. Sidikqovucu xüsusiyyətə malikdir" – deyə həkim bildirib.

Ləkəli alaqanqal
© Sputnik / Ilham Mustafa
Ləkəli alaqanqal

Hər hansı bir zərərinə gəlincə isə həkim, əsasən, tərkibinin su olması səbəbindən soyuq havalarda ondan istifadənin bədəndə soyuqluq əmələ gətirə biləcəyini, eyni zamanda mədə-bağırsaq pozğunluğu olan adamlarda sürüşkənik yaratdığından istifadəsinin məsləhət olmadığını vurğulayıb.

5806

Şəhid general-mayorla doğulduğu Qəbələdə izdihamlı vida

568
Azərbaycan-Ermənistan dövlət sərhədinin Tovuz rayonu istiqamətində gedən döyüşlərdə şəhid olan qəhrəman hərbçimiz, general-mayor Həşimov Poladın nəşi doğulduğu Qəbələnin Vəndam kəndinə gətirilib.

General-mayor Həşimov Polad İsrayıl oğlu qəhrəmanca şəhid olub. Onun nəşi doğulduğu Qəbələnin Vəndam kəndinə gətirilib. Məmləkətinə onunla vidalaşmaq imkanı yaradılıb.

Qeyd edək ki, şəhidimiz sabah paytaxtdakı İkinci Fəxri Xiyabanda son mənzilə yola salınacaq.

İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun  hərbi qulluqçuları çavuş Sadıqov Vüqar Lətif oğlu, baş əsgər Məmmədov Elşad Dönməz oğlu, baş leytenant Mahmudov Rəşad Rəşid oğlu, hərbi qulluqçumuz əsgər Daşdəmirov Xəyyam Məhəmməd oğlu, bu gün isə döyüş zamanı müdafiənin ön xəttində olan general-mayor Həşimov Polad İsrayıl oğlu, polkovnik Mirzəyev İlqar Anzor oğlu, mayor Əhmədov Namiq Hajan oğlu, mayor Novruzov Anar Gülverdi oğlu, gizir Zeynallı İlqar Ayaz oğlu, gizir Babayev Yaşar Vasif oğlu və müddətdən artıq həqiqi xidmət hərbi qulluqçusu, əsgər Mustafazadə Elçin Arif oğlu şəhid olub.

568
Buzovnada çimərlik, arxiv şəkli

Bəla gələndə tək gəlmir: Payızı gözləyək, vəziyyət bir az da pisləşə bilər

327
Psixoloq bildirir ki, karantin qaydalarının davam etməsi, yeni vərdişlərin formalaşması insanlarda müəyyən narahatlıqlar yaradıb.

Nigar İsgəndərova, Sputnik Azərbaycan

BAKI, 14 iyul — Sputnik. Hər il mövsümi olaraq payız aylarında insanlar müəyyən depressiya yaşayırlar. Mütəxəssislər bunu “payız depressiyası” adlandırırlar. Kimdəsə bu depressiya özünü daha sərt, kimdəsə daha yumşaq formada biruzə verir.

Bu ilin payızında isə depressiyanın daha kəskin olacağı proqnozlaşdırılır. Bunun da əsas səbəbi məhz sərt karantin qaydaları, insanları yayda belə, dincəlmədən evdə keçirməsi, qayğılarının daha da artması ilə izah olunur.

Mövcud pandemiya şəraitinin payızda depressiyaya səbəb olmaması nə edilməlidir?

Psixoloq Elnur Rüstəmov Sputnik Azərbaycan-a açıqlamasında deyib ki, bu, daha çox payızda karantin rejiminin hansı formada davam etməsindən asılı olacaq: "Ona görə də hələlik bununla bağlı proqnoz vermək, payızda depressiya artacaq demək tələskənlik olardı. Çünki sentyabrda dərslərin açılması, bundan sonra iş yerlərinin də qismən bərpası insanların əhval-ruhiyyəsinə müsbət təsir göstərə bilər. Buna görə də, düşünürəm ki, biz hələlik payıza yox, bu günə hazırlaşsaq daha yaxşı nəticələr əldə etmiş olarıq. Yəni, karantin qaydalarına əməl etsək, qaydaları pozmasaq, maska taxıb sosial məsafəni gözləsək, gigiyenik qaydalara əməl etsək, bütün bunlar da karantin rejiminin yumşalmasına köklənə bilər".

"Biz bu il nə yazı, nə də yayı normal hiss etdik. Lakin mövcud vəziyyət payızda da davam edərsə, bu bir çox psixoloji problemlərin yaranmasına rəvac verə bilər. Psixoloji problem dedikdə, yalnız depressiya nəzərdə tutulmamalıdır. Bura təşviş, aqressiya və bir çox psixoloji problemləri də əlavə edə bilərik. Karantin qaydalarının davam etməsi, yeni vərdişlərin formalaşması onsuz da insanlarda müəyyən narahatlıqlar yaradıb. Çünki ötən ilin yayı ilə bu ilin yayını müqayisə etdikdə həyatımızda nə qədər dəyişikliklərin olduğunu görə bilərik. Ötən il insanların hamısı dincəlmək üçün harasa üz tutmasalar da,  ən azı istədikləri vaxtda evdən çıxa bilirdilər. İnsanlar rahatlıqla həyətə düşə, parka gedə bilirdilər. İnsanların bir azadlıqları var idi, bu gün isə o azadlıq məhdudlaşdırılıb", - deyə psixoloq əlavə edib.

O bildirib ki, insanlar asanlıqla yeni davranış modelinə uyğunlaşmış olsaydılar, bəlkə də karantin qaydaları bu qədər sərt olmazdı: "Bir toplum olaraq yeni davranış modelini bu rejimdə qəbul etməkdə çətinlik çəkdik. Çünki biz əl verib görüşməyə, sosial məsafə gözləməməyə öyrəşmişdik. Düşünürəm ki, bu gün hökumət payızdan daha çox bu günə köklənib yoluxanların sayının azalması, sağalanların sayının artmasına nail olmağı hədəfləyib. Yəni, bu gün hökumət payızdan daha əvvəl iyul və avqustda vəziyyəti nəzarətə almağı hədəfləyib".

327