Televiziya qarşısındakı adam

Teleməkanımızda yaşananlar əhalini ciddi narahat edir

7654
(Yenilənib 15:16 18.04.2019)
Bəs siz müşahidə etdiyiniz efir mədəniyyətini necə qiymətləndirirsiniz?

Təranə Xudabaxşiyeva, Sputnik Azərbaycan

BAKI, 18 aprel — Sputnik. Müğənnilər Rüfət Axundov və Rəşad İlyasovun canlı yayımda mahnı oxuyan zaman işlətdikləri qeyri-etik ifadələr sosial şəbəkələrdə hələ də müzakirə olunur. Bəzi şəxslər bu məsələdə müğənniləri günahlandırır, bəziləri isə aparıcını. Hətta baş verənlərin səbəbini telekanal rəhbərliyində görənlər də az deyil.

Bütün bunları nəzərə alaraq Sputnik Azərbaycan-ın əməkdaşı sosial şəbəkə istifadəçiləri arasında sorğu keçirib. Onlara "Azərbaycan teleməkanında efir mədəniyyətini, yəni aparıcılar və efirə dəvət olunan qonaqların davranışlarını necə qiymətləndirirsiniz?" sualı ünvanlayıb. Cavablar isə müxtəlif olub:

İsmayıl Əhməd: "Efirdə yayımlanan verilişlərin əksəriyyəti mədəniyyətsizliyi təbliğ edir".

Adil Vəliyev: "Televiziyalarda vəziyyət heç də ürəkaçan deyil".

Rauf Qərib: "Mənəviyyatımı zədələməmək üçün yerli televiziyalara baxmıram".

Şahidə Tapdıq: "Azərbaycan teleməkanında efir mədəniyyətli, nitq qabiliyyətli, özünü cəmiyyətə normal şəkildə təqdim edən çox az sayda aparıcı var. Qonaqlar haqqında isə danışmaq istəmirəm".

Elnurə Abuşova: "Azərbaycan telekanalları qarşısında təkbaşına uşaq oturdub, hər hansı işlə məşğul olmaq olmaz. Uşaq orada bayağılıqdan başqa nəsə öyrənə bilməyəcək".

Amin Nəzərli: ""Mədəniyyət" kanalından başqa digər telekanalları bərbad hesab edirəm. Elə bil toyxana açıblar. Bir-iki dənə də manıs çağırıblar. Heç bir yaradıcılıq, maraq, əyləncə yoxdur".

Ramil Nəcəfli: "AzTV və "İctimai" kanalda göstərilən verilişləri bəyənirəm. Orada aparıcıların da, qonaqların da davranışları, mədəni səviyyələri yüksəkdir".

Zaur Cəfərov: "AzTV", "İctimai" kanal və ARB-24 kanalında gedən verilişlərdən razıyam. Qalanlarının mənfi cəhətlərini isə digər sorğu iştirakçıları qeyd edib. Hər birinin fikri ilə razıyam".

Ramil Əhmədov: "Bu gün təkcə efirimiz deyil, sosial şəbəkələrdə də mədəniyyət amili nəzərə alınmır".

Nicat Zeynallı: "Bu gün Azərbaycan kinosunu, musiqisini məhv edən məhz televiziyalardır. Televiziyalara yenidən vətəndaşların etimadını doğrultmaları üçün hələ uzun illər lazım olacaq".

Pərviz Həqiqi: "Bizdə sanki təklif tələbi üstələyir. Elə bil, televiziyalar məcburən cəmiyyətə "buna baxmalısan" və ya belə "olmalıyıq" mesajı verir. Sanki bu millətin qəhrəmanları şou-biznes əhlidir və s. Mən çox nadir hallarda bizim telekanallara baxıram".

7654
Teqlər:
mədəniyyət, məkan, efir, telekanal, televiziya
Əlaqədar
Azərbaycanda uşaq telekanalı yaradılması zəruridirmi - professorun şərhi
Azərbaycanda telekanal cərimələndi
Tanınmış azərbaycanlı müğənnilərə telekanalda qadağa qoyuldu
Azərbaycan Respublikası Milli Məclisinin binası

Milli Məclis toplanır - Büdcəyə dəyişiklik ediləcək

3
(Yenilənib 10:29 05.08.2020)
Parlamentin növbədənkənar sessiyasında 6 məsələyə baxılacaq, bunların sırasında büdcə, işsizlik və məşğulluq da var

Xalid Məmmədov, Sputnik Azərbaycan

BAKI, 5 avqust — Sputnik. Bu gün Milli Məclisin növbədənkənar sessiyasının plenar iclası keçirilir.

Sputnik Azərbaycan xəbər verir ki, saat 11-ə planlaşdırılan iclasın gündəliyinə 6 məsələ daxil edilib.

Bunlar aşağıdakılardır:

1. "Azərbaycan Respublikasının 2020-ci il dövlət büdcəsi haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

2. "Sosial təminat və müdafiəni həyata keçirən müvafiq icra hakimiyyəti orqanının müəyyən etdiyi orqanın (qurumun) 2020-ci il büdcəsi haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

3. "İşsizlikdən sığorta fondunun 2020-ci il büdcəsi haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

4. "Məşğulluq haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

5. "İşsizlikdən sığorta haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

6. Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).

3
Azərbaycan Respublikasının Xarici İşlər Nazirliyi

XİN: Beyrutda partlayışda azərbaycanlıların xəsarət alması ilə bağlı məlumat yoxdur

3
"Əl Cəzirə" telekanalı Livanın Səhiyyə Nazirliyinə istinadən xəbər verir ki, partlayış nəticəsində ölənlərin sayı 100-ü keçib

Eldar Tanrıverdiyev, Sputnik Azərbaycan

BAKI, 5 avqust — Sputnik. Livanın paytaxtı Beyrutda baş verən partlayış nəticəsində azərbaycanlıların xəsarət alması ilə bağlı hər-hansı məlumat daxil olmayıb. Bunu Sputnik Azərbaycan-a açıqlamasında Azərbaycanın Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva bildirib.

Azərbaycan XİN, həmçinin hadisə ilə bağlı Livan xalqına başsağlığı verib.

“Beyrut limanında baş verən qorxunc partlayış barədə xəbərlərdən dərin hüzn keçiririk. Ölənlərin ailələrinə və Livan xalqına başsağlığı veririk. Xəsarət alanların tez bir zamanda sağalmalarını diləyirik”, - deyə Azərbaycan XİN-in “Twitter” səhifəsində bildirib.

Qeyd edək ki, "Əl Cəzirə" telekanalı Livanın Səhiyyə Nazirliyinə istinadən xəbər verir ki, partlayış nəticəsində ölənlərin sayı 100-ü keçib. Livan rəhbərliyi partlayış nəticəsində ölənlərin sayının artacağını istisna etməyib.

3
Əlaqədar
Minlərlə insanın yaralanmasına və 78 nəfərin ölümünə məsuliyyətsizlik səbəb olub
Beyrutdakı partlayışda baş nazirin ailəsi xəsarət alıb - VİDEO