Cins şalvarın cibində mobil telefon

Mobil telefon, avtomobilin sükanı çantadakı qələm - Təhlükəli üçlük

106
(Yenilənib 20:05 12.04.2019)
"Sözügedən əşyalara toxunduqdan sonra mütləq əlləri sabunla yumaq lazımdır"

BAKI, 14 aprel — Sputnik. Rusiyalı tibb mütəxəssisi ən çirkli əşyaların reytinqini açıqlayıb. Sən demə, ən çox çirkli hesab olunan şeylər pul, mobil telefon, avtomobilin sükanı və çantadakı qələmdir.

Sputnik Azərbaycan Rusiya mediasına istinadla xəbər verir ki, bu barədə Moskva poliklinikalarından birinin şöbə müdiri Vasili Frolov apardığı tədqiqatların nəticələri barədə məlumat verərkən danışıb.

"Həmçinin, ən çox mikrob daşıyıcısı olan əşyaların top onluğuna liftin düyməsi, bankomatların klaviaturası, supermarketdəki arabaların tutacaqları, ictimai yerlərdəki qapıların dəstəyi, televizor pultları və qab yumaq üçün olan süngərlər daxildir" - deyə tibb mütəxəssisi bildirib.

Onun sözlərinə görə, mənzillərdə ən təhlükəli əşyalar xalçalar, divan örtükləri və qoltuqları, plitə və ventilyasiyalar, mətbəx şkafları, vanna və duş kabinetləridir.

Frolov vurğulayıb ki, ictimai yerlərdə sözügedən əşyalara toxunduqdan sonra mütləq əlləri sabunla yumaq lazımdır: "Bu, qorxunc mikrobların törədə biləcəyi hər hansı xəstəlikdən sığortalanmağın ən yaxşı yoludur".

106
Teqlər:
əşya, mütəxəssis, tibb, Rusiya
Əlaqədar
Mikrobladinq: gözəllik, yoxsa stressdən qurtulma
Ofisdə olan mikroblar tualetdə olan mikroblardan daha çoxdur
Spirtli içki mikrobları öldürmürmüş, tam əksinə - XƏBƏRDARLIQ

Xırdalanda partlamış evin dağıntıları altından qadın meyiti çıxarılıb

73
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

73
Xırdalanda partlayış yerində

Xırdalanda dağıntılar altından xilas edilənlərin sayı artır

22
Görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib.

BAKI, 25 yanvar — Sputnik. Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.

APA xəbər verir ki, görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib. Bununla da xilasedicilər tərəfindən xilas edilmiş vətəndaşların sayı 6-ya çatıb.

Axtarış-xilasetmə əməliyyatı davam edir. Əlavə məlumat veriləcək.

22