BAKI, 12 aprel — Sputnik. "Dünən bir nəfər müraciət edib ki, Gürcüstandan avtomobil gətirəndə Bakıya qədər bütün radarları "sayıb" və cəmləndikdə 2000 manata yaxın cəriməsi alınır. Son günlər belə məlumatlar tez-tez gəlir".
Sputnik Azərbaycan xəbər verir ki, bu barədə hüquqşünas Ərşad Hüseynov öz "Facebook" səhifəsində yazıb.
O, qeyd edib ki, bu yaxınlara qədər DYP-nin mərkəzi məlumat sistemi tranzit və xarici nömrəli avtomobillərlə törədilən qayda pozuntularını avtomatik qeydə almaqda və məlumatı emal etməkdə çətinlik çəkirmiş. İndi problem aradan qalxıb. Artıq belə nömrələri də ümumi şəkildə qeydə almaq mümkündür: "Ona görə də bunu əvvəllər bilib, sui-istifadə edənlər diqqətli olsunlar".
