Qaranlıq

"Allahlar", "fironlar", "dahilər" haqda: Onlar ruhi xəstələrdir

10377
(Yenilənib 18:19 26.03.2019)
"Xəstə insanlarda belə halların olması başadüşüləndir, amma sağlam insanda belə fikirlər ola bilməz"

Təranə Xudabaxşiyeva, Sputnik Azərbaycan

BAKI, 11 aprel — Sputnik. Elə insanlar var ki, onlarda zamanla qəribə düşüncələr yaranır. Məsələn, elə hesab edirlər ki, nə vaxtsa firon olublar və ya keçmiş həyatlarında çoban, dülgər, aktyor və başqa sənət sahibi olduqlarını zənn edirlər. Hətta bəziləri özünü peyğəmbər hesab edir, elələri isə Allah olduğunu iddia edirlər.

Alimlərin qənaətinə görə, bu kimi hallar səbəbsiz deyil. Belə ki, bəzi araşdırmaçılara görə, ruhlar ölmür, müxtəlif cismlərdə 2 min il yaşayır. Ona görə də insanlar ruhlarının keçmiş bədənlərində olduğu vaxtı hiss edə bilirlər. Bəzi elm adamları isə ruhların uzun müddət yaşamadığını və bunun yalan informasiya olduğunu bildirirlər.

Maraqlıdır, insanlarda bu qəribə hissin səbəbi nədir? Bəlkə bu, hansısa bir xəstəlikdən xəbər verir?

Sputnik Azərbaycan-a şərh verən psixoloq, psixoterapevt Təhmasib Cavadzadənin sözlərinə görə, xəstə insanlarda belə halların olması başadüşüləndir: "Yəni burada qeyri-adi heç nə yoxdur. Amma sağlam insanda belə fikirlər ola bilməz".

"İnsan bəzən özünü sevdiyi tarixi obrazlara bənzədir. Yəni kimisə kumir hesab edir, özünü ona oxşatmağa çalışır. Və ya hansısa tarixi şəxsiyyətə oxşarlığı var deyə, özünü onun kimi hiss edir. Amma iddia etsə ki, hansısa tarixi şəxsiyyətdir, Napoleondur və ya firondur, bu, artıq anormallıqdır, sayıqlama pozuntusudur. Belə şəxslərin müalicəyə ehtiyacları var" - o bildirir.

T.Cavadzadə ruhların 2000 il yaşaması iddiasını isə belə izah edir: "Ruhun 2000 il yaşamasını sübut edən olmayıb. Ruhun varlığını sübut edə bilmirlər, o ki qaldı, yaşını sübut etsinlər".

İlahiyyatçı Elşad Miri də sözügedən məsələni psixoloji amil kimi qiymətləndirir: "İnsan özünü başqası kimi hiss edirsə, artıq bu, onun problemli olduğunu göstərir. Dində bu barədə heç bir məlumat yoxdur. Belə düşünənlərin psixoloji problemləri var. Ruh uzun müddət yaşamır, başqa bədənlərə də keçmir".

10377
Teqlər:
elm, din, ruh, insan, xəstə, Allah
Əlaqədar
Dünyada ruhi xəstələrin sayı durmadan artır - SOS
Ruhi xəstə 20 nəfəri girov götürdü
Azərbaycanda ruhi xəstə olan kişidən arvadına və 5 övladına qarşı tükürpədici əməl

Təhsil naziri: "Öyrənmə motivasiya arasında çox böyük əlaqə var"

8
Emin Əmrullayev: "Mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır".

BAKI, 22 yanvar - Sputnik. Təhsil naziri Emin Əmrullayev pandemiya ilə əlaqədar şagirdlərin dərslərində bəzi geriləmələrin olması ilə bağlı səsləndirilən fikirlərə münasibət bildirib.

Xəzər Televiziyasında yayımlanan “Vaxt gəldi” proqramında nazir övladlarından birinin 1-ci sinfə getdiyini, digərinin isə məktəbəqədər yaşda olduğunu deyib. O, distant təhsilin problemlərindən bəhs edərkən deyib:  

“Distant təhsil və teledərslər öz-özlüyündə izləmə baxımından maraqlı prosesdir. Eyni zamanda bu, çox çağırışlı məsələdir, o mənada ki, problemlidir. Belə ki, avadanlıqdan istifadə və ya müxtəlif problemlər meydana çıxır. Misal olaraq, hava soyuq olanda işıqlar sönə bilər. Bunu uşağa izah etmək məsələsi var. Odur ki, mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır”.

Nazir ibtidai siniflərdə şagirdlərin sosial-psixoloji, sosial-emosional inkişafına fokuslaşmalı olduğumuzu da qeyd edib:

“Biz emosiyalara və ya hansısa gümanlara yox, faktlara, ölçmələrə, elmə inanmalıyıq. Hazırda bununla bağlı planlar var və bunlardan biri də şagirdlərin biliyinin qiymətləndirilməsinin aparılmasıdır. Təbii, şagirdlər də dərsə qayıtmalıdır ki, biz bunu edə bilək. Yaxud başqa formatlar da düşünə bilərik. İnandığım budur ki, fokuslanmalı olduğumuz məsələ, xüsusilə də ibtidai sinifdə şagirdlərin sosial-psixoloji, sosial-emosional inkişafıdır. Mənə görə məktəb insanın sosial emosional inkişafını irəli aparan yer olmalıdır. Çünki öyrənmə və motivasiya arasında çox böyük əlaqə var”.

8
Teqlər:
Azərbaycanın təhsil naziri, təhsil naziri, Emin Əmrullayev

Təhsil naziri şikayətləndi: Fikirlərim təhrif edilib, elə demək istəmirdim

59
(Yenilənib 23:16 22.01.2021)
Emin Əmrullayev: "Məqsədli öyrənmə ilə bağlı mətbuatda təhrif olunan fikirləri o mənada demişdim ki, valideyn övladını bir neçə yerə hazırlığa göndərir, amma bunun məqsədi barədə övladı ilə çox az söhbət edir".

BAKI, 22 yanvar - Sputnik. "Öyrənmək məqsədli olmalıdır. Əgər valideyn övladı üçün hansısa öyrənmək imkanı yaratmaq istəyirsə, öyrənmənin məqsədlərini izah etməlidir. Bu həmçinin müəllim üçün də önəmlidir".

Sputnik Azərbaycan xəbər verir ki, bunu Təhsil naziri Emin Əmrullayev Xəzər Televiziyasında yayımlanan “Vaxt gəldi” proqramında çıxışı zamanı deyib.

Nazir bildirib ki, tədris prosesin məqsədi öyrənən adama məlum deyilsə, onun motivasiyası yoxdursa, yəqin ki, öyrənmə baş vermir:

"Məqsədli öyrənmə ilə bağlı mətbuatda təhrif olunan fikirləri o mənada demişdim ki, valideyn övladını bir neçə yerə hazırlığa göndərir, amma bunun məqsədi barədə övladı ilə çox az söhbət edir. Uşaq da başa düşmür ki, hazırlığa və ya məktəbə nə üçün gedir. O, bunun niyəsini başa düşmürsə, ehtimal ki, öyrənmənin keyfiyyəti aşağı düşür".

"Mən bunu demək istəyirdim. Təəssüf, fikrim elə təqdim edildi ki, guya öyrənmək olmaz demişəm. Demək istədiyim odur ki, məqsədli öyrənmək başqa şeydir”, - deyə nazir əlavə edib.

59
Teqlər:
Emin Əmrullayev, Azərbaycanın təhsil naziri, təhsil naziri

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0