Məcburi köçkünlərin məskunlaşdığı Suraxanı kənd 1 saylı texniki peşə məktəbi

Məcburi köçkünlər məcburiyyətlərdən yaxa qurtara bilmirlər - Bakıda etiraz

5817
(Yenilənib 16:54 08.04.2019)
Qaçqınların və Məcburi Köçkünlərin İşləri üzrə Dövlət Komitəsi isə sakinləri səbrli olmağa dəvət edir

İradə Cəlil, Sputnik Azərbaycan

BAKI, 8 aprel — Sputnik. Bakı şəhərində yataqxanalarda, məktəb, peşə liseyi və bağça binalarında minlərlə məcburi köçkün yaşayır. Eyni zamanda, Prezidentin müvafiq sərəncamı ilə məcburi köçkün ailələri hissə-hissə mənzillə təmin olunur.

Məcburi köçkünlərin məskunlaşdığı Suraxanı kənd 1 saylı texniki peşə məktəbi
© Sputnik / Irade JELIL
Məcburi köçkünlərin məskunlaşdığı Suraxanı kənd 1 saylı texniki peşə məktəbi

Bu gün köhnə Suraxanı kənd 1 saylı texniki peşə məktəbində məskunlaşmış məcburi köçkünlər mənzillə təmin edilmək tələbi ilə etiraz aksiyası keçiriblər. Hadisə yerində olan Sputnik Azərbaycan-ın əməkdaşı xəbər verir ki, sakinlər Qaçqınların və Məcburi Köçkünlərin İşləri üzrə Dövlət Komitəsinin (QMKİDK) sədri Rövşən Rzayevdən narazı olduqlarını dilə gətiriblər.

Onlar bildiriblər ki, bir neçə ay əvvəl R.Rzayev onlarla görüşərək, məcburi köçkünlərin Kürdəxanı qəsəbəsində mənzillə təmin ediləcəklərini bildirib. Məcburi köçkünlər, hətta gedib mənzillərin yerləşdiyi əraziyə də baxıblar.

Məcburi köçkünlərin məskunlaşdığı Suraxanı kənd 1 saylı texniki peşə məktəbi
© Sputnik / Irade JELIL
Məcburi köçkünlərin məskunlaşdığı Suraxanı kənd 1 saylı texniki peşə məktəbi

Amma sonradan nə olubsa, mənzil bölgüsü zamanı onlara mənzil verilməyib. Müvafiq qurumdan isə bildirilib ki, "sizə mənzil Qobu qəsəbəsində veiləcək". Amma nə vaxt? O da deyilməyib.

Sakinlər Qobu qəsəbəsində yaşamaq istəmirlər. Deyirlər ki, "əgər bizə ev veriləcəksə, Kürdəxanı, Məhəmmədi ərazilərində verilsin".

85 yaşlı məcburi köçkün Tavat Çıraqovanın sözlərinə görə, 20 ilə yaxındır ki, bu məktəbdə məskunlaşıblar. Zəlzələdən sonra bina qəzalı vəziyyətə düşsə də, Fövqəladə Hallar Nazirliyi baxış keçirib və bina təmir edilib.

Sakinlərin fikrincə, bu təmir əsaslı olmayıb. Yəni sadəcə fasad boyanıb, bir-iki yerə də suvaq vurulub. Amma zaman keçdikcə bina aşınmaya məruz qalıb və yararsız vəziyyətə düşüb.

85 yaşlı məcburi köçkün Tavat Çıraqova
© Sputnik / Irade JELIL
85 yaşlı məcburi köçkün Tavat Çıraqova

Binanın içərisinə daxil olanda elə düşünürsən ki, sanki bu saat çökəcək. Binada pilləkənlərin alt hissəsində olan istinad divarı çökməyə meylli şəkildə əyilib.

Hazırda sözügedən binada 60-a yaxın məcburi köçkün ailəsi yaşayır. Əgər buna yaşamaq demək olarsa... Döşəmələr çürüyüb, dağılıb, tavandan su damır. Kənardan binaya baxanda elə təəssürat yaranır ki, binanın birinci mərtəbəsi çöküb.

Digər sakin Köçəri İbrahimovun sözlərinə görə, onlara QMKİDK-dan dən tezliklə köçürüləcəklərini deyiblər: "2000-ci ildə zəlzələ oldu. Bina qəzalı vəziyyətə düşmüşdü. Gəlib yüngülvari təmir etdilər. Ancaq 2000-ci ildən sonra hər il bizə dedilər ki, "sizi köçürəcəyik"".

"Aradan 19 il il keçib, hələ də köçürülürük. Amma ortada heç nə yoxdur. Bizim iş yerimiz də bu binadadır. Biz buranı tərk etsək, ac qalacağıq. Bizə Kürdəxanıda ev verilsə, daha rahat olar" - o bildirib.

Onu da qeyd edək ki, 108 saylı Kəlbəcər rayon məktəbi də bu binada yerləşir. Sakinlər həmin məktəbdə 10 sinifin olduğunu qeyd edirlər. "Məktəb"-in sinif otaqları, dəhlizi tamamilə sıradan çıxıb. Döşəmələr yamaq-yamaqdır.

  • Məcburi köçkünlərin məskunlaşdığı Suraxanı kənd 1 saylı texniki peşə məktəbi
    Məcburi köçkünlərin məskunlaşdığı Suraxanı kənd 1 saylı texniki peşə məktəbi
    © Sputnik / Irade JELIL
  • Məcburi köçkünlərin məskunlaşdığı Suraxanı kənd 1 saylı texniki peşə məktəbi
    Məcburi köçkünlərin məskunlaşdığı Suraxanı kənd 1 saylı texniki peşə məktəbi
    © Sputnik / Irade JELIL
  • Məcburi köçkünlərin məskunlaşdığı Suraxanı kənd 1 saylı texniki peşə məktəbi
    Məcburi köçkünlərin məskunlaşdığı Suraxanı kənd 1 saylı texniki peşə məktəbi
    © Sputnik / Irade JELIL
  • Məcburi köçkünlərin məskunlaşdığı Suraxanı kənd 1 saylı texniki peşə məktəbi
    Məcburi köçkünlərin məskunlaşdığı Suraxanı kənd 1 saylı texniki peşə məktəbi
    © Sputnik / Irade JELIL
  • Məcburi köçkünlərin məskunlaşdığı Suraxanı kənd 1 saylı texniki peşə məktəbi
    Məcburi köçkünlərin məskunlaşdığı Suraxanı kənd 1 saylı texniki peşə məktəbi
    © Sputnik / Irade JELIL
  • Məcburi köçkünlərin məskunlaşdığı Suraxanı kənd 1 saylı texniki peşə məktəbi
    Məcburi köçkünlərin məskunlaşdığı Suraxanı kənd 1 saylı texniki peşə məktəbi
    © Sputnik / Irade JELIL
  • Məcburi köçkünlərin məskunlaşdığı Suraxanı kənd 1 saylı texniki peşə məktəbi
    Məcburi köçkünlərin məskunlaşdığı Suraxanı kənd 1 saylı texniki peşə məktəbi
    © Sputnik / Irade JELIL
  • Məcburi köçkünlərin məskunlaşdığı Suraxanı kənd 1 saylı texniki peşə məktəbi
    Məcburi köçkünlərin məskunlaşdığı Suraxanı kənd 1 saylı texniki peşə məktəbi
    © Sputnik / Irade JELIL
1 / 8
© Sputnik / Irade JELIL
Məcburi köçkünlərin məskunlaşdığı Suraxanı kənd 1 saylı texniki peşə məktəbi

Qaçqınların və Məcburi Köçkünlərin İşləri üzrə Dövlət Komitəsinin mətbuat katibi İbrahim Mirzəyev məsələ ilə bağlı Sputnik Azərbaycan-a açıqlamasında bildirib ki, ev bölgüsünü Komitədə yaradılmış müafiq Komissiya araşdırır.

"Həmin Komissiya tərəfindən ağır şəraitdə yaşayan məcburi köçkünlər müəyyən edilir və onlar arasında daha ağır şəraitdə yaşayanlar köçürülür. Yəni bu peşə məktəbində yaşayan sakinlər də köçürüləcək. Vaxtı gələndə…" - o, əlavə edib.

5817
Teqlər:
mənzil, sakin, məcburi köçkün, bina, Bakı
Əlaqədar
Məcburi köçkünlər müvəqqəti mənzillərdə yerləşdirilib
“Bayıl sürüşmə zonasında yaşayan məcburi köçkünlərin köçürülməsi mümkün ola bilər”
Bir məkandan başqasına – Bərdə köçkünləri məktəb yox, ev istəyirlər
İlham Əliyevdən məcburi köçkünlərə yeni mənzil sözü
Məcburi köçkünlərə torpaq sahələrinin ayrılması qaydasına dəyişiklik edilib
Hirkan Milli Parkında ayı

Heyvanları qəfəsdə saxlayan restoran sahibi cəzalanıb

10
(Yenilənib 23:56 07.08.2020)
R.Bağırov onu da qeyd edib ki, aparılan araşdırma zamanı heyvanların vaxtlı-vaxtında qidalandığı, onlara baytar nəzarətinin həyata keçirildiyi və saxlanıldığı yerlərin təmizləndiyi müəyyən olunub.

BAKI, 8 avqust — Sputnik. İsmayıllı rayonu "Günəş Park" restoranında heyvanların qəfəsdə saxlanılması ilə bağlı şikayət Dövlət Ekoloji Təhlükəsizlik Xidmətinin əməkdaşları tərəfindən yerində araşdırılıb.

Sputnik Azərbaycan xəbər verir ki, bu barədə xidmətin rəis müavini Ramal Bağırov danışıb.

O bildirib ki, aparılan araşdırma zamanı sözügedən istirahət mərkəzində qəfəslərdə saxlanılan zebra, dovşan, dəvə, meymun, maral, tovuzquşu, qırqovul və dəvəquşunun xaricdən gətirilməsinə dair rəsmi təsdiqedici sənədlərinin olduğu, lakin saxlanılması üçün müvafiq icazə sənədinin olmadığı məlum olub.

"Faktla bağlı istirahət mərkəzinin rəhbəri Sərxan İsgəndərov barəsində akt, protokol tərtib olunub və o, 2000 manat məbləğində cərimə edilib.

Zooloji kolleksiyanın yaradılması məqsədilə icazə sənədinin alınması üçün restoran sahibinə icrası məcburi olan "məcburi göstəriş" verilib".

R.Bağırov onu da qeyd edib ki, aparılan araşdırma zamanı heyvanların vaxtlı-vaxtında qidalandığı, onlara baytar nəzarətinin həyata keçirildiyi və saxlanıldığı yerlərin təmizləndiyi müəyyən olunub.

10
FHN yanğın söndürənləri, arxiv şəkli

İlin birinci yarısında Azərbaycanda baş verən partlayışlarda 4 nəfər ölüb

5
2020-ci ilin I yarımilliyi ərzində respublika ərazisində 43 partlayış hadisəsi baş verib ki, bu da 2019-cu ilin I yarımilliyi ilə müqayisədə 2 hadisə və ya 5% çoxdur.

BAKI, 7 avqust — Sputnik. Bu ilin birinci yarısında Azərbaycanda baş verən partlayışların statistikası açıqlanıb.

Fövqəladə Hallar Nazirliyindən Sputnik Azərbaycan-a verilən məlumata görə, 2020-ci ilin I yarımilliyi ərzində respublika ərazisində 43 partlayış hadisəsi baş verib ki, bu da 2019-cu ilin I yarımilliyi ilə müqayisədə 2 hadisə və ya 5% çoxdur.

Baş verən partlayışlar zamanı 4 nəfər ölüb, 45 nəfər xəsarət alıb.

5