Cəzaçəkmə müəsisəsi

Keçmiş məhkumların problemi: işsizlik

4108
(Yenilənib 16:47 05.04.2019)
"Son 5 ildə iş üçün müraciət edənlərin 545 nəfəri işlə təmin olunub"

Nigar Məhərrəm, Sputnik Azərbaycan.

BAKI, 7 aprel — Sputnik. Dünyada işsizlikdən ən çox əziyyət çəkən şəxslər keçmiş məhbuslardır. Bu səbəbdən belə şəxslər cəmiyyətə yenidən adaptasiya olunmaqda, çörək pulu qazanmaqda, itirdiklərini bərpa etməkdə çətinliklə üzləşirlər. Sputnik Azərbaycan bu dəfə də belə şəxslərlə bağlı dünyada və Azərbaycandakı vəziyyəti araşdırmağa çalışıb.

“Prison Policy Initiative” İctimai Birliyinin məlumatına görə, inkişaf etmiş ölkələrdə məhbus həyatı yaşamış hər 4 şəxsdən 1.5 nəfəri işsizdir. Bu isə o deməkdir ki, məhbusların ən azı 27 faizi işsizdir. Araşdırmalara görə, bu şəxslərin işə götürülməməsinin əsas səbəbi cəmiyyətdə onlara inam və etibarın olmamasıdır. Lakin aparılan tədqiqatlar onu göstərir ki, bir zaman məhbus həyatı yaşayan şəxslər işlə təmin olunduqdan sonra onların cinayətə meyllilik riskləri azalır.

Bir sıra ölkələrdən fərqli olaraq Litva, Polşa, Birləşmiş Krallıq, İspaniya və İtaliya bu cür şəxslərin reabilitasiyasına inanaraq onları yenidən cəmiyyətin bir üzvi kimi qəbul edir. Həmin ölkələrdə icra olunan  bir sıra proqramlar, verilən sertifikatlar keçmiş məhbusların əmək bazarında aktivliyinə səbəb olub.

Bu şəxslərin qısa zamanda işlə təmin olunmasına görə Birləşmiş Krallıq digər ölkələrdən fərqlənir. Statistikalara əsasən, Birləşmiş Krallıqda azadlığına qovuşan keçmiş məhbusların 17 faizi 1 il ərzində işlə təmin olunurlar. Rəsmi məlumatlarda qeyd olunur ki, bu şəxslər ölkədəki biznes şirkətlərinin, ən azı, 300-ündə işlə təmin olunublar. Onların 35 faizi tikintidə, 20 faizi topdansatış mərkəzlərində, 19 faizi isə hotel və turizm sahəsində çalışırlar.

Azərbaycanda keçmiş məhbusların neçəsi işlə təmin olunub?

Son 5 il ərzində Əmək və Əhalinin Sosial Müdafiəsi Nazirliyi (ƏƏSMN) yanında Dövlət Məşğulluq Xidmətinə müraciət edən belə şəxslərin 545 nəfərinin işlə təmin olunmasına köməklik göstərilib. Sputnik Azərbaycan-a ƏƏSMN-dən verilən məlumata görə, keçmiş məhbusların 65-i isə özünüməşğulluq proqramına cəlb olunaraq aktivlərlə təmin edilib.

“Bu şəxslərin 894 nəfəri peşə hazırlığı kurslarına göndərilib. Ötən il ərzində isə Dövlət Məşğulluq Xidmətinin yerli orqanlarına 6-sı qadın olmaqla cəzaçəkmə müəssisələrindən azad olunan 304 nəfər müraciət edib. Müraciət edənlərdən 2-si qadın olmaqla 81 nəfərin işlə təmin olunmasına köməklik göstərilib. İkisi qadın olmaqla 22 nəfər isə haqqı ödənilən ictimai işlərə cəlb olunub” – deyə Nazirliyin məlumatında qeyd edilib.

O da bildirilib ki, bundan başqa, cəzaçəkmə müəssisələrində də müəyyən peşə təhsilləri öyrədilib: “2018-ci il ərzində cəza müddəti bitməkdə olan 239 nəfər məhkum cəzaçəkmə müəssisələrində “elektrik-qaz qaynaqçısı”, “inşaat rəngsazı”, “kompüter texnikasının təmiri üzrə usta”, “avtomobilin təmiri üzrə çilingər”, “bərbər”, “manikür ustası” peşələri üzrə kurslara cəlb olunub. Kurslara cəlb olunanların 60 nəfərini qadınlar, 32 nəfərini isə yeniyetmələr təşkil edib. Kursları bitirdikdən sonra həmin şəxslərə peşə şəhadətnamələri verilib”.

Lakin təəssüflər olsun ki, keçmişdə məhkum həyatı yaşayan şəxslərin sayının nə qədər olması haqda Azərbaycan Respublikasının Dövlət Statistika Komitəsindən heç bir məlumat əldə edə bilmədik.

Bir neçə il öncə məhbus həyatı yaşayan həmsöhbətimiz Elnur Əliyev Sputnik Azərbaycan-a açıqlamasında demişdi ki, digərlərindən fərqli olaraq onun işi var: "Fəhləyəm. Fəhləlik üçün elə də böyük "kriteriya"lar yoxdur. Ona görə də hər gün evimə çörək pulu aparıram. Amma digər məhbus yoldaşlarım, yəqin ki, iş tapmaqda çətinlik çəkirlər".

4108
Əlaqədar
Azərbaycanda məhbusların intim həyatı: Qadın yoxdursa, meydan "üzdəniraq"lara qalır
Keçmiş məhbus arvadını öldürməyə cəhd edib
Ermənistanda siyasi məhbusun ölümü ilə bağlı bəyanat yayıldı
Ən çox məhbusu olan ölkələr sırasında Türkiyə də var
Amitabx Baççan, arxiv şəkli

Azərbaycanlıların da sevimlisi olan hind aktyoru koronavirusa yoluxdu

80
(Yenilənib 00:04 12.07.2020)
"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

BAKI, 12 iyul – Sputnik. Əfsanəvi hind aktyoru və Bollivud ulduzu Amitabx Baççan koronavirusa yoluxaraq xəstəxanaya yerləşdirilib.

Sputnik Azərbaycan-ın məlumatına görə, bu barədə aktyor özünün “Twitter”dəki səhifəsində yazıb.

"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

​Aktyor həmçinin son 10 gündə onunla yaxın təmasda olanlardan koronavirus testindən keçmələrini xahiş edib.

Baççan Hindistanın bir çox filmlərdə çəkilmiş ən məşhur aktyorlarından biridir. O, ayrı-ayrı filmlərdə yaratdığı uğurlu obrazlara və rollara görə dəfələrlə yüksək mükafatlara layiq görülüb.

Amitabx Baççan oynadığı rollarla Azərbaycanda da məşhurdur və sevilir.

80
 Əldə manat, arxiv şəkli

Onları 1000 manatadək cərimə edəcəklər

4
(Yenilənib 21:30 11.07.2020)
İnzibati Xətalar Məcəlləsində dəyişiklik edilməsi haqqında qanuna edilən dəyişikliklər ciddi cərimələri nəzərdə tutur

BAKI, 11 iyul — Sputnik. Əlilliyi olan şəxslərin əmək hüquqlarını pozan işəgötürənlər 500 manatadək cərimələnəcək. Sputnik Azərbaycan-ın məlumatına görə, bu Prezident İlham Əliyev tərəfindən təsdiqlənən "Azərbaycan Respublikasının İnzibati Xətalar Məcəlləsində dəyişiklik edilməsi haqqında" qanunda əksini tapıb.

Qanuna əsasən, İnzibati Xətalar Məcəlləsinə əlilliyi olan şəxslərin hüquqları haqqında qanunvericiliyin pozulmasına dair yeni maddə (205-1) əlavə edilib.

Yeni maddəyə (205-1) əsasən, əlilliyi olan şəxslərin hüquqları haqqında qanunvericiliyin pozulmasına, yəni:

- əmək münasibətlərində əlillik əlamətinə görə hər hansı ayrı-seçkiliyə yol verilməsinə, habelə kollektiv və əmək müqavilələrində digər işçilərlə münasibətdə əlilliyi olan şəxslərin əmək hüquqlarının məhdudlaşdırılmasına;

- əlilliyi olan şəxsin səhhətinin peşə vəzifələrini yerinə yetirməsinə mane olduğu, yaxud başqa şəxslərin səhhəti və əmək təhlükəsizliyi üçün təhlükə törətdiyi hallar istisna olmaqla, onunla əlillik səbəbindən əmək müqaviləsini bağlamaqdan, işdə irəli çəkməkdən imtina edilməsinə, əmək müqaviləsinə xitam verilməsinə və öz razılığı olmadan başqa işə (peşəyə, vəzifəyə) keçirilməsinə;

- müəssisənin ləğv edilməsi halları istisna olmaqla, müddətindən asılı olmayaraq, reabilitasiya müəssisəsində və digər reabilitasiya subyektlərində müalicə keçən əlilliyi olan şəxslərlə bağlanılmış əmək müqaviləsinin işəgötürən tərəfindən ləğv edilməsinə;

- müəssisənin ləğv edilməsi halları istisna olmaqla, həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçi ilə əmək müqaviləsinin işəgötürən tərəfindən ləğv edilməsinə;

- əlilliyi olan şəxslərin tibbi, peşə-əmək, psixoloji-pedaqoji reabilitasiyası və sosial bacarıqların inkişafı məqsədilə tərtib olunmuş Fərdi Reabilitasiya Proqramının dövlət orqanları və dövlətə məxsus olan hüquqi şəxslər tərəfindən icrasının təmin edilməməsinə;

- işəgötürənlər həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçilərin, onların arzusu ilə və "Əlilliyi olan şəxslərin hüquqları haqqında" Azərbaycan Respublikası Qanununun 11-ci maddəsinə uyğun olaraq təsdiq edilmiş Fərdi Reabilitasiya Proqramını nəzərə alaraq, işə düzəlməsi üçün iş yerləri ayırmamağa və ya yenilərini təşkil etməməyə görə üç yüz manatdan beş yüz manatadək məbləğdə cərimə tətbiq ediləcək.

İstehsalatda bədbəxt hadisələr və peşə xəstəlikləri nəticəsində əlilliyi müəyyən edilmiş şəxslərin yaşadığı fərdi evlərin onlar üçün uyğunlaşdırılması ilə bağlı xərclərin təqsirkar hüquqi və fiziki şəxslər, dövlət orqanları tərəfindən ödənilməməsinə görə isə beş yüz manatdan min manatadək məbləğdə cərimə tətbiq olunacaq.

4
Londonda küçələrin birində, arxiv şəkli

Min illərin sirli qətlinin üstü açıldı

0
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

0