Sürücülük vəsiqəsi

Yeni sürücülük vəsiqəsindən plastik kart kimi istifadə edə bilərik

183
(Yenilənib 12:39 05.04.2019)
Yeni sürücülük vəsiqələrində xüsusi qoruyucu detallar olacaq ki, kimsə sürücülük vəsiqəsinin saxtalaşdıra bilməsin

BAKI, 5 aprel — Sputnik. "Əvvəllər sürücülük vəsiqələri Avropa Konvensiyasına uyğun deyildi. Onun üzərində olan yazılar ingilis dilində təkrar verilmirdi". Bunu nəqliyyat eksperti Elməddin Muradlı Sputnik Azərbaycan-a Nazirlər Kabinetinin (NK) "Sürücülük vəsiqəsinin təsvirinin, spesifikasiyasının və nümunəsinin təsdiq edilməsi haqqında" qərarını şərh edərkən bildirib.

O qeyd edib ki, yeni qaydalara görə, sürücülük vəsiqəsində kateqoriyalar ardıcıl olaraq göstərilməli, xüsusi qeydlər bölməsi yaradılmalı, ad və soyad ingilis dilində də təkrar yazılmalıdır.

"Çünki Azərbaycan dilində bəzi hərflər var ki, onlar ingilis dilində yoxdur. Bu baxımdan bəzi sürücülər xarici ölkələrdə bu sürücülük vəsiqələri ilə gedəndə əziyyət çəkirdilər. Bəzi ölkələrdə sürücülər polis tərəfindən saxlanıldığı zaman əcnəbi polislər bizim sürücülük vəsiqəsini başa düşmürdü. Hökumətin qərarı buna hesablanıb" - deyə Muradlı vurğulayıb.

Ekspertin sözlərinə görə, digər tərəfdən yeni sürücülük vəsiqələrində xüsusi qoruyucu detallar olacaq ki, kimsə sürücülük vəsiqəsini saxtalaşdıra bilməsin: "Eyni zamanda çip formasında müəyyən göstəricilər ola bilər. Yeni qaydalar tətbiq edilərsə, düşünürəm ki, biz sürücülk vəsiqələrindən gələcəkdə plastik kart kimi də istifadə edə bilərik. Dünyanın bir çox ölkələrində bu təcrübə var. Azərbaycanda da yeni texnologiyanın tətbiqi buna imkan verə bilər".

183
ABŞ-da epidemioloji vəziyyət, arxiv şəkli

Ölü sayı durmadan artır Çarə isə tapılmır

2
(Yenilənib 11:21 15.07.2020)
Avropada virusa yoluxanların sayına görə Rusiya ilk yerdədir. Belə ki, bu ölkədə 738 787 yoluxma qeydə alınıb.

BAKI, 15 iyul — Sputnik. Dünyada koronavirusa yoluxanların sayı 13 323 530-a çatıb. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 578 628 nəfər vəfat edib, 7399 310 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 3 milyon 431 min 574 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 738 787 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

2
Teqlər:
Çin, ABŞ, Uhan, COVID-19, Koronavirus
General-mayor Polad Həşimov və polkovnik İlqar Mirzəyev dəfn mərasimi

Zabitlərimiz II Şəhidlər Xiyabanında dəfn olunub

123
(Yenilənib 10:52 15.07.2020)
General-mayor Polad Həşimovun cənazəsi vida üçün ilk olaraq dünən Qəbələdəki ata ocağına, daha sonra Sumqayıtdakı evinə gətirilmişdi.

BAKI, 15 iyul — Sputnik. Azərbaycan Ordusunun şəhid olan general-mayoru Polad Həşimov və polkovnik İlqar Mirzəyev İkinci Fəxri xiyabanda dəfn olunublar.

Sputnik Azərbaycan xəbər verir ki, dəfn mərasimində hərbi orkestrin iştirakı ilə dövlət himni səsləndirilib və havaya yaylım atəşi açılıb.

  • General-mayor Polad Həşimov və polkovnik İlqar Mirzəyev dəfn mərasimi
    © Sputnik / Stringer
  • General-mayor Polad Həşimov və polkovnik İlqar Mirzəyev dəfn mərasimi
    © Sputnik / Stringer
  • General-mayor Polad Həşimov və polkovnik İlqar Mirzəyev dəfn mərasimi
    © Sputnik / Stringer
  • General-mayor Polad Həşimov və polkovnik İlqar Mirzəyev dəfn mərasimi
    © Sputnik / Stringer
  • General-mayor Polad Həşimov və polkovnik İlqar Mirzəyev dəfn mərasimi
    © Sputnik / Stringer
  • General-mayor Polad Həşimov və polkovnik İlqar Mirzəyev dəfn mərasimi
    © Sputnik / Stringer
1 / 6
© Sputnik / Stringer
General-mayor Polad Həşimov və polkovnik İlqar Mirzəyev dəfn mərasimi

Qeyd edək ki, general-mayor Polad Həşimov və polkovnik İlqar Mirzəyev iyulun 14-də Tovuz rayonu istiqamətində döyüş zamanı şəhid olublar.

123