Çoxmərtəbəli yaşayış evləri

Mənzil bazarında yeni canlanma gözlənilir - "Kirayə evlər" gəlir

4778
(Yenilənib 18:37 26.03.2019)
"Mart ayından sonra əmlak bazarında canlanma yarana bilər"

Təranə Xudabaxşiyeva, Sputnik Azərbaycan

BAKI, 29 mart — Sputnik. Son zamanlar mənzil bazarında o qədər də aktivlik müşahidə olunmur. Xüsusilə yeni tikilən binaların əksəriyyətinə alıcı tapılmır. Evi olmayanların çox hissəsi isə dövlətin yaxın zamanlarda təklif edəcəyi "Kirayə evlər" layihəsini gözləyir.

Maraqlıdır, "Kirayə evlər" layihəsi əmlak bazarına necə təsir göstərəcək? Bu suallara əmlak ekspertləri ilə cavab tapmağa çalışdıq.

Əmlak eksperti Ramil Osmanlı Sputnik Azərbaycan-a açıqlamasında deyib ki, qış ayları daşınmaz əmlakın satılması üçün əlverişli mövsüm hesab olunur: "Bu zaman mənzil bazarında canlanma müşahidə edilir, alıcılar daha aktiv olurlar. Ancaq son illər maliyyə bazarlarında baş verən proseslər, demək olar ki, mövsüm anlayışını qismən aradan qaldırıb".

"Adətən mənzil bazarı dinamikasına daha çox ipoteka kreditlərinin verilməsi təsir edir. Artıq qeyri-mövsüm aylarında da ipoteka kreditləri verilir. Bu da daşınmaz əmlak bazarında dinamikanı artırır. May ayının sonuna kimi bazarın ən aktiv dövrü hesab olunur" - ekspert bildirib.

O, "Kirayə evlər" layihəsi barədə də danışıb: "Düşünmürəm ki, bu, əmlak bazarına ciddi təsir etməyəcək. Nəzərə almaq lazımdır ki, bu layihə mərhələli şəkildə həyata keçiriləcək. İlkin mərhələdə, yəqin ki İpoteka və Kredit Zəmanət Fondu bazara böyük məbləğdə vəsait buraxmayacaq. Bu layihənin əsas məqsədi İpoteka və Kredit Zəmanət Fondunun fəaliyyətini bir qədər də genişləndirmək, orta və aşağı təbəqəyə aid insanların mənzil şəraitini yaxşılaşdırmaqdır".

"Nəzərə almaq lazımdır ki, mənzilə olan ehtiyacın ödənilməsi üçün Fond mənzilləri alıb sonra uzun müddətə kirayə kimi satacaq. Bu da fondun öz vəsaiti ilə həyata keçiriləcək və hələlik evlərin qiymətinə təsir etməyəcək. Amma ehtimallar var ki, bazara başqa mənbələr də kirayə evlər üçün pul vəsaiti yatıra bilər. Bu zaman isə evlərin qiyməti arta bilər" - Osmanlı vurğulayıb.

Əmlak eksperti Nüsrət İbrahimov isə Sputnik Azərbaycan-a şərhində qeyd edib ki, fevral ayının nəticəsinə görə, daşınmaz əmlak bazarında 2.14 faiz azalma olub: "Amma ötən ilin eyni dövrü ilə müqayisədə 4.07 faiz artım olub. Mənzil bazarında isə qismən azalma müşahidə olunur. Hələlik aktivlik yoxdur. Yəqin ki, mart ayından sonra əmlak bazarında canlanma yaranacaq".

N.İbrahmovun qənaətincə, sözügedən kirayə evlər satışa çıxarılandan sonra həmin evlərin sayı mənzil bazarında əhəmiyyətli paya malik olsa, bu zaman təbii ki, bazara təsir edəcək: "Ancaq əhəmiyyətli yer tutmasa, güman ki, təsir etməyəcək. Vəziyyət İpoteka və Kredit Zəmanət Fondunun bazardakı mövqeyindən asılı olacaq".

Qeyd edək ki, Azərbaycan Respublikasının Prezidenti İlham Əliyev "Yaşayış sahələrini satmaq öhdəliyi ilə kirayəyə vermə mexanizminin yaradılması haqqında" fərman imzalayıb. Fərman ölkədə əhalinin yaşayış sahəsi ilə təminatı mexanizmlərinin təkmilləşdirilməsi, şəxsi vəsaiti yetərli olmayan vətəndaşların yaşayış sahələrinə tələbatının ödənilməsi, satmaq öhdəliyi ilə kirayə hüquq münasibətlərinin inkişafının təmin edilməsi məqsədi daşıyır.

Fərmanla “Azərbaycan Respublikası İpoteka və Kredit Zəmanət Fondunun yaşayış sahələrini satmaq öhdəliyi ilə kirayəyə verməsi Qaydası” təsdiq edilib.

4778
Teqlər:
fond, ekspert, qiymət, bazar, kirayə, mənzil, ev
Əlaqədar
Azərbaycanda mənzil bazarında nə gözlənilir - Proqnoz
Ölkədə ucuz mənzillər bahalaşır
Əhalinin mənzillə bağlı daha bir böyük probleminə son qoyulur
Minlərlə ailə öz halal mənzilində qeydiyyata alınacaq
Qarabağ - Legiya matçı

Türkiyə "Qarabağ"a qucaq açdı

26
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

26
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
 “TOÇKA-U” raketinin buraxılışı, arxiv şəkli

Beynəlxalq təşkilatlar rayonlarımızın raket atəşinə tutulması barədə məlumatlandırılıb

13
Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması diqqətə çatdırılıb

BAKI, 22 oktyabr - Sputnik. Müdafiə Nazirliyinin Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov tərəfindən ölkəmizdə akkreditə olunmuş xarici hərbi attaşelər və beynəlxalq təşkilatların ölkəmizdəki nümayəndələri üçün bu gün növbəti brifinq verilib.
Sputnik Azərbaycan-a Müdafiə Nazirliyindən daxil olan məlumata görə, brifinqdə qonaqlara Ermənistan Respublikasının münaqişədə birbaşa iştirakı, Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması, eləcə də humanitar atəşkəs razılığına əməl etməyərək açıq şəkildə onu pozması haqqında ətraflı məlumat verilib.
Əlavə olaraq, işğaldan azad olunmuş Cəbrayıl, Füzuli və Zəngilan rayonlarının ərazilərində olan inzibati yaşayış mərkəzlərinin, tarixi-memarlıq və dini abidələrinin dağıdılması və talan edilməsi, eləcə də döyüş texnikasının tibbi təyinatlı texnika adı altında döyüşlərdə istifadə edilməsi barədə də məlumat diqqətə çatdırılıb.

13
Teqlər:
Azərbaycan Müdafiə Nazirliyi, Siyəzən, Kürdəmir, Qəbələ, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
İsrail səfiri Gəncədə: “Qurbanların başına gələnləri dinləmək ürəyimi ağrıdır”
Qəbələnin atəşə tutulması nəticəsində bir nəfər xəsarət alıb
Prezidentin köməkçisi: "Qəbələyə raketlər Qafan və Cermuk bölgələrindən atılıb"
Hikmət Hacıyev Ermənistanın Qəbələ, Kürdəmir və Siyəzənə raket atəşi barədə
Ermənistan ərazisindən Siyəzən, Qəbələ və Kürdəmir raket atəşinə tutulub

Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"

0
Rusiya lideri: "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı".

BAKI, 22 oktyabr - Sputnik. "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı. Belə etibarlı tərəfdaşla işləmək xoşdur".

Sputnik Azərbaycan-ın məlumatına görə, bu sözləri Rusiya prezidenti Putin Valday klubunda onlayn çıxışı zamanı deyib.

"Ərdoğan dedi biz bunu reallaşdıracağıq, biz də elədik. Digər sahələrdə əməkdaşlıq edirik. Mən bilirəm ki, Ərdoğan müstəqil xarici siyasət yürüdür. Bütün təzyiqlərə baxmayaraq, biz onunla çox qısa zamanda “Türk axını” layihəsini reallaşdırdıq. Amma Avropa ilə indiyə qədər bunu edə bilmirik, illərdir mövzu çeynənir. Avropa elementar müstəqillik və suveren iradə göstərib ona xeyir gətirəcək "Şimal axını-2" layihəsini reallaşdıra bilmir. Biz öz milli maraqlarımızı başa düşərək Türkiyə ilə bunu tez bir vaxtda elədik", - deyə Putin vurğulayıb.

0
Əlaqədar
Putin: "Azərbaycan ərazilərinin itirilməsi vəziyyəti sonsuzadək davam edə bilməz"
Rusiya prezidenti: Minsk qrupu formatını bir az dəyişmək olar
Putin ümid edir ki, ABŞ Dağlıq Qarabağ münaqişəsinin nizamlanmasına kömək edəcək